Írakar veita sakaruppgjöf

Íraska bráðabirgðastjórnin hefur veitt þeim sem hafa framið minniháttar afbrot sakaruppgjöf. Sakaruppgjöfin nær ekki til þeirra sem hafa gerst sekir um manndráp. Vonast er til að þetta verði til þess að lægja ófriðarbálið í landinu. Mikið hefur verið deilt um sakaruppgjöfina sem gerði upphaflega ráð fyrir að allir uppreisnarmenn hlytu hana. Sakaruppgjöfin nær til þeirra sem hafa enn ekki verið handteknir. Meðal þeirra sem fá sakaruppgjöf eru þeir sem hafa vopn undir höndum eða sprengiefni eða hafa leynt upplýsingum um uppreisnarhópa.