Skipað að hætta sölu á olíu

Rússnesk yfirvöld hafa skipað olíurisanum Yukos að stöðva sölu á olíu. Yukos selur að meðaltali um 1,7 milljónir tunna á dag sem er 20 prósent af heildarolíuframleiðslu Rússlands. Ef af verður er líklegt er að þetta muni flýta fyrir hruni fyrirtækisins sem láðist að borga skatta upp á marga milljarða dollara. Einn aðaleigandi Yukos, Mikhail Khodorkovsky, hefur setið í fangelsi í nokkurn tíma og réttarhöld yfir honum standa yfir. Margir telja að réttarhöldin yfir Khodorkovsky og aðfarir að fyrirtæki hans séu hefndaraðgerðir stjórnvalda í Kreml vegna fjárstuðnings Khodorkovskys við andstæðinga Putin, forseta Rússlands, í pólitík.