Nýtt útrásarfyrirtæki heitir Landsvirkjun Power

Landsvirkjun Power dótturfélag Landsvirkjunar tekur til starfa um áramótin. Þetta kom fram í fréttum Sjónvarpsins núna klukkan 19:00.

Rupert Murdoch kaupir Wall Street Journal

Ókrýndur kóngur fjölmiðlaheimsins Rupert Murdoch hefur bætt hinu virta Wall Street Journal í safnið sitt en blaðið hefur verið í eigu Bancroft fjölskyldunnar í áraraðir.

Google í samkeppni við Wikipedia

Internetrisinn Google ætlar sér í samkeppni við hina vinsælu alfræðisíðu Wikipedia á netinu. Ætlunin er að virkja notendur í að miðla upplýsingum um efni sem þeir þekkja líkt og Wikipedia gerir.

Hannes segist hafa verið ódýr forstjóri

Hannes Smárason, fráfarandi forstjóri FL Group, segir í viðtali við Morgunblaðið að hann hafi verið ódýr forstjóri miðað við aðra forstjóra í sambærilegum fyrirtækjum. Hann segir laun sín hafa verið helmingi lægri, hann hafi enga bónusa fengið né kauprétti.

Icelandair lækkaði mest í vikunni

Icelandair Group lækkaði mest allra félaga í Kauphöllinni í vikunni eða um 5,2%. Alls lækkaði markaðsvirði félagsins um rétt tæpan 1,5 milljarð. Landsbankinn hækkaði mest allra félaga eða um 3,2% og jókst markaðsvirði bankans um 13 milljarða.

Lufthansa kaupir í JetBlue

Lufthansa, flaggskip Þýskalands í flugbransanum og næst stærsta flugfélag í Evrópu hefur keypt 19 % hlut í bandaríska lággjaldaflugfélaginu JetBlue.

Verulega hægir á fasteignasölu

„Kaupsamningar í þessari viku voru aðeins 142 talsins og hefur ekki verið skrifað undir færri kaupsamninga í einni viku frá því í lok janúar,“ segir í Vegvísi Landsbanka Íslands um þróunina á fasteignamarkaði.

Bréf Atlantic Airways taka loksins flugið

Gengi bréfa í færeyska flugfélaginu Atlantic Airways hækkaði um 0,59 prósent í Kauphöll Íslands í dag. Þetta er jafnframt annar dagurinn sem hluthafar sjá hækkun á gengi þess síðan viðskipti hófust með bréfin hér á landi á mánudag. Það er nú 2,1 prósenti undir upphafsgengi.

Tekjuafgangur hins opinbera minnkar

Samkvæmt tölum Hagstofunnar var tekjuafgangur hins opinbera 13 milljarðar á 3. fjórðungi þessa árs og nam afgangurinn 1,1% af vergri landsframleiðslu og 8,7% af tekjum hins opinbera.

Tölvuþekking vanmetin í fyrirtækjarekstri

Tölvuþekking er enn vanmetin á í Bandarískum fyrirtækjum, segir hugbúnaðarrisinn Microsoft.

Nýtt íslenskt flugfélag að hefja starfsemi?

Vísir hefur heimildir fyrir því að forsvarsmenn óstofnaðs flugfélags hafi undanfarið leitað samninga og tilboða í því skyni að hefja áætlunarflug frá Íslandi til nokkurra áfangastaða í Evrópu.

Jón Karl ætlar að byrja á því að lækka forgjöfina

„Ætli ég reyni ekki bara að lækka forgjöfina," segir Jón Karl Ólafsson fráfarandi forstjóri Icelandair Group um hvað liggi fyrir þegar hann lætur af störfum. Hann segir forstjóraskiptin hafa átt sér töluvert langan aðdraganda. „Þetta er búið að taka nokkurn tíma í undirbúningi. Það stóð reyndar ekki til að ganga formlega frá þessu fyrr en í næstu viku, en þegar þetta fór að kvisast út þá var ekki eftir neinu að bíða," segir Jón Karl, en Stöð 2 greindi frá forstjóraskiptunum í hádegisfréttum sínum í gær.

Verðbólga umfram spár í Bandaríkjunum

Verðbólga jókst um 0,8 prósent á milli mánaða í Bandaríkjunum í nóvember. Þetta jafngildir því að verðbólga mælist 4,7 prósent og hefur ekki verið meiri í tvö ár.

Olíudropinn dýrari í dag en í gær

Heimsmarkaðsverð á hráolíu hækkaði lítillega á alþjóðlegum fjármálamörkuðum í dag. Verðið hefur verið á nokkurri uppleið í vikunni í kjölfar þess að olíubirgðir drógust óvænt saman í Bandaríkjunum.

Enn er mikil spenna á vinnumarkaðinum

Enn virðist mikil spenna ríkja á vinnumarkaði, en skráð atvinnuleysi var 0,8% í nóvember samkvæmt tölum sem Vinnumálastofnun birti í gær og hefur atvinnuleysi því mælst undir einu prósenti frá júlí sl.

Logn á íslenskum hlutabréfamarkaði

Stemningin á hlutabréfamarkaði hér á landi er í engu samræmi við veðrið en viðskipti eru með rólegasta móti, 21 í fjórum félögum á þeim tæpa hálftíma sem liðinn er frá upphafi viðskiptadagsins.

Sala á hlut í Icelandic Holding Germany afturkölluð

Icelandic Group hf. og Finnbogi A. Baldvinsson hafa komist að samkomulagi um að afturkalla viljayfirlýsingu um sölu á 81 prósents eignarhlut í Icelandic Holding Germany, móðurfélagi Pickenpack Hussmann & Hahn GmbH í Þýskalandi og Pickenpack Gelmer SAS í Frakkland, til hins síðarnefnda.

Thule Investments skiptir um merki og flytur

Thule Investments, sem annast rekstur og umsýslu fjárfestingasjóðanna Brú Venture Capital, Brú II og Brú Framtak, hefur tekið upp nýtt merki og útlit. Samhliða því hefur félagið flutt aðsetur sitt úr Borgartúni 30 í Hús verslunarinnar, Kringlunni 7.

Hluthafafundur FL Group samþykkir hækkun hlutafjár

Hluthafafundur FL Group samþykkti í morgun að veita stjórn félagsins heimild til að hækka hlutafé félagsins um allt að kr. 3.659.265.291 að nafnverði með útgáfu nýrra hluta á genginu 14,7.

Björgólfur nýr stjóri hjá Icelandair Group

Björgólfur Jóhannsson hefur verið ráðinn forstjóri Icelandair Group í stað Jóns Karls Ólafssonar frá og með næstu áramótum. Þetta kemur fram í tilkynningu frá félaginu en Stöð 2 sagði frá þessu í fréttum sínum í gær. Gunnlaugur M. Sigmundsson, formaður stjórnar Icelandair Group, segir að ráðningin sé hluti af skipulagsbreytingum sem ákveðnar voru í haust. Starfi forstjóra hefur verið skipt í tvö störf, annarsvegar að stýra móðurfélaginu og hinsvegar að stýra stærsta dótturfélaginu, Icelandair.

Tekjuafgangur ríkissjóðs minnkar milli ára

Út eru komin Hagtíðindi um fjármál hins opinbera á 3. ársfjórðungi 2007. Í þeim fjórðungi nam tekjuafgangur hins opinbera 13 milljörðum króna samanborið við 17,3 milljarða króna á sama tíma 2006.

Skipt um forstjóra Icelandair

Jón Karl Ólafsson hættir og Björgólfur Jóhannsson frá Icelandic Group tekur við.

Bankakerfið hér einstakt

Svissneski bankinn UBS mælir í nýrri greiningu með kaupum á Kaupþingsbréfum en sölu á bréfum Glitnis. Þetta er fyrsta greining UBS á bönkunum.

McCarthy í fleiri stjórnir hjá Baugi

Don McCarthy, stjórnarmaður í Baugi, hefur tekið við stjórnarformennsku í Aurum Holdings, dóttur­félagi Baugs í Bretlandi sem heldur utan um eignahluti í skartgripakeðjunum Goldsmiths, Watches of Switzerland og Mappin & Webb. Hann tekur við stólnum af Jurek Piasecki, stofnanda og fyrrum forstjóra Goldsmiths.

Jón Karl rekinn - Björgólfur ráðinn

Jóni Karli Ólafssyni var sagt upp störfum sem forstjóra Icelandair Group í dag og Björgólfur Jóhannsson ráðinn í hans stað.

Líkur á vaxtahækkun í mánuðinum

Greiningadeild Kaupþings telur líkur á því að Seðlabankinn hækki vexti þann 20. desember næstkomandi. Þetta kom fram í viðtali Björgvins Guðmundssonar við Ásdísi Kristjánsdóttur,

Atlantic Airways lækkar flugið

Gengi hlutabréfa í færeyska flugfélaginu Atlantic Airways lækkaði um 0,66 prósent í Kauphöll Íslands í dag. Þetta er þriðji dagurinn í röð sem gengi bréfa í bankanum lækkar en viðskipti með bréf þess hófust hér á landi á þriðjudag. Markaðsverðmæti Atorku hækkaði mest skráðra félaga í Kauphöllinni á sama tíma í dag.

FME hafnar umsókn FL Group og Jötuns Holding

Fjármálaeftirlitið hefur hafnað umsókn FL Group og Jötunn Holding um heimild til að fara með allt að 39,9% eignarhlut í Glitni.

Hluthafar í Elisa á móti Björgólfi Thor

Finnska fréttastofan STT greinir frá því í dag að þrír finnskir lífeyrissjóðir muni berjast gegn tilraun Novators, félagi Björgólfs Thors Björgólfssonar, til að skipta finnska símafélaginu Elisa í tvennt.

Bankarnir lækka í Kauphöllinni

Gengi bréfa í Föroya Banka hefur lækkað mest það sem af er degi í Kauphöllinni. Gengið stendur nú í 179 og hefur það lækkað um 4,28 prósent. Önnur félög hafa lækkað minna en bankarnir hafa flestir lækkað í dag, Straumur-Burðarás um 2,56 prósent, Glitnir i, 2,37 prósent og Spron um 2,14 prósent.

Félag fjárfesta er ekki bara einn maður

Vilhjálmur Bjarnason í Félagi fjárfesta blæs á þær sögusagnir að Félag fjárfesta sé eins manns félag og segir að þótt hann tali fyrir félagið þá séu meðlimir um 1500 þótt margir þeirra sé ekki virkir.

Laura Ashley kaupir í Moss Bros

Breska kvenfata- og húsvörukeðjan Laura Ashley hefur keypt rúman þriggja prósenta hlut í bresku herrafatakeðjunni Moss Bros. Baugur, sem er stærsti hluthafi verslunarinnar með tæpan 29 prósenta hlut, hefur verið orðaður við yfirtöku á Moss Bros í vikunni fyrir allt að fimm milljarða króna.

Jón Ásgeir þolinmóður gagnvart tapinu á Nyhedsavisen

Jón Ásgeir Jóhannesson segir að hann sé mjög þolinmóður gagnvart Nyhedsavisen þrátt fyrir að fríblaðið hafi tapað stórum upphæðum á rekstrinum frá byrjun. Þetta kemur fram í business.dk í dag.

Neyslugleðin í fullum gangi hérlendis

Neyslugleði landsmanna virðist enn vera í fullum gangi ef marka má greiðslukortaveltu í nóvember. Heildarvelta greiðslukorta nam um 79 milljörðum kr. í mánuðinum.

Jón Karl að hætta sem forstjóri Icelandair

Jón Karl Ólafsson er að láta af störfum sem forstjóri Icelandair. Orðrómur er um að Björgólfur Jóhannsson, forstjóri Icelandic Group og formaður Landssambands íslenskra útvegsmanna, taki við.

Íbúðalánasjóður hækkar vextina

Íbúðalánasjóður hefur ákveðið að hækka vexti á lánum sínum um 0,20 prósent í kjölfar útboðs íbúðabréfa. Vextirnir eru nú 5,75 prósent á almennum lánum en 5,50 prósent á lánum með ákvæði um sérstaka uppgreiðsluþóknun, að því er segir á vefsíðu Íbúðalánasjóðs.

Led Zeppelin blæs lífi í HMV útgáfuna

Hin gamalgróna tónlistarútgáfa HMV hefur verið á fallandi fæti allt árið eða þar til ljóst var að hljómsveitin Led Zeppelin myndi koma saman aftur.

Færeyingar á báðum pólunum

Gengi hlutabréfa í færeyska olíuleitarfélaginu Atlantic Petroleum hækkaði um 0,11 prósent skömmu eftir upphaf viðskiptadagsins í Kauphöllinni í dag. Þetta er eina félagið sem hefur hækkað enn sem komið er. Landar þeirra í Föroya banka hafa á sama tíma þurft að horfa upp á gengi bréfa í bankanum lækka mest allra skráðra félaga í Kauphöllinni í dag, eða um 1,6 prósent.

Atorka hagnast á sólarorku

Gler- og plastframleiðandinn Romag Holdings skilaði 2,76 milljónum punda, um 350 milljónum króna, í hagnað fyrir skatta á síðasta rekstrarári sem lauk í september. Stór hluti hagnaðarins kemur óbeint frá sólarorku. Atorka Group er stærsti hluthafinn í Romag með 21% hlut sem metinn er á rúma 2,8 milljarða króna.

Hagvöxtur mældist 4,3 prósent á þriðja ársfjórðungi

Hagvöxtur mældist 4,3 prósent á þriðja ársfjórðungi. Á sama tíma í fyrra mældist hann 0,8 prósent. Á fyrstu níu mánuðum ársins var hagvöxtur hins vegar 2,7 prósent, samkvæmt útreikningum Hagstofunnar. Þjóðarútgjöld jukust um 2,0 prósent, útflutningur um 7,0 prósent og innflutningur um 2,0 prósent. Þá blés í einkaneyslu, sem jókst um 7,5 prósent á milli ára. Fjárfestingar drógust hins vegar saman á milli ára.

Jón Ásgeir sér möguleika í stöðunni á mörkuðunum

Jón Ásgeir Jóhannesson segir í samtali við danska blaðið Berlingske í dag að þrengingarnar á fjármálamörkuðum heimsins opni félagi hans, Baugur Group, nýja möguleika á frekari kaupum á fyrirtækjum.

SPRON tekur við sér en Færeyingar lækka flugið

Gengi hlutabréfa í Sparisjóði Reykjavíkur og nágrennis (SPRON) hækkaði um rúm 2,7 prósent í Kauphöll Íslands í dag. Færeyska flugfélagið Atlantic Airways er hins vegar ekki í skýjunum en gengi bréfa félagsins hefur lækkað á þeim tveimur dögum sem það hefur verið skráð í Kauphöllina.

Byr eykur hlut sinn í bresku fjárfestingarfélagi

Byr sparisjóður hefur aukið hlut sinn í fjárfestingarfélaginu Shelley Oak í Bretlandi, sem sérhæfir sig í brúarfjármögnun á íbúðarhúsnæði í London og nágrenni.

Fjölmiðlaveldi finna illa fyrir stöðunni á fjármálamarkaðinum

Stór fjölmiðlaveldi í Evrópu eiga ekki góða daga á fjármálamarkaðinum þessa dagana. Ef litið er á gengisþróun bréfa þeirra í kauphöllunum eru flestar tölur vel í rauðu eftir árið.

Klámframleiðendur í stríð gegn ókeypis klámi

Tónlistarheimurinn hefur lengi barist gegn ókeypis niðurhali á tónlist og nú ætla klámframleiðendur að feta í sömu fótspor. Þeir hafa sagt ókeypis niðurhali á klámi stríð á hendur.