Erlent

Talinn ógna öryggi Svía

Sænski herforinginn Tony Stigsson er ógn við öryggi þjóðar sinnar. Þessu hélt yfirmaður sænskra varnarmála, Håkan Syrén, fram í samtali við blaðamenn sænska blaðsins Dagens Nyheter.

Gusenbauer næsti kanslari

Wolfgang Schüssel, kanslari Austurríkis og leiðtogi Þjóðarflokksins ÖVP, baðst í gær lausnar fyrir sig og ráðuneyti sitt, tveimur dögum eftir þingkosningar í landinu. Þau óvæntu úrslit urðu í kosningunum að jafnaðarmenn hrósuðu sigri, hlutu hálfu öðru prósentustigi meira fylgi en flokkur Schüssels.

Ætla að prófa kjarnavopn

Ríkisstjórn Norður-Kóreu tilkynnti í gær að hún myndi gera tilraunir á næstunni með kjarnorkuvopn í þeim tilgangi að styrkja varnir lands síns gegn því sem hún kallar aukinn fjandskap Bandaríkjanna.

Liðþjálfi í fjögurra ára fangelsi

Rússneskur hermaður hefur verið dæmdur í fjögurra ára fangelsi fyrir að misþyrma ungum hermanni svo illa að fjarlægja þurfti fótleggi hans og kynfæri.

Tyrkneskri flugvél rænt

Engan sakaði þegar tyrkneskri farþegaflugvél á leið frá Albaníu til Tyrklands var rænt í háloftunum yfir Grikklandi í gær. Ræningjarnir, sem voru tveir óvopnaðir Tyrkir, sögðust vera að mótmæla fyrirhugaðri heimsókn páfa til Tyrklands í næsta mánuði.

Flugvél nauðlent í Teheran

Farþegaflugvél var nauðlent á Mehrabad-flugvelli í Teheran, höfuðborg Írans, í dag. Íranska fréttastofan Fars segir að kviknað hafi í hreyfli flugvélarinnar og því hafi henni verið nauðlent. Sjúkrabílar hafi verið sendir á vettvang. Flugmálayfirvöld þar í borg segja ekkert hæft í þeim fullyrðingum.

Líkast til aðeins einn flugræningi en ekki tveir

Svo virðist sem einn maður hafi rænt tyrkneskri farþegaflugvél í dag en ekki tveir eins og haldið hefur verið fram. Vélin var á leið frá Tírana í Albaníu til Istanbúl þegar henni var rænt og beint til Ítalíu. Flugræninginn mun, að sögn tyrkneskra fjölmiðla, ekki hafa verið að mótmæla væntanlegri heimsókn Benedikts páfa XVI. með flugráninu eins og haldið hefur verið fram.

Man ekki eftir að hafa orðið systrum sínum að bana

Maðurinn sem myrti systur sínar þrjár í Ósló í fyrrakvöld kveðst ekkert muna eftir að hafa orðið þeim að bana. Hann dvelur á geðdeild vegna þess að hann er enn í of miklu losti til að hægt sé að yfirheyra hann.

Farþegum og áhöfn sleppt

Tveir menn sem rændu tyrneskri farþegaflugvél í dag og beindu henni til Ítalíu segjast tilbúinir til að gefast upp og óska hælis á Ítalíu. Flugmálayfirvöld á Ítalíu hafa upplýst þetta. Að sögn ANSA-fréttastofunnar hefur farþegunum 107 og sex manna áhöfn verið leyft að yfirgefa vélina.

Misnotaði börn fyrir 20 árum

Charles Carl Roberts, maðurinn sem skaut 10 skólastúlkur í barnaskóla í Pennsylvaníu í Bandaríkjunum í gær, viðurkenndi fyrir eiginkonu sinni að hann misnotað tvo unga fjölskyldumeðlimi fyrir tveimur áratugum.

OPEC ríkin vilja hækka olíuverð

Flugrán í Tyrklandi

Martröð bílainnbrotsþjófa

Serbar leita með hangandi hendi að stríðsglæpamönnum

Ráðherrar lækka laun sín

Fimmta Amish stúlkan látin

Fimmta Amish stúlkan lést af sárum sínum í morgun eftir skotárás í barnaskóla í Bandaríkjunum í gær. Sex aðrar liggja alvarlega slasaðar á sjúkrahúsi. Árásarmaðurinn Charles Carl Roberts, var 32 ára vörubílsstjóri og hafði fyrr um daginn keyrt þrjú barna sinna í skólann.

Nóbelsverðlaunin í eðlisfræði til Bandaríkjanna

Sænska vísindaakademían greindi frá því í morgun að Bandaríkjamennirnir John Mather og George Smoot fengju Nóbelsverðlaunin í eðlisfræði þetta árið fyrir framlag þeirra til að varpa frekara ljósi á tilurð alheimsins.

Ban líklegur arftaki Annan

Flest bendir til að Suður-Kóreumaðurinn Ban Ki-moon verði næsti framkvæmdastjóri Sameinuðu þjóðanna.

Hefja tilraunir með kjarnorkusprengjur á næstunni

Stjórnvöld í Norður-Kóreu lýstu því yfir í morgun að þau ætluðu að hefja tilraunir með kjarnorkusprengjur á næstunni. Utanríkisráðherra Japans segir að áform nágranna sinna séu ófyrirgefanleg.

Xangsane kostar 119 manns lífið

Fellibylurinn Xangsane sem gengið hefur yfir Asíu hefur kostað 119 manns lífið og búist er við að tala látinna hækki enn frekar. Tugir þúsunda eru heimilislausir eftir að fellibylurinn skall á Filippseyjum og Vietnam. Hafnarborgin Danang fór afa illa í flóðinu, þar létust 26, aðallega vegna húsa sem féllu til jarðar í aurskriðum.

Rice segir orð Woodwards fáránleg

Condoleezza Rice, utanríkisráðherra Bandaríkjanna, segir af og frá að hún hafi leitt hjá sér aðvaranir yfirmanns bandarísku leyniþjónustunnar, CIA, fyrir rúmum fimm árum þess efnis að hætta væri á hryðjuverkaárás á Bandaríkin. Frásögn um það í nýrri bók blaðamannsins Bobs Woodwards, blaðamanns, sé fáránleg.

Ban líklegasti arftaki Annans

Utanríkisráðherra Suður Kóreu, Ban Ki-moon, þykir líklegastur til að taka við af Kofi Annan sem framkvæmdastjóri Sameinuðu Þjóðanna um áramótin. Í óformlegri kosningu öryggisráðsins var Ban Ki-moon sá eini hinna sex frambjóðenda sem naut stuðnings allra fimm fastafulltúanna.

Rice varar Írani við refsiaðgerðum

Íran verður að hætta auðgun úrans til að komast hjá refsiaðgerðum alþjóðasamfélagsins. Þetta sagði Condolezza Rice utanríkisráðherra Bandaríkjanna við upphaf heimsóknar til Miðausturlanda. Rice er nú stödd í Saudí Arabíu og sagði að fastafulltrúar öryggisráðs Sameinuðu Þjóðanna, auk Þýskalands, myndu funda fljótlega um málefni Írans.

Fjórða Amish stúlkan látin

Fjórða stúlkan er látin eftir skotárás í barnaskóla Amish fólks í Bandaríkjunum í gær. Árásarmaðurinn, Charles Carl Roberts, réðist inn í skólann í Pensylvaníu snemma dags og skaut nokkrar skólastúlkur í höfuðið áður en hann tók sitt eigið líf. Roberts var 32 ára fjölskyldumaður og hafði fyrr um morguninn keyrt þrjú barna sinna í skóla.

Fjórum rússneskum hermönnum sleppt

Enn ríkir spenna í samskiptum Georgíumanna og Rússa. Fjórum Rússum var í gær sleppt úr haldi í Georgíu og héldu þeir til Moskvu ásamt tveimur rússneskum embættismönnum, sem grunaðir voru um njósnir.

Kallað eftir lokun Guantanamo-búða

Þótt alþjóðir hafi kallað eftir lokun fangabúða bandaríska hersins við Guantanamo-flóa á Kúbu, gengur hægt að rýma þær. Tveir ungir Bretar, aðalhetjur heimildamyndarinnar Leiðin til Guantanamo, fara þó sínar eigin leiðir í að reyna að fá búðunum lokað; þeir segja sögu sína.

Fjórir í valnum eftir skotárás

Fjórir létust eftir að byssumaður réðst inn í lítinn barnaskóla Amish fólks í Penn­sylvaníu í Bandaríkjunum í gær. Byssumaðurinn svipti sig lífi eftir að hafa skotið þrjár telpur beint í höfuðið. Hann mun hafa verið að hefna atburða sem áttu sér stað fyrir tuttugu árum síðan. Sjö manneskjur lágu jafnframt alvarlega slasaðar á sjúkrahúsi eftir árás mannsins.

Áhersla á félagslega ábyrgð

Félagsleg ábyrgð, það er kjarninn í frjálslyndri íhaldsstefnu, sagði David Cameron, leiðtogi breska Íhaldsflokksins, við upphaf flokksþingsins í gær. Hann sagði að Íhaldsflokkurinn hafnaði þeirri stefnu ríkis-á­byrgðar" sem Verkamannaflokkurinn hefur fylgt undir forystu Tonys Blair, en vilji í staðinn að almenningur taki sjálft ábyrgð á umhverfi sínu og samfélaginu. Félagsleg ábyrgð það er okkar hugmynd, sagði hann í fyrstu ræðu sinni á flokksþingi Íhaldsflokksins sem formaður flokksins.

Ásakanir um spillingu drógu úr fylgi Silva

Luiz Inacio Lula da Silva, hinn vinstrisinnaði forseti Brasilíu, náði ekki þeirri yfirburða kosningu nú um helgina, sem flestir höfðu reiknað með fyrirfram. Ásakanir um spillingu virðast hafa ráðið þar úrslitum.

Systurnar áður orðið fyrir árás

Tvær af systrunum þremur, sem myrtar voru í Ósló á sunnudagskvöld, hafa áður orðið fyrir fólskulegri árás frá manni úr fjölskyldu þeirra. Sá maður er þó ekki sá sami og bróðir þeirra, sem grunaður er um að hafa myrt þær.