Fótbolti

Hernandez: Ég er hjá besta klúbbi í heimi

Javier Hernandez er markahæsti leikmaður Manchester United í Meistaradeildinni á þessu tímabili og hefur slegið í gegn á sínu fyrsta tímabili með Manchester United. Hernandez veit þó ekki hvort hann verði í byrjunarliðinu á móti Barcelona í kvöld þegar liðin mætast í úrslitaleik Meistaradeildarinnar.

Fótbolti 28.5.2011 16:45

Björn Bergmann skoraði tvö mörk fyrir Lilleström

Björn Bergmann Sigurðarson var á skotskónum með Lilleström í norsku úrvalsdeildinni í fótbolta í dag. Björn Bergmann skoraði þá tvö mörk í 4-2 útisigri á Sarpsborg 08.

Fótbolti 28.5.2011 16:18

Skagamenn einir með fullt hús eftir sigur á Selfossi

Skagamenn héldu áfram sigurgöngu sinni í 1. deild karla í fótbolta eftir 2-1 sigur á Selfossi í dag. ÍA hefur unnið þrjá fyrstu leiki sína á Íslandsmótinu og er eina liðið með fullt hús þar sem að Fjölnismenn töpuðu á móti BÍ/Bolungarvík fyrir vestan.

Íslenski boltinn 28.5.2011 15:53

Guardiola: Þeir hafa styrkinn og við höfum tæknina

Pep Guardiola, þjálfari Barcelona, býst við flottum fótbolta í úrslitaleik Meistaradeildarinnar á móti Manchester United í kvöld og að þar fari uppgjör á milli tveggja ólíkra fótboltastíla. Leikur liðanna fer fram á Wembley og þar á Barcelona möguleika á að vinna annan úrslitaleikinn á þremur árum á móti Manchester United.

Fótbolti 28.5.2011 15:45

Sir Alex: Rooney og strákarnir miklu þroskaðari nú en 2009

Sir Alex Ferguson, stjóri Manchester United, segir að lið sitt sé mun þroskaðra í dag en þegar það tapaði 0-2 fyrir Barcelona í úrslitaleik Meistaradeildarinnar fyrir tveimur árum. United fær annað tækifæri á móti Barcelona þegar liðin mætast í úrslitaleik Meistaradeildarinnar á Wembley í kvöld.

Fótbolti 28.5.2011 15:15

Gervinho inn í myndinni hjá bæði Arsenal og Liverpool

Fílabeinsstrendingurinn Gervinho gæti verið á leiðinni í ensku úrvalsdeildina í sumar því bæði Arsenal og Liverpool hafa bæði mikinn áhuga á að kaupa þennan 24 ára framherja frá franska liðinu Lille.

Enski boltinn 28.5.2011 14:15

Boltavarpið: Selfoss - ÍA í beinni

Vísir er með beina netvarpslýsingu frá viðureign Selfoss og ÍA í 3. umferð 1. deildar karla. Skagamenn eru búnir að vinna fyrstu tvo deildarleiki sína í sumar en Selfyssingar unnu bikarleik liðanna á dögunum í vítakeppni.

Íslenski boltinn 28.5.2011 13:30

Sepp Blatter hættur við að mæta á úrslitaleikinn í London

Sepp Blatter, forseti FIFA, hefur afboðað komu sína á úrslitaleik Meistaradeildarinnar sem er á milli Barcelona og Manchester United og fer fram á Wembley í London í kvöld.

Fótbolti 28.5.2011 13:30

Hiddink er til í að skoða tilboð frá Chelsea

Guus Hiddink, núverandi þjálfari tyrkneska landsliðsins, hefur ekki lokað á þann möguleika á að snúa aftur á Stamford Bridge og setjast aftur á stjórastólinn hjá Chelsea ef marka má frétt Sky Sports í dag.

Enski boltinn 28.5.2011 13:15

Rooney: Stóð upp og klappaði fyrir Barcelona

Wayne Rooney, framherji Manchester United, var einn af mörgum sem sá Barcelona-liðið yfirspila erkifjendur sína í Real Madrid í fyrsta Clasico-leiknum á tímabilinu. Barcelona vann leikinn 5-0 á Nou Camp og Rooney hefur sagt frá sinni upplifun af leiknum.

Fótbolti 28.5.2011 12:15

Guardiola: Rétt hjá Ferguson að fá mig ekki til United

Sir Alex Ferguson og Pep Guardiola mætast með lið sín í úrslitaleik Meistaradeildarinnar á Wembley í kvöld en fyrir tíu árum voru ágætar líkur á því að Pep Guardiola myndi spila fyrir Ferguson hjá Manchester United.

Fótbolti 28.5.2011 11:45

Höfum lagað mistökin frá 2009

Hápunktur knattspyrnuvertíðarinnar verður í kvöld, þegar Manchester United og Barcelona eigast við í úrslitaleik Meistaradeildar Evrópu á Wembley-leikvanginum í Lundúnum. United er að spila sinn þriðja úrslitaleik á fjórum árum en liðið tapaði einmitt fyrir Barcelona þegar liðin mættust í úrslitaleiknum árið 2009.

Fótbolti 28.5.2011 10:00

Hjákona Giggs flýr land vegna líflátshótana

Fyrrum hjákona Ryan Giggs, Imogen Thomas, hefur ákveðið að flýja land eftir að hafa fengið fjölda líflátshótana síðustu daga. Hermt er að reiðir stuðningsmenn Man. Utd standi á bak við hótanirnar sem meðal annars hafa verið sendar á Twitter-samskiptasíðunni.

Enski boltinn 27.5.2011 23:30

Ancelotti verður áfram í Englandi

Carlo Ancelotti, fyrrum knattspyrnustjóri Chelsea, ætlar að halda kyrru fyrir í Englandi en hann hefur til að mynda verið orðaður við stjórastöðuna hjá QPR.

Enski boltinn 27.5.2011 22:45

Stuðningsmenn völdu Gylfa leikmann ársins

Gylfi Þór Sigurðsson var valinn leikmaður ársins hjá þýska úrvalsdeildarfélaginu Hoffenheim af stuðningsmönnum félagsins.

Fótbolti 27.5.2011 21:57

Reo-Coker, Carew og átta aðrir fara frá Villa

Forráðamenn Aston Villa hafa ákveðið að losa sig við tíu leikmenn nú í sumar en þeirra á meðal eru Nigel Reo-Coker, John Carew og Robert Pires.

Enski boltinn 27.5.2011 21:56

Barca og United eiga sex leikmenn í liði ársins

Knattspyrnusamband Evrópu birti í dag lið ársins í Meistaradeild Evrópu en henni lýkur annað kvöld þegar að Manchester United mætir Barcelona á Wembley-leikvanginum í Lundúnum.

Fótbolti 27.5.2011 21:54

Leikmenn Barcelona fá helmingi hærri bónus en leikmenn Man. Utd

Það er til mikils að vinna fyrir leikmenn Barcelona á morgun. Vinni þeir leikinn gegn Man. Utd í úrslitum Meistaradeildarinnar fær hver leikmaður rúmlega 123 milljónir króna í bónus fyrir sigurinn.

Fótbolti 27.5.2011 21:15

Leikmenn Man. Utd fóru í leikhús í gær

Sir Alex Ferguson, stjóri Man. Utd, hefur gert sitt besta í vikunni til þess að þjappa liði sínu saman fyrir úrslitaleikinn í Meistaradeildinni gegn Barcelona á morgun.

Fótbolti 27.5.2011 20:30

Benzema vill vera áfram hjá Real Madrid

Karim Benzema, franski landsliðsmaðurinn hjá Real Madrid, vill alls ekki yfirgefa spænska stórliðið þrátt fyrir að hann hafi verið í vandræðum með að vinna sér sæti í byrjunarliðinu síðan að hann var keyptur frá Lyon fyrir 35 milljónir evra sumarið 2009.

Fótbolti 27.5.2011 19:00

Ferguson: Snýst ekki um hefnd

Alex Ferguson, stjóri Manchester United, sagði á blaðamannafundi í dag að úrslitaleikurinn gegn Barcelona á morgun snúist ekki um að hefna fyrir tapið í Rómarborg árið 2009.

Fótbolti 27.5.2011 18:52

Valitor-bikarmörkin: Þingeyskt þungarokk í búningsklefanum

Henry Birgir Gunnarsson kíkti á hvernig leikmenn Völsungs háttuðu undirbúningi sínum fyrir leik liðsins gegn Íslandsmeisturum Breiðabliks í 32-liða úrslitum Valitor-bikarsins á dögunum.

Íslenski boltinn 27.5.2011 18:46

Vidic verður stoltur fyrirliði á morgun

Nemanja Vidic segist vera ánægður og stoltur yfir því að fá að leiða sína menn út á völlinn þegar að lið hans, Manchester United, mætir Barcelona í úrslitaleik Meistaradeildarinnar á morgun.v

Enski boltinn 27.5.2011 18:32

Heinze er á förum frá Marseille

Argentínski varnarmaðurinn Gabriel Heinze er á förum frá franska liðinu Marseille og ætlar að finna sér nýtt félag í sumar. Heinze, sem er fyrrum leikmaður Manchester United er að klára sitt annað tímabil hjá Marseille eftir að hafa komið þangað frá Real Madrid sumarið 2009. Hann ætlar ekki að spila áfram í Frakklandi.

Fótbolti 27.5.2011 17:30

Scholes: Það gat ekki verið flottari úrslitaleikur

Paul Scholes, miðjumaður Manchester United, er á því að það séu tvö bestu lið Evrópu sem eru að mætast í úrslitaleik Meistaradeildarinnar á Wembley á morgun.

Fótbolti 27.5.2011 16:45

Pique: Rooney er kröftugasti leikmaður sem ég hef séð

Gerard Pique, miðvörður Barcelona, mun reyna að stoppa Wayne Rooney í úrslitaleik Meistaradeildarinnar á Wembley á morgun en hann hefur hrósað enska landsliðsframherjanum í blaðaviðtölum fyrir leikinn.

Fótbolti 27.5.2011 16:00

Cruyff: Guardiola gæti hætt hjá Barcelona eftir úrslitaleikinn

Johan Cruyff, fyrrum leikmaður og þjálfari Barcelona, telur að það séu líkur á því að Pep Guardiola hætti sem þjálfari Barcelona eftir úrslitaleik Meistaradeildarinnar sem fer fram á Wembley á morgun og þá skipti þar engu máli hvort Barcelona eða Manchester United fagni sigri í leiknum.

Fótbolti 27.5.2011 15:30

Liverpool borgaði mest fyrir stigin sín

Blackpool fékk flest stig fyrir peninginn en Liverpool fæst á nýlokinni leiktíð í ensku úrvalsdeildinni. Á meðan Blackpool greiddi tæpa hálfa milljón punda á hvert safnað stig varði rauði herinn frá Liverpool rúmum tveimur milljónum punda á stig. Þetta er niðurstaðan þegar launakostnaður liðanna er borinn saman við stigin sem liðin söfnuðu í leikjunum 38 í vetur. Það var vefsíðan sportingintelligence.com sem tók saman.

Fótbolti 27.5.2011 14:45

Úrslitaleikurinn á Wembley: Reynsluboltarnir á miðjunni

Ryan Giggs leikmaður Manchester United hefur verið áberandi í fjölmiðlum undanfarnar vikur þrátt fyrir ítrekaðar tilraunir til að halda nafni sínu úr sviðsljósinu. Goðsögnin með flekklausa mannorðið virðist á endaspretti ferilsins hafa stigið út af sporinu og reynir nú hvað hann getur að bjarga andlitinu. Hversu mikla athygli sem bólfimimál kappans mun vekja hefur hinn 37 ára Walesverji fyrir löngu skráð nafn sitt í sögubækurnar fyrir ótrúlega og einstaka velgengni á knattspyrnuvellinum.

Fótbolti 27.5.2011 14:15

Dalglish vill fá þrjá leikmenn frá Aston Villa

Kenny Dalglish, stjóri Liverpool, hefur mikinn áhuga á leikmönnum Aston Villa þessa dagana því skoski stjórinn vill fá bandaríska markvörðinn Brad Friedel og landsliðsmennina Ashley Young og Stewart Downing á Anfield fyrir næsta tímabil.

Enski boltinn 27.5.2011 13:30