Kvennaathvarf á eyðieyju

Öryggi ofsóttra kvenna er ekki nægilega tryggt segja forsvarsmenn danskra kvennaathvarfa við Berlingske Tidende. Tillögur um opnun kvennaathvarfs á hinni afskekktu eyju Anholt, þar sem aðeins 160 manns búa, hefur vakið háværar þjóðfélagsumræður í Danmörku. Forsvarsmenn athvarfanna segja konur hvergi óhultar ef þær búa við ofsóknir frá fyrrum eiginmönnum sínum, og telja kvennaathvarf á Anholt góðan kost í slíkum tilfellum. Yfirvöld hafa ekki veitt samþykki fyrir opnun kvennaathvarfsins vegna lögregluskorts á eyjunni.