Innlent

Verktaki ákveður fyrstu skref

"Það verður ákvörðun þess verktaka sem verkið hlýtur hvenær hann vill hefja framkvæmdir við Héðinsfjarðargöngin," segir Sturla Böðvarsson, samgönguráðherra.

Innlent 13.10.2005 19:01

Fischer boðið til Siglufjarðar

Valgeir Sigurðsson, Siglfirðingur og fyrrum veitingamaður í Lúxemborg, hefur boðið Bobby Fischer í heimsókn til Siglufjarðar en Valgeir er mikill stuðningsmaður skákmeistarans.

Innlent 13.10.2005 19:01

Mikið hefur verið fjallað um það, hve víðförull Jóhannes Páll páfi II var en hann ku hafa heimsótt hundrað lönd um ævina. Íslendingar þurfa ekki að leita í Vatíkanið að mönnum sem svo víða hafa farið, enda af víkingum og landkönnuðum komnir.

Innlent 13.10.2005 19:01

Gæsluvarðhald framlengt

Gæsluvarðhald yfir erlendri konu á sjötugsaldri sem tekin var á Keflavíkurflugvelli fyrir að smygla kókaíni í hárkollu hefur verið framlengt í sex vikur, eða til 15. maí. Að sögn Ásgeirs Karlssonar hjá fíkniefnadeild lögreglunnar í Reykjavík hefur enginn annar verið yfirheyrður eða handtekinn vegna málsins en hann segir yfirheyrslur yfir konunni hafa gengið vel.

Innlent 13.10.2005 19:01

6.000 umsóknir bárust

Tæplega 6.000 umsóknir höfðu borist um lóð við Lambasel í Reykjavík þegar umsóknarfrestur rann út síðdegis í gær. Dregið verður úr pottinum hjá sýslumanninum í Reykjavík í næstu viku.

Innlent 13.10.2005 19:01

Miltisbrandur girtur af

Verið er að leggja síðustu hönd á miltisbrandsgirðinguna á Sjónarhóli á Vatnsleysuströnd. Þar með er búið að girða af svæðið sem hrossin, er drápust úr miltisbrandi í lok síðasta árs, gengu á.

Innlent 13.10.2005 19:01

Færri ungmenni í vímuefnameðferð

Fólki yngra en nítján ára fækkar á meðferðarsjúkrahúsinu Vogi. Toppnum var náð árið 2002 þegar 294 ungmenni fóru í meðferð. Í fyrra voru þau 237 og fækkaði um nítján á milli ára. Fjórtán ára piltur var yngstur þeirra sem fór í meðferð í fyrra.

Innlent 13.10.2005 19:01

Segir tillögur sögulega sáttagjörð

Söguleg sáttagjörð hefur tekist í fjölmiðlamálinu, að mati menntamálaráðherra. Fulltrúar allra stjórnmálaflokka kynntu í dag sameiginlega niðurstöðu þar sem miðað er við að enginn megi eiga meira en fjórðungshlut í útbreiddustu fjölmiðlunum. Ráðherra hyggst leggja fram frumvarp um málið á Alþingi í haust.

Innlent 13.10.2005 19:01

Úrræði vantar fyrir forfallna

Alls hafa 502 núlifandi landsmenn komið oftar en tíu sinnum til meðferðar á meðferðarsjúkrahúsinu Vogi. Er það tæplega þrjú prósent allra sem þangað hafa sótt.

Innlent 13.10.2005 19:01

Mikil fækkun alvarlegra slysa

"Þarna er um að ræða marga samhangandi þætti sem valda því að þessi árangur næst," segir Birgir Hákonarson, framkvæmdastjóri umferðaröryggissviðs Umferðarstofu. Í gær var kynnt skýrsla um umferðaslys á Íslandi á síðasta ári en þar kemur fram að talsverður árangur hefur náðst í fækkun slysa og óhappa frá fyrra ári.

Innlent 13.10.2005 19:01

Lyfjaskammtar auknir

Ríkisstjórnin tekur fljótlega ákvörðun um hversu miklar lyfjabirgðir verða keyptar til forvarna og meðferðar við hugsanlegum heimsfaraldi inflúensu eða fuglaflensunnar. Búast má við að varabirgðir verði auknar svo að dugi fyrir allt að 30 prósent Íslendinga.

Innlent 13.10.2005 19:01

Heyrnartæki lækka í verði

Heyrnartæki hjá Heyrnar- og talmeinastöð Íslands lækka um 5 prósent frá og með deginum í dag. Þetta kemur fram í tilkynningu frá stöðinni. Þar segir einnig að gengi íslensku krónunar hafi styrkst verulega á undanförnum mánuðum og því sé svigrúm til þess að lækka verð heyrnartækja.

Innlent 13.10.2005 19:01

Efasemdir um Kárahnjúkavirkjun

Tæplega helmingur Íslendinga, eða 39,6 prósent, telur að rangt hafi verið að ráðast í virkjun við Kárahnjúka. 50,5 prósent telja það rétt.

Innlent 13.10.2005 19:01

Mótmæltu styttingu stúdentsprófs

Framhaldsskólanemar úr Reykjavík fjölmenntu á Austurvöll nú á tólfta tímanum til að mótmæla fyrirhugaðri styttingu á námi til stúdentsprófs. Eins og gengur og gerist með framhaldsskólanema fylgdi þeim töluverður hávaði, söngur og köll.

Innlent 13.10.2005 19:01

Brugðist við ávísun ávanalyfja

Með lyfjagagnagrunni verður hægt að hindra að fíklar fái í vaxandi mæli ávísað ávanalyfjum af læknum, segir Matthías Halldórsson aðstoðarlandlæknir. Hann segir embættið viðurkenna að ávísun lyfjanna sé verulegt vandamál.

Innlent 13.10.2005 19:01

Gjaldfrjálsir leikskólar heilsubót

Góð fjárhagsstaða bætir heilsuna. Hjúkrunarfræðingur hjá Landlæknisembættinu segir gjaldfrjálsa leikskóla geta stuðlað að því að börn eigi jafnari möguleika á góðri heilsu.

Innlent 13.10.2005 19:01

450 framhaldsskólanemar mótmæla

Allt að 450 framhaldsskólanemar úr sex skólum höfuðborgarsvæðisins mótmæltu fyrirhuguðu framvarpi menntamálaráðherra um styttingu framhaldsskólanáms á Austurvelli í gær. Einn nemendanna henti eggjum á Alþingishúsið og fékk tiltal lögreglu.

Innlent 13.10.2005 19:01

Umferðaróhöppum fækkar lítið

Ef allir Íslendingar ækju á löglegum hraða mætti draga úr banaslysum í umferðinni um 40 til 45 prósent að mati verkefnastjóra Umferðarstofu. Í nýrri ársskýrslu stofunnar kemur fram að umferðaróhöppum fækkaði lítið sem ekkert á síðasta ári en færri slasast nú en áður.

Innlent 13.10.2005 19:01

Breyta þarf eignarhaldi félaga

Búist er við að fjölmiðlanefnd menntamálaráðherra nái í dag samkomulagi um það að leggja til að í nýjum fjölmiðlalögum verði gert ráð fyrir banni við því að einstaklingur eða fyrirtæki eigi meira en fjórðung í fjölmiðlafyrirtæki. Fréttablaðið greinir frá þessu. Miðað verði við að þetta ákvæði nái aðeins til fjölmiðlafyrirtækja með ákveðna markaðshlutdeild, líklega 25 til 30 prósent. Samkvæmt þessu þyrfti að breyta eignarhaldi á 365 fjölmiðlum, Skjá einum og Morgunblaðinu.

Innlent 13.10.2005 19:01

Mikil aukning í meðgöngusykursýki

Konum sem greinst hafa með sykursýki á meðgöngu hefur fjölgað gífurlega á síðustu árum. Hún eykur hættu á sykurföllum, gulu og axlarklemmu hjá nýburum. Um 40 prósent kvenna sem fá meðgöngusykursýki þurfa að nota insúlín.

Innlent 13.10.2005 19:01

Fjöldi bensínstöðva og verð óháð

Af tíu þéttbýlisstöðum á landinu er hæsta bensínverð hjá Skeljungi. Er það þrátt fyrir samkeppni við aðrar bensínstöðvar á stöðunum.

Innlent 13.10.2005 19:01

Spurningin var misskilin

Fylgjendur álvers í Eyjafirði eru afar óánægðir með niðurstöðu viðhorfskönnunar sem sýnir að einungis helmingur Eyfirðinga vill álver í nágrenni Akureyrar. Telja þeir spurningu í könnuninni hafa verið villandi.

Innlent 13.10.2005 19:01

Veðjað um Ingibjörgu og Össur

Í veðbankanum Betsson er hægt að veðja um hvort Ingibjörg Sólrún eða Össur sigrar í formannskosningu Samfylkingarinnar. Aðeins tveir hafa veðjað enn sem komið er.

Innlent 13.10.2005 19:01

Óskar eftir frumvarpinu

Persónuvernd hefur óskað eftir frumvarpi um breytingar á fjarskiptalögum, sem hefur verið lagt fyrir ríkisstjórn, en frumvarpið var ekki sent Persónuvernd til umsagnar, aðeins kynnt munnlega á fundi með stjórnendum stofnunarinnar.

Innlent 13.10.2005 19:01

Leitað eftir samstarfi um kaup

Þreifingar hafa verið um nokkurra vikna skeið um samstarf VÍS, Meiðs og Björgólfs Thors Björgólfssonar um kaup á meirihluta í Símanum. Sex hafa lýst yfir áhuga á að bjóða í Símann í samstarfi við Björgólf Thor og fyrirtæki tengd honum.

Viðskipti innlent 13.10.2005 19:01

Umferðartafir á Holtavörðuheiði

Lögreglan í Borgarnesi varar vegfarendur við umferðartöfum á Holtavörðuheiðinni nú í hádeginu þar sem verið er að flytja flutningabíl sem valt út af veginum í gær.

Innlent 13.10.2005 19:01

Undir áhrifum í bíltúr á Laugavegi

Lögreglan í Reykjavík stöðvaði ökumann í miðborginni í nótt og reyndist hann nær alveg út úr heiminum af áfengis- og vímuefnaneyslu. Vegfarendur um Laugaveg gerðu lögreglunni viðvart um skrykkjótt og stórhættulegt aksturslag mannsins niður Laugaveginn en þar ók hann meðal annars utan í bíl.

Innlent 13.10.2005 19:01

Vinnslustöðin umbunar starfsfólki

Stjórn Vinnslustöðvarinnar hf. hefur ákveðið að umbuna fastráðnum starfsmönnum sínum til sjós og lands fyrir vel unnin störf með því að afhenda þeim hlutabréf í félaginu að nafnvirði um 2 milljónir króna. Heildarverðmæti bréfanna er um 8 milljónir króna miðað við gengið 4, síðasta skráða gengi hlutabréfa í Vinnslustöðinni í Kauphöll Íslands.

Viðskipti innlent 13.10.2005 19:01

Svikin loforð í vegamálum

Formenn stjórnarflokkanna lofuðu fyrir síðustu kosningar að unnið yrði fyrir tæpan milljarð króna á næsta eina og hálfa ári í að byggja upp Gjábakkaveg, Suðurstrandarveg og veginn um Hellisheiði. Ekkert af þessu gekk eftir. Vegagerðin tekur þó sökina að nokkru á sig.

Innlent 13.10.2005 19:01

Stjórn RÚV setur reglur um fréttir

Samkvæmt nýju frumvarpi menntamálaráðherra um Ríkisútvarpið hefur stjórn RÚV heimild til að setja reglur um fréttaflutning. Ögmundur Jónasson segir það færa pólitísk skipaðri stjórn auknar lagalegar heimildir til afskipta. Menntamálaráðherra segir að ekki sé ætlunin að stjórn RÚV skipti sér af dagskrá.

Innlent 13.10.2005 19:01

Mest lesið