Fréttir

Örvæntingin eykst í New Orleans

Örvæntingin vex hjá fólkinu sem enn er eftir í New Orleans. Um 20 þúsund manns bíða enn eftir að komast burt og það lá við óeirðum í gærkvöldi, þegar fólk barðist um sæti í rútunum sem komu til að flytja það burt til Houston. Margir eru aðframkomnir af hungri og þorsta og tugþúsundir manna þurfa vatn og matvæli strax ef ekki á illa að fara.

Erlent 14.10.2005 06:40

Þyrftu að vera á geðsjúkrahúsum

Áætlað er að 6 til 8 geðsjúkir einstaklingar, sem þyrftu að vera á geðhjúkrunarstofnunum, afpláni nú í fangelsum landsins, að sögn Önnu Kristínar Newton, sálfræðings hjá Fangelsismálastofnun. Um er að ræða einstaklinga sem eru mjög veikir og myndi líða betur og vegna betur annars staðar en innan fangelsisveggjanna.

Innlent 14.10.2005 06:40

Ófriður og umferð

Lögreglan í Keflavík fór í eitt útkall vegna heimilisófriðar og ölvunar aðfaranótt föstudags, en sagði föstudagsvaktina að öðru leyti hafa verið tíðindalitla.

Innlent 14.10.2005 06:40

Þrír fengu skilorð

Þrír ungir menn um og yfir tvítugt voru í gær dæmdir fyrir innbrot í tölvuverslun þar sem þeir stálu vörum fyrir tæpar 600 þúsund krónur. Sá sem þyngstan dóm hlaut var dæmdur til sex mánaða fangelsisvistar, en hinir tveir í þriggja mánaða fangelsi. Dómarnir voru allir skilorðsbundnir í þrjú ár.

Innlent 14.10.2005 06:40

Verðhækkanir leiði til nýrra leiða

Bensínverðhækkanirnar eru jákvæðar að mati Péturs Blöndals, formanns efnahags- og viðskiptanefndar. Hann segir þær verða til þess að leitað verði nýrra leiða við orkugjöf og þar komi Íslendingar sterkir inn.

Innlent 14.10.2005 06:40

Greiði Kynnisferðum tíund

Rútubílaeigendur gera alvarlegar athugasemdir við útboð ríkisins á sérleyfisakstri. Í skilmálum er gert ráð fyrir að Kynnisferðir fái í sinn hlut tíu prósent af sölu farmiða og að sérleyfishafar greiði Vegagerðinni 70 milljónir króna í aðstöðugjald.

Innlent 14.10.2005 06:40

Aðstoð kemur víða að

Yfir fjörutíu lönd hafa boðið Bandaríkjamönnum aðstoð sína, meðal annars þau ríki sem verst urðu fyrir barðinu á flóðbylgjunni á öðrum degi jóla og önnur sem hingað til hafa ekki verið mjög elsk að ríkisstjórninni í Washington.

Erlent 14.10.2005 06:40

Alelda á augabragði

Hús við Mjóstræti á Siglufirði er gjörónýtt eftir að hafa brunnið í fyrrinótt. Til allrar mildi höfðu íbúar þess flutt úr húsinu og tekið alla búslóðina deginum áður en brunin varð. Húsið stóð því autt.

Innlent 14.10.2005 06:40

Föngum hafnað á öryggisgeðdeild

Geðsjúkir fangar eru ekki teknir inn á sérhæfða öryggisgeðdeild á Kleppsspítala, segir Valtýr Sigurðsson fangelsismálastjóri. Hann hefur ítrekað vakið athygli stjórnvalda á stöðu heilbrigðismála fanga og bindur miklar vonir við nýtt fangelsi.

Innlent 14.10.2005 06:40

Fuglaflensa í rénun í Rússlandi

Fuglaflensufaraldurinn sem borist hefur um Rússland og Kasakstan undanfarin einn og hálfan mánuð virðist í rénun, að sögn yfirvalda í löndunum. Þau segja að tekist hafi að hefta útbreiðslu veirunnar, m.a. með því að setja fjölmarga bæi og býli í sóttkví. Auk þess sé farið að kólna og þá sé veiran ekki eins skæð.

Erlent 14.10.2005 06:40

Bólar ekki á ómerktum bílum

Lögreglan á Akranesi hafði í gær ekki enn fengið fyrirmæli um aukið umferðareftirlit á götum bæjarins, en vefmiðillinn Skessuhorn boðaði það í viðtali við Ólaf Þór Hauksson sýslumann í lok síðasta mánaðar.

Innlent 14.10.2005 06:40

IKEA innkallar fjöltengi

IKEA hefur innkallað svokölluð Rabalder-fjöltengi og biður þá viðskiptavini sem hafa keypt það að hætta strax að nota það og skila því til verslunarinnar, en varan var seld á tímabilinu apríl til ágúst á þessu ári.

Innlent 14.10.2005 06:40

Íslenskukennsla flyst til Mímis

Námsflokkar Reykjavíkur, sem heyra undir menntasvið Reykjavíkurborgar, munu skrifa undir þriggja ára þjónustusamning um íslenskukennslu fyrir útlendinga sem búsettir eru í Reykjavík, við Mími-símenntun í dag. Þá tekur samningurinn einnig til þróunar kennsluhátta í íslensku fyrir útlendinga.

Innlent 14.10.2005 06:40

Tyrkland hafi uppfyllt kröfur ESB

„Tyrkland hefur komið til móts við allar kröfur Evrópusambandsins, nú verður ekki meira að gert.“ Þetta sagði Tayyip Erdogan, forsætisráðherra Tyrklands í dag, en samningaviðræður um inngöngu Tyrklands í Evrópusambandið eiga að hefjast 3. október. Ekki eru allir meðlimir sambandsins sammála honum.

Erlent 14.10.2005 06:40

Reykholtskirkja fær velgjörðarmann

Kirkjan í Reykholti hefur eignast norskan auðjöfur sem velgjörðarmann, en hann hefur styrkt kirkjuna um milljónir króna síðustu tvö ár.

Innlent 14.10.2005 06:40

Lego flytur störf til Tékklands

Danska leikfangafyrirtækið Lego hefur tilkynnt að verksmiðja félagsins í Sviss ásamt fimm dreifingarstöðvum víðs vegar um Evrópu verði flutt til Tékklands. Þetta kemur fram í <em>Vegvísi</em> KB banka. Um 540 starfsmenn munu missa vinnu sína vegna skipulagsbreytinganna en ástæða þess að verksmiðjunni verður lokað í Sviss er hár launa- og framleiðslukostnaður þar í landi.

Viðskipti erlent 14.10.2005 06:40

Helstu félagaskipti gærdagsins

Félagskiptum í enska boltanum rigndi inn í gær. Dæmi er um að félög hafi fengið einn og fleiri en tvo leikmenn á síðustu stundu. Til að mynda fengu Portsmouth til sín þrjá leikmenn, sem allt eru landsliðsmenn.

Sport 14.10.2005 06:40

Eldsneytishækkanir og olíukreppa

Áhrifa Katrínar gætir víða, meðal annars hér á landi. Öll stóru olíufélögin hækkuðu í dag verðið á bensínlítranum um fjórar krónur og báru fyrir sig hækkandi verði á heimsmarkaði af völdum fellibylsins.

Innlent 14.10.2005 06:40

Játuðu þjófnað í tölvuverslun

Þrír ungir menn, tveir tvítugir og einn 21 árs, játuðu við þingfestingu máls á hendur þeim í Héraðdómi Reykjavíkur í gær að hafa í aprílbyrjun brotist inn í tölvuverslun í Reykjavík og stolið þaðan vörum fyrir tæpar 600 þúsund krónur.

Innlent 14.10.2005 06:40

Skýringa frá stjórnvöldum krafist

Tugþúsundir Íraka mættu við útfarir þeirra sem dóu í öngþveitinu í Bagdad í fyrradag. Gagnrýni fer nú vaxandi á ríkisstjórnina fyrir að hafa mistekist að koma í veg fyrir harmleikinn.

Erlent 14.10.2005 06:40

Ná störfunum til baka á árinu

"Þetta eru vissulega vonbrigði en við erum vongóðir um að ná öllum þessum störfum til baka áður en árið er liðið," segir Ómar Már Jónsson, sveitarstjóri Súðavíkur, en átján starfsmenn þar í bæ misstu atvinnu sína í fyrradag þegar rækjuvinnslan Frosti hætti starfsemi.

Innlent 14.10.2005 06:40

Enn bíða 480 eftir frístundaplássi

Enn eru 480 börn á biðlista eftir plássi á frístundaheimilum skólabarna í Reykjavík. Soffía Pálsdóttir, æskulýðsfulltrúi Íþrótta- og tómstundaráðs Reykjavíkurborgar, sem er með umsjón með frístundaheimilum skólabarna, segir að alls vanti 99 starfsmenn í stöður víðs vegar um borgina.

Innlent 14.10.2005 06:40

Uppreisnarmenn skotnir í Pakistan

Indverskir hermenn skutu í morgun níu uppreisnarmenn til bana við landamæri Pakistans. Uppreisnarmennirnir, sem höfðu mikið af vopnum í fórum sínum, voru að reyna að smygla sér yfir landamærin, þegar til skotbardaganna kom.

Erlent 14.10.2005 06:40

Safna liði gegn Arroyo

Stjórnarandstaðan á Filippseyjum safnar nú liði til að krefjast lögsóknar á hendur forseta landsins Gloriu Macapagal Arroyo, eftir að stuðningsmenn hennar í sérstakri þingnefnd ákváðu að falla frá þremur ákærum á hendur henni. Arroyo er meðal annars sökuð um kosningasvindl.

Erlent 14.10.2005 06:40

Handtóku móðurina

Lögregla hefur handtekið móður fjögurra mánaða drengs sem lést í eldsvoða um helgina.

Erlent 14.10.2005 06:40

Bóluefni gegn lifrarbólgu B búið

Bóluefni gegn lifrarbólgu B er nú ófáanlegt hjá innflytjanda hér. Ný sending er komin til landsins og er í gæðaeftirliti. Bóluefnið verður aftur fáanlegt í næstu viku, að sögn Hjörleifs Þórarinssonar forstjóra Glaxo á Íslandi.

Innlent 14.10.2005 06:40

Standa vörð um hagsmuni og réttind

Starfsemi Neytendastofu og embætti talsmanns neytenda var kynnt fyrir fjölmiðlum íá föstudag en nú eru liðnir tveir mánuðir síðan viðkomandi embætti tóku formlega til starfa.

Innlent 14.10.2005 06:40

Glundroði í New Orleans

Algjör glundroði ríkir í New Orleans eftir fellybylinn Katrínu, sem nú er óttast að hafi orðið þúsundum manna að bana. Talið er að allt að hundrað þúsund manns séu enn í borginni, en aðeins fjórðungur þeirra er í Súperdóme höllinni, sem átti að hýsa alla sem ekki kæmust burt.

Erlent 14.10.2005 06:40

Til Taílands án áritunar

Horfið hefur verið til þess fyrirkomulags sem ríkti fyrir nokkrum árum að Íslendingar þurfa ekki vegabréfsáritun til Taílands. Ólafur Egilsson sendiherra segir að í júlílok hafi verið gengið frá samkomulagi um þetta við Taíland, en afgreiðsla málsins hafði tafist vegna jarðskjálftanna og flóðanna annan í jólum.

Innlent 14.10.2005 06:40

Þverpólitísk samstaða um flugvöll

Þverpólitísk samstaða virðist hafa myndast um að flutningur Reykjavíkurflugvallar komi til greina. Samgönguráðherra segist fús til að ræða allt. Nú snýst umræðan um raunhæfa kosti fyrir völlinn utan Vatnsmýrarinnar.

Innlent 14.10.2005 06:40