Erlent

NATO tekið við í Afganistan

Atlantshafsbandalagið tók í dag við stjórn öryggismála í Austur-Afganistan úr höndum Bandaríkjahers. Bandalagið hefur þegar tekið við stjórn mála í öðrum landshlutum, þar á meðal í höfuðborginni, Kabúl.

Útgefendur Nyhedsavisen gagnrýndir

Útgefendur Nyhedsavisen í Danmörku eru gagnrýndir harðlega í dönskum fjölmiðlum í dag fyrir að hafa ekki nú þegar gefið upp hverjir fjármagna útgáfu blaðsins. Hagfræðingur, sem hefur kannað málið fyrir danska blaðamannafélagið, segir þetta ótrúverðugt. Blaðið kemur út í fyrsta sinn á morgun.

Rússar ræða beint við fulltrúa Norður-Kóreu

Rússensk stjórnvöld segjast hafa verið í beinu sambandi við ráðamenn í Norður-Kóreu til að reyna að fá þá ofan af því að gera tilraunir með kjarnorkuvopn. Stjórnvöld í Pyongyang tilkynntu í fyrradag að slíkar tilraunir væru fyrirhugaðar. Alþjóðasamfélagið hefur varað Norðurkóreumenn við því að gera prófanir á slíkum vopnum.

Reinfeldt nýr forsætisráðherra Svíþjóðar

Fredrik Reinfeldt, leiðtogi sænska Hægriflokksins, var kjörinn forsætisráðherra Svíþjóðar í atkvæðagreiðslu á þingi í dag. Á morgun mun Reinfeldt kynna nýja ríkisstjórn sína og stefnumál hennar.

Grænfriðungar stýra fiskverslun í Englandi

OPEC hækkar verð á olíu

Rússar þjarma enn að Georgíu

Rússar hertu í dag enn tökin á smáríkinu Georgíu, með því að loka fyrirtækjum sem Georgíumenn eiga í Rússlandi, og frysta atvinnuleyfi. Þá eru þeir að undirbúa að stórhækka verð á gasi sem þeir selja til Georgíu, sem væri gríðarlegt áfall fyrir efnahag landsins.

Hópur sjakala réðst á þorp í Indlandi

Flytja þurfti 35 manns á sjúkrahús eftir að hópur af sjakölum réðst á þorp, í Austur-Indlandi, í gær.

Risa hafeðlur fundnar á Svalbarða

Norskir vísindamenn hafa fundið beinagrindur af risa-hafeðlum, sem þeir segja að hafi verið jafnvel enn skelfilegri en landeðlan Tyrannosaurus Rex, sem kölluð er Grameðla, á íslensku.

Færeyingur fær umhverfisverðlaun Norðurlandaráðs

Náttúru- og umhverfisverðlaunin 2006 til Færeyja Afburða framlag til rannsókna á sviði loftslagsbreytinga Færeyingurinn Bogi Hansen prófessor og rithöfundur hlýtur Náttúru- og umhverfisverðlaun Norðurlandaráðs árið 2006. Verðlaunin eru 350.000 danskra króna. Þema verðlaunanna í ár var loftslagsbreytingar og aðlögun að loftslagsbreytingum.

Aftökurútur auka framboð líffæra

Fréttastofa Sky segir Kínastjórn nota aftökurútur í þeim tilgangi að taka þúsundir manna af lífi ár hvert. Í frétt sem fréttastofan flutti fyrr á árinu komu fram tengsl milli aftökukerfis Kína og mikillar uppsveiflu í líffærasölu. Einungis tvö ár eru þangað til Kína heldur næstu ólympíuleika, en skilyrði fyrir réttinum til að halda leikana var að mannréttindamál yrðu bætt í landinu.

Tilraun N-Kóreu ógnun við friðinn

Hörð viðbrögð hafa borist við fyrirhuguðum kjarnorkutilraunum Norðurkóreumanna en forseti öryggisráðs Sameinuðu þjóðanna segir tilraunina ógna friði, stöðugleika og öryggi, bæði í Asíu og utan álfunnar.

Tækjastuldur í herstöðinni

Óprúttnir aðilar hafa farið ránshendi um gömlu herstöðina á Keflavíkurflugvelli. Þar hefur sérhæfðum flugvallarbúnaði verið stolið. Meðal þess sem stolið var er svokallaður töggur eða dráttarbifreið fyrir flugvélar.

Ákærur í njósnahneyksli HP

Ríkissaksóknari Californíu í Bandaríkjunum hefur ákært fyrrum stjórnarformann Hewlett-Packard tölvufyrirtækisins ásamt fjórum öðrum sem tengjast fyrirtækjanjósnum. Málið fór af stað þegar fyrirtækið gaf upp að að leynilögreglumenn sem það réði í því skyni að komast að leka úr stjórn fyrirtækisins, hefðu leynilega náð í færslur símtala ýmissa yfirmanna, starfsmanna og blaðamanna.

Kaupmannahafnarháskóli á lista bestu háskóla

Kaupmannahafnarháskóli er í fimmtugasta og fjórða sæti á lista breska blaðsins The Times yfir 100 bestu háskóla í heimi. Háskólinn í Helsinki komst einnig á listann. Enginn annar norrænn háskóli er á listanum. Besti háskóli heims er Harward háskóli í Massachusetts ríki í Bandaríkjunum, en bandarískir og breskir háskólar raða sér í öll efstu sæti listans.

Chavez segir Rumsfeld "sríðshund"

Enn stirðna samskiptin á milli Bandaríkjanna og Venezuela og liggur Chavez forseti Venezuela ekki á neikvæðum skoðunum sínum á Bandaríkjamönnum. Nú hefur hann kallað varnarmálaráðherra Bandaríkjanna, Donald Rumsfeld, stríðshund og líkir honum þannig við Cerebus, hundinn sem gætir inngangsins í helvíti.

Kjarnorkutilraunir

Aðstoðar-utanríkisráðherra Bandaríkjanna Christopher Hill segir Bandaríkjastjórn hafa verulegar áhyggjur af áformum Norður-Kóreumanna um að framkvæma kjarnorkutilraun í náinni framtíð. Hill er á sex landa fundi vegna kjarnorkuáætlana Norður-Kóreumanna.

Ættingjar kannast ekki við misnotkun

Tveir ættingjar árásarmannsins á Amish skólann í Pensilvaníu í Bandaríkjunum, kannast ekki við að hafa verið misnotaðir kynferðislega af manninum, eins og hann sagði í símtali við konu sína á meðan gíslatökunni stóð. Þetta kom fram á blaðamannafundi með Lögreglunni Pensilvaníu seint í gær, sem yfirheyrði ættingjana.

Mundi fyrstu 100.000 tölur pí

Sextugur japanskur maður, Akira Haraguchi, sló heimsmet í gær þegar hann þuldi upp fyrstu 100.000 aukastafi í tölunni pí, sem hann hafði lært utanbókar. Afrekið tók ríflega 16 klukkustundir. Í nýjustu útgáfu heimsmetabókar Guinness er titilhafinn sagður Japaninn Hiroyuki Goto, sem árið 1995 þuldi upp fyrstu 42.195 aukastafi í pí. Talan pí er óræð tala sem ekki er hægt að skrifa sem brot þar sem heilli tölu er deilt í aðra heila tölu. Þegar pí er skrifað sem tugabrot verða aukastafirnir óendanlega margir. Hún byrjar á stöfunum 3,141592.

Öryggi og frelsi í flugi

Fyrrverandi forseti Alþjóðaflugmálastofnunarinnar, sem var sæmdur Fálkaorðunni í gær, segir þörf á réttu jafnvægi milli öryggisráðstafana og frelsis flugfarþega.

Urðu hræddir við síðskegg

„Þeir komu fram við mig eins og íslamskan hryðjuverkamenn vegna þess hvernig ég er útlits,“ sagði Pablo Gutierrez Vega, spænskur lagaprófessor á fertugsaldri, síðskeggjaður mjög, sem lenti heldur betur í hremmingum þegar hann sat um borð í þýskri farþegaflugvél á leiðinni frá Sevilla á Spáni til Dortmund í Þýskalandi.

Allt bandarískir vísindamenn

Nóbelsverðlaunin í eðlisfræði, í lífeðlis- og læknisfræði og í efnafræði í ár fara til alls fimm bandarískra vísindamanna.

Segir af sér og fer í áfengismeðferð

Tekið er að hitna undir Denis Hastert, leiðtoga repúblikana í fulltrúadeild Bandaríkjaþings, vegna gagnrýni eigin flokksmanna á hvernig hann hefur tekið á hneykslismáli þingmannsins Marks Foley.

Komið í veg fyrir tugi tilræða

Öryggismálayfirvöld í Evrópu hafa komið upp um og í veg fyrir 30 til 40 hryðjuverkatilræði í álfunni á síðustu fimm árum, eða frá 11. september 2001. Frá þessu greindi Jörn Holme, yfirmaður norsku öryggislögreglunnar, í gær.

Bush vill banna botnvörpu

George W. Bush Bandaríkjaforseti beitti sér í gær gegn botnvörpuveiðum, sem og öðrum veiðum. Tilkynning Bandaríkjaforseta barst daginn fyrir allsherjarþing Sameinuðu þjóðanna, þar sem fjallað verður um hugsanlegt bann við botnvörpuveiðum á alþjóðlegum hafsvæðum.

Brugðist við hótunum Norður-Kóreu

Kína og Bandaríkin vilja að farið verði með gát að Norður-Kóreu, en Japanar vilja tafarlaus afskipti Öryggisráðs Sameinuðu þjóðanna. Norður-Kóreumenn ætla að prófa kjarnavopn á næstunni, en engin dagsetning hefur verið tilkynnt.

Sætir frekari ásökunum

Forsætisráðherra Írlands, Bertie Ahern, neitaði í gær að útskýra hvernig honum hefði tekist að leggja fyrir sem samsvarar rúmum fimm milljónum íslenskra króna árið 1993 án þess að vera með bankareikning.

Skáru upp í þyngdarleysi

Fyrsta skurðaðgerðin á manneskju í þyngdarleysi var gerð í síðustu viku. Þykir hún mikið afrek og vera góðs viti fyrir læknavísindi framtíðarinnar.

Mikið fylgistap stjórnarflokksins

Stærsti stjórnarandstöðuflokkurinn í Póllandi, frjálslyndi hægriflokkurinn Borgaravettvangur, nýtur mikils fylgisforskots á aðalstjórnarflokkinn, Lög og réttlæti sem er flokkur þjóðernisíhaldsmanna. Þetta sýna niðurstöður nýjustu skoðanakannana í Póllandi.

Sagður hafa haft mök við lík

Nýtt dómsmál, þar sem maður er sakaður um að hafa haft mök við lík konu, vekur nú gríðarlega athygli í Svíþjóð enda er þetta í fyrsta sinn sem slíkt mál kemur fyrir sænska dómstóla, segir í Dagens Nyheter. Maðurinn, sem áður var kirkjuvörður í Västmanland, er 43 ára gamall.