Erlent

Spegill spegill herm þú mér

Hönnuður í New York hefur hannað spegil með innrauðri tækni sem sendir videomyndir til farsíma og/eða tvölva hvar sem er í heiminum. Konur (og eftir atvikum karlmenn) geta þannig farið í verslunarferðir með vinkonum sínum, þótt önnur þeirra sé í Lundúnum en hin heima á Íslandi.

Dæmdir á grundvelli sögusagna

Bandaríska varnarmálaráðuneytið sagði frá því í dag að fangarnir í Guantanamo, sem á að rétta yfir í sumar, gætu orðið dæmdir á grundvelli sögusagna sem og framburðs sem náðist með pyntingum.

Úganda í friðargæslu í Sómalíu

Stjórnarflokkurinn í Úganda hefur samþykkt áætlun um að senda friðargæsluliða til Sómalíu og þar með er talið nær öruggt að úr því verði. Forseti Úganda, Yoweri Museveni, hefur lofað eitt þúsund hermönnum til viðbótar við þá sjö þúsund sem eiga að koma frá öðrum aðildarlöndum Afríkusambandsins.

Kynþáttafordómar í Big Brother

Mikil umræða hefur nú skapast í Bretlandi um kynþáttafordóma Breta í garð Indverja. Ástæðan fyrir þessu er framkoma nokkurra Breta í garð indversku leikkonunnar Shilpu Shetty en hún er þátttakandi í sjónvarpsþættinum Celebrity Big Brother.

Fær einræðisvald í eitt og hálft ár

Venesúelska þingið veitti í gær forseta landsins, Hugo Chavez, einræðisvald næsta eina og hálfa árið. Chavez ætlar sér að þjóðnýta fjölmiðla- og orkufyrirtæki landsins til þess að koma á því sem hann kallar tuttugustu og fyrstu aldar sósíalisma.

Gates í Írak

Robert Gates, varnarmálaráðherra Bandaríkjanna, kom í óvænta heimsókn til Basra í Írak í morgun til þess að eiga fundi með bandarískum og breskum herforingjum í suðurhluta Íraks. Þetta er önnur ferð Gates til Íraks síðan hann varð varnarmálaráðherra í nóvember á síðasta ári.

Björguðu áhöfn af flutningaskipi á Ermarsundi

Breska strandgæslan og þyrlur frá breska flughernum björguðu í gær skipverjum af flutningaskipi sem hafði laskast í óveðrinu sem gekk yfir meginland Evrópu í nótt.

Olíutunnan niður fyrir 50 dollara í fyrsta skipti í 19 mánuði

Verðið á hráolíu hrapaði niður fyrir 50 dollara á tunnuna í gær í fyrsta skipti í 19 mánuði. Verðið hrundi eftir skýrslu sem sýndi að Bandaríkjamenn eiga miklar olíubirgðir á lager.

Vel á þriðja tug látinn eftir óveður í Evrópu

Veður í Evrópu hefur sjaldan verið verra en síðastliðna nótt. Að minnsta kosti 27 manns létu lífið víðs vegar um Evrópu og tugir særðust vegna veðurofsans. Þýskaland og Bretland urðu verst úti í óveðrinu.

Kínverjar í stjörnustríð

Bandaríkin, Ástralía og Kanada hafa öll gagnrýnt nýjustu viðbótina við vopnabúr Kínverja, sem virðast vera að búa sig undir stjörnustríð. Tilraun sem Kínverjar gerðu í vikunni gekk út á það að skjóta niður gamlan veðurathugunargervihnött úti í geimnum.

3,8 milljarðar og 340 kíló af gulli fyrir kókaín

Kólumbíska lögreglan telur sig hafa fundið stærsta kókaínsjóð sem nokkurn tímann hefur verið gerður upptækur í heiminum. Lögreglumenn fundu peninga að jafnvirði 3,8 milljarða íslenskra króna og 340 kíló af hreinu, 24 karata gulli. Peningarnir tilheyra höfuðpaur Norte del Valle-fíkniefnahringsins sem var upprættur í vikunni.

Hermaður játaði á sig morð

Bandarískur landgönguliði sem skaut 10 byssukúlum í gamlan, íraskan mann og dró hann út úr húsi sínu um miðja nótt játaði í kvöld á sig morð og aðrar ákærur á hendur honum. Atvikið átti sér stað í apríl 2006 í Hamdania í Írak. Fórnarlambið var nágranni manns sem hermenn ætluðu að ná vegna gruns um hryðjuverk.

Fann dóttur sína eftir 19 ár í frumskóginum

Kambódískur faðir segist þekkja aftur dóttur sína í ungri konu sem nýlega fannst í frumskóginum. Dóttir mannsins var talin af, þar sem hún hvarf inn í frumskóginn fyrir 19 árum, þá átta ára gömul. Frumskógarkonan talar ekkert skiljanlegt tungumál en faðir hennar segist þekkja aftur ör á bakinu á henni.

Lægsta olíuverð í 19 mánuði

Verðið á hráolíu hrapaði niður fyrir 50 dollara á tunnuna í dag, í fyrsta skipti í 19 mánuði. Verðið hrundi eftir skýrslu sem sýndi að Bandaríkjamenn eiga miklar olíubirgðir á lager. Lítið hefur verið notað af olíu í vetur þar sem veðurfar hefur verið óvenju hlýtt og ekki hefur þurft að kynda í líkingu við fyrri ár.

Besta tækifæri til friðar í 16 ár

Erindreki Sameinuðu þjóðanna í Sómalíu skorar á ríkisstjórn landsins til að sóa ekki "besta tækifæri í 16 ár til að koma á friði" í landinu. Erindrekinn Francois Fall hvatti í dag forseta Sómalíu, Abdullahi Yusuf, til að stofna fjölflokka ríkisstjórn.

16 látnir í óveðri í Norður-Evrópu

Í það minnsta 16 hafa látist í miklu óveðri sem lemur nú á Norður-Evrópu. Bretar hafa orðið verst úti þar sem vindhviður hafa náð 32 m/s. Fólk er varað við að vera á ferðinni þar sem tré hafa víða fallið á vegi. Þá hafa flug- og lestarsamgöngur farið úr skorðum víða um Norður-Evrópu.

Eftirspurn eftir lúxusþotu fyrir 21 milljarð króna

Ráðherrar Evrópuríkja fengu í dag far með nýju risaþotu Airbus, af gerðinni A380. Yfirmenn Airbus segja auðmenn sýna lúxusútgáfu þessarar stærstu farþegaþotu heims mikla athygli. Listaverðið á lúxusþotunni er rétt um 21 milljarð íslenskra króna.

26 bjargað með þyrlum

Þyrlur bresku strandgæslunnar björguðu í dag tuttugu og sex manna áhöfn flutningaskips á Ermarsundi, í aftakaveðri. Gat kom á síðu skipsins og þegar sjórinn byrjaði að fossa inn, fór áhöfnin í björgunarbnáta. Dráttarbátar og þyrlur voru sendar bæði frá Frakklandi og Bretlandi.

DNA frelsar 12 fanga

Art Buchwald látinn

Blaðamaðurinn og pistlahöfundurinn Art Buchwald er látinn, áttatíu og eins árs að aldri. Buchwald skrifaði gamansama pistla um allt milli himins og jarðar í meira en hálfa öld. Hann hlaut Pulitzer verðlaunin árið 1982 og skrifaði meira en þrjátíu bækur. Pistlar hans voru birtir í meira en 550 dagblöðum.

Ekki eitrað fyrir Napóleon

Napoleon Bonaparte dó úr magakrabba en ekki arsenikeitrun, samkvæmt nýrri rannsókn bandarískra vísindamanna. Sögusagnir um að keisarinn fyrrverandi hafi dáið úr eitrun hafa verið á kreiki síðan árið 1961 þegar rannsókn á hári hans leiddi í ljós óvenjumikið arsenik.

Mona Sahlin fyrsti kvenleiðtogi jafnaðarmanna

Mona Sahlin verður næsti formaður Jafnaðarmannaflokksins í Svíþjóð, fyrst kvenna. Frá þessu var greint á blaðamannafundi í Stokkhólmi í dag. Hún tekur við forystu í flokknum af Göran Persson sem ákvað að halda ekki áfram eftir að flokkurinn tapaði í þingkosningum á síðasta ári.

Milliríkjadeila vegna raunveruleikaþáttar

Breski raunveruleikaþátturinn Big Brother hefur komið af stað milliríkjadeilum milli Indlands og Bretlands, og jafnvel Tony Blair, forsætisráðherra, hefur þurft að látta málið taka. Sömuleiðis Gordon Brown, fjármálaráðherra, sem var svo óheppinn að vera í heimsókn í Indlandi þegar deilan kom upp.

Löggan var fiskifæla

Fjölmargir hringdu í norsku lögregluna í morgun til þess að tilkynna um mann sem lá hreyfingarlaus á ísnum á Bogstad vatni. Ekki var vitað hversu traustur ísinn var, og því var þyrla send á vettvang, ásamt sjúkrabíl og lögreglubíl. Þyrlan sveimaði yfir og lögreglumennirnir fikruðu sig varlega út á ísinn.

Búist við að Sahlin verði næsti leiðtogi sænskra jafnaðarmanna

Búist er við því að tilkynnt verði á blaðamannafundi síðar í dag að Mona Sahlin verði nýr leiðtogi jafnaðarmanna í Svíþjóð. Fram kemur á vef sænska ríkisútvarpsins að hún hafi samþykkt í símtali við valnefnd flokksins að taka við forystu af Göran Persson sem ákvað að halda ekki áfram eftir að flokkurinn tapaði í þingkosningum á síðasta ári.

ESB að endurskoða stjórnmálasamband við Líbíu

Evrópuþingið mælti í dag fyrir því að lönd Evrópusambandsins myndu endurskoða stjórnmálasamband sitt við Líbíu ef stjórnvöld þar myndu ekki frelsa fimm búlgarska hjúkrunarfræðinga og palestínskan lækni sem bíða dauðarefsingar þar í landi. Læknaliðið var dæmt fyrir að hafa vísvitandi smitað um 450 börn af HIV veirunni.

Tónlistariðnaðurinn í mál við netveitur

Alþjóðasamtök tónlistariðnaðarins hótuðu í gær að fara í mál við þau fyrirtæki sem sjá fólki fyrir nettenginum og leyfa því að hlaða niður tónlist ólöglega. Samtökin sögðu að þau færu í mál við þá þjónustuaðila sem væru með mesta umferð af ólöglegri tónlist á vefþjónum sínum.

Jawohl mein...

Fjörutíu og sex ára gamall Þjóðverji, sem var á leið til Bremen, beygði bíl sínum skyndilega til vinstri upp á gangstétt, yfir gangstéttina og yfir járnbrautarteina, þar sem hann sat fastur. Hann gaf lögreglunni þá skýringu leiðsögutæki sitt hefði sagt sér að beygja. Leiðsögutæki þar sem rödd gefur fyrirmæli um akstursleið, eru orðin algeng í bílum.

Friður að komast á í Kongó

Uppreisnarmenn í Kongó, sem lúta stjórn Laurent Nkunda, eru byrjaðir að sameinast kongólska hernum. Nkunda er eftirlýstur fyrir stríðsglæpi og var leiðtogi uppreisnar í Norður Kivu, sem er í norð-austurhluta landsins. Stjórnvöld hafa undanfarið átt í viðræðum við hann um að sameinast þjóðarhernum og leggja niður vopn sín en viðræðurnar fóru fram í grannríki Kongó, Rúanda.

17 farist í sprengingum í morgun

17 hafa látist og fleiri en 40 særst í sprengingum í Írak í morgun. Alls hafa fimm bílasprengjur sprungið víðs vegar í Bagdad það sem af er degi. Árásirnar hafa allar átt sér stað á mörkuðum en þeir eru mjög fjölfarnir á morgnanna.