Erlent

Mótmælt um öll Mið-Austurlönd í dag

Að minnsta kosti fimm hafa fallið í Írak í dag þar sem þúsundir manna hafa hópast út á götur til þess að mótmæla bágum kjörum almennings í landinu. Höfuðborginni Bagdad hefur í raun verið lokað en yfirvöld hafa bannað alla umferð um miðbæinn og þúsundir hermanna eru á götum úti.

Erlent

Tískumógúllinn Galliano handtekinn í París

Breski fatahönnuðurinn John Galliano var handtekinn í gærkvöldi í París, sakaður um árás og kynþáttaníð. Galliano, sem er yfirhönnuður hjá Dior tískuhúsinu, er sagður hafa setið við drykkju í Marais hverfinu þegar hann vatt sér allt í einu að pari sem sat á kaffihúsi og jós yfir það andgyðinglegum svívirðingum.

Erlent

Skáru fótinn af með svissneskum hníf

Læknir þurfti að beita svissneskum vasahníf og sög til þess að fjarlæga fót af manni sem hafði fest sig í byggingu í Christchurch skjálftanum sem reið yfir á Nýja-Sjálandi fyrr í vikunni. Læknirinn Stuart Philip sagði eftir aðgerðina að tveir kostir hafi verið í stöðunni; að taka fótinn af manninnum eða skilja hann eftir til að deyja.

Erlent

Fogh kallar saman sendifulltrúa Atlantshafsbandalagsins

Anders Fogh Rasmussen, framkvæmdastjóri Atlantshafsbandalagsins, hefur kallað saman sendifulltrúa bandalagsins á neyðarfund til að ræða ástandið í Líbíu. Fundurinn verður haldinn í dag. Þar stendur til að ræða brottflutning þeirra Vesturlandabúa sem eru í landinu og mögulegar hernaðaraðgerðir til að fást við ástandið þar.

Erlent

Harðir bardagar í grennd við Trípolí

Múammar Gaddafí segir að Osama bin Laden standi á bak við uppreisnina gegn sér í Líbíu. Ungt fólk sé platað með vímuefnum til þess að taka þátt í „eyðileggingu og skemmdarverkum“.

Erlent

Vélmennamaraþon í Japan

Fimm vélmenni lögðu í dag af stað í maraþonhlaup í borginni Osaka í Japan. Búist er við að keppendurnir taki sér góðan tíma í hlaupið eða um fjóra daga en vélmennin hlaupa 423 hringi á innanhúsbraut, samtals 42 kílómetra. Hönnuðir vélmennanna mega skipta um batterí og gera við mótora í vélmennunum en ef þau detta þurfa þau að standa upp af sjálfsdáðum. Vonast er til að hlaupið verði að árvissum viðburði.

Erlent

Hjólreiðar sagðar valda hjartaáfalli

Ætíð hefur því verið haldið fram að hjólreiðar séu góðar fyrir heilsuna. Niðurstöður úr rannsókn, sem Dr. Tim Naweot frá Hassel háskólanum í Belgíu stjórnar, benda til annars. Samkvæmt þeim er fólk sem hjólar mikið líklegra til að fá hjartaáfall en í rannsókninni voru kannaðir áhættusamir þættir í daglegu lífi fólks, til dæmis í umferðinni. Naweot telur að ástæðan fyrir þessum óvæntu niðurstöðum vera sú að fólk sem hjólar mjög mikið í kringum mikla bílaumferð andi að sér mikilli mengun sem getur orsakað hjartaáfall.

Erlent

Stráksi fann nýtt gæludýr

Ung móðir í smábæ í Brasilíu varð forvitin þegar hún sá að þriggja ára gamall sonur hennar var kominn á bakvið sófa í stofunni og hjalaði þar og skríkti. Hún kíkti á bakvið sófann og sá að drengurinn var að klappa á kollinn á fimm feta löngum krókódíl.

Erlent

Dómari fellst á framsal Assange til Svíþjóðar

Breskur dómari hefur samþykkt framsal Julian Assange til Svíþjóðar vegna nauðgunarásakana á hendur honum. Assange hefur staðfastlega neitað ásökununum og hefur barist hart gegn því að verða framseldur til Svíþjóðar. Fyrir dómi fyrr í mánuðinum héldu lögmenn Assange því fram að evrópska handtökuskipunin eigi ekki við í þessu máli þar sem ekki sé búið að ákæra hann. Fastlega er búist við því að Assange áfrýji úrskurðinum.

Erlent

Gaddafi býr sig undir ragnarök

Uppreisnarmenn í Libyu virðast hafa austurhluta landsins á sínu valdi og sækja nú inn í vesturhlutann. BBC fréttastofan segir að í borginni Benghazi standi fólk í biðröðum eftir að fá afhent skotvopn sem rænt hefur verið úr vopnabúrum lögreglu og hersins.

Erlent

Leysir ráðgátuna um hvarf Ameliu Earhart með DNA rannsókn á bréfi

Dongya Yang, fornleifafræðingur við Simon Fraser háskólann, vonast nú til að geta fundið DNA úr flugkonunni frægu, Ameliu Earhart, og komist að því hvað varð um hana. Earhart, sem varð fyrst kvenna til að fljúga ein yfir Atlantshafið, hvarf árið 1937 þegar hún freistaðist til þess að verða fyrsta konan til að fljúga umhverfis jörðina. Hvarf Earhart hefur verið óleyst gáta og vonast Yang nú til að geta leyst málið með aðstoð vísindanna.

Erlent

Hundruð manna enn í rústum húsa

Nokkrum hundruðum manna hefur verið bjargað á lífi úr rústum húsa í Christchurch á Nýja-Sjálandi en um 300 manns var enn saknað í gær, daginn eftir að 6,3 stiga jarðskjálfti reið þar yfir. Að minnsta kosti 75 manns eru látnir.

Erlent

Enn kvarnast úr liði Gaddafís

Austan til í Líbíu fagnar fólk sigri yfir Muammar Gaddafí, en í vesturhlutanum er ástandið lævi blandið. Stjórnarherinn er sagður skjóta handahófskennt á hvern sem lætur sjá sig úti á götum höfuðborgarinnar Trípólí.

Erlent

Dularfullur dauði höfrungakálfa rannsakaður

Þá þriðja tug höfrungakálfa syntu upp í fjörurnar í Missippi og Alabama í Bandaríkjunum á dögunum og drápust. Það eru tífalt fleiri kálfar en ganga almennt á land og drepast á þessum slóðum.

Erlent

Telur sig hafa fundið verk eftir Michelangelo

Bandaríski rithöfundurinn Roy Doliner telur sig hafa fundið listaverk eftir endurreisnarmálarann Michelangelo. Verkið sem er lítil höggmynd fannst við ítalska forngripabúð í gömlum og skítugum pappakassa. Doliner segist hafa orðið orðlaus af hrifningu þegar hann sá styttuna og strax verið fullviss um að þetta væri listaverk eftir meistarann, en hann hefur nú skrifað bók um þennan merka fund sem von er á næstu misserum.

Erlent

Málaliðar fara um og skjóta íbúa í Trípolí

Ofbeldið í Trípolí, höfuðborg Líbíu, fer harðnandi samkvæmt fréttum breska blaðsins The Guardian, en þeir greina frá því að öryggisveitir Muammar Gaddafis, einræðisherra Líbíu, og málaliðar, ferðist um borgina á jeppum og skjóti fólk sem er úti við.

Erlent

Lést eftir að hafa spilað tölvuleiki í þrjá sólarhringa

Kínverskur maður á þrítugsaldri lést eftir að hafa spilað tölvuleiki samfleytt í þrjá sólarhringa. Maðurinn hafði ekkert sofið, borðað né staðið upp úr stólnum sínum þegar leið yfir hann á mánudagskvöld á internet kaffihúsi í nágrenni við Peking, höfuðborg Kína.

Erlent

Mest lesið