Fréttir

Á 144 km/h með nýtt skírteini

Ungur ökumaður með dagsgamalt bráðabirgðaökuskírteini var stöðvaður á 144 kílómetra hraða á Suðurlandsvegi, rétt austan Þjórsár í gær. Að sögn lögreglu á Hvolsvelli fékk hann rækilegt tiltal og ólíklegt að hann haldi skírteininu lengi haldi hann uppteknum hætti.

Innlent 13.10.2005 19:47

Tala fórnarlamba enn óljós

Í dag tókst loksins að fylla eitt af stærstu skörðunum í varnargarðinum umhverfis New Orleans. Verkfræðingar eru teknir til við að dæla vatni úr borginni og gera ráð fyrir að það taki þrjá mánuði. Þar með er vandinn þó hvergi nærri leystur, því umhverfissérfræðingar segja stórhættulegt að dæla flóðavatni blandað skólpi, líkum og spilliefnum út í Pontchartrain-vatn og Mississippi-fljót.

Erlent 13.10.2005 19:47

Þrír slösuðust á Kárahnjúkum

Þrír menn slösuðust í tveimur vinnuslysum á Kárahnjúkum sem bæði áttu sér stað seinnipartinn í fyrradag. Hið fyrra varð með þeim hætti að járnfleki sem setja átti í stífluna færðist úr stað þegar átti að hífa hann með þeim afleiðingum að tveir starfsmenn klemmdust með fætur milli fleka. </font />

Innlent 13.10.2005 19:47

Róbótar í matvælavinnslu

Í fréttatilkynningu frá Marel hf. kemur fram að fyrirtækið standi nú á tímamótum í þróun og framleiðslu hátæknibúnaðar fyrir matvælaiðnað því hafin er þróun tækni sem miðar að því að róbótar geti pakkað kjöt- og fiskafurðum án þess að mannshöndin komi þar nærri.

Innlent 13.10.2005 19:47

Olíuverð fer lækkandi

Sjötíu og einn dollara á fatið var olíuverðið á heimsmarkaði dagana eftir að Katrín gekk yfir Mexíkóflóa og suðurströnd Bandaríkjanna. Olíuborpallar voru rýmdir, hreinsunarstöðvar og olíuleiðslur laskaðar og ástandið er ekki gott.

Erlent 13.10.2005 19:47

Hátt gengi - tap í sjávarútvegi

Sjávarútvegurinn verður af um fimmtán milljörðum króna á ári vegna hás gengis íslensku krónunnar. Þetta segir Arnar Sigurmundsson, framkvæmdastjóri Samtaka fiskvinnslustöðva, og telur að um 300 störf kunni að hafa tapast vegna þessa á undaförnum mánuðum.

Innlent 13.10.2005 19:47

Íslensk kona ófundin

Ritu Daudin, íslensku konunnar sem saknað er eftir fellibylinn Katrínu á suðurströnd Bandaríkjanna, er enn ófundin. Einnig er leitað að syni hennar.

Innlent 13.10.2005 19:47

Stærstur hluti Símafjár í skuldir

Stærstum hluta af söluandvirði Landsímans, tæpum sextíu og sjö milljörðum, verður varið til að greiða niður erlendar skuldir. Fjörutíu og þrír milljarðar fara í ýmis verkefni, meðal annars til að byggja upp nýtt hátæknisjúkrahús. Þá verður fimmtán milljörðum varið til vegagerðar, þar af rúmum tíu milljörðum til framkvæmda á höfuðborgarsvæðinu, mestu í Sundabraut.

Innlent 13.10.2005 19:47

Efast um áhuga sveitarfélaga

Tillaga Ólafs F. Magnússonar, borgafulltrúi Frjálslyndra, um að Borgarstjórn Reykjavíkur samþykki að fela Reykjavíkurborg að leita eftir viðræðum við önnur sveitarfélög á höfuðborgarsvæðinu um sameiningu sveitarfélaganna var ekki samþykkt í gær. Þess í stað var bókun Steinunnar Valdísar Óskarsdóttur borgarstjóra samþykkt um að tillagan verði kynnt fyrir stjórn Samtaka sveitarfélaga á höfuðborgarsvæðinu.  

Innlent 13.10.2005 19:47

Úrskurðarnefnd lögð niður

Úrskurðarnefnd um póst- og fjarskiptamál verður lögð niður samkvæmt tillögu sem samgönguráðherra lagði fyrir ríkisstjórn í morgun. Í athugasemdum með frumvarpinu kemur fram að einfaldara þykir að samgönguráðuneytið úrskurði í málum þar sem ágreiningur um ákvarðanir Póst- og fjarskiptastofnunar á fjarskiptamarkaði kunna að koma upp.

Innlent 13.10.2005 19:47

Spá verðbólgu og launaskriði

Samkvæmt verðbólguspá Greiningar Íslandsbanka er útlit fyrir 0,9% hækkun vísitölu neysluverðs á milli ágúst og september.Margt leggst á eitt og stuðlar að mikilli hækkun vísitölunnar að þessu sinni. Útsölulok ásamt hækkun eldsneytisverðs er helsta skýring hækkunarinnar, en fleira kemur til.

Innlent 13.10.2005 19:47

Skemmdir á Nordica endurmetnar

Komið hefur í ljós að ofmetnar voru skemmdir á tækjum og innanstokksmunum í ráðstefnusal á Hótel Nordica eftir grænar slettur mótmælenda í sumar. Þingfest var í Héraðsdómi Reykjavíkur í gær mál á hendur Ólafi Páli Sigurðssyni og Örnu Ösp Magnúsardóttur fyrir aðild þeirra.

Innlent 13.10.2005 19:47

Óttast að þúsundir hafi farist

Nauðsynlegt er að flytja alla íbúa frá New Orleans svo uppbyggingarstarf geti hafist. Fjöldi fólks neitar þó að yfirgefa heimili sín. Farið er að safna saman líkum af götum borgarinnar og óttast.

Erlent 13.10.2005 19:46

Erfitt að flytja inn vinnuafl

Erfiðlega gengur að fá leyfi fyrir erlendu vinnuafli í störf sem Íslendingar vilja ekki vinna. Forstjóri Vinnumálastofnunar segir að breytinga sé að vænta.

Innlent 13.10.2005 19:47

Máttleysi stjórnvalda gagnrýnt

Viðbrögðin við Katrínu og afleiðingum hennar hafa verið harðlega gagnrýnd. Íbúar skilja ekki hvers vegna ekkert var gert til að koma í veg fyrir hörmungarnar og hvers vegna enginn kom þeim til hjálpar þegar í stað. Íslenskir verkfræðingar segja að það hafi verið fyrirsjáanlegt hvernig færi áður en Katrín skall á.

Erlent 13.10.2005 19:47

Ekið á barn við Álakvísl

Tólf ára drengur var fluttur á sjúkrahús laust eftir klukkan sex í kvöld eftir að hafa hjólað inn í hlið bifreiðar við Álakvísl í Reykjavík. Lögregla taldi drenginn þó hafa sloppið vel og meiðsli óveruleg.

Innlent 13.10.2005 19:47

Pútín ætlar ekki að sitja áfram

Vladimir Pútín, forseti Rússlands, ætlar ekki að reyna að sitja áfram sem forseti þegar síðara kjörtímabil hans rennur út árið 2008. Þetta sagði forsetinn á fundi með fræðimönnum og stjórnmálaskýrendum í Moskvu í gær.

Erlent 13.10.2005 19:47

Óvissa um greiðslukortabrot

Dómarar Héraðsdóms Reykjavíkur í máli ákæruvaldsins gegn Baugsfeðgum og fjórum öðrum sakborningum hafa vakið athygli ákæruvaldsins á því að slíkir annmarkar kunni að vera á átján af fjörutíu liðum ákærunnar að úr þeim verði ekki bætt í málarekstrinum. Dómur verði því ekki kveðinn upp um efni þeirra.

Innlent 13.10.2005 19:47

Spænsku konungshjónin til páfa

Benedikt páfi XVI átti fund í gær með spænsku konungshjónunum, en Spánverjar leyfðu nýlega samkynhneigðum að ganga í heilagt hjónaband andstætt vilja kaþólsku kirkjunnar.

Erlent 14.10.2005 06:40

143 fórust í flugslysi í Indónesíu

143 fórust þegar farþegaþota hrapaði í þéttbyggðu íbúðahverfi í þriðju stærstu borg Indónesíu, Medan, í dag. Vélin hrapaði skömmu eftir flugtak, en hún var á leið frá Medan til höfuðborgarinnar Jakarta. Flugvöllurinn er inni í miðri borg, umkringdur þéttri byggð.

Erlent 14.10.2005 06:40

Lilja fær að ættleiða barn

Lilja Sæmundsdóttir, konan sem dómsmálaráðuneytið synjaði um að ættleiða barn frá Kína hefur unnið sigur. Hún hefur fengið samþykki frá ráðuneytinu eftir að hafa barist fyrir dómstólum fyrir því að jafnt gangi yfir alla. </font /></b />

Innlent 14.10.2005 06:40

Lögregla fann dóp á skemmtistað

Skemmtistaður á Selfossi var rýmdur eftir að lögregla fann þar fíkniefni og tól til neyslu þeirra við eftirlit aðfararnótt laugardags. Málið er til rannsóknar og efnin í greiningu, en að sögn lögreglu á Selfossi voru fáir inni á staðnum, starfsfólk og örfáir aðrir.

Innlent 14.10.2005 06:40

Neitar seinni stungunni

Gæsluvarðhald yfir pilti, sem talinn er hafa stungið tvo aðra með hnífi í miðborg Reykjavíkur á Menningarnótt, hefur verið framlengt allt til föstudagsins 14. október.

Innlent 14.10.2005 06:40

Vaxtabótakerfið ekki óþarft!

Samkvæmt ASÍ er vaxtabótakerfið ekki óþarft eins og haldið hefur verið fram. Segir ASÍ að þrátt fyrir að breytingar á húsnæðislánamarkaðinum séu hagstæðar fyrir suma, séu þær það ekki fyrir alla og jafnvel íþyngjandi fyrir marga.

Innlent 14.10.2005 06:40

Davíð gefur engar yfirlýsingar

Davíð Oddsson, formaður Sjálfstæðisflokksins, kvaðst fyrir fund í fulltrúaráði sjálfstæðisfélaganna í kvöld ekki ætla að gefa neinar yfirlýsingar á fundinum um framboð til formanns á landsfundi flokksins í næsta mánuði.

Innlent 14.10.2005 06:40

Segir ferjusiglingar leggjast af

Ríkið hættir að taka þátt í ferjusiglingum yfir Breiðafjörð innan fimm ára. Framkvæmdastjóri Sæferða segir ferjusiglingar yfir fjörðinn munu leggjast af í kjölfarið. Bæjarstjóra Vesturbyggðar hugnast breytingarnar ekki og telur þær skaða sveitafélagið miðað við óbreytt ástand.

Innlent 14.10.2005 06:40

Skar sig á púls

Óskað var aðstoðar sjúkraliðs og lögreglu í húsi í Njarðvík vegna manns með slagæðablæðingu laust eftir klukkan hálf tólf á sunnudagskvöldið. Að sögn lögreglu hafði maður verið að opna kassa með hnífi, en slysast til að stinga honum í handlegginn á sér og skarst við það á púls. 

Innlent 14.10.2005 06:40

Lögregla leitar brennuvargs

Lögreglan í Reykjavík svipast um eftir brennuvargi eftir ítrekaða íkveikju í iðnaðarhúsnæði við Fiskislóð, að morgni sunnudags og mánudags. Þá er talið líklegt að kveikt hafi verið í pappakössum sem geymdir voru í kyndiklefa í Melabúðinni aðfaranótt sunnudags.

Innlent 14.10.2005 06:40

Fé auðmanna til Vinstriflokksins

Hópur norskra kaupsýslumanna leggur nú allt kapp á að fá kjósendur Hægriflokksins til þess að kjósa Vinstriflokkinn og reyna þannig að tryggja áframhaldandi hægristjórn í landinu í kjölfar þingkosninganna eftir viku.

Erlent 14.10.2005 06:40

Hjálpargögn á leiðinni til BNA

Byrjað er að flytja hjálpargögn frá Evrópu til Bandaríkjanna. Björgunarmenn leita nú lifenda í rústum borga og bæja í Louisiana, Mississippi og Alabama, og safna saman líkum, en fjöldi látinna hleypur líklega á þúsundum.

Erlent 14.10.2005 06:40