Rupert Murdoch kaupir Wall Street Journal

Ókrýndur kóngur fjölmiðlaheimsins Rupert Murdoch hefur bætt hinu virta Wall Street Journal í safnið sitt en blaðið hefur verið í eigu Bancroft fjölskyldunnar í áraraðir.

Murdoch reyddi fram litla 5 billion dollara en Wall Street Journal er nú orðin hluti af News Corp. sem er í eigu Murdochs. Hann er ekki bara öflugur í Bandaríkjunum því hann á einnig marga af stærstu fjölmiðum Bretlands. Margir segja að Murdoch sé eini maðurinn sem græði á því að eiga fjölmiðla.

Búast má við miklum breytingum á þessu virta viðskiptablaði og hefur nýtt stjórnunarteymi þegar verið kynnt til sögunnar. Murdoch hefur gefið það út að hann vilji að Wall Street Journal verði samkeppnishæft við New York Times.

Í Bretlandi eru miðlar eins og The Sun og Sunday Times í eigu kappans en í Bandaríkjunum á hann Fox sjónvarpsstöðina, New York Post og eitt vinsælasta slúðurtímarit landsins, Star.