SÞ ályktar um Súdan

Vígamenn hlekkja óbreytta borgara saman og kveikja í þeim í Darfur héraði í Súdan, en það eru engar blikur á lofti sem benda til þess að ógnaröldin sé á undanhaldi. Hermenn á vegum Afríkusambandsins fylgjast grannt með gangi mála og eiga að sjá til þess að vopnahlé sem samið var um í apríl sé virt. Sameinuðu þjóðirnar kjósa í dag um ályktun sem kveður á um Darfur hérað. Bandaríkjamenn samþykktu að fella burt orðið refsiaðgerðir til að ná víðtækari sátt, en útilokar ekki að ríkisstjórn Súdans verði beitt efnahagslegum þvingunum afvopni hún ekki arabíska vígamenn sem ofsækja svarta Súdani í Darfur.