Fleiri fréttir

Gull slær aftur verðmet sitt

Heimsmarkaðsverð á gulli sló fyrra met sitt í gærkvöldi þegar það náði rúmum 1.562 dollurum á únsuna í framvirkum samningum til ágústmánaðar. Þetta er hækkun um 0,9% yfir daginn að því er segir í frétt á CNNMoney.

Skuldatryggingaálag Íslands aftur að hækka

Skuldatryggingaálag Íslands hefur hækkað aðeins í þessari viku og stendur nú í 244 punktum samkvæmt viðskiptavefnum keldan.is. Fyrir helgina stóð álagið í 232 punktum en var komið í 241 punkt í gærdag.

Vísir hf. kaupir búnað frá Marel

Útgerðar- og fiskvinnslufyrirtækið Vísir hf., sem er með höfuðstöðvar í Grindavík, hefur undirritað samning um kaup á vinnslubúnaði frá Marel í allar fjórar landvinnslueiningar sínar.

Keyptu gjaldeyrinn með óbundnum innistæðum

Þeir sem nýttu sér kaup á gjaldeyri í útboði Seðlabankans í gærdag greiddu fyrir alla upphæðina af óbundnum innistæðum á Íslandi. Enginn nýtti sér tækifærið til að losa sig við ríkisskuldabréf í útboðinu eins og möguleiki var á.

Rafbíll á vegum Landsvirkjunar vekur athygli

Landsvirkjun hefur í sumar haft til leigu TH!NK rafbíl í samstarfi við Íslenska NýOrku. Bíllinn var nýlega til prófunar fyrir almenning á Blönduósi og Akureyri og greip fjöldi fólks tækifærið og prófaði þennan fararkost.

Olíusjóðurinn með 1.800 milljarða í ruslbréfum

Norski olíusjóðurinn átti 84 milljarða norskra kr. eða rétt tæplega 1.800 milljarða kr. í ruslbréfum og öðrum áhættufjárfestingum um síðustu áramót. Þetta kemur fram í Finansavisen í dag.

Moody´s setur Írland í ruslflokk

Matsfyrirtækið Moody´s hefur lækkað lánshæfi Írlands niður í ruslið. Einkunnin var lækkuð niður í Ba1 með neikvæðum horfum.

Logn á mörkuðum eftir storminn

Ró er komin á fjármálamarkaði Evrópu eftir storminn sem þar hefur geisað undanfarna tvo daga. Flestir helstu hlutabréfamarkaðir opnuðu í morgun í grænum litum.

Seðlabankinn keypti evrur á 215 krónur

Seðlabankinn keypti krónur í dag gegn greiðslu í reiðufé í erlendum gjaldeyri fyrir tæpa 15 milljarða íslenskra króna. Útboð fór fram klukkan ellefu í dag en það var auglýst þann 28. júní síðastliðinn. Útboðið er liður í losun hafta á fjármagnsviðskiptum, samanber áætlun Seðlabankans um losun gjaldeyrishafta frá 25. mars 2011.

Hagfræðingur: Orðrómur kom á stöðugleika

Frank Öland Hansen aðalhagfræðingur Danske Bank segir að orðrómur sem fór eins og eldur um sinu um klukkan 10 í morgun, að evrópskum tíma, olli því að stöðugleiki komast á fjármálamarkaði. Mínúturnar fram að þessum tímapunkti ríkti hinsvegar mikil örvænting og taugatitringur á mörkuðunum.

Gengi notað til verðhækkana en ekki lækkana: "Forkastanleg vinnubrögð"

"Þetta er staðfesting á því sem við höfum haldið fram oft á tíðum, sem er að fyrirtæki eru fljóta að hækka verð þegar gengið veikist, en þegar það styrkist gengur illa að fá verðlækkun,“ segir Jóhannes Gunnarsson, formaður Neytendasamtakanna, um niðurstöðu rannsóknarritgerðar, sem unnin er á vegum Seðlabankans og gefur mikilvæga innsýn í verðlagningu íslenskra fyrirtækja á vörum og þjónustu.

Krónan hefur veikst um rúm 5% á árinu

Gengi krónunnar hefur veikst um rúm fimm prósent frá upphafi árs eftir að hafa styrkst um þrjú prósent að meðaltali árið 2010. Seðlabankinn stendur fyrir öðru gjaldeyrisútboði til að létta á krónueign erlendra aðila í dag.

Þrýstingnum léttir af Ítalíu og Spáni

Fjármálamarkaðir Evrópu virðast hafa náð áttum um hádegisbilið í dag og hefur þrýstingnum létt af Ítalíu og Spáni. Ítölsk stjórnvöld stóðu fyrir velheppnuðu skuldabréfaútboði í dag upp á 6,75 milljarða evra og kom það ró á markaðina.

Gengið notað til verðhækkana en ekki lækkana

„Önnur áhugaverð niðurstaða rannsóknarinnar snýr að ósamhverfum áhrifum gengisbreytinga á verð. Í ljós kemur að fyrirtæki voru mun líklegri til þess að hækka verð eftir gengisfall en lækka það eftir gengisstyrkingu. Sérstaka athygli vekur að þriðjungur fyrirtækja sem voru ekki útsett með beinum hætti fyrir gengisbreytingum hækkuðu verð sitt eftir 30% gengislækkun á fyrri hluta ársins 2008 á meðan ekkert þeirra lækkaði verðið í kjölfar 10% gengisstyrkingar ári fyrr.“

Langtímaatvinnuleysi minnkar, einnig atvinnuleysi ungs fólks

Fjöldi þeirra sem hafa verið atvinnulausir lengur en 6 mánuði er nú 7.581 og fækkar um 412 frá lokum maí og er um 61% þeirra sem eru á atvinnuleysisskrá í lok júní. Þeim sem verið hafa atvinnulausir í meira en eitt ár fækkar úr 4.725 í lok maí í 4.609 í lok júní.

Olíuverðið heldur áfram að lækka

Heimsmarkaðsverð á olíu heldur áfram að lækka vegna óróans á fjármálamörkuðum Evrópu. Verðlækkunin í morgun er meiri en varð í gærdag.

Atvinnuleysið mældist 6,7% í júní

Atvinnuleysi á Íslandi mældist 6,7 prósent í júní og lækkaði um 0,7 prósentustig milli mánaða. Þá er atvinnuleysið 0,9 prósentustigum minna en á sama tíma í fyrra.

Vilja sniðganga fisk frá HB Granda í Bretlandi

Sue Fisher talskona hvalaverndunarsamtakanna Whale and Dolphin Conservation Society vill að Bretar sniðgangi fisk frá HB Granda sem seldur er til „fiskur og franskar“ veitingastaða í Bretlandi.

Orðrómur réttir af hlutabréfamarkaðina

Hlutabréfamarkaðir í Evrópu af rétt sig aðeins af undir hádegið og dregið hefur úr falli hlutabréfa. Ástæðan er talin vera orðrómur um að evrópski seðlabankinn ECB hafi gripið inni í þróunina og kaupi nú ríkisskuldabréf af miklum krafti.

Töluverð fækkun leigusamninga á landinu

Heildarfjöldi þinglýstri leigusamninga um íbúðarhúsnæði á landinu fækkaði töluvert milli ára í júní síðast liðnum. Nemur fækkunin 12,5%. Á milli maí og júní í ár fækkaði leigusamningunum um 4,5%.

Evrópa rambar á barmi fjármálahruns

Skuldakreppan í Evrópu fer versnandi með hverri mínútunni. Greining Danske Bank telur að álfan rambi á barmi fjármálahruns og ef ekki verði gripið í taumana strax blasi ný fjármálakreppa við í Evrópu.

Hvalur hf. hefur selt fyrir 2 milljarða í Japan

Hvalur hf. hefur selt um 1.200 tonn af hvalkjöti og spiki í Japan frá árinu 2008 og er verðmæti þess talið um 17 milljónir dollara eða rúmlega 2 milljarða kr. Hinsvegar liggur Hvalur inni með 2.500 tonn af óseldum hvalaafurðum.

Kvóti fyrir 22 milljarða skráður á danskan togara

Alls er kvóti fyrir rúmlega milljarð danskra kr. eða um 22 milljarða kr. skráður á togarann Ísafold sem gerður er út frá Hirsthals í Danmörku. Þar með er togarinn meira virði en stærstu gámaskip Mærsk skipafélagsins, svokölluð E-skip, sem geta tekið 18.000 til 20.000 gáma hvert.

Alcoa á blússandi siglingu

Bandaríski álrisinn Alcoa, móðurfélag Fjarðaráls, er á blússandi siglingu. Uppgjör félagsins fyrir annan ársfjórðung er umfram væntingar sérfræðinga. Salan jókst um 27% og hagnaðurinn nær þrefaldaðist miðað við sama tímabil í fyrra.

Hrunið á hlutabréfamörkuðum heldur áfram

Hrunið á hlutabréfamörkum í Evrópu heldur áfram í dag eftir blóðugan dag á Asíumörkuðum í nótt. Mest lækkar úrvalsvísitalan í kauphöllinni í Mílanó á Ítalíu eða um 4%.

Hlutabréf féllu í verði í Asíu

Hlutabréf á mörkuðum í Asíu féllu í verði í nótt í kjölfar frétta um að Ítalía verði hugsanlega næsta fórnarlamb skuldakreppunnar í Evrópu. Í gær varð varðfall á hlutabréfum í kauphöllum beggja megin við Atlantshafið.

Angela Merkel í Kenía

Angela Merkel, kanslari Þýskalands, hélt til Kenía í dag eftir að hafa fundað með Jóhönnu Sigurðardóttur, forsætisráðherra Íslands, í Þýskalandi. Merkel ætlar að funda með leiðtogum Kenía. Þar á meðal eru forsetinn og forsætisráðherra Kenía. Tilgangur Merkel með heimsókninni er einkum sá að efla fjárfestingu milli Þýskalands og Kenía.

SS skráir sig á First North markaðinn

Stjórn Sláturfélags Suðurlands (SS) hefur samþykkt að skrá félagið á First North markaðinn hjá Kauphöllinni en SS hefur um árabil verið skráð á Opna tilboðsmarkaðnum þar á bæ. Stjórn félagsins telur mikilvægt að félagið sé skráð á markaði og First North markaðurinn henti félaginu vel.

Örvænting ríkir á öllum mörkuðum

Örvænting hefur gripið um sig á öllum fjármálamörkuðum heimsins í kjölfar fréttanna í morgun um að Ítalía muni hugsanlega vera næsta fórnarlamb skuldakreppunnar í Evrópu. Hlutabréf falla í verði í kauphöllum beggja megin við Atlantshafið.

Heimsmarkaðsverð á olíu lækkar

Heimsmarkaðsverð á olíu hefur lækkað frá því í morgun. Ástæðan eru fréttir um að Ítalía sé hugsanlega næsta fórnarlamb skuldakreppunnar í suðurhluta Evrópu.

Ítalía ógnar tilvist evrunnar

Neyðarfundur æðstu embættismanna ESB í dag er til vitnis um að evrusamstarfið hefur aldrei verið í jafnmikilli hættu og nú. Fundurinn fjallar um stöðuna á Ítalíu en hún ógnar nú tilvist evrunnar.

Starfsmenn sprengdu bíl forstjórans í loft upp

Tölvufyrirtækið Adaptive Computing í Utah í Bandaríkjunum notar óhefðbundnar aðferðir til að hvetja starfsmenn sína áfram. Ein þeirra var að leyfa þeim að sprengja bíl forstjórans í loft upp.

Vogunarsjóðir gera viðamikla árás á Ítalíu

Bandarískir vogunarsjóðir eru nú í viðamikilli fjárhagsárás á ítölsk ríkisskuldabréf. Stormurinn sem nú geisar á ítölskum fjármálamörkuðum gæti verið alfarið verk bandarískra spákaupmanna.

Moody´s segir mikla áhættu í 5 ára áætlun OR

Matsfyrirtækið Moody´s segir að mikil áhætta sé fólgin í fimm ára áætlun Orkuveitu Reykjavíkur (OR) um rekstur sinn fram til ársins 2016. Áhættan sé m.a. fólgin í vaxtastigi, gengisþróun krónunnar og verðþróun á hrávörum.

Bandaríkin í hættu á tæknilegu þjóðargjaldþroti

Fari svo að Demókrötum og Repúblikönum á bandaríska þinginu takist ekki að sameinast um að lyfta skuldahámarki landsins fyrir 2. ágúst er hætta á að Bandaríkin lendi í tæknilegu þjóðargjaldþroti.

ESB boðar til neyðarfundar vegna Ítalíu

Herman Van Rompuy forseti Evrópuráðsins hefur boðað háttsetta embættismenn ESB til neyðarfundar í dag vegna Ítalíu. Óttast er að Ítalía sé að enda í sömu sporum og Grikkland hefur hjakkað í undanfarið ár. Meðal annars berast fréttir af því að vogunarsjóðir séu nú farnir að veðja á að Ítalía lendi í sömu vandræðum og Grikkland.

Kröfuhafar Kaupþings vilja nauðasamninga

Kröfuhafar Kaupþings vilja að leitað verði nauðasamninga til að ljúka slitameðferð bankans frekar en að óskað verði eftir gjaldþrotaskiptum í búinu. Þetta kemur fram í frétt á vefsíðu slitastjórnar og skilanefndar Kaupþings.

Sjá næstu 50 fréttir

Mest lesið