Vill síður selja orku til álvera

Ross Beaty, hinn kanadíski eigandi Magma Energy, móðurfélags HS Orku, gefur í skyn í bréfi sem hann skrifaði Katrínu Júlíusdóttur iðnaðarráðherra nýlega, að hann hafi lítinn áhuga á að HS Orka selji orku til álvers Norðuráls í Helguvík. Hann kjósi frekar að sú „græna orka" sem HS Orka framleiðir úr jarðvarma á Reykjanesi og Svartsengi verði seld öðrum kaupendum en álveri.

Þrír skulda um átta hundruð milljónir

Ákveðið var á fundi skiptastjóra þrotabús BGE eignarhaldsfélags í gær að innheimta lán sem félagið veitti fyrrum starfsmönnum Baugs. Skuldin nemur um einum milljarði króna.

Neytendastofa sektar Vodafone og Tal

Neytendastofa sektaði fyrirtækin Tal og Vodafone á mánudag fyrir brot á samkeppnislögum, um tvær og hálfa milljón hvort. Síminn kvartaði til Neytendastofu vegna auglýsinga sem birtar voru í útvarpi og á netinu.

Með níu þúsund á tímann allan sólarhringinn

Meðlimir skilanefndar og slitastjórnar Landsbankans eru í svipaðri stöðu og starfsbræður þeirra hjá Glitni því þeir tóku rúmlega sex milljónir króna á mánuði að meðaltali fyrir störf sín fyrir fyrstu sex mánuði þessa árs. Þá réð skilanefndin sem framkvæmdastjóra mann sem Fjármálaeftirlitið hafði áður vikið úr skilanefndinni.

Neytendastofa kannaði verðmerkingar á söfnum

Aðeins eitt safn af 21 á höfuðborgarsvæðinu var ekki með verðmerkingar í lagi þegar Neytendastofa kannaði málið á dögunum. Það safn sem ekki var með upplýsingar um aðgangseyri til sýnis á safninu var Hönnunarsafn Íslands við Garðatorg. Í öllum tilfellum reyndust verðmerkingar á minjagripum og öðrum sambærilegum vörum í lagi.

Landsbankinn segir ógerlegt að selja Vestia í opnu söluferli

Landsbankinn lítur svo á að verklagsreglur Vestia um sölu eigna sem bankinn hefur tekið yfir gildi aðeins um einstakar eignir en ekki fyrirtækið í heild sinni. Bankinn hafnar því að hafa brotið verklagsreglur. Þá segja stjórnendur ómögulegt að setja Vestia í heild sinni í opið söluferli.

Viðsnúningur í rekstri Skipta

Tap Skipta á fyrri hluta árs nam 6 milljónum króna.Tap á sama tímabili í fyrra var 2.088 milljónir króna. Sala nam 19,6 milljörðum króna samanborið við 19,8 milljarða á sama tímabili árið áður sem er 0,6% samdráttur. Innri tekjuvöxtur var 1,3% á milli ára. Rekstrarhagnaður fyrir afskriftir og fjármagnsliði (EBITDA) nam 3,7 milljörðum króna samanborið við 4,2 milljarða fyrir sama tímabil 2009. EBITDA hlutfall var 18,9%, að því er fram kemur í tilkynningu frá Skiptum.

Gamma hækkaði um 0,5%

Skuldabréfavísitalan GAMMA: GBI hækkaði um 0,5% í dag í 17,1 ma. viðskiptum. GAMMAi: Verðtryggt hækkaði um 0,5% í 8,6 ma. viðskiptum og GAMMAxi: Óverðtryggt hækkaði um 0,4% í 8,5 ma. viðskiptum.

Hagnaður TM dróst saman um 35%

Hagnaður TM af reglulegri starfsemi á fyrri helmingi ársins var 319 milljónir króna, samanborið við 491 milljón krona hagnað á sama tímabili í fyrra. Þetta kemur fram í fréttatilkynningu frá TM. Eigið fé fyrirtækisins nam 8357 milljónum króna og var eiginfjárhlutfall 26% þann 30 júní síðastliðinn

Haraldur Flosi vill loka á arðgreiðslur

Haraldur Flosi Tryggvason, stjórnarformaður Orkuveitunnar, vill endurskoða stefnu um arðgreiðslur Orkuveitunnar til eiganda síns, Reykjavíkurborgar. Hann segir hækkun gjaldskrár ekki vera til að geta greitt arð heldur svo Orkuveitan geti mætt skuldbindingum sínum.

Lækkuðu eldsneytisverðið í morgun

Atlantsolía og Orkan lækkuðu í morgun eldsneytisverð á stöðvum sínum. Bensínlítrinn lækkaði um tvær krónur og dísellítrinn um eina krónu. Ástæðu verðlækkunarinnar má rekja til lækkandi heimsmarkaðsverðs.

Bankastjóri tjáir sig ekki um uppsagnir

Stjórnendur Landsbankans eru að ljúka við stefnumótun og verða niðurstöður hennar kynntar í lok mánaðar. Endanleg útfærsla verður kynnt í október. Steinþór Pálsson, bankastjóri Landsbankans, vill ekki fara ítarlega út í vinnuna, sem staðið hefur yfir frá því hann tók við starfinu í byrjun júní.

Eyrir samdi við lánardrottna

Fjárfestingarfélagið Eyrir Invest hagnaðist um 3,2 milljónir evra, jafnvirði um 490 milljóna króna, á fyrstu sex mánuðum ársins samanborið við 11,5 milljónir evra á sama tíma í fyrra. Neikvæður gengismunur og beiting hlutdeildaraðferðar á eignir félagsins hafa áhrif á samanburðinn.

Ekki fjallað um virkjanaleyfi vegna ónægra upplýsinga

Orkustofnun fjallar ekki um virkjanaleyfi fyrir HS orku fyrr en fyrirtækið hefur fært henni frekari gögn um nýtingarþol jarðhitasvæðisins úti á Reykjanesi. Málið hefur verið í höndum HS orku síðan í mars.

Lántökur ríkissjóðs meira en 78 prósent af landsframleiðslu

Sextán af hverjum hundrað krónum sem ríkissjóður greiddi í gjöld á fyrri hluta ársins fóru í vexti af lánum. Áfram bætist við skuldir ríkissjóðs, en fjármálaráðherra telur að skuldastaðan batni strax á næsta ári.

Seðlabankinn má eiga Sjóvá

Fjármálaeftirlitið veitti Eignasafni Seðlabanka Íslands nýverið heimild til þess að fara með virkan eignarhlut í Sjóvá-Almennum tryggingum hf.

Vilja ræða kaupin á Vestiu

Fulltrúar Sjálfstæðisflokksins í viðskiptanefnd Alþingis hafa óskað eftir að nefndin fundi um kaup Framtakssjóðs Íslands á eignarhaldsfélaginu Vestia.

Um 12 milljarða viðskipti á skuldabréfamarkaði

Skuldabréfavísitalan GAMMA: GBI hækkaði um 0,3% í dag í 12,2 ma. viðskiptum. GAMMAi: Verðtryggt hækkaði um 0,4% í 6,2 ma. viðskiptum og GAMMAxi: Óverðtryggt hækkaði lítillega í 6 ma. viðskiptum.

Ólafur Páll er hæfur til að sitja í Magma nefnd

Ólafur Páll Jónsson er hæfur til að sitja í nefnd um kaup Magma Energy Sweden AB á eignarhluta HS Orku ehf. og starfsumhverfi orkugeirans, samkvæmt niðurstöðu forsætisráðuneytisins.

Fréttin af hönnunarstuldi Beyonce eins og eldur í sinu

Frétt Fréttablaðsins um að söngkonan Beyonce hafi stolið íslenskri fatahönnun þegar að hún setti á markað nýjar leggingsbuxur fer eins og eldur í sinu um netheimana þessa dagana. Fréttablaðið benti á það fyrir fáeinum dögum að buxur í nýrri haustlínu tískumerkisins Dereon, sem er í eigu söngkonunnar Beyoncé, þykja afskaplega líkar buxum frá E-label, sem söngkonan keypti í haust.

Vísbendingar um olíu við Grænland

Skoska olíufélagið Cairn Energy hefur uppgötvað gas í Baffinflóa við strendur Grænlands sem gæti þýtt að þar væri olíu að finna. BBC fréttastofan segir að umhverfisverndasinnar séu uggandi yfir þessum tíðindum og minni á öll ósköpin sem hafi gengið á vestanhafs vegna olíulekans í Mexíkóflóa. Grænfriðungar hafa sent mótmælaskip til Baffinflóa vegna þessa. Olíuboranir halda samt áfram frammá haustið.

Pakistanar ræða við AGS

Yfirvöld í Pakistan eiga nú viðræðum við Alþjóðagjaldeyrissjóðinn um risalán vegna flóðanna sem hafa valdið gríðarlegu tjóni í landinu undanfarnar þrjár vikur. Breska ríkisútvarpið hefur eftir svæðisstjóra sjóðsins að um 11 milljarða dollara lán sé að ræða. Til samanburðar má nefna að Sameinuðu þjóðirnar hafa þegar lofað hálfum milljarði dollara til hjálparstarfs á svæðinu.

Lögmenn ráða hvaða gögn þeir vilja sjá

Formaður slitastjórnar Glitnis hafnar alfarið ásökunum um að slitastjórnin sé að reyna að afla samkeppnisupplýsinga um starfsemi Iceland Express í Bandaríkjunum með kröfugerð í dómsmáli sem slitastjórnin rekur nú í New York í Bandaríkjunum.

Árni Páll vill lengja rétt til atvinnuleysisbóta

Árni Páll Árnason, félags- og tryggingamálaráðherra, vill að tíminn sem fólk á rétt til atvinnuleysisbóta verði lengdur tímabundið úr þremur árum í fimm. Þetta kom fram á samráðsfundi hans með aðilum vinnumarkaðarins sem haldinn var 16. júní síðastliðinn.

Gamma hækkaði um 0,2%

Skuldabréfavísitalan GAMMA: GBI hækkaði um 0,2% í dag í 4,3 ma. viðskiptum. GAMMAi: Verðtryggt hækkaði um 0,3% í 2,8 ma. viðskiptum og GAMMAxi: Óverðtryggt hækkaði lítillega í 1,5 ma. viðskiptum.

Endurheimtur á eignasafni Landsbankans aukast

Verulegur árangur náðist í auknum endurheimtum á eignasafni Landsbankans á öðrum ársfjórðungi. Aukningin var um 64 milljarðar króna í erlendum myntum, eða sem nemur um 6%. Þetta kemur fram í fréttatilkynningu frá Landsbanka Íslands vegna kröfuhafafundar sem fram fer í dag.

Tal sektað um tvær og hálfa milljón

Neytendastofa hefur sektað farsímafyrirtækið Tal um 2,5 milljónir króna fyrir auglýsingar fyrirtækisins þar sem með almennum hætti er fullyrt að Tal bjóði ódýrari þjónustu en keppinautar. Síminn kvartaði yfir auglýsingunum til Neytendastofu í byrjun nóvember á síðasta ári.

Mads Mikkelsen réttir stöðuna af

Eitt af þjóðarstoltum Dana, kvikmyndastjarnan Mads Mikkelsen, sést þessa dagana ber að ofan í sundskýlu á hitabletisströnd í auglýsingu fyrir ferðaskrifstofuna Star Tour.

Kaupmáttur hækkaði um 1%

Kaupmáttur launa hækkaði um 1,0% í júlí miðað við fyrri mánuð. Síðustu tólf mánuði hefur kaupmáttur launa hækkað um 1,1%, samkvæmt tölum Hagstofunnar.

Skaðabótamál gegn fyrrverandi stjórnendum Landsbankans í bígerð

Tvö skaðabótamál slitastjórnar Landsbankans gegn fyrrverandi stjórnendum bankans eru á leið til dómstóla. Skaðabótakröfurnar í málunum skipta tugum milljarða, en ítrasta krafan í stærra málinu nemur um 20 milljörðum króna.

Makrílstríð í uppsiglingu - Skotar hafa fengið nóg

Breskir sjómenn eru æfir út í íslenska og færeyska sjómenn vegna makrílveiða. Samkvæmt breska blaðinu The Guardian hafa Ísland og Færeyjar aukið makrílkvótann sinn samanlagt úr 27 þúsund tonnum upp í 215 þúsund tonn.

Útgáfufyrirtæki í vanda vegna minni geisladiskasölu.

Einungis 4,95 milljónir geisladiska seldust í Bandaríkjunum í síðustu viku, eftir því sem fram kemur á vef Billboard. Þetta er minnsta sala á geisladiskum þar í landi síðan að byrjað var að fylgjast með sölunni árið 1991.

Tilboð Magma dugar ekki VG

Tilboð Magma Energy um að ríkið eignist forkaupsrétt í hlut félagsins í HS Orku dugar ekki að mati Atla Gíslasonar fulltrúa Vinstri grænna í iðnaðarnefnd. Hann vill að orkuauðlindir landsins séu ótvírætt í eigu opinberra aðila.

Magma ætlar að reisa fyrstu jarðvarmavirkjunina í Chile

Magma energy gæti orðið fyrsta orkufyrirtækið í Chile til þess að reisa jarðvarmavirkjun þar í landi samkvæmt fréttavef Bloombergs. Magma hyggur á nýtingu jarðvarma í Mariposa árið 2014 að sögn John Selters, sem er forstjóri fyrirtækisins í Suður-Ameríku.

Lýgur til að hreinsa sjálfan sig

Róbert Wessmann, fyrrverandi forstjóri Actavis, svarar Björgólfi Thor Björgólfssyni fullum hálsi í yfirlýsingu til fjölmiðla en Björgólfur fullyrðir á heimasíðu sinni, btb.is, að Róbert hafi verið vikið úr starfi árið 2008. Róbert segist hafa hætt störfum hjá Act­avis til að snúa sér að eigin fjárfestingum. Aðra ástæðu fráhvarfs hans frá fyrirtækinu segir Róbert vera að hann hafi ekki haft áhuga á því að starfa frekar með Björgólfi.

Starfsemi lífeyrissjóðanna rannsökuð

Rannsóknarnefnd skipuð af ríkissáttasemjara mun framkvæma úttekt á fjárfestingastefnu, ákvarðanatöku og lagalegu umhverfi lífeyrissjóðanna í aðdraganda bankahrunsins haustið 2008. Gert er ráð fyrir því að nefndin ljúki störfum með útgáfu skýrslu til stjórnar Landssamtaka lífeyrissjóða fyrir árslok 2010.

Vestia áhugaverður fjárfestingarkostur

Framtakssjóður Íslands, fjárfestingarfélag lífeyrissjóðanna, hefur keypt eignaumsýslufélagið Vestia af Landsbankanum á tæplega tuttugu milljarða króna. Inni í Vestia eru nokkur af þekktustu fyrirtækjum landsins.

Ölvisholt gjaldþrota og eigendur vilja kaupa reksturinn

Íslenska brugghúsið Ölvisholt sem framleiðir m.a Skjálfta, Freyju og Lava bjórana hefur verið tekið til gjaldþrotaskipta. Skiptastjóri þrotabúsins segir þó að reynt verði að tryggja rekstur brugghússins áfram.

Róbert Wessman birtir starfslokasamning sinn

Róbert Wessman þvertekur fyrir það að hafa verið rekinn úr starfi sem forstjóri lyfjafyrirtækisins Actavis árið 2008. Björgólfur Thor Björgólfsson hefur haldið því fram að Róberti hafi verið vikið úr starfi forstjóra eins og fram kemur á nýrri heimasíðu hans. Róbert hafnar því hins vegar alfarið og hefur máli sínu til stuðnings ákveðið að birta afrit af starfslokasamningi sínum við Actavis

GAMMA lækkaði litillega

Skuldabréfavísitalan GAMMA: GBI lækkaði um 0,2% í dag í 16,7 ma. viðskiptum. GAMMAi: Verðtryggt lækkaði um 0,3% í 5,1 ma. viðskiptum og GAMMAxi: Óverðtryggt lækkaði lítillega í 11,6 ma. viðskiptum.

Samið um kaup á Vestia

Framtakssjóður Íslands hefur keypt eignarhaldsfélagið Vestia af Landsbankanum. Um sex þúsund manns starfa hjá þeim sjö félögum sem fylgja Vestia til Framtakssjóðs Íslands.

Segir áróðursmeistara Björgólfs „þræða nýjar víddir“

Bæði Ólafur Ragnar Grímsson, forseti Íslands, og Róbert Wessman, fyrrverandi forstjóri Actavis, hafna staðhæfingum Björgólfs Thors sem hann setur fram á vefsíðu sinni BTB.is. Róbert segir að Björólfur sé að þræða nýjar víddir til að hreinsa skaðað orðspor sitt á vefsíðunni og leiti að blórabögglum fyrir því sem hefur misheppnast í hans fjárfestingum.

Vísitala byggingarkostnaðar fer hækkandi

Vísitala byggingarkostnaðar reiknuð um miðjan ágúst 2010 er 102,5 stig. Þetta kemur fram frétt á heimasíðu Hagstofunnar en um 0,5 prósentustiga hækkun er að ræða frá fyrri mánuði. Vísitalan gildir í september 2010.

Róbert þvær af sér sakir

Rekstur Actavis var góður og mikið var fjallað um starfsemi félagsins af fjölmiðlum og greiningaraðilumbæði hér heima og erlendis, segir Róbert

Bankarnir „teknir yfir af glæpamönnum“

Davíð Oddsson seðlabankastjóri tjáði mönnum sumarið 2008 að íslensku bankarnir hefðu verið „teknir yfir af glæpamönnum", sem ætluðu sér að gera Ísland gjaldþrota. Þetta kemur fram á nýrri vefsíðu Björgólfs Thors sem opnaði í dag.