Höfrungar stranda í Flórída

Um 30 höfrungar strönduðu á Palm Beach í Flórída í gær. Þeir strönduðu reyndar í annað sinn en áður höfðu hjálpsamir starfsmenn og gestir annars staðar á baðströndinni komið þeim á flot á ný. Höfrungarnir syntu um sex kílómetra leið norður með ströndinni en leituðu svo í land aftur. Dýralæknar búast við að aflífa þurfi sum dýrin en höfrungar þessarar tegundar halda sig venjulega langt úti á sjó. Nauðsynlegt er að halda dýrunum rökum og voru þau því vafin handklæðum. Blóðsýni voru tekin vegna rannsóknar á hvers vegna höfrungarnir syntu í land.