Fleiri fréttir

Pálmi Haralds og Magnús Ármann báru vitni í héraðsdómi

Athafnamennirnir Pálmi Haraldsson og Magnús Ármann voru kallaðir til vitnis í héraðsdómi Reykjavíkur í dag. Þar fóru fram vitnaleiðslur í fjársvikamáli sem ríkissaksóknari hefur höfðað á Karl Georg Sigurbjörnsson lögmann. Þeir sögðust báðir hafa litið á kaup sín á stofnfjárhlutum í Sparisjóði Hafnarfjarðar sem gott viðskiptatæri enda hafi sameining sjóðsins við aðra sparisjóði legið fyrir. Pálmi segist heldur ekki hafa vitað af því að hann væri að kaupa bréfin af A Holding.

Skuldir ríkissjóðs Breta hækka um 1-1,5 trilljónir vegna þjóðnýtingar bankanna

Um 1 - 1,5 trilljón sterlingspunda bætast við skuldir ríkissjóðs Breta, eða sem samsvarar milli 70-100% af landsframleiðslu, vegna yfirtöku á Royal Bank of Scotland og Lloyds TSB. Þetta kemur fram í upplýsingum sem breska blaðið Times hefur frá hagstofunni þar i landi. Times segir að skuldir hins opinbera í Bretlandi séu nú þegar í metupphæð og hafi verið um 47,8% af landsframleiðslu í janúar. Þetta er mesta skuld síðan að hagstofan fór að fylgjast með gögnum þessa efnis árið 1993.

Starfsfólki skókeðju JJB Sports sagt upp

438 starfsmönnum tveggja fyrirtækja í eigu bresku íþróttavörukeðjunnar JJB Sports hefur verið sagt upp, að kröfu KPMG í Bretlandi, sem fer með greiðslustöðvun verslananna. Íslenska ríkið er einn stærsti hluthafi JJB Sports eftir að Kaupþing leysti til sín tæpan þriðjungshlut Exista og Chris Ronnie með veðkalli.

Færeyjabanki hækkar mest í dag

Gengi hlutabréfa í Færeyjabanka hefur hækkað mest í Kauphöllinni í dag, eða um 3,37 prósent. Á eftir fylgir gengi bréfa í Marel Food Systems, sem hefur hækkað um 0,5 prósent.

Nýi Glitnir fellir niður uppgreiðslugjald

Nýi Glitnir ætlar frá og með deginum í dag að fella tímabundið niður uppgreiðslugjald af verðtryggðum húsnæðislánum. Það hefur verið tvö prósent. Einnig er fellt niður gjald ef fólk vill greiða inn á höfuðstól. Í tilkynningu frá bankanum segir að vaxandi áhuga hafi orðið vart á að greiða lánin upp, eða inn á þau, vegna mikillar verðbólgu.

UBS-bankinn býður bætur vegna felureikninga

UBS-bankinn í Sviss hefur samþykkt að greiða bandarískum stjórnvöldum um 780 milljónir dollara, jafnvirði tæplega 89 milljarða króna, í bætur fyrir að skjóta peningum bandarískra skattgreiðenda undan þarlendum skattyfirvöldum.

Veiking jensins hækkar hlutabréfaverð í Asíu

Hlutabréf á mörkuðum í Asíu hækkuðu í verði í morgun eftir nokkurra daga lækkunarskeið og er hækkunin rakin til veikingar japanska jensins en hún gerir það að verkum að útflutningur eykst.

Saab fer fram á greiðslustöðvun

Bílaframleiðandinn Saab í Svíþjóð hyggst fara fram á greiðslustöðvun og reyna að koma á rekstrarlegum umbótum. Búist er við að beiðni um greiðslustöðvunina verði lögð fyrir dómstól á morgun. Ákvörðun stjórnenda Saab er tekin í kjölfar þeirra skilaboða frá eigandanum General Motors, að ekki komi til greina að leggja meira fé í Saab en þegar hefur verið gert.

Innrás Philip Green hafin í Bandaríkjunum

Sir Philip Green hefur svipt hulunni af opnun Topshop í New York. Topshop keðjan er flaggskip auðjöfursins en hann ætlar nú að opna fimmtán slíkar verslanir í Bandaríkjunum.

Starfsmenn Saab uggandi

Starfsmenn Saab bílaverksmiðjunnar í Svíþjóð eru uggandi um framtíð sína. Móðurfélagið General Motors bað í gær bandaríska ríkið um neyðarlán og segir Saab fara á hausinn innan örfárra vikna takist ekki að selja fyrirtækið.

Vissu ekki af sölu til dótturfélags Baugs

Lögmaður sem ákærður er fyrir fjársvik í tengslum við sölu á stofnfjárhlutum í Sparisjóði Hafnafjarðar neitaði sök í Héraðsdómi í dag. Stofnfjáreigendurnir segjast ekki hafa vitað að þeir voru að selja hluti sína til dótturfélags Baugs en félagið hagnaðist um 40 milljónir á hverja tvo hluta.

Drake Capital Management keypti í Straumi

Það var fjárfestingasjóðurinn Drake Capital Management sem keypti um 4,9% hlut í Straumi fjárfestingarbanka þann 17. ágúst árið 2007. Markaðsvirði hlutarins nam um 10,2 milljörðum króna, en viðskiptin fóru ekki fram á markaði heldur var hluturinn seldur til fjárfestisins í gegnum Landsbankann í Luxembourg en viðskptin fóru fram þann 17. ágúst 2007.

Alfesca féll um tæp tíu prósent

Gengi hlutabréfa í Alfesca féll um 9,72 prósent í Kauphöllinni á fremur rauðum degi. Á eftir fylgdi gengi bréfa í Straumi, sem fór niður um 8,98 prósent, og Færeyjabanki, sem féll um 3,7 prósent.

Sala á 66°Norður fatnaði hafin í sex nýjum löndum

Söludreifing er hafin á 66°Norður fatnaði í 6 nýjum löndum sem fyrirtækið hefur hingað til ekki selt vörur sínar til. Fljótlega verður því hægt að nálgast vörur fyrirtækisins í 19 löndum víðsvegar um heiminn.

Þekkt úr John F. Kennedy og Onassis á uppboð

Úr sem áður var í eigu John F. Kennedy og síðar Aristotle Onassis verður sett á uppboð í London á næstunni. Reiknað er með að úrið, sem er gullúr af gerðinni Nastrix, muni seljast á allt að yfir 20 milljón kr..

Fimmta hvert fyrirtæki í Danmörku á barmi gjaldþrots

Þúsundir danskra fyrirtækja eru nú á barmi gjaldþrots vegna fjármálakreppunnar. Greiningarfyrirtækið Experian telur að fimmta hvert fyrirtæki Danmerkur sé nú í mikilli hættu á að lenda í gjaldþroti.

Riksbanken hagnaðist á gjaldmiðlasamningi við SÍ

Freyr Hermannsson sérfræðingur hjá alþjóða- og markaðsdeild Seðlabanka Íslands segir að frétt sem birt var á vísir.is í gær um milljarðatap norrænna seðlabanka af gjaldmiðlaskiptasamningum þeirra við Seðlabanka Íslands (SÍ) sé röng. Hið rétta sé að seðlabanki Svíþjóðar, Riksbanken, hafi hagnast á samningi sínum.

Höfðu aldrei heyrt um A-Holding

Fimmenningarnir sem seldu stofnfjárhluti sína í Sparisjóði Hafnarfjarðar og Karl Georg Sigurbjörnsson lögmaður hafði milligöngu um að kaupa af þeim segjast aldrei hafa heyrt talað um A-Holding, dótturfélag Baugs, sem eignaðist hlutina og seldi síðar fyrir mun hærra verð. Ríkissaksóknari hefur ákært Karl Georg fyrir fjársvik en hann segist aðeins hafa í starfi sínu sem lögmaður verið í milligöngu á milli seljendanna og A-Holding.

McDonald´s vill opna 500 hamborgarastaði í Kína

McDonald´s hefur í hyggju að opna 500 nýja hamborgarastaði í Kína á næstu þremur árum. Fyrir í landinu eru 146 staðir þar sem Kínverjar geta keypt sér Big Mac og annan skyndibita.

Segir Bretland og Sviss á barmi íslenskra örlaga

Fjárfestingaráðgjafinn Hennessee Group telur að Bretland og Sviss séu nú á barmi íslenskra örlaga. Fjármálakreppan megi ekki dýpka mikið meir til að bankakerfi beggja þessara landa fari á hliðina.

Vill þrjátíu þúsund af fimm hundruð milljónum

„Það verður spurt hverjum þeir seldu," segir Vilhjálmur Bjarnason sem er bjartsýnn á gott brautargengi í dómsmáli sem hann og dætur hans tvær höfða á hendur Straum-Burðarás og forsvarsmanna bankans en aðalmeðferð þess fer fram í dag.

Bílaframleiðandinn Saab gæti brátt heyrt sögunni til

Sænski bílaframleiðandinn Saab stendur frammi fyrir gjaldþroti, mögulega í þessum mánuði. Eigandi Saab, General Motors, ætlar ekki að leggja Saab til meira fé en orðið er og sænska ríkið hefur einnig hafnað hugmyndum um aðkomu þess að framleiðslunni.

Landsbankinn hlýtur gæðavottun

Landsbankinn hefur fengið staðfesta vottun samkvæmt ISO 27001 sem tekur sérstaklega fyrir upplýsingaöryggi og meðhöndlun trúnaðarupplýsinga. Vottunin nær til allrar starfsemi bankans og tekur m.a. á rekstri upplýsingakerfa,

Húsgögn og tölvur Landsbankans í Amsterdam á uppboð

Húsgögn, tölvur og annar skrifstofubúnaður Landsbankans í Amsterdam verður settur á uppboð í næstu viku. Fer upphæðin sem fæst á uppboðinu upp í skuldir bankans vegna Icesave-reikninganna í Hollandi.

Gott uppgjör hjá Foroya Banki

Foroya Banki leggur fram mjög gott ársuppgjör eftir síðasta ár og nam hagnaður bankans af rekstrinum171 milljón danskra kr. eða tæplega 3,4 milljörðum kr.. Er þetta nokkru meiri hagnaður en árið áður er hann nam 144 milljón danskra kr..

Hlutabréf lækka í Asíu

Hlutabréf á mörkuðum í Asíu féllu í verði í morgun, þriðja daginn í röð, en aukinnar svartsýni gætir meðal fjárfesta í kjölfar stöðugra frétta af tapi stórfyrirtækja og ískyggilegra spádóma frá ríkisstjórnum og seðlabönkum.

Olíuverð á heimsmarkaði lækkar

Olíuverð fer lækkandi á heimsmarkaði og fór niður fyrir 35 dollara á tunnu vestanhafs í gær. Norðursjávarolía var þá í 41 dollara eftir að hafa lækkað um tvo og hálfan dollara frá því fyrir helgi.

Fjórðungur þekkir til tryggingasvika

24,7 prósent aðspurðra í nýrri könnun sem Capacent Gallup vann fyrir Samtök fjármálafyrirtækja (SFF) þekkja einhvern sem svikið hefur bætur út úr tryggingafélagi.

TellMeTwin hefur þróunarstarf í BNA

"Núna í janúar fengum við hæsta styrk upp á átta milljónir króna á ári frá tækniþróunarsjóði Rannís til að þróa TellMeTwin Every­where, hvernig TellMeTwin vinnur með öðrum netsamfélögum, vefsíðum og forritum," segir Einar Sigvaldason, framkvæmdastjóri TellMeTwin.

Ísland suðursins

Íbúar í arabaríkinu Dúbaí eru nú eflaust að upplifa álíka áfall og við Íslendingar í fyrrahaust þegar skuldatryggingarálagið rauk upp í hæstu hæðir áður en efnahagshrunið reið yfir af fullum þunga.

Bara helmingur í hús

Allt stefnir í að Borse Dubai, sem rekur kauphöllina í Dúbaí, nái aðeins að endurfjármagna helming þess láns sem tekið var vegna yfirtöku á sænsku kauphallarsamstæðunni OMX síðla árs 2007.

Misgóðir réttir

Eins og frá var greint á mánudag gerði Straumur kauprétt við stóran hóp starfsfólks bankans. Rétturinn kvað á um kaup á 650 milljónum hluta á genginu 1,67 krónur á hlut, jafnvirði rétt tæplega eins milljarðs króna.

Öryggisafritun blómstrar í kreppu

Í Bretlandi hafa um fjörutíu fyrirtæki bæst í hóp viðskiptavina öryggisafritunarfyrirtækisins SecurStore frá vormánuðum síðasta árs. Alexander Eiríksson, sölu og markaðsstjóri og einn stofnenda SecurStore á Akranesi, segir þrengingar á fjármálamörkuðum og óvissutíma frekar vinna með fyrirtækinu en gegn því.

Danir sneru tómhentir heim

Forsvarsmenn danska tryggingafyrirtækisins TrygVesta slitu í gær viðræðum um kaup á sænskum tryggingaarmi fjármálafyrirtækisins Moderna, dótturfélags Milestone. Viðræður voru langt komnar þegar TrygVesta sleit viðræðum.

Ríkisstjórnin í beinni

Í dag verður í fyrsta sinn mögulegt að fylgjast með útsendingum frá blaðamannafundum ríkisstjórnarinnar í beinni útsendingu á netinu í boði hins opinbera og skoða upptökur af fyrri fundum.

Ár rekstrarmanna runnið upp

Stjórnendur fyrirtækja fóru alltof geyst áfram á síðustu árum og keyptu fyrirtæki allt of dýru verði. EBITDA var galdraorðið og menn kepptumst um að kaupa inn EBITDU.

Svartur dagur í Bandaríkjunum

Talsvert verðfall varð á bandarískum hlutabréfamarkaði kvöld en fjárfestar hafa efasemdir um að björgunaraðgerðir stjórnvalda dugi til að spyrna fótum við kreppunni.

Íhuga málsókna vegna dótturfélags Milestone

Erlendir kröfuhafar í gamla Glitni íhuga nú málsókn á hendur sænska ríkinu vegna Moderna, dótturfélags Milestone. Sænska fjármálaeftirlitið vill selja Moderna á brunaútsölu sem myndi þýða tugmilljarða tap fyrir gamla Glitni.

Skuldum Árvakurs við Landsbankann breytt í hlutafé

Til greina kemur að Nýi Landsbankinn breyti skuldum Árvakurs, útgáfufélags Morgunblaðsins, í hlutafé þegar að samið verður við nýja kaupendur á fyrirtækinu. Árvakur skuldar Nýja Landsbankanum 866 milljónir króna.

Sjá næstu 50 fréttir

Mest lesið