Fjármálaþjónusta jöfn sjávarútvegi

Fjármálaþjónusta er orðin ein af undirstöðuatvinnugreinum Íslands og skilar jafn miklu til þjóðarbúsins og sjávarútvegur. Líkja má þróun undanfarins áratugar við það sem gerðist í Austur-Evrópu eftir fall kommúnistastjórna.

Rúmir 20 milljarðar í arð frá 1989

Landssíminn hefur greitt ríkissjóði rúmlega 20 milljarða króna í arðgreiðslur frá árinu 1989 að því er fram kemur í svari Geirs Haarde fjármálaráðherra við fyrirspurn Steingríms J. Sigfússonar, þingmanns Vinstri - grænna, um greiðslur Landssímans til ríkisins.

Úrvalsvísitala yfir 4000 stig

Úrvalsvísitalan náði nýju hámarki í dag þegar hún fór í fyrsta sinn yfir fjögur þúsund stig. Það sem af er ári hefur hún hækkað um nærri tuttugu prósent og enn er talið svigrúm til hækkunar.

Esso dró hækkun til baka

Olíufélagið Esso ákvað í gærkvöld að draga til baka hækkun sína á eldsneyti frá því á miðnætti í fyrrakvöld. Í tilkynningu frá félagin segir að ástæðan fyrir þessari breytingu sé markaðsaðstæður á Íslandi en Olíufélagið vilji ætíð tryggja að viðskiptavinir þess njóti samkeppnisfærra verða á hverju markaðssvæði fyrir sig.

Ólíklegt til að skila hæsta verði

Fyrirkomulagið við sölu Landssímans er við fyrstu sýn fremur ógegnsætt og því ólíklegt til að skila núverandi eigendum hæsta mögulega verði, að mati greiningardeildar Landsbankans.

Actavis sendir lyf til Rússlands

Lyfjafyrirtækið Actavis hefur sent fyrstu lyfjasendinguna til Rússlands af lyfjum sem framleidd eru á Íslandi en fyrirtækið sendi um tvær milljónir taflna af hjartalyfinu lisinopril í byrjun apríl. Í tilkynningu frá Actavis segir að Rússland og nálæg lönd séu stór markaður fyrir Actavis og nemur salan þar um fimmtán prósentum af heildarsölu samstæðunnar.

Síminn: Tveir fjárfestar augljósir

Greiningardeild Íslandsbanka telur sölufyrirkomulagið á Símanum minnka líkur á að erlend símafyrirtæki geri tilboð. Tveir fjárfestahópar séu hins vegar augljósir: hópur í kringum Burðarás, Landsbankann og eigendur Samsonar annars vegar, og hópur í kringum Meið, VÍS og KB banka hins vegar - en fleiri muni væntanlega gera tilboð.

Síminn: Annarlegir hagsmunir?

Edda Rós Karlsdóttir, forstöðumaður greiningardeildar Landsbankans, telur að fyrirkomulagið við sölu á hlut ríkisins í Landssímanum sé ógegnsætt og ekki líklegt til að skila ríkissjóði sem mestum hagnaði. Það ýti einnig undir sögusagnir um að annarlegir hagsmunir ráði ferðinni.

Sáttaumleitanir í kringum Ker

Boðað var til fundar í stjórn Festingar í gærkvöld vegna deilna sem hafa staðið um hlutafjáraukningu félagsins 22. mars sl. Samkvæmt heimildum Fréttablaðsins vilja hluthafar vinda ofan af þeirri stöðu sem upp er komin í kringum félagið.

Olíuverð hækkar áfram

Olíuverð heldur áfram að hækka og í morgun var verðið á olíufatinu orðið tæpir fimmtíu og átta dollarar. Forystumenn OPEC, Samtaka olíuútflutningsríkja, hafa boðað til fundar þar sem rætt verður um leiðir til þess að auka framboð á olíu til að sporna við hinu háa verði.

Síminn seldur í heilu lagi

Sjálfstæðisflokkur og Framsóknarflokkur hafa náð samkomulagi um að selja hlut ríkisins í Símanum einum hópi kjölfestufjárfesta. Ríkisstjórnin hóf fund klukkan tólf sem er óvenjulegur fundartími og -dagur þar sem á að ræða málefni Símans.

Síminn: 30% boðið almenningi

Hlutur ríkisins í Símanum verður seldur kjölfestufjárfesti í einu lagi og er stefnt að því að ljúka sölunni í júlí á þessu ári. Þrjátíu prósent af heildarhlutafé Símans skal boðið almenningi og öðrum fjárfestum til kaups fyrir árslok 2007.

Sölunni á að ljúka í sumar

Síminn verður seldur í einu lagi, einum hópi fjárfesta, og má hver þeirra ekki eiga meira en 45% í fyrirtækinu. Ekki hefur verið ákveðið hvað verðið skiptir miklu máli en auglýst verður eftir áhugasömum kaupendum á morgun og á sölunni að ljúka í júlí.

Afgreiðslu lögbannsbeiðni frestað

Fulltrúi sýslumannsins í Reykjavík frestaði í gær úrskurði um lögbannsbeiðni á hlutafjáraukningu í Festingu, sem á og rekur fasteignir Olíufélagsins Essó og Samskipa. Verður málið tekið fyrir næsta föstudag.

Kröfur þrettánfalt hærri en eignir

Lýstar kröfur í þrotabú Fróða, stærstu tímaritaútgáfu landsins, nema rúmlega hálfum milljarði króna. Eignir í búinu eru tæplega 40 milljónir. Skiptastjóri hafnaði einu forgangskröfunni í búið sem kom frá fyrrverandi eiganda Fróða.

Verðið hæst hjá Atlantsolíu

Atlantsolía er með hæsta verð á bensíni á höfuðborgarsvæðinu samkvæmt lauslegri könnun fréttastofu Bylgjunnar. Á bensínstöð félagsins í Reykjavík kostar lítrinn af 95 oktana bensíni nú 101,2 krónur til samanburðar við sjálfsafgreiðsluverð hinna olíufélaganna sem er frá rúmum 97 krónum í rúmar 98 krónur.

Olíuverð í sögulegu hámarki

Olíuverð á heimsmarkaði náði sögulegu hámarki í gær, enn á ný. Það hefur hækkað um meira en helming frá því árið 2002.

Úrvalsvísitala hækkar áfram

Ekkert lát er á hækkun hlutabréfa í fyrirtækjum sem mynda úrvalsvísitöluna í Kauphöll Íslands og er meðalhækkun rúmlega 16,5 prósent fyrstu þrjá mánuði ársins, samkvæmt samantekt KB banka. Gengi bréfa í Flugleiðum, eða FL Group, hækkaði langmest eða um tæp 45 prósent, næst kemur Bakkavör með rúmlega 31 prósent og svo Kögun með rösk 30 prósent.

Nýr ritstjóri Viðskiptablaðsins

Gunnlaugur Árnason, blaðamaður Reuters-fréttasamsteypunnar í Lundúnum, hefur verið ráðinn ritstjóri Viðskiptablaðsins. Jónas Haraldsson, sem gengt hefur starfi ritstjóra frá áramótum, mun taka við starfi fréttastjóra þegar Gunnlaugur kemur til starfa í byrjun maí. Mun Gunnlaugur móta ritstjórnarstefnu blaðsins og stjórna fréttaflutningi.

Olíufatið komið yfir 55 dollara

Olíuverð hækkar enn og er komið yfir 55 dollara á fatið og stefnir hærra. Ástæðan er einkum sú spá markaðssérfræðinga að verðið á olíufatinu gæti innan tíðar farið yfir hundrað og fimm dollara, sem er helmingi meira en nú. Það sem af er þessu ári hefur verðið hækkað um 28 prósent.

Methagnaður hjá Actavis

Methagnaður varð á rekstri Actavis í fyrra en þá skilaði félagið 63 milljóna evra, eða 4,9 milljarða króna, hagnaði. Þetta kom fram á aðalfundi félagsins í gær. Hagnaðurinn jókst um 55 prósent frá fyrra ári og þá var 43 prósenta veltuaukning milli ára, en veltan var alls 452 milljónir evra eða 35,3 milljarðar króna, eftir því sem kemur fram í tilkynningu frá Actavis.

Rætt um yfirtöku á breskum banka

Kaupþing banki hefur hafið viðræður um yfirtöku á breska bankanum Singer og Friedlander. Í tilkynningu sem birtist í Kauphöllunum í Lundúnum og Reykjavík segir að viðræðurnar séu á frumstigi. Kaupþing banki á tæp tuttugu prósent í bankanum og Burðarás tæp tíu prósent. Markaðsvirði Singer og Friedlander var yfir sextíu milljarðar króna í dag en stjórn bankans leggur sérstaka áherslu á þá óvissu sem ríkir um niðurstöður viðræðna.

Vilja kaupa Singer

Verð á hlutabréfum í bæði KB banka og breska bankanum Singer & Friedlander hækkaði snögglega í kauphöllum í Reykjavík og Lundúnum í gærmorgun. Í lok dags hafði KB banki hækkað um 2,3 prósent en Singer um 14,8 prósent.

Hlutabréf aldrei hærri

Úrvalsvísitalan náði hæstu hæðum í gær þegar hún endaði í 3.957 stigum. Fyrra metið var sett 8. október 2004 þegar hún endaði í 3.947 stigum.

Hlutaféð seldist allt í áskrift

Nýtt hlutafé í Landsbankanum upp á tæpa tíu milljarða seldist allt í áskrift til hluthafa og er útboðinu lokið. Miðað við efnahag er bankinn nú orðinn þriðja stærsta fyrirtæki á Íslandi.

Sjávarútvegsfyrirtækjum fækkar

Aðeins þrjú sjávarútvegsfyrirtæki verða skráð í Kauphöll Íslands þegar Samherji á Akureyri verður væntanlega afskráður þar í sumar í kjölfar yfirtökutilboðs aðaleigendanna og samstarfsfélaga þeirra á öllu öðru hlutafé í félaginu. Sjávarútvegsfyrirtækin eru því á hraðri útleið úr Kauphöllinni.

Nafninu breytt í Kaupþing banki

Aðalfundur Kaupþings Búnaðarbanka sem haldinn var 18. mars sl. samþykkti að breyta nafni félagsins í Kaupþing banki hf.<span style="mso-spacerun: yes">  </span>Hið nýja heiti félagsins er nú þegar orðið virkt í viðskiptakerfi Kauphallarinnar. Þetta kemur fram á vef Kauphallarinnar í dag.

Fyrirtækjum fækkað úr 75 í 31

Fyrirtækjum í Kauphöll Íslands hefur fækkað úr 75 árið 2000 niður í 31 núna og aðeins þrjú sjávarútvegsfyrirtæki verða skráð þar þegar Samherji á Akureyri verður afskráður í sumar. Sú afskráning gerist í kjölfar yfirtökutilboðs aðaleigendanna og samstarfsfélaga þeirra á öllu öðru hlutafé í félaginu.

KB banki hækkar vexti

KB banki hefur ákveðið að hækka vexti óverðtryggðra inn- og útlána frá og með 1. apríl. Vaxtabreytingin er gerð í kjölfar tilkynningar Seðlabankans fyrr í vikunni um hækkun stýrivaxta um 0,25 prósentustig.

Somerfield opnar bókhald sitt

Líklegt þykir að stjórn bresku verslunarkeðjunnar Somerfield ákveði á fundi sínum í dag að opna bókhald sitt fyrir þremur tilboðsgjöfum sem hafa hug á því að kaupa fyrirtækið. Baugur Group hefur tilkynnt stjórn Somerfield að fyrirtækið vilji kaupa verslunarkeðjuna og hyggist leika leikinn til enda.

Landsbankinn hækkar einnig

Landsbankinn mun hækka óverðtryggða vexti inn- og útlána um allt að 0,25 prósentustig á morgun, 1. apríl.  Ákvörðun um vaxtahækkun er tekin í kjölfar 0,25 prósentustiga stýrivaxtahækkunar Seðlabankans sem tilkynnt var á dögunum. 

Telja efnahagslífið vel statt

Um 76 prósent forráðamanna íslenskra fyrirtækja telja aðstæður í efnahagslífinu almennt góðar. Sjö prósent forráðamanna íslenskra fyrirtækja telja aðstæður í efnahagslífinu slæmar. Þetta kemur fram í könnun IMG-Gallup fyrir fjármálaráðuneytið og Seðlabankann en könnunin var birt í vefriti fjármálaráðuneytisins í dag.

Öll nema þrjú hækkuðu í verði

Hlutabréf allra fyrirtækja utan þriggja í Kauphöll Íslands hækkuðu í verði á fyrsta fjórðungi ársins. Mest hækkuðu hlutabréf í FL Group, sem áður hét Flugleiðir, Bakkavör og Þormóði ramma - Sæberg en öll þessi félög hafa hækkað yfir 30 prósent á fyrstu þremur mánuðum ársins.

Tugir kvartana á viku

Sigurður Helgi Guðjónsson, formaður Húseigendafélagsins, telur að hlutfallstengd þóknun fasteignasala sé tímaskekkja. Sanngjarnt sé að taka til dæmis upp tímagjald eins og tíðkast víða. Björn Þorri Viktorsson, formaður Félags fasteignasala, neitar að láta hafa nokkuð eftir sér. </font /></b />

Hluthafar njóta ekki hagnaðar

Forstjóri Kauphallarinnar segir áhyggjuefni að einungis þrjú sjávarútvegsfyrirtæki verði skráð í Kauphöllinni þegar Samherji verður afskráður í sumar. Fyrirtækjum í Kauphöllinni hefur fækkað úr 75 í 31 á síðustu fimm árum. Aðjúnkt í viðskiptafræðum segir þröngu eignarhaldi um að kenna og óraunhæfum væntingum um ofurgróða. Þá njóti hluthafar ekki alltaf hagnaðar sem skyldi.

Bræðsla líður undir lok í borginni

Í athugun er hjá HB Granda að flytja síldar- og loðnubræðslu félagsins úr Örfirisey í Reykjavík til Vopnafjarðar. HB Grandi starfrækir nú þegar fiskimjölsverksmiðju á Vopnafirði eftir sameiningu félagsins við Tanga fyrr á árinu.

Samskip sækir inn í Rússland

Samskip hafa opnað nýjar skrifstofur í Eistlandi, Lettlandi og Litháen. Í tilkynningu segir að þetta sé til að sinna ört vaxandi starfsemi félagsins í þessum löndum og efla enn frekar sókn Samskipa inn á rússneska markaðinn og áfram austur á bóginn.

Minna um íbúðarkaup

Dregið hefur úr áhuga almennings á íbúðarkaupum frá því um áramót, samkvæmt nýrri könnun Gallups á væntingarvísitölu. Greiningardeild Íslandsbanka telur að ef til vill sé tímabundin mettun að eiga sér stað eftir mikil viðskipti að undanförnu og líklegt sé að að verðhækkun á íbúðarhúsnæði dragi úr áhuga á kaupum.

SÍF selur 55% í Iceland Seafood

SÍF hefur selt 55% hlut í dótturfélagi sínu, Iceland Seafood International, sem stofnað var um hefðbundið sölu- og markaðsstarf félagsins með sjávarafurðir. Kaupandi hlutarins er fjárfestingafélagið Feldir ehf. Eftir þessar breytingar verður Iceland Seafood með veltu upp á tæpar 400 milljónir evra og um 250 starfsmenn.

Yfirtökutilboð í Samherja

Stærstu eigendur sjávarútvegsfyrirtækisins Samherja á Akureyri munu á næstu fjórum vikum gera öðrum hluthöfum í fyrirtækinu yfirtökutilboð en í morgun keypti Fjárfestingafélagið Fjörður hf. 7,33 prósenta hlut í fyrirtækinu.

Og Fjarskipti hafa ekki kvartað

Samkeppnisstofnun hefur ekki fengið formlegar athugasemdir frá Og Fjarskiptum eða beiðni um endurupptöku nýrra reglna sem hún setti fjarskipta- og fjölmiðlasamsteypum Og Vodafone og 365 ljósvakamiðlum, og samsteypu Símans og Skjás eins.

Wolfowitz heillar Evrópumenn

Fátt virðist geta komið í veg fyrir að Paul Wolfowitz verði bankastjóri Alþjóðabankans. Hann ræddi við fjármála- og þróunarmálaráðherra Evrópusambandsríkjanna í Brussel í gær og þótti komast vel frá þeim fundi.

Taprekstur sveitarfélaga

Taprekstur sveitarfélaganna árið 2004 nam tæpum tíu milljörðum króna samkvæmt yfirliti sem Hagstofa Íslands birti í gær. Mest var tapið á síðasta ársfjórðungnum; 4,2 milljarðar króna.

Mesta einkavæðing í Færeyjum

Mesta einkavæðing í sögu Færeyja er fyrirhuguð í haust þegar fiskeldisfyrirtækið Færeyjar Seafood og United Seafood, sem rekur frystihúsin og annast fisksölu til útlanda, verða seld. Eftir efnahagshremmingarnar sem gengu yfir eyjarnar fyrir rúmum áratug fjármagnaði Atvinnulífsstofnunin, sem líkja má við Byggðastofnun hér á landi, rekstur og uppbyggingu félaganna fyrir fjármuni færeyska ríkisins sem á fyrirtækin núna.

Kosið um samruna í vikunni

Kosið verður um það í þessari viku og byrjun næstu hvort sameina eigi Mjólkursamsöluna og Mjólkurbú Flóamanna á deildarfundum aðildarfélaga MS á Norður- og Vesturlandi. Fram kemur í frétt á heimasíðu Landssambands kúabænda að samkvæmt samvinnulögum verði allar deildir að samþykkja samrunann.