66 ára maður gekk berkserksgang

Að minnsta kosti fjórir menn særðust þegar 66 ára gamall maður gekk berserksgang og skaut úr riffli á nágranna sína í Munchen í Þýskalandi í dag. Byssumaðurinn skaut síðan sjálfan sig í höfuðið. Hann var fluttur á sjúkrahús ásamt fórnarlömbum sínum en hann hringdi á dyrabjöllum nágranna sinna og skaut þá í maga og hnakka. Talið er að maðurinn sé af tékkneskum uppruna en ekki er vitað hvers vegna hann skaut fólkið. Atburðurinn átti sér stað í grennd við Nymphenborgar-höllina sem er vinsæll ferðamannastaður í Munchen.