Erlent

Eldri kona hótaði að smita gjaldkera af alnæmi

Eldri kona rændi banka í Colorado í Bandaríkjunum á dögunum með því að sýna gjaldkera miða frá lækni sem sýndi að hún væri smituð af alnæmi. Hún sagði við gjaldkerann að ef hann afhenti henni ekki peninga yfir borðið myndi hún smita hann af alnæmi.

Erlent

Papandreou til í að segja af sér - þúsundir mótmæla í Aþenu

George Papandreou forsætisráðherra Grikklands segist tilbúinn að stíga til hliðar eða að mynduð verði þjóðstjórn í landinu en mikil mótmæli eru nú í miðborg Aþenu. Þetta kom fram í viðtali við ráðherrann í dag á þarlendri sjónvarpsstöð og sagðist hann reiðubúinn til þess að skoða allt sem komið gæti friði á í landinu að nýju. Grímuklæddir mótmælendur hafa í allan dag staðið í átökum við lögregluna og látið múrsteinum og glerflöskum rigna yfir óeirðalögreglumenn sem reyndu að ná stjórn á aðaltorgi borgarinnar.

Erlent

Sármóðgaður Sígaunakóngur

Alex Karoli er kallaður Sígaunakóngurinn í Noregi. Hann og níu synir hans og aðrir fjölskyldumeðlimir eru vel þekktir í réttarkerfinu þar í landi. Og Karoli var sármóðgaður þegar hann kom fyrir dómstól í Osló til þess að bera blak af ættingja sem hafði verið handtekinn fyrir vopnað rán.

Erlent

Mestu skógareldar í sögu Arizona

Skógareldarnir í Arizona í Bandaríkjunum eru nú orðnir hinir mestu í sögu fylkisins. Þeir hafa herjað síðan í lok maí og slökkviliðsmenn segja að það muni taka margar vikur að ráða niðurlögum hans. Það er lán í óláni að eldarnir hafa hinaðtil verið á óbyggðum svæðum.

Erlent

Handtökur vegna vígsins á bin Laden

Pakistanska leyniþjónustan hefur handtekið fimm Pakistana sem eru sagðir hafa aðstoðað Bandaríkjamenn fyrir árásina á vígi Osama bin-Ladens. Bandaríska dagblaðið New York Times segir að einn hinna handteknu sé majór í pakistanska hernum.

Erlent

Obama búinn að fá nóg

Barack Obama segist upplifa daga þar sem honum þyki eitt kjörtímabil sem forseti vera alveg nóg. Hann segir að fjölskyldan myndi ekki syrgja það að hann byði sig ekki fram í næstu kosningum.

Erlent

Forseti S-Afríku gagnrýnir NATO

Jacob Zuma, forseti Suður-Afríku, segir Atlantshafsbandalagið misnota ályktun Sameinuðu þjóðanna um hernaðaríhlutun í Líbíu. Hann gagnrýnir harðlega framferði bandalagsins í Líbíu og segir aðgerðirnar gera lítið úr vilja Afríkubandalagsins til að vinna úr málum sem varða aðildarríki þess. Ólíkt fjölmörgum þjóðarleiðtogum telur Zuma ekki þörf á að Moammar Gadhafi Líbíuleiðtogi víki.

Erlent

Hætt við að giftast Hugh Hefner

Hugh Hefner, stofnandi Playboy tímaritsins, mun ekki ganga að eiga Crystal Harris um helgina líkt og stóð til. Playboy-kóngurinn greinir frá þessu á Twitter síðu sinni. Harris sem er 25 ára og 60 árum yngri en Hefner virðist hafa snúist hugur eftir rifrildi þeirra.

Erlent

Russel Crowe dregur ummæli um umskurði til baka

Ástralski stórleikarinn Russell Crowe hefur beðist afsökunar á ummælum sem hann lét falla á Twitter-síðu sinni um umskurði sem hann sagði bæði heimskulega og villimannslega. Síðar sagði hann rangt að halda því fram að umskurðir stuðli að hreinlæti. Ummælin vöktu talsverð viðbrögð og það var þá sem leikarinn baðst afsökunar og sagðist ekki hafa ætlað með yfirlýsingum sínum að særa eða móðga fólk.

Erlent

Baráttumaður myrtur í Brasilíu

Enn einn baráttumaðurinn gegn ólögmætu skógarhöggi í Amazon skóginum fannst myrtur í gær. Um er að ræða 31 árs gamlan karlmann sem var skotinn í höfuðið, en síðast sást til mannsins eiga í útistöðum við nokkra skógarhöggsmenn.

Erlent

Mitt Romney þótti standa sig einna best

Sjö repúblikanar, sem allir sækjast eftir að verða forsetaefni Repúblikanaflokksins gegn Barack Obama á næsta ári, beindu spjótum sínum að sameiginlegum óvini sínum í fyrstu sjónvarpsumræðum kosningabaráttunnar á mánudagskvöld.

Erlent

Stöðvaður með sprengiefni og skotvopn í Köben

Lögreglan í Kaupmannahöfn fann eitt og hálft kíló af sprengiefnum ásamt skotvopnum og hluta af lögreglubúningum í bíl í gær. Í bílnum var allt sem þarf til að búa til öfluga sprengju, að sögn lögreglunnar.

Erlent

Nær helmingur atvinnulaus á Gaza

Atvinnuleysi á Gaza-ströndinni mældist 45,2% um áramótin, samkvæmt upplýsingum frá Sameinuðu þjóðunum. Þetta er eitt hæsta hlutfall atvinnulausra í heiminum.

Erlent

Spelling reyndi að flýja en ók á vegg

Bandaríska leikkonan Tori Spelling lenti í umferðaróhappi í gær þegar hún reyndi að stinga paparazzi ljósmyndara af, en hún var þá á leið með syni sína tvo í leikskóla. Það tókst ekki betur en svo að hún ók bíl sínum á skólabygginguna. Engin slasaðist við áreksturinn.

Erlent

Harðskeyttir hakkarar

Tölvuþrjótar hafa verið athafnasamir undanfarna daga og ráðist á tölvukerfi og heimasíður fjölmargra fyrirtækja og opinbera stofnana.

Erlent

Tracy Morgan biðst afsökunar á ummælum um homma og lesbíur

30 Rock stjarnan Tracy Morgan hefur beðist afsökunar Á ummælum sem hann viðhafði nýverið um samkynhneigða. Ummælin féllu þegar hann hélt uppistand í Nashville en þá sagði sjónvarpsstjarnan samkynheigð vera val og að hommar og lesbíur ættu að hætta að vera svona miklir aumingjar.

Erlent

Heilsu danskra karlmanna hrakar

Heilsu danskra karlmanna hrakar samanborið við kynbræður þeirra í öðrum Evrópulöndum. Þeir hafa þyngst að meðaltali meira en aðrir á undanförnum árum og þá hefur tíðni sykursýki 2, sem einnig er kölluð fullorðinssykursýki, aukist meðal danskra karlmanna.

Erlent

Aska truflar flugumferð í Afríku

Aska frá eldfjalli í Eritreu truflar nú flugumferð í norðausturhluta Afríku og er þýska flugfélagið Lufthansa meðal þeirra flugfélaga sem hafa þurft að fella niður flug. Elfjallið byrjaði að gjósa í gær en um 150 ár eru frá seinasta gosi.

Erlent

Réttað yfir fyrrverandi forseta Túnis

Réttarhöld yfir Zine Ben Ali, fyrrverandi forseta Túnis, hefjast í næstu viku. Bráðabirgðar forsætisráðherra landsins segir að Ben Ali verðI ekki viðstaddur réttarhöldin en hann flúði ásamt fjölskyldu sinni til Saudi-Arabíu í janúar eftir umfangsmikil mótmæli í Túnis. Forsetinn fyrrverandi er ásakaður er um að hafa staðið fyrir morðum á mótmælendum og stolið háum fjármuni úr opinberum sjóðum. Allt lítur út fyrir að Sádar ætli ekki að framselja Ben Ali til Túnis.

Erlent

Nær allar vilja hætta störfum

Nær allar, eða 94 prósent, kvennanna sem stunda götuvændi í Danmörku vilja hætta því. Þær sem stunda vændi á sérstökum vændisstofum og þær sem eru fylgdarkonur vilja flestar halda starfsemi sinni áfram, samkvæmt nýlegri könnun.

Erlent

Námið rúmlega hálf vinna

Danskir háskólanemar eyða einungis um 28,5 klukkustundum á viku í nám sitt. Það kemur fram í niðurstöðu könnunar við Árósaháskóla.

Erlent

Enn flýja þúsundir ofbeldið í Sýrlandi

Rúmlega sex þúsund Sýrlendingar hafa flúið yfir til Tyrklands síðustu sólarhringa eftir að sýrlenski herinn náði völdum í borginni Jisr al-Shughour. Fólkið hefst við í flóttamannabúðum sem eru óðum að fyllast.

Erlent

Einn fórst þegar loftskip brann til kaldra kola

Einn lét lífið þegar loftskip brann til kaldra kola nærri bænum Reichelsheim í Þýskalandi í gær. Skipið var að koma úr útsýnisferð þegar slysið átti sér stað en fjórir voru um borð, þrír farþegar og flugstjóri. Farþegarnir náðu að sleppa frá borði en flugstjórinn náði hins vegar ekki að forða sér. Eldsupptök eru ókunn.

Erlent

Mest lesið