Fréttir

Hátt gengi - tap í sjávarútvegi

Sjávarútvegurinn verður af um fimmtán milljörðum króna á ári vegna hás gengis íslensku krónunnar. Þetta segir Arnar Sigurmundsson, framkvæmdastjóri Samtaka fiskvinnslustöðva, og telur að um 300 störf kunni að hafa tapast vegna þessa á undaförnum mánuðum.

Innlent 13.10.2005 19:47

Íslensk kona ófundin

Ritu Daudin, íslensku konunnar sem saknað er eftir fellibylinn Katrínu á suðurströnd Bandaríkjanna, er enn ófundin. Einnig er leitað að syni hennar.

Innlent 13.10.2005 19:47

Stærstur hluti Símafjár í skuldir

Stærstum hluta af söluandvirði Landsímans, tæpum sextíu og sjö milljörðum, verður varið til að greiða niður erlendar skuldir. Fjörutíu og þrír milljarðar fara í ýmis verkefni, meðal annars til að byggja upp nýtt hátæknisjúkrahús. Þá verður fimmtán milljörðum varið til vegagerðar, þar af rúmum tíu milljörðum til framkvæmda á höfuðborgarsvæðinu, mestu í Sundabraut.

Innlent 13.10.2005 19:47

Efast um áhuga sveitarfélaga

Tillaga Ólafs F. Magnússonar, borgafulltrúi Frjálslyndra, um að Borgarstjórn Reykjavíkur samþykki að fela Reykjavíkurborg að leita eftir viðræðum við önnur sveitarfélög á höfuðborgarsvæðinu um sameiningu sveitarfélaganna var ekki samþykkt í gær. Þess í stað var bókun Steinunnar Valdísar Óskarsdóttur borgarstjóra samþykkt um að tillagan verði kynnt fyrir stjórn Samtaka sveitarfélaga á höfuðborgarsvæðinu.

Innlent 13.10.2005 19:47

Úrskurðarnefnd lögð niður

Úrskurðarnefnd um póst- og fjarskiptamál verður lögð niður samkvæmt tillögu sem samgönguráðherra lagði fyrir ríkisstjórn í morgun. Í athugasemdum með frumvarpinu kemur fram að einfaldara þykir að samgönguráðuneytið úrskurði í málum þar sem ágreiningur um ákvarðanir Póst- og fjarskiptastofnunar á fjarskiptamarkaði kunna að koma upp.

Innlent 13.10.2005 19:47

Spá verðbólgu og launaskriði

Samkvæmt verðbólguspá Greiningar Íslandsbanka er útlit fyrir 0,9% hækkun vísitölu neysluverðs á milli ágúst og september.Margt leggst á eitt og stuðlar að mikilli hækkun vísitölunnar að þessu sinni. Útsölulok ásamt hækkun eldsneytisverðs er helsta skýring hækkunarinnar, en fleira kemur til.

Innlent 13.10.2005 19:47

Lækkandi olíuverð

Olíuverð hefur lækkað töluvert undanfarna daga og er nú lægra en það var áður en fellibylurinn Katrín gekk yfir suðurströnd Bandaríkjanna. Verðið á olíutunnu á mörkuðum í Bandaríkjunum er nú tæpir sextíu og sjö dollarar en ástæður lækkunarinnar eru ákvörðun iðnríkja að veita olíu úr neyðarbirgðum á markað auk þess sem olíuhreinsunarstöðvar við Mexíkóflóa eru margar hverjar teknar til starfa á ný.

Erlent 13.10.2005 19:47

Skip farin til síldveiða

Fyrsta síldveiðiskipið er komið á síldarmiðin út af Austfjörðum og eins og oft áður eru það Hornfirðingar sem ríða á vaðið.

Innlent 13.10.2005 19:47

Halldór ráðinn framkvæmdastjóri

Halldór Jóhannsson viðskiptafræðingur verður næsti framkvæmdastjóri KEA. Stjórn félagsins ákvað á síðasta fundi sínum að ráða hann til starfa í stað Andra Teitssonar sem lætur af störfum.

Viðskipti innlent 13.10.2005 19:47

Rauði krossinn býður aðstoð

Rauði kross Íslands hefur boðið bandaríska Rauða krossinum aðstoð vegna hjálparstarfsins í suðurhluta Bandaríkjanna í kjölfar fellibylsins Katrínar. Um er að ræða fimm til tíu manna teymi sem vinna í fjöldahjálparskýlum þar er tekið á móti fólki sem hefur þurft að yfirgefa heimili sín.

Innlent 13.10.2005 19:47

Róbótar svar við lágum launum

Fyrirtæki á Vesturlöndum hafa á undanförnum árum verið að flytja framleiðslu sína í stórum stíl til Asíu og annarra heimshluta þar sem laun eru margfallt lægri en í iðnríkjunum. Vesturlönd eiga fá svör við við lágum launum en Marel hyggst nú útvega svör, allavega í matvælaiðnaði.

Innlent 13.10.2005 19:47

Heyrðu sprengingu í vélinni

Hafin er rannsókn á orsökum flugslyssins í Indónesíu sem varð í fyrradag þar sem að minnsta kosti 149 létu lífið.

Erlent 13.10.2005 19:47

Ekki eins alvarlega slasaðir

Komið hefur í ljós að tveir af þeim þremur mönnum sem meiddust í tveimur vinnuslysum við Kárahnjúka í gær, eru ekki jafn alvarlega slasaðir og í upphafi var talið.

Innlent 13.10.2005 19:47

Miklir annmarkar á ákærunum

Héraðsdómur Reykjavíkur telur að slíkir annmarkar séu á ákærunum á hendur sexmenningunum í Baugsmálinu, að líklega verði átján ákæruliðum af fjörutíu vísað frá dómi. Dómurinn boðar aukaþinghald tólfta september til þess að gefa ákæruvaldinu kost á að tjá sig um málið.

Innlent 13.10.2005 19:47

Skyrmálið þingfest í Héraðsdómi

Mál mótmælendanna Örnu Aspar Magnúsardóttur og Ólafs Páls Sigurðssonar verður þingfest í Héraðsdómi Reykjavíkur í dag en þar munu sakborningarnir taka afstöðu til þess hvort þau játa eða neita.

Innlent 13.10.2005 19:47

Sex börn létust í kláfaslysi

Sex börn á aldrinum 11 til 13 ára voru meðal níu fórnarlamba í kláfslysinu í Austurríki í fyrradag. Sjö til viðbótar slösuðust, þar af tveir alvarlega.

Erlent 13.10.2005 19:47

Gistinóttum fer fjölgandi

Gistinóttum á hótelum fjölgar sífellt og voru þær í júlí árið 2005 rúmlega 157 þúsund. Gistinætur voru árið á undan 153 þúsund, og því þriggja prósenta aukning á milli ára. Þetta kemur fram á heimasíðu Hagstofu Íslands.

Innlent 14.10.2005 06:40

Mótmæla harðlega skotæfingasvæði

Íbúar á Eiðum mótmæla harðlega fyrirhuguðu skotæfingasvæði, skammt frá barnaskólanum á Eiðum, sem bæjaryfirvöld á Fljótsdalshéraði hafa sent í grenndarkynningu. Bæjarstjóranum var í morgun afhentur undirskriftalisti með mótmælunum.

Innlent 14.10.2005 06:40

Skemmtiferðarskip til hjálpar

Gríska ríkisstjórnin tilkynnti í gær að Bandaríkjastjórn hefði samþykkt að send yrðu tvö skemmtiferðaskip til þess að hýsa fórnarlömb flóðanna í suðurríkjum Bandaríkjanna. Vonast er til þess að skipin geti hýst þúsundir manna í nokkra mánuði.

Erlent 14.10.2005 06:40

Fyrirhuguð heimsókn vekur furðu

Hosni Mubarak, forseti Egyptalands, ætlar í opinbera heimsókn til Ísraels síðar á árinu. Þetta hefur Reuters-fréttastofan eftir ísraelskum útvarpsstöðvum. Þetta þykir sæta miklum tíðindum, því samskipti Egyptalands og Ísraels hafa verið með stirðara móti undanfarin ár.

Erlent 14.10.2005 06:40

Engin yfirlýsing frá Davíð

Davíð Oddsson, formaður Sjálfstæðisflokkinns, gaf engar yfirlýsingar um framtíð sína í stjórnmálum þegar hann ávarpaði fjölmennan fund Varðar - fulltrúaráðs sjálfstæðisfélaganna í Reykjavík í gær.

Innlent 14.10.2005 06:40

Allir fórust í flugslysi á Súmötru

Nú er ljóst að allir um borð, eða hundrað og sautján manns, fórust þegar Boeing 737-200 farþegaþota hrapaði skömmu eftir flugtak í norðurhluta Súmötru á Indónesíu í morgun.

Erlent 14.10.2005 06:40

Önnur konan komin í leitirnar

Lilja Hans sem ekkert hafði heyrst frá síðan fellibylurinn gekk yfir New Orleans er komin í leitirnar. Áður var talið að Lilja væri eini Íslendingurinn sem ekki var búið að ná í en nú hefur komið í ljós að 75 ára íslenskrar konu er einnig saknað.

Innlent 14.10.2005 06:40

Tveggja íslenskra kvenna saknað

Tveggja íslenskra kvenna er enn saknað eftir náttúruhamfarirnar í suðurhluta Bandaríkjanna. Lilja Ólafsdóttir Hansch, sem saknað var í Mississippi, kom í leitirnar í gærkvöldi.

Erlent 14.10.2005 06:40

Farþegafjölgun um Leifsstöð

Farþegum um Flugstöð Leifs Eiríkssonar fjölgaði um tæplega 11% í ágúst miðað við sama tíma í fyrra, úr rúmum 220 þúsund farþegum árið 2004 í rúma 245 þúsund farþega nú.

Innlent 14.10.2005 06:40

Forsetar safna fé

Tveir fyrrum forsetar Bandaríkjanna, George Bush eldri og Bill Clinton, hafa lagt lið sitt við fjársöfnun til handa fórnarlamba fellibyljarins Katrínar.

Erlent 14.10.2005 06:40

Íkveikjumál erfiðari öðrum

Lögreglan í Reykjavík leitar brennuvargs, eða -vargar, eftir að kveikt var í fjórum sinnu um helgina, þar af tvisvar á sama stað með sólarhrings millibili. Íkveikjumál eru þó þung í rannsókn og nokkur stór sem upp hafa komið síðustu ár ennþá óupplýst.

Innlent 14.10.2005 06:40

Mest lesið