Bretar óttast Bakkus

Bretar hafa töluverðar áhyggjur af því að óhófleg áfengisneysla og vondir drykkjusiðir séu að færast í vöxt í Bretlandi. Tony Blair, forsætisráðherra landsins, segir breskt samfélag þurfa að koma í veg fyrir að fyllerí verði nýtt þjóðareinkenni Breta. Meðal aðgerða sem stjórnvöld hyggjast grípa til vegna vandans eru að auka leyfi lögreglu til að taka hart á einstaklingum með drykkjulæti og að skylda krár og skemmtistaði til að taka þátt í löggæslukostnaði. Þá stendur einnig til að lengja opnunartíma kráa og hafa hann fjölbreyttari til þess að koma í veg fyrir of hraða drykkju og mannsöfnuð utan við krár.