Fréttir

Fréttamynd

Hamas viðurkenni Ísraelsríki óbeint

Hamas-samtökin, sem eru í forystu í heimastjórn Palestínumanna, hafa óbeint viðurkennt tilvist Ísraelsríkis. Forystusveit samtakanna hefur samþykkt lausn á deilum Ísraela sem felur í sér stofnun Palestínuríkis við hlið Ísraels.

Erlent
Fréttamynd

Erfiðara að selja íbúðir í höfuðborginni

Lengri tíma tekur að selja íbúðir á höfuðborgarsvæðinu en áður og fleiri nýjar íbúðir standa auðar. Greiningadeild Glitnis spáir fimm til tíu prósenta lækkun að nafnvirði á húsnæðisverði á næstu tólf til tuttugu og fjórum mánuðinum.

Innlent
Fréttamynd

Leiðréttingu á réttarstöðu samkynhneigðra loks náð

Hvergi í heiminum njóta samkynhneigðir eins mikilla lagalegra réttinda og verndar og á Íslandi. Ný lög um réttarstöðu samkynhneigðra sem samþykkt voru í byrjun mánaðarins taka gildi í dag. Af því tilefni efna Samtökin '78 til hátíðarsamkomu í Listasafni Reykjavíkur í dag.

Innlent
Fréttamynd

Bush gagnrýnir New York Times

Bush Bandaríkjaforseti ganrýndi í gær dagblaðið New York Times harðlega fyrir að birta í síðustu viku frétt um að bandaríska leyniþjónsutan hefði fengið aðgang að alþjóðlegum gagnabanka um bankaviðskipti.

Erlent
Fréttamynd

Actavis varð af kaupum á Pliva

Actavis fær ekki að kaupa króatíska lyfjafyrirtækið Pliva og verður þar með ekki þriðja stærsta samheitalyfjafyrirtæki í heimi, eins og stefnt var að. Stjórn króatíska lyfjafyrirtækisins Pliva hefur tilkynnt kauphöllum að hún leggi það til við eigendur, að ganga til samninga við bandaríska lyfjafyrirtækið Barr, um sölu á fyrirtækinu, en íslenska lyfjafyrirtækið Actavis sóttist líka eftir kaupunum.

Innlent
Fréttamynd

Uppsalir meðal jarða til leigu

Tólf umsækjendur voru um jarðir í Selárdal við Arnarfjörð sem landbúnaðarráðuneytið auglýsti til leigu í vor. Fréttavefurinn Bæjarins besta greinir frá því að um sé að ræða jarðirnar Uppsali, þar sem einbúinn Gísli Gíslason bjó, Brautarholt þar sem var fyrrum íbúðarhús Samúels Jónssonar listamanns og bæinn Kolbeinsskeið í Selárdal, ásamt fyrrverandi íbúðarhúsi á Melstað og Selárdal. Jörðunum verður úthlutað í vor og er leigutíminn til fimmtíu ára. Íbúðarhúsin eru þó flesti í slæmu ásigkomulagi og þarfnast mikilla endurbóta.

Innlent
Fréttamynd

Ríkisstjórnin ákveður aðgerðir til að draga úr verðbólgu

Ríkisstjórnin hefur ákveðið að lækka lánshlutfall Íbúaðaláasjóðs tímabundið úr 90% í 80% og hámarkslán úr 18 milljónum króna í 17 milljónir króna. Þetta er meðal aðgerða sem ríkisstjórnin hefur fallist á til að stuðla að því markmiði að hjöðnun verðbólgu gangi eftir sem fyrst. Þessar aðgerðir ríkisstjórnarinnar voru ákveðnar á ríkisstjórnarfundi fyrr í dag.

Innlent
Fréttamynd

Systkini hlaupa nakin til stuðnings PETA

Íslensk systkini, Hanna og Tryggvi Guðmundsbörn, eru meðal þeirra mörghundruð stuðningsmanna dýraverndunarsamtaknna PETA sem hyggjast hlaupa nakin um götur Pamplona á Spáni 5. júlí til að mótmæla árlegu nautahlaupi í borginni.

Innlent
Fréttamynd

Þrjú tonn af kókaíni gerð upptæk í Kólumbíu

Lögreglan í Kólumbíu sýndi fjölmiðlum í gær tæplega þrjú tonn af kókaíni sem hún gerði upptæk á dögunum. Talið er að flytja hafi átt allan farminn til Evrópu. Kókaínið fannst grafið í jörðu nærri bænum Necocli í norðurhluta Kólumbíu en enginn hefur verið handtekinn vegna málsins enn sem komið er.

Erlent
Fréttamynd

Dæmd í 10 mánaða skilorðsbundið fangelsi

Kona var í dag dæmd í Héraðsdómi Reykjaness í 10 mánaða skilorðsbundið fangelsi fyrir skjalafals. Konan hafði á sex ára tímabili tekið þrettán lán þar sem hún falsaði á bréfin nafn eiginmanns síns sem sjálfskuldarábyrgðarmanns. Konan var nýkomin úr sambúð þegar hún kynntist eiginmanni sínum og var með þunga skuldabirgði úr þeirri sambúð.

Innlent
Fréttamynd

Skæruliðar láta friðargæsluliða SÞ lausa

Skæruliðar í Afríkuríkinu Kongó létu í morgun lausa tvo nepalska friðargæsluliða Sameinuðu þjóðanna sem þeir höfðu haft í haldi í mánuð. Fimm friðargæsluliðar eru þó enn í haldi skæruliðanna. Mennirnir sem fengu frelsi í morgun eru við ágæta heilsu.

Erlent
Fréttamynd

Bush eldri hyggst veiða lax á Íslandi

Íslenskir fluguhnýtarar sitja nú sveittir við að hnýta flugur handa George Bush eldri, fyrrverandi Bandaríkjaforseta, sem er væntanlegur til Íslands í júlí. Bush mun snæða með forseta Íslands og svo fer hann og kastar fyrir laxi í fylgd reyndra manna.

Innlent
Fréttamynd

Ráðinn verkefnisstjóri Alcoa á Norðurlandi

Kristján Þ. Halldórsson rekstrarverkfræðingur hefur verið ráðinn verkefnisstjóri samfélagsmála fyrir Alcoa á Norðurlandi. Kristján mun starfa við undirbúningsvinnu vegna hugsanlegs álvers á Norðurlandi. Kristján mun sjá um að miðla upplýsingum um Alcoa og hugsanlegt álver til hagsmunaaðila á Norðausturlandi, svo sem sveitarfélaga, stofnana, félagasamtaka og íbúa.

Innlent
Fréttamynd

Ítalir hafna breytingu á stjórnskipan landsins

Ítalar hafa, með afgerandi hætti, hafnað breytingum á stjórnskipan landsins. Efnt var til þjóðaratkvæðagreiðslu um breytingarnar sem hefðu aukið völd forsætisráðherrans og sjálfsstjórn héraða. Rúmlega 61% greiddu atkvæði gegn tillögunum.

Innlent
Fréttamynd

Evrópublaðið fundar í dag vegna skýrslu um fangaflugs CIA

Evrópuráðið kemur saman til fundar í dag til að ræða skýrslu rannsóknarnefndar ráðsins um fangaflug bandarísku leyniþjónustunnar. Þar verður meðal annars hlýtt á vitnisburð manna sem segjast hafa sætt pyntingum þegar þeir voru í haldi Bandaríkjamanna.

Erlent
Fréttamynd

Úrskurðaður í gæsluvarðhald til 7. júlí

Fyrrverandi starfsmaður Tryggingastofnunar ríkisins, sem er grunaður um tuga milljóna króna fjárdrátt af stofnuninni, var í gærkvöldi úrskurðaður í gæsluvarðhald til sjöunda júlí. Ríkislögrelgustjóri rannsakar meðal annars hvort maðurinn hafi átt sér vitorðsmenn, en fyrir liggur að hann lagði fjárhæðir inn á reikninga all margra skjólstæðinga stofnunarinnar. Þá er verið að rannsaka hversu lengi misferli mannsins hefur staðið.

Innlent
Fréttamynd

Actavis sækist eftir kaupum á Pliva

Stjórn króatíska lyfjafyrirtækisins Pliva hefur ákveðið að leggja það til við eigendur, að ganga til samninga við bandaríska lyfjafyrirtækið Barr, um sölu á fyrirtækinu, en íslenska lyfjafyrirtækið Actavis sóttist líka eftir kaupunum.

Innlent
Fréttamynd

Hátt lyfjaverð kemur niður á þeim tekjuminni

Ungir jafnaðarmenn í ungliðahreyfingu Samfylkingarinnar líta á hátt lyfjaverð hér á landi sem alvarlega ógnun við velferðina og benda í ályktun sinni á, að hátt lyfjaverð komi harðast niður á efna minni heimilum.

Innlent
Fréttamynd

Stálu heitum potti

Sá sérstæði þjófnaður var framinn við sumarbústað í Grímsnesi í fyrrinótt að nýjum stórum rafmagnshitapotti, sem felldur var ofan í veröndina, var stolið og komust þjófanrir óséðir undan með ferlíkið. Þjófarnir þurftu því að tæma hann, rífa frá honum timburverkið og fella girðingu til að koma vörubíl að, til að fjarlægja pottinn, sem vegur nokkur hundruð kíló. Svona pottur kostar sex hundruð þúsund krónur fyrir utan flutningskostnað og kostnað við að koma honum fyrir og tengja hann.

Innlent
Fréttamynd

3 tonn af kókaíni gerð upptæk

Lögreglan í Kólumbíu sýndi fjölmiðlum í gær tæplega þrjú tonn af kókaíni sem hún gerði upptæk á dögunum. Talið er að flytja hafi átt allan farminn til Evrópu.

Erlent
Fréttamynd

Golfvöllur og vatnsverksmiðja stóriðjan í Þorlákshöfn

Hafist verður handa við nýjan strandgolfvöll við Þorlákshöfn á næstu mánuðum þar sem hönnun hans er lokið. Bæjarstjóri Ölfuss segir völlinn og fyrirhugaða vatnsverksmiðju stóriðju Þorlákshafnarbúa sem geti skapað hátt í hundrað störf.

Innlent
Fréttamynd

Ferðamenn fundust heilir á húfi

Íslensku ferðamennirnir þrír, sem björgunarsveitir fóru að leita að síðdegis í gær, fundust heilir á húfi um sjö leitið í gærkvöldi. Þeir höfðu ætlað í Þórsmörk og í Landmannalaugar.

Innlent
Fréttamynd

Fjörtíu féllu í sprengjuárás

Að minnsta kosti fjörutíu féllu og hátt í níutíu særðust þegar spregjur sprungu á fjölförnum mörkuðum í tveimur borgum Íraks í gærkvöldi. Mannskæðari árásin var gerð í borginni Bakúba, norð-austur af Bagdad, þar sem sprengja hafði verið fest við reiðhjól. Borgin er eitt helsta vígi súnní-múslima.

Erlent
Fréttamynd

Kostnaður Vinstri grænna um 12 milljónir króna

Útlagður kostnaður Vinstri hreyfingarinnar- græns framboðs á landsvísu, vegna sveitarstjórnarkosninganna nýverið, nemur tólf til tólf og hálfri milljón króna, samkvæmt tilkynningu frá flokknum. Inni í þessari tölu eru styrkir til ýmissa blandaðra framboða, sem flokkurinn tók þátt í. Hinsvegar eru ótalin einhver framlög frá einstökum svæðisfélögum, sem birt verða á heimasíðu flokksins síðar.Vinstri grænir styrktu stöðu sína verulega, víða um land í kosningunum.

Innlent
Fréttamynd

Olmert fer ekki að kröfum mannræningja

Ehud Olmert, forsætisráðherra Ísrael, neitaði í morgun að láta palestínska fanga lausa í skiptum fyrir ísraelska hermanninn sem herskáir Palestínumenn rændu í fyrradag.

Erlent

Mest lesið