Dauðarefsing tekin upp í Indónesíu

Dauðarefsing hefur verið framkvæmd í fyrsta sinn í Indónesíu eftir þriggja ára hlé. Indverskur maður, sem var dæmdur til dauða árið 1995 fyrir eiturlyfjasmygl, var tekinn af lífi í gærkvöldi. Sveit lögreglumanna skaut manninn til bana. Dauðarefsingu var síðast beitt í Indónesíu árið 2001 þegar tveir menn voru teknir af lífi fyrir fjölda morða sem þeir frömdu árið 1989. Forseti landsins hefur sagst vilja beita hörðu í baráttunni gegn fíkniefnum en nú eru um tíu erlendir ríkisborgarar á dauðadeild fyrir eiturlyfjasmygl. Evrópusambandið og mannréttindasamtök hafa mótmælt endurupptöku dauðarefsingu í Indónesíu.