Erlent

Knútur lasinn

Hvítabjörnshúninum heimsþekkta Knúti líður ekki sem best þessa dagana og var færður inn frá sýningarsvæði sínu í dýragarðinum Berlín í gær.

Erlent

Fimm öryggisverðir Sameinuðu þjóðanna létust

Fimm öryggisverðir Sameinuðu þjóðanna dóu í sprengju sem sprakk á bíl þeirra í Afganistan í dag. Fjórir mannanna voru frá Nepal en einn þeirra var Afgani. Árásinn átti sér stað í borginni Kandahar, en það er talinn vera upphafsstaður Talibana hreyfingarinnar.

Erlent

Lungnabaninn beikon

Að borða mikið af beikoni eða hvers konar verkuðu kjöti gæti skaðað lungnastarfsemi og aukið líkunar á lungnasjúkdómum. Þetta kom fram í nýrri rannsókn Kólumbíuháskóla sem skýrt var frá í dag.

Erlent

Öryggisráðið ræðir loftslagsbreytingar

Utanríkisráðherra Bretlands, Margaret Beckett, stýrir í dag umræðu hjá öryggisráði Sameinuðu þjóðanna um áhrif loftslagsbreytinga á öryggisástand í heiminum. Beckett ætlar sér að ræða um matar- og vatnsskort sem á eftir að verða vegna. Hún segir að það eigi eftir að gera öryggisástandið í heiminum enn verra.

Erlent

Varaforsetinn má bjóða sig fram

Hæstiréttur Nígeríu hefur úrskurðað að varaforsetinn Atiku Abubakar megi bjóða sig fram til forsetaembættisins á laugardaginn kemur. Yfirkjörstjórn í landinu hafði áður meinað honum að bjóða sig fram þar sem hann hefur verið ákærður fyrir spillingu.

Erlent

Fréttamenn í verkfalli

Dönsku dagblöðin Berlingske Tidende og B.T. komu hvorugt út í morgun. Starfsmenn blaðana hófu verkfall í gær til að mótmæla fyrirhuguðum sparnaðaraðgerðum eigenda blaðsins sem gera ráð fyrir að allt að 350 starfsmönnum verði sagt upp nú með vorinu.

Erlent

37 ungmenni handtekin í Kaupmannahöfn

Lögregla í Kaupmannahöfn hefur handtekið 37 ungmenni fyrir skemmdarverk sem unnin voru á yfirgefnum skóla við Stefnsgade á Norðurbrú í gær. Um 150 ungmenni söfnuðust saman í gær í skólanum og lýstu hann hið nýja Ungdómshús. Lögregla rýmdi húsið skömmu síðar en þá höfðu ungmennin gengið berserksgang um húsið og rústað meðal annars eldhúsi og salerni.

Erlent

Réttað yfir bandarískum hermanni

Í Róm á Ítalíu verður réttað yfir bandarískum hermanni fyrir að hafa myrt ítalskan leyniþjónustumann í Írak í mars árið 2005. Ekki er búist við því að hermaðurinn, Mario Lozano, verði viðstaddur en samkvæmt ítölskum lögum er hægt að rétta yfir sakborningum án þess að þeir séu viðstaddir.

Erlent

Súdan samþykkir árásarþyrlur

Stjórnvöld í Súdan samþykktu að í gær að leyfa árásarþyrlum Sameinuðu þjóðanna að vera hluti af 3.000 manna friðargæsluliði sem fær að starfa í Darfúr-héraði. Liðið mun styðja við bakið á þeim 7.000 friðargæsluliðum sem þar eru fyrir en Darfúr-hérað er álíka stórt og Frakkland. Talið er að hótanir Bandaríkjanna og Breta um refsiaðgerðir hafi leitt til samkomulagsins.

Erlent

Norður-Kórea að slökkva á kjarnorkuveri sínu

Norður-Kórea hefur þegar hafið störf við að slökkva á kjarnorkuveri sínu. Suður-kóreskir fjölmiðlar fullyrtu þetta í nótt. Bandarískar njósnamyndir sýna aukna starfsemi við kjarnorkuverið en Bandaríkjamenn telja að það sé merki um að verið sé að undirbúa að hætta starfsemi.

Erlent

Lögregla ber kennsl á byssumanninn

Lögreglustjóri skólans sagði á fréttamannafundi í kvöld, að lýsingin á manninum í fyrri árásinni passi ekki við útlit byssumannsins sem stóð að þeirri síðari, og tók sitt eigið líf. Þetta gæti þýtt að sami maðurinn hafi ekki staðið að báðum árásunum. Lögregla hefur heldur ekki staðfest að árásirnar séu tengdar. Hún hefur borið kennsl á manninn sem framdi sjálfsmorð en vill ekki skýra frá því hver hann er að svo stöddu.

Erlent

Fréttamannafundi lokið

Fréttamannafundur sem haldinn var vegna skotárásanna í Virginíu í dag var sýndur í beinni útsendingu hér á Vísi. Honum er nú lokið. Fundurinn hófst um 23:30 í kvöld. Á honum var skýrt frá þróun mála í rannsókn lögreglunnar á skotárásunum. Samantekt á því helsta sem þar kom fram er hægt að finna hér að ofan.

Erlent

100 lögreglumenn handteknir í Mexíkó

Hermenn í Mexíkó handtóku í kvöld fleiri en 100 lögreglumenn í aðgerðum sem miða að því ráða niðurlögum voldugra eiturlyfjahringja og lögreglumanna sem eru á launaskrá hjá þeim. Herinn gerði áhlaup á lögreglustöðvar víðsvegar í norðurhluta Mexíkó og fylkinu Nuevo Leon. Þar hafa margar aftökur, sem tengdar eru valdabaráttu eiturlyfjahringja, átt sér stað á síðastliðnu ári.

Erlent

Mannskæðasta skotárás sinnar tegundar í sögu Bandaríkjanna

33 létust að meðtöldum byssumanninum í skotárásunum í tækniháskólanum í Virginíu í dag. Rektor háskólans og lögreglstjóri skólans skýrðu frá þessu á fréttamannafundi í kvöld. Skotárásin í dag er sú mannskæðasta sinnar tegundar í Bandaríkjunum. 15 manns slösuðust. Talsvert hefur verið deilt á lögreglu fyrir viðbrögð hennar.

Erlent

Royal saxar á Sarkozy

Nicolas Sarkozy, frambjóðandi hægri manna í forsetakosningunum í Frakklandi, hefur tapað forskoti sínu á Segolene Royal, frambjóðanda sósíalista. Þetta kemur fram í nýrri skoðanakönnun sem sýnir að ef þau fara í aðra umferð skiptist atkvæðin jafnt á milli þeirra. Könnunin var í dagblaðinu Le Parisien.

Erlent

33 létu lífið í skotárásunum í Virginíu

33 létust, þar á meðal byssumaðurinn, í skotárásunum í tækniháskólanum í Virginíu í dag. Forseti skólans sagði frá því á fréttamannafundi sem fram fór í kvöld og var í beinni útsendingu hér á Vísi. Aldrei áður hafa jafnmargir látið lífið í skotárás á skólalóð í sögu Bandaríkjanna.

Erlent

Bush harmar fjöldamorðið í Virginíu

George W. Bush, forseti Bandaríkjanna, staðfesti í kvöld að fleiri en 30 hefðu látið lífið í skotárásinni í tækniháskólanum í Virginíu í dag. Í ávarpi sem hann hélt í kvöld sagðist hann vera harmi sleginn vegna atburðarins. Hann sagði jafnframt að stjórnvöld myndu reyna að aðstoða á alla mögulega vegu.

Erlent

Slökktu á öryggiskerfi

Slökkt hafði verið á öryggiskerfi, sem átti að koma í veg fyrir að námuverkamenn myndi vinna við hættulegar aðstæður, áður en gassprenging varð í rússneskri námu með þeim afleiðingum að fleiri en 100 verkamenn létu lífið. Vinnueftirlit rússneska ríkisins skýrði frá þessu í dag.

Erlent

Fimm þúsund kanínur á hraðbrautinni

Umferð um fjölförnustu hraðbraut Ungverjalands stöðvaðist í margar klukkustundir í dag þegar bíll með fimm þúsund kanínur innanborðs lenti í árekstri og valt um koll. Allar kanínurnar sluppu úr búrum sínum og hlupu eins og fætur toguðu út á þjóðveginn.

Erlent

Krefjast framsals Beresovskís

Rússnesk yfirvöld hafa óskað eftir því við bresku ríkisstjórnina að þau framselji auðkýfinginn Boris Berezovskí vegna áforma hans um að steypa Vladimír Pútín af stóli.

Erlent

Dæma konur öðruvísi en karlar ?

Konum hefur fjölgað mjög í embættum dómara, í Danmörku. Þær eru rúmlega helmingur dómara landsins. Og menn hafa að sjálfsögðu tekið umræðuna um hvort þær dæmi öðruvísi en karlmenn. Kemur varla á óvart að þar eru ekki allir á einu máli. Kynjafræðingurinn Kenneth Reinicke við háskólann í Hróarskeldu, segir í viðtali við danska blaðið Nyhedsavisen að það sé alls ekki hægt að útiloka það.

Erlent

32 látnir eftir skotárás í bandarískum háskóla

Byssumaður skaut 31 til bana og lét lífið sjálfur í skotárás í Virgina-tækniháskólanum í Blacksburg í Virginiuríki í Bandaríkjunum í dag. Um 20 manns eru á spítala með skotsár. Talið er að maðurinn hafi verið einn að verki, en hafi gert tvær árásir, eina í kennslustofu og hina á heimavist. Dagmar Kristín Hannesdóttir, sem er í doktorsnámi í sálfræði við háskólann, segir að alger skelfing hafi gripið um sig í skólanum þegar ljóst varð hversu margir voru drepnir.

Erlent

Sæll, þetta er....aaaghhh

Skelfing greip um sig í Afganistan, í dag, þegar þær fregnir fóru sem eldur í sinu að verið væri að breiða út banvænan vírus í gegnum farsíma. Margir hringdu í ættingja sína og vini og vöruðu þá við að svara í símann, ef hringt væri úr ókunnu númeri. Líkur væru góðar á því að það væri dreifari hins voðalega víruss.

Erlent

Mistök að leyfa sjóliðum að selja sögu sína

Varnarmálaráðherra Bretlands hefur viðurkennt að það hafi verið mistök að leyfa sjóliðunum sem Íranar handtóku, að selja fjölmiðlum sögu sína. Des Brown tók fulla á byrgð á þeirri ákvörðun, sem var harðlega gagnrýnd, bæði á þingi meðal almennings. Salan var talin móðgun við breska hermenn sem hafa látið lífið í Írak. Leyfið var dregið til baka daginn eftir að það var gefið.

Erlent

Útiloka stuðninssamning til að sigra Sarkozy

Bæði Segolene Royal, frambjóðandi sósíalista í frönsku forsetakosningunum, og Francois Bayrou, frambjóðandi miðjumanna, útiloka á þessum tímapunkti að gera einhvers konar samning sín á milli um gagnkvæman stuðning til að sigra Nicolas Sarkozy, forsetaframbjóðanda hægri manna.

Erlent

SAS fær skammir fyrir öryggismál

Sænsk flugmálayfirvöld hafa gagnrýnt SAS flugfélagið harðlega fyrir ónógt öryggiseftirlit. Flugmálayfirvöld nefna dæmi. Í einu tilfelli var vél flogið í níu daga með bilun sem gerði flugið ólöglegt. Í öðru tilfelli var viðhaldi á mótorum flugvélar ábótavant.

Erlent

Páfinn fékk bangsa

Benedikt 16 páfi fékk margar góðar afmælisgjafir á áttræðis afmæli sínu. Mest fékk hann af kortum, blómum og hljómdiskum. En einn óþekktur Ítali sendi honum risastóran bangsa. Ritari páfa sagði að bangsinn hefði verið afskaplega fallegur. Aðrir hefðu þó meiri þörf fyrir að knúsa bangsa og því hefði páfi sent hann á barnasjúkrahús í Róm.

Erlent

Mest lesið