Erlent

Kona nýr neytendaráðherra Danmerkur

Nýr ráðherra fjölskyldu- og neytendamála, í Danmörku, verður hin 34 ára gamla Carin Christensen, sem kemur úr röðum íhaldsmanna. Christensen er sögð í miklu uppáhaldi hjá flokksforystunni, og eiga góðan frama fyrir sér í stjórnmálum.

20 Hollendingar rannsakaðir vegna geislaeitrunar

Íranar velja veraldlega og geistlega fulltrúa

Íranar ganga í dag að kjörborðinu og velja sér fulltrúa í bæjarstjórnir og í eina áhrifamestu trúarstofnun landsins sem þekkt er undir nafninu Sérfræðingasamkoman.

Árlegt nektarhlaup við Háskóla Filippseyja í dag

Stúdentar við Háskóla Filippseyja í Maníla söfnuðust saman í morgun til að berja nakta skólafélaga augum en liðlega þrjátíu manns tóku þátt í árlegu nektarhlaupi skólans um háskólasvæðið.

Johnson sýnir viðbrögð við snertingu og orðum

Tim Johnson, öldungadeildarþingmaður demókrata í Suður-Dakóta, sýnir bæði viðbrögð við snertingu og orðum samkvæmt lækni hans en þingmaðurinn gekkst undir aðgerð á heila í gær eftir alvarlegt heilablóðfall á miðvikudag.

Hamas-liðar taka sér stöðu á götum úti í Gasaborg

Vopnaðir menn á vegum Hamas-samtakanna hafa tekið sér stöðu við helstu götur í Gasaborg, daginn eftir að skotið var á bílalest Isamails Haniyeh, leiðtoga samtakanna og forsætisráðherra.

Byssumenn halda gíslum í olíubirgðastöð í Nígeríu

Byssumenn réðust í morgun inn á olíubirgðastöð á vegum Shell í suðurhluta Nígeríu í morgun og halda nokkrum hermönnum og verkamönnum í gíslingu. Frá þessu greindu yfirvöld í landinu.

Segja Castro við dauðans dyr

Fidel Castro, forseti Kúbu, er mjög veikur og við dauðans dyr. Þetta segir John Negroponte, yfirmaður bandarísku leyniþjónustunnar, í viðtali við bandaríska blaðið Washington Post í dag.

Jólapósturinn til Rússlands sjö ár á leiðinni

Rússneskir bréfberar hafa hafist handa við að bera út fjögur og hálft tonn af bréfum og pökkum sem voru send frá Bandaríkjunum árið 1999.

Forsetafrú Taívans á sjúkrahús eftir réttarhöld

Wu Shu-chen, forsetafrú Taívans, var flutt á sjúkrahús í morgun eftir að það leið yfir hana skömmu eftir að réttarhöld yfir henni vegna fjársvika hófust. Wu, sem er í hjólastjól, hefur verið heilsutæp og var óttast að hún gæti ekki ekki verið viðstödd réttarhöldin vegna þess,en hún mætti í dómhúsið í morgun.

Öryggismál á Kastrup rannsökuð í þaula

Nákvæm rannsókn er hafinn á ölllum öryggismálum Kastrup flugvallar í Kaupmannahöfn, eftir tvö nýleg atvik, þar sem minnstu munaði að stórslys yrði. Í báðum tilvikum var flugvélum ekið út á flugbrautir, þar sem flugvélar voru um það bil að lenda.

Hugsanlegt að vændiskonum hafi verið byrlað eitur

Lögreglan í Suffolk hélt áfram leit sinni í nótt að manni sem talinn er hafa myrt fimm vændiskonur í nágrenni Ipswich. Lögreglubílar óku um stræti borgarinnar með sérstakan búnað til að bera kennsl á bílnúmer en talið er hugsanlegt að morðinginn aki bláum BMW.

Saka Fatah-liða um tilræði við Haniyeh

Hamas-samtökin segja liðsmenn í Fatah-hreyfingunni hafa reynt að ráða Ismail Haniyeh, forsætisráðherra palsestínsku heimastjórnarinnar, af dögum við Rafha-landamærastöðina á Gasaströndinni í gær þar sem kom til átaka milli fylkinganna.

Lögreglan yfirheyrir forsætisráðherrann

Víðtæk bresk lögreglurannsókn á meintum mútugreiðslum fyrir aðalstitla hefur náð til æðstu embætta. Í gær var Tony Blair, forsætisráðherra Bretlands, færður til viðtals hjá lögreglunni. Þó var ekki um formlega yfirheyrslu að ræða.

Trúðu frétt um flæmskt sjálfstæði

Stjórnmálaleiðtogar í Belgíu brugðust ókvæða við í gær eftir að í fyrrakvöld var sendur út á besta tíma á frönskumælandi rás ríkissjónvarpsins leikinn þáttur sem leit út fyrir að vera raunverulegur aukafréttatími sem skotið var inn í dagskrána. Í „fréttatímanum“ var sagt frá því að Flæmingjar í hollensku-mælandi norðurhluta landsins hefðu lýst yfir fullu sjálfstæði og konungshjónin væru flúin úr landi.

Búskmennirnir í Botsvana fá að snúa aftur heim

Á miðvikudaginn felldi Hæstiréttur í Botsvana þann úrskurð að búskmenn hafi fullan rétt til þess að snúa aftur til heimkynna sinna í Kalahari-eyðimörkinni.

Kennsl borin á fjórðu konuna

Kennsl hafa verið borin á fjórðu konuna af þeim fimm sem fundist hafa myrtar í nágrenni Ipswich í Bretlandi á síðustu dögum. Reyndist um 24 ára gamla vændiskonu að ræða, Paulu Clennel. Hún hafði í síðustu viku í viðtali við fréttamenn sagt að hún væri hrædd vegna þess hve margar vændiskonur hefðu horfið í rauða hverfi Ipswich nýverið, en neyddist þó til að halda áfram að vinna til að geta fjármagnað heróínfíkn sína.

Fullur í ræðustól þings

Norðmenn eru æfir yfir þingmanninum Per Sandberg, sem mætti drukkinn á þing á þriðjudagskvöld. Sandberg hafði drukkið þrjú staup af ákavíti og einn bjór áður en hann steig í ræðupúlt Stórþingsins, að því er fréttavefur Aftenposten greinir frá.

Stundum má drepa án dóms

Ísraelskur dómstóll kveður upp úrskurð um fyrirfram ákveðin dráp á óvinveittum Palestínumönnum.

Segist vita hver eitraði fyrir sér

Viktor Jústsjenko, forseti Úkraínu, sagði í gær að saksóknarar hefðu nú undir höndum næg sönnunargögn til að handtaka þá sem hefðu átt þátt í að eitra fyrir sér fyrir rúmum tveimur árum.

Meirihluti demókrata í hættu

Nýfenginn meirihluti demókrata í öldungadeild Bandaríkjaþings er hugsanlega í uppnámi eftir að Tim Johnson, demókrati og þingmaður í öldungadeildinni, var fluttur á sjúkrahús í gær og talinn í lífshættu.

Lofaði megrunarpillur og fékk fé

Yfirmaður næringarfræði innan danska Hreyfingar- og fæðuráðsins hefur gerst uppvís að því að hæla megrunarpillum frá tveimur fyrirtækjum sem greiddu honum laun á meðan. Þetta kemur fram á fréttavef Politiken í gær.

Landamærastöð tekin með valdi

Vopnaðir liðsmenn Hamas-samtakanna gerðu áhlaup á landamærastöðina í Rafah á Gaza-ströndinni með það fyrir augum að opna hana fyrir Ismail Haniyeh, forsætisráðherra Palestínustjórnar og eins af leiðtogum Hamas.

Brást trausti neytenda

Barfoed afhenti í gær Margréti drottningu bréf sem tilkynnti uppsögn hans sem fjölskyldu- og neytendaráðherra Danmerkur.

Áfangi að inngöngu í NATO

Atlantshafsbandalagið tók í gær Serbíu, Svartfjallaland og Bosníu-Herzegovínu inn í aðildarundirbúningsáætlun sína. Ákvörðunin er liður í víðtækari áætlun um að draga með tíð og tíma alla fyrrverandi fjendur úr upplausnarstríðum gömlu Júgóslavíu inn í raðir bandalagsins og treysta stoðir varanlegs friðar á Balkanskaga.

Gifting samkynhneigðra staðfest í New Jersey

Löggjafinn í bandaríska fylkinu New Jersey lögfestu í kvöld dóm hæstaréttar fylkisins frá 25. október, þess efnis að samkynhneigðir gætu staðfest sambúð sína með sömu réttindum og hjón sem eru hvort af sínu kyninu. Eining samkynhneigðra para má samt ekki kallast "hjónaband". Ekki var ákveðið hvað sambúðarformið skyldi kallað í staðinn.

Alagna með eigin tónleika fyrir utan La Scala

Hetjutenórinn Roberto Alagna, sem rauk af sviði La Scala óperunnar í Mílanó í vikunni eftir að baulað var á hann úr salnum, hélt sína eigin sýningu fyrir utan óperuhúsið í kvöld meðan sýningin á Aidu fór fram innandyra án hans. Hann hefur hótað að kæra Scala óperuna ef hann verði ekki tekinn inn í sýninguna á ný.

Demókratinn Johnson ekki í fleiri aðgerðir

Tim Johnson, öldungadeildarþingmaður demókrata, mun ekki þurfa á fleiri skurðaðgerðum að halda, að sögn skurðlæknis sem hefur annast hann frá því í gærkvöldi, þegar hann var lagður í skyndi inn á sjúkrahús með blæðingu á heila. Læknirinn gaf engar nánari upplýsingar um ástand Johnsons.

Utanríkisráðherrann fékk bókmenntaverðlaun

Utanríkisráðherra Finna, Erkki Tuomioja, vann í dag bókmenntaverðlaun Finna í flokki fræðibókmennta fyrir ævisögu ömmu sinnar, sem var vinstrisinnað leikskáld sem hafði leynilegt samband við stjórnvöld í Sovétríkjunum. Hún var auk þess mikils virtur stjórnmálamaður í Finnlandi og atkvæðamikil í viðskiptum.

Hjálp berst ekki til nauðstaddra vegna ofbeldis

Vaxandi ofbeldi í Darfur-héraði í Súdan kemur í veg fyrir að hjálparstofnanir komi hjálpargögnum til hundruða þúsunda sem þurfa á hjálpinni að halda. Leiðtogi Súdana segir friðaráætlun Sameinuðu þjóðanna óraunsæja og sagði S.þ. velkomnar í Súdan, svo lengi sem áætlunin væri raunsæ.