Fréttir

Valdarán í Máritaníu

Herinn í Afríkuríkinu Máritaníu segist hafa steypt ríkisstjórn landsins af stóli og muni fara með stjórn þess næstu tvö árin. Maaouya Ould Sid´Ahmed Taya forseti hrifsaði völdin í Máritaníu í byltingu árið 1984 og síðan hefur ríkt hálfgerð ógnarstjórn í landinu.

Erlent 13.10.2005 19:37

Hlaup kom úr vestra katli

Enn rénar í Skaftárhlaupi en það náði hámarki sínu í fyrradagsmorgun þegar rennsli hennar komst í 720 rúmmetra á sekúndu. Vatnamælingum hefur verið hætt uppi við Sveinstind en rennsli Skaftár þar sem hún rennur við Kirkjubæjarklaustur mældist 113 rúmmetrar á sekúndu í gær.

Innlent 13.10.2005 19:37

Ósáttir farþegar skrifa og hringja

Íbúar í Breiðholti og Árbæ virðast ósáttastir við nýtt leiðakerfi Strætó bs. ef marka má fjölda kvartana og fyrirspurna sem berast til þjónustuvers. Framkvæmdastjórinn segir fjölmörg erindi hafa borist eftir að breytingarnar tóku gildi. </font /></b />

Innlent 13.10.2005 19:37

Óeirðir í Súdan

Óeirðir hafa breiðst út í Khartoum, höfuðborg Súdan, eftir að varaforseti landsins, John Garang, lést þegar þyrla hans hrapaði á mánudaginn. Fréttavefur BBC segir að 84 hafi látist og yfir 800 hafi særst í átökunum, sem eru þau mestu í landinu um árabil.

Erlent 13.10.2005 19:37

Óvenju votviðrasamt og sólríkt

Júlímánuður var bæði óvenju votviðrasamur og sólríkur og víða hlýrri en í meðalári samkvæmt samantekt Veðurstofunnar. 197 sólskinsstundir mældust í Reykjavík sem er 27 stundum yfir meðallagi og 203 á Akureyri sem er 45 stundir umfram meðallag.

Innlent 13.10.2005 19:37

Áróður og eftirlit skilar árangri

Engin banaslys né alvarleg slys urðu í umferðinni um verslunarmannahelgina og eru talsmenn Umferðarstofu og Ríkislögreglustjóra ánægðir með umferðina. Þó var talsvert um ofsa- og ölvunarakstur.

Innlent 13.10.2005 19:37

Viðræður í þrot

Talsmaður bandarísku sendinefndarinnar sem átt hefur í viðræðum við Norður-Kóreu um kjarnorkuáætlun Kóreumanna sagði í gær að bandarískir embættismenn hefðu gert allt sem þeir gætu til að sannfæra yfirvöld í Norður-Kóreu um að afvopnast.

Erlent 13.10.2005 19:37

Segist ekkert muna eftir börnunum

Móðirin sem talin er hafa myrt níu kornabörn sín í Þýskalandi segist ekkert muna eftir börnunum. Hún hafi verið dauðadrukkin þegar þau fæddust í heimahúsi.

Erlent 13.10.2005 19:37

Ungbarnagrautur tekinn úr umferð

Ungbarnagrautur með yfir helmings markaðshlutdeild var tekinn úr umferð vegna þess að hann uppfyllti ekki evrópsk skilyrði. Misræmið kom bæði hinu opinbera og heildsalanum í opna skjöldu.

Innlent 13.10.2005 19:37

Freista þess að bjarga skútunni

Hafbjörg, björgunarskip Landsbjargar frá Neskaupstað, fór á svæðið djúpt suðaustur af landinu þar sem skútan Svala var þegar áhöfninni var bjargað um borð í þyrlu Landhelgisgæslunnar í fyrrinótt. Áhöfnin á Hafbjörgu ætlar að freista þess að bjarga skútunni sem er eitt af flaggskipum íslenska skútuflotans.

Innlent 13.10.2005 19:37

Verkefnin of mörg

Eftirlitsmaður lögreglunnar í London segir að verkefni lögreglunnar í borginni séu orðin of viðamikil, eftir hryðjuverkaárásina fyrir tæpum mánuði síðan.

Erlent 13.10.2005 19:37

Egyptar aðstoða Palestínumenn

Þrjátíu öryggislögreglumenn frá Egyptalandi komu til Gaza-svæðisins í dag til þess að hjálpa til við að þjálfa fimm þúsund palestínska lögregluþjóna sem eiga að halda uppi lögum og reglu á svæðinu eftir að Ísraelar hverfa þaðan.

Erlent 13.10.2005 19:37

Geta aukið útlán um billjón

Íslenskir bankar geta aukið útlán um allt að þúsund milljarða eða eina billjón króna. Seðlabankinn býst við áframhaldandi stöðugleika þrátt fyrir sterkari lánastöðu bankanna.

Viðskipti innlent 13.10.2005 19:37

Víst hafa Bandaríkjamenn áhyggjur

Meirihluti Bandaríkjamanna virðist hafa áhyggjur af utanríkisstefnunni og vaxandi hatri í múslimaríkjum gagnvart Bandaríkjamönnum. Þá segja 63 prósent þeirra að stjórnvöld hafi verið of fljót á sér að efna til innrásar í Írak. Þetta kemur fram í könnun samtakanna Public Agenda sem starfa með tímaritinu Foreign Affairs. 

Erlent 13.10.2005 19:37

Munch-eftirlíkingum rænt í Noregi

Tveir grímuklæddir menn ruddust inn á Continental-hótelið í miðborg Óslóar í dag og rifu þrjú listaverk eftir Edvard Munch af veggjunum þar. Þeir stukku því næst út og brunuðu af vettvangi í bíl. Því miður fyrir þá var hins vegar um eftirlíkingar að ræða.

Erlent 13.10.2005 19:37

Olíuverðið nálgast sögulegt hámark

Olíuverð fór yfir sextíu og tvo dollara á fatið í morgun og nálgast nú metverðið sem náðist fyrr í sumar. Ástæðan er sú að talið er að olíubirgðir Bandaríkjanna séu í lágmarki og frést hefur af töluverðum vandkvæðum hjá olíuhreinsunarstöðvum.

Viðskipti erlent 13.10.2005 19:37

Forseta steypt af stóli

Lífvarðasveit forsetans í Máritaníu tók völdin í gær, en forsetinn, Maaoya Sid'Ahmed Taya, var í Sádi-Arabíu við jarðarför Fahds konungs. Tilkynnt var að herstjórnin myndi stjórna landinu í allt að tvö ár, meðan það þróaðist til lýðræðis.

Erlent 13.10.2005 19:37

Bílvelta nærri Flókalundi

Mildi þykir að ökumaður skyldi sleppa nær ómeiddur þegar hann velti bíl sínum á mikilli ferð út af þjóðveginum skammt frá Flókalundi í gær. Fór bíllinn heila veltu og hafnaði niðri í fjöru. Bíllinn er gerónýtur en talið er að ökumaðurinn hafi misst stjórn á bílnum í beygju vegna of mikils hraða.

Innlent 13.10.2005 19:37

Skoða uppskipti Burðaráss

Bæði Fjármálaeftirlitið og yfirtökunefnd munu skoða uppskipti Burðaráss á milli Landsbankans og Straums fjárfestingabanka.

Viðskipti innlent 13.10.2005 19:37

Tilkynnt um hæð hnjúksins á morgun

Halldór Ásgrímsson forsætisráðherra mun á morgun koma út á tröppur Stjórnarráðsins og tilkynna þjóðinni hvað Hvannadalshnjúkur er hár. Tindurinn var mældur með nýjustu mælitækni í síðustu viku og á morgun fær þjóðin að vita hvort hann er 2.119 metrar, eins og sagt er í kennslubókum, eða hvort þeirri mælingu skeiki um einhverja metra.

Innlent 13.10.2005 19:37

Fara of geyst í stríðsrekstri

Bandaríkjamenn hafa áhyggjur af bandarískri utanríkisstefnu og telja stjórnvöld fara of geyst í sakirnar þegar kemur að stríðsrekstri. Þetta kemur fram í nýrri könnun fyrir tímaritið <em>Foreign Affairs. </em>

Erlent 13.10.2005 19:37

Blair biðst afsökunar

Tony Blair, forsætisráðherra Bretlands, hefur beðið brasilísku þjóðina afsökunar á að lögreglan í London skyldi skjóta Brasilíumann til bana á neðanjarðlestarstöð í London þann 22. júlí. Í gær héldu breskir embættismenn til fundar við fjölskyldu mannsins í smábænum Gonzaga í Brasilíu, vottuðu samúð sína og ræddu um möguleika á skaðabótagreiðslum.

Erlent 13.10.2005 19:37

Saklausir af landhelgisbrotum

Sjómenn við Húnaflóa telja að brengluð reglugerð um friðunarsvæði við strendur landsins hafi valdið því að skipstjórar bátanna, sem voru teknir fyrir meint landhelgisbrot í flóanum í fyrrinótt, hafi talið sig vera við veiðar utan friðunarsvæðis og því saklausa.

Innlent 13.10.2005 19:37

14 Bandaríkjamenn og Íraki féllu

Fjórtán bandarískir landgönguliðar féllu sem og írakskur túlkur þeirra þegar sprengja í vegkanti tætti brynvagn þeirra í sundur í Írak í dag. Þetta er mesta mannfall í einstakri árás sem Bandaríkjamenn hafa orðið fyrir frá því stríðinu lauk.

Erlent 13.10.2005 19:37

Áhöfnin sýndi mikið áræði

Það tók áhöfn Air France vélarinnar sem hlekktist á í Toronto innan við tvær mínútur að koma öllum 309 farþegum sínum út úr vélinni. Aðstoðarflugmaðurinn hljóp svo um brotinn og brennandi flugvélarskrokkinn til þess að ganga úr skugga um að enginn hefði verið skilinn eftir.

Erlent 13.10.2005 19:37

Gætu misst af fyrstu leikjum

Margir hafa skráð sig undanfarna daga fyrir ADSL-tengingu hjá Símanum vegna enska boltans og eru nú um þjrú þúsund manns á biðlista. Allt að mánaðarbiðtími er eftir tengingunni en aðeins hálfur mánaður er þangað til leiktímabilið hefst.

Innlent 13.10.2005 19:37

20 drepnir í Súdan í nótt

Tuttugu hið minnsta voru drepnir í nótt í átökum í Khartoum, höfuðborg Súdans. Bardagar brutust út í borginni á mánudag eftir að greint var frá því að uppreisnarleiðtoginn og varaforsetinn John Garang hefði farist í þyrluslysi.

Erlent 13.10.2005 19:37

Svalan fundin

Svalan, skútan mannlausa sem leitað hefur verið djúpt suðaustur af landinu, er fundin. Bátur sem var að koma frá Færeyjum, Ársæll Sigurðsson, tók skútuna í tog og mun sigla með hana í höfn í Hafnarfirði. Ekki er búist við þeim þangað fyrr en á morgun.

Innlent 13.10.2005 19:37

Vilja skýrari úthlutunarreglur

Engar skýrar reglur eru til hjá Kópavogsbæ um það hvernig einstakir umsækjendur um byggingarétt eru bornir saman. Reglur bæjarins, sem finna má á www.kopavogur.is eru fyrst og fremst þau skilyrði sem umsækjandi þarf að uppfylla. Þó segir í þeim að draga eigi á milli jafnhæfra umsækjenda en aldrei kom til þess þegar úthlutað var á dögunum.

Innlent 13.10.2005 19:37

Hæðin kynnt með viðhöfn

Halldór Ásgrímsson forsætisráðherra, kynnir niðurstöðuna úr mælingu á hæð Hvannadalshnúkar frammi fyrir þjóð sinni af tröppum stjórnarráðsins klukkan 16.15 í dag.

Innlent 13.10.2005 19:37