Bakteríusýking völd að dauða 189

Slæm bakteríusýking hefur herjað á sjúkrahús og hjúkrunarheimili í Kanada á undanförnum mánuðum og er talið að 189 dauðsföll á 18 mánuðum, megi rekja til hennar, segir á fréttavefsíðu BBC í dag. Nýleg rannsókn sýnir að tilfellum bakteríusýkingum sé að fjölga ört en sýkingin veldur niðurgangi og sýkingum í ristli. Bakterían hefur sérlega slæm áhrif á gamalt fólk. Hún er mjög skæð og getur lifað af í líkama fólks þrátt fyrir endurtekna sýklalyfjagjöf. Svo virðist sem bakterían hafi stökkbreyst í mjög smitandi og hættulega tegund, en ekki er ljóst af hverju. Hún virðist eingöngu herja á fólk á sjúkrahúsum og kemur yfirleitt fram þegar sjúklingar hafa fengið sýklalyf vegna annarra kvilla. Hingað til hafa sýkingarnar takmarkast við sjúkrahús í nágrenni Quebec og í borginni Calgary. Heilbrigðisyfirvöld í landinu hafa hvatt starfsmenn kanadískra sjúrahúsa til að auka hreinlæti.