Uppreisnarmenn leggja niður vopn

Yfir 200 uppreisnarmenn í Darfúr-héraði í Afríkuríkinu Súdan lögðu niður vopn í dag. Liðsmenn Tora Bora sveitarinnar afhentu yfirvöldum vopn sín við landamærin við Tsjad, en þeir hafa barist ásamt öðrum skæruliðahópum gegn stjórnvöldum í Súdan. Afrískir og íslamskir ættbálkar hafa barist í borgarastyrjöld í Súdan og hafa stjórnvöld verið sökuð um þjóðarmorð á Afríkumönnum með stuðningi við Araba. Bandaríkjamenn segja að allt að 30 þúsund manns hafi látist og Sameinuðu þjóðirnar telja að ein milljón manna hafi þurft að flýja heimili sín vegna ástandsins í landinu.