Vill afsala sér ríkisborgararétti

Bobby Fisher, fyrrverandi heimsmeistari í skák, vill afsala sér bandarískum ríkisborgararétti að sögn lögmanns hans, og verða flóttamaður án ríkisfangs. Hann er nú í haldi í Japan fyrir að hafa framvísað þar útrunnu vegabréfi, að sögn bandarískra yfirvalda, þegar hann ætlaði að fara frá Japan til Filippseyja nýverið. Bandarísk stjórnvöld vilja fá Fischer framseldan fyrir brot á viðskiptabanni á fyrrverandi Júgóslavíu eftir að hann tók þátt í skákeinvígi þar árið 1992 á meðan viðskiptabannið var í gildi. Að sögn lögmanns Fischers verður nú reynt að fá Flóttamannahjálp Sameinuðuþjóðanna til að viðurkenna Fischer sem flóttamann og í framhaldi af því verður farið að leita að landi sem vill veita honum hæli. Skákmeistarinn hefur þegar óskað eftir að fá að dvelja í Japan. Öll meðferð þessa máls getur tekið marga mánuði og að öllum líkindum verður Fisher á meðan í haldi í Japan.