Erlent

Sænskur lögreglumaður skotinn til bana

Sænskur lögreglumaður var skotinn til bana í bænum Nyköping um fimm leytið í dag, að því er kemur fram á fréttavef Dagens nyheter. Tveir lögreglumenn voru sendir til að sækja mann í íbúð hans en manninn átti að fara með í geðlæknismat. Hann var álitinn hættulegur umhverfi sínu og voru því tveir lögreglumenn sendir á staðinn.

Erlent

Dæmdir fyrir stríðsglæpi í Sierra Leone

Dómstóll á vegum Sameinuðu þjóðanna hefur dæmt þrjá menn fyrir stríðsglæpi og glæpi gegn mannkyni á tímum borgarastyrjaldarinnar í Sierra Leone. Um 50 þúsund manns týndu lífi í stríðinu sem endaði árið 2002 eftir 11 ára óöld.

Erlent

Mótmæla afnámi verkfallsrétts

Hundruð verkalýðssinna mótmæltu á götum Brussel í Belgíu í dag vegna þess að ekki er gert ráð fyrir verkfalls- og mótmælarétti í nýjum drögum að stjórnarskrá Evrópusambandsins. Fólkið kom frá fjölda Evrópulanda og mótmælti skammt frá byggingu Leiðtogaráðs sambandsins.

Erlent

Flóttamönnum fjölgar

Í dag er alþjóðlegur dagur flóttamanna. Á síðasta ári voru flóttamenn tæpar tíu milljónir og er talið vist að þeim fari fjölgandi í náinni framtíð. Talsmaður flóttamannahjálpar Sameinuðu þjóðanna segir ástandið mjög alvarlegt.

Erlent

Atlantis á leið heim

Geimskutlan Atlantis er á heimleið eftir viðburðaríka tíu daga dvöl við Alþjóðageimstöðina. Tilgangur ferðarinnar var að halda áfram uppbyggingu á Alþjóðageimstöðinni. Meðal helstu verkefna var að koma nýjum sólarrafhlöðum í gagnið. Stefnt er að því að stöðin, sem er í 350 kílómetra fjarlægð frá Jörðu, verði tilbúin fyrir árslok 2010.

Erlent

Rannsóknum á óþekktum taugasjúkdómi miðar áfram

Ungum Ný-Sjálenskum vísindamanni hefur tekist að rækta erfðabreytta kind sem er ónæm fyrir Huntingtonssjúkdómnum. Í útskriftarverkefni sínu komast hin 25 ára gamla Jessie Jacobsen að því hvernig hægt er að flytja erfðaefni sem veldur sjúkdómnum yfir í kind.

Erlent

Bush vill að Blair gerist erindreki

George Bush, forseti Bandaríkjanna, hefur talað við Tony Blair um að Blair gerist erindreki í Mið-Austurlöndunum þegar hann lætur af embætti sem forsætisráðherra Bretlands þann 27. júní næstkomandi. Talsmaður forsetans segir að Bush og Conloeezza Rice, utanríkisráðherra Bandaríkjanna, hefðu borið erindið undir Blair í eigin persónu.

Erlent

Aftöku frestað í Íran

Maður og kona í Íran hafa verið dæmd til þess að vera grýtt til dauða fyrir hjúskaparbrot, en dómsvaldið þar í landi hefur gefið út skipun um að bíða skuli með aftökuna. Ástæðan er gagnrýni vestrænna landa á þessari framkvæmd aflífana.

Erlent

Esa reynir þolgæði manna

Evrópska geimferðastofnunin Esa undirbýr tilraun þar sem reynt verður á þolgæði fólks gagnvart hvort öðru. Vonast er til að niðurstöður tilraunarinnar komi að gagni þegar og ef lagt verður í mannaða ferð til Mars, en geimfara slíkrar ferðar bíður löng, tilbreytingarlaus og náin samvera.

Erlent

Útblástur eykst stöðugt frá Kína

Þó svo að stjórn Kína hafi nýlega heitið því að taka virkan þátt í baráttunni gegn lofslagsbreytingum eykst útblástur gróðurhúsalofttegunda frá landinu stöðugt.

Erlent

Foreldrar Alan Johnston standa fyrir stuðningsvökum

Foreldrar blaðamannsins Alan Johnston standa fyrir stuðningsvöku fyrir son sinn í Skotlandi. Þau hafa sleppt 100 blöðrum í loftið - einni fyrir hvern dag sem Johnston hefur verið í haldi samtaka sem kalla sig „Her Íslams“ á Gaza svæðinu.

Erlent

Hauskúpa fornpöndu fundin

Fyrsta hauskúpan af forfeðrum risapöndunnar fannst á dögunum í kalksteinshelli í Suður-Kína. Bandarísku og kínversku vísindamennirnir sem fundu kúpuna telja hana vera um tveggja milljón ára gamla.

Erlent

Skógarbirnir í útrýmingarhættu

Skógarbirnir eru í mikilli útrýmingarhættu í Evrópsku Ölpunum. Aðeins er vitað af 38 skógarbjörnum á fjallasvæðunum samkvæmt skráningu umhverfissinna. Ekki er vitað um neinn skógarbjörn í Þýskalandi.

Erlent

Dómur mildaður yfir fyrrverandi ráðherra í Víetnam

Áfrýjunardómstóll í Víetnam hefur mildað refsingu yfir fyrrverandi aðstoðarviðskiptaráðherra landsins, Mai Van Du. Van Du var upprunalega dæmdur til 14 ára fangelsisvistar fyrir að þiggja mútur. Áfrýjunardómstóllinn stytti þann dóm niður í 12 ár.

Erlent

Faðir Madeleine rændur

Gerry McCann, faðir Madeleine McCann sem rænt var í Portúgal í maí, var rændur í London. Hann fór til London til að funda um áframhaldandi leit að dóttur sinni. Þegar hann var nýkominn var veskinu hans rænt, sem varð til þess að hann mætti of seint á fundina.

Erlent

Kornabarn finnst skammt frá heimili barnshafandi konu sem er saknað

Nýfætt stúlkubarn fannst á tröppum við hús í aðeins 70 km fjarlægð frá heimili barnshafandi konu sem hefur verið saknað síðan síðastliðinn miðvikudag í Ohio. Læknar staðfesta að barnið hafi fæðst innan við 24 tímum áður en það fannst og hafði naflastrengurinn ekki verið fjarlægður.

Erlent

Ákærðar fyrir manndráp

Tveimur hjúkrunarfræðingum, á Minningarsjúkrahúsinu í New Orleans hefur verið boðið friðhelgi gegn því að vitna fyrir sérstökum kviðdómi. Konurnar voru taldar bera ábyrgð á láti fjögurra sjúklinga sem voru lagðir inn eftir fellibylinn Katrínu,

Erlent

Aftur dæmdur í lífstíðarfangelsi

James Kopp, 52 ára bandaríkjamaður hefur verið dæmdur í annað lífstíðarangelsi. Kopp var upprunalega dæmdur fyrir að myrða fóstureyðingalæknirinn Barnett Sepian með skytturiffli árið 1998. Nú hefur alríkisdómstóll dæmt hann aftur í lífstíðarfangelsi, fyrir sama glæp en á öðrum forsendum.

Erlent

Stjórnvöld setja stéttarfélögum úrslitakost

Yfirvöld í Suður-Afríku hafa sett opinberum starfsmönnum úrslitakost en þeir eru nú í verkfalli sem hefur enst í þrjár vikur. Stéttarfélög hafa til klukkan fjögur í dag að íslenskum tíma til þess að taka tilboði stjórnvalda. Tilboðið hljómar upp á 7,5 prósent launahækkun og hækkun á húsnæðisbótum.

Erlent

Ísraelar taka á móti flóttamönnum frá Gasa

Stjórnvöld í Ísrael hafa ákveðið að leyfa flóttamönnum frá Palestínu að koma til Ísraels af mannúðarástæðum. Hundruð manns hafa beðið í göngum við landamæri ísrael frá því í síðustu viku þegar Hamas tóku völd á Gasa. Um sex hundruð Gasabúar sem margir eru í alvarlegu ástandi hafast við í löngum rykugum göngum við suðurhluta landamæranna.

Erlent

Tölvuleikur um James Bulger bannaður

Hætt hefur verið við útgáfu á leik, sem meðal annars gekk út á það að rannsaka ránið á James litla Bulger sem var rænt úr verslunarmiðstöð árið 1993. Bulger var tveggja ára þegar honum var rænt af tveimur tíu ára drengjum sem börðu hann svo til bana og skildu hann eftir á lestarteinum skammt frá.

Erlent

36 látnir í kína

Að minnsta kosti 36 manns hafa látið lífið í flóðum í NV-hluta Kína eftir mikla rigningarstorma frá því um helgina. Þrettán manns í viðbót er saknað.

Erlent

Erdogan tilbúinn að heimila hernaðaraðgerðir í Írak

Forsætisráðherra Tyrklands, Tayyip Erdogan, sagði í viðtali í morgun að stjórn hans myndi samþykkja hernaðaraðgerðir í norðurhluta Írak til þess að berjast gegn kúrdískum uppreisnarmönnum ef það teldist nauðsynlegt. Hann sagði það nauðsynlegt til þess að koma í veg fyrir frekari árásir frá PKK uppreisnarmönnum Kúrda sem hafa aðsetur í norðurhluta Íraks.

Erlent

Þingkosningar í Taílandi færðar fram

Kosningastjórn Taílands sagði í morgun að hugsanlega yrðu þingkosningar sem fram eiga fara í desember færðar fram í nóvember. Það veltur þó á því hvort að ný stjórnarskrá verði samþykkt fljótlega. Atkvæði um hana verða greidd þann 19. ágúst næstkomandi. Einhverjar líkur eru taldar á því að nýja stjórnarskráin verði ekki samþykkt í þjóðaratkvæðagreiðslunni.

Erlent

Réttað yfir leiðtoga Chicago mafíunnar í dag

Ein stærstu mafíuréttarhöld í Bandaríkjunum í mörg ár hefjast í Chicago í dag. Þá verður réttað yfir Joey "Trúði" Lombardo, sem sagt er að hafi verið yfir Chicago genginu á áttunda og níunda áratugnum en það er sama gengi og Al Capone stjórnaði á sínum tíma.

Erlent

Kínverjar nota nefið gegn mengun

Umhverfisstofnun í Kína hefur brugðið á það ráð að ráða til sín ellefu manns með framúrskarandi lyktarskyn. Fólkið á að vinna samhliða mælitækjum til þess að finna lykt af slæmum lofttegundum og þannig veita nákvæmari mælingar en tækjabúnaðurinn hefði gert upp á eigin spýtur.

Erlent

Segja of mörg ríki útiloka flóttamenn

Flóttamannastofnun Sameinuðu þjóðanna sagði í morgun að sífellt erfiðara væri fyrir flóttamenn að fá hæli. Yfirmaður stofnunarinnar, Antonio Guterres, sagði sum ríki hafa hert innflytjendalög sín svo mikið að jafnvel þeir sem ættu að fá hæli væri neitað um það.Þá ítrekaði hann að flóttamenn væru ekki hryðjuverkamenn heldur fórnarlömb þó svo margir virtust halda hið fyrra.

Erlent

Mest lesið