Fischer leitar hælis

Lögmaður skáksnillingsins Bobbys Fischers segir Fischer ætla að afsala sér bandarískum ríkisborgararétti. Fischer hefur setið í haldi í Tókýó frá því þrettánda júlí síðastliðinn. Hann hringdi í bandaríska sendiráðið í Tókýó til að tilkynna yfirvöldum í Bandaríkjunum fyrirætlanir sínar en hefur ekki fengið svör. Að sögn lögmanns Fischers ætlar hann að sækja um hæli sem flóttamaður hjá Flóttamannaráði Sameinuðu þjóðanna. Hann er að skoða hvaða lönd komi til greina sem vilji veita honum hæli.