Verður pabbi í fyrsta sinn

Gamanleikarinn Owen Wilson á von á sínu fyrsta barni innan skamms með kærustu sinni, Jade Duell. Fréttirnar koma nokkuð á óvart því fáir vissu af því að Wilson væri í sambúð.

Sala á vínylplötum ferðast tuttugu ár aftur í tímann

„Ég finn að þetta á eftir að aukast meira, það er komin alveg ný kynslóð sem kaupir vínyl. Það er fyrst og fremst það sem er að auka söluna,“ segir Kristján Kristjánsson, verslunarstjóri Smekkleysu á Laugavegi.

Íslandsklukkan á leiðinni í sjónvarp

„Ég og Ólafur Egilsson ætlum að ganga alla leið með þetta,“ segir leikarinn og leikstjórinn Benedikt Erlingsson.

Alt verður nýr ritstjóri Vogue

Emanuelle Alt hefur verið ráðin ritstjóri franska Vogue og tekur við starfinu af Carine Roitfeld í lok þessa mánaðar. Alt hefur starfað sem stílisti í mörg ár og var ráðin til Vogue árið 2009.

Kynnir Mömmu Gógó í LA fyrir Óskarsakademíunni

Leikstjórinn Friðrik Þór Friðriksson hefur verið í Los Angeles að undanförnu að kynna mynd sína Mömmu Gógó. Hann er vongóður um að hún hljóti tilnefningu til Óskarsins.

Vala Grand og Gillz svitna saman

Á meðfylgjandi myndum má sjá Egil „Gillz" Einarsson, Völu Grand, Ragnheiði Ragnarsdóttur, Kolbrúnu Pálínu Helgadóttur, Sigrúnu Lilju Guðjónsdóttur, Heiðrúnu Sigurðardóttur og Svavar Jóhannsson svitna saman með sérhannaða 17 kg poka á milli læranna. Þau mættu saman í brennslutíma sem ber yfirskriftina CAGE Fitness í Sporthúsinu í dag. Um er að ræða ný námskeið á Íslandi sem ganga út á að djöflast á umræddum pokum í 30 mínútur stanslaust og árangurinn lætur ekki á sér standa þegar kemur að mótun líkamans.

Nemendasýningar menntaskólanna að taka á sig mynd

Leiksýningar menntaskólanna hafa notið mikilla vinsælda um langt skeið og er nú farið að skýrast hvaða sýningar verða settar upp í vinsælustu menntaskólunum.

Nýtt lag frá Britney

Poppstjarnan Britney Spears er eins og margir að stilla upp í stóra plötu með vorinu en fyrsta lagið af henni er búið að leka á netið.

Vinnur með ríkasta manni heims

Magnús Scheving hefur fundað með Carlos Slim, ríkasta manni heims, um hvernig Latibær og hann geti tekið höndum saman í baráttunni gegn offitu barna.

Tilfinningaríkur Dolli situr heima

„Jú, ég hef alveg setið heima en þau eru ekki mörg mótin,“ segir Adolf Ingi Erlingsson íþróttafréttamaður. Það hefur varla farið framhjá neinum að HM í handbolta hefst í vikunni. Að þessu sinni verður sýnt frá mótinu beint á Stöð 2 Sport sem þýðir að Adolf Ingi mun ekki lýsa neinum leik á mótinu, nokkuð sem hefð hefur verið fyrir undanfarin ellefu ár.

Liverpool-treyjur rokseljast á Íslandi

Liverpool-treyjur halda áfram að seljast vel hér á landi þrátt fyrir arfaslakt gengi liðsins upp á síðkastið. „Salan hefur aldrei verið betri, þetta er voðalega skrítið,“ segir Viðar Valsson, starfsmaður verslunarinnar Jóa útherja sem sérhæfir sig í enskum fótboltatreyjum.

Bleikt stuð á Esju

Hlín Einarsdóttir og fylgdarlið hennar af vefnum bleikt.is blés til mikillar veislu á skemmtistaðnum Esju við Austurstræti. Vefurinn hefur náð miklum vinsældum á skömmum tíma og það virðist ekkert lát ætla að vera á uppákomum í kringum hann. Ritstjórinn Hlín upplýsti meðal annars að brátt fer í loftið Karma Sutra-stellingavefur og að í næstu muni hefjast keppni milli þriggja kvenna um að komast í sem best form.

Best að kyssa Tom Cruise

Leikkonan Gwyneth Paltrow hefur kysst nokkra af kynþokkafyllstu karlmönnum heims í gegnum vinnu sína.

Holly geymdi tárin fyrir sjónvarpið

Fyrrverandi Playboy-kanínan Holly Madison óskaði Hugh Hefner til hamingju með trúlofun sína í raunveruleikaþætti sínum. Madison segist hafa orðið miður sín við fréttirnar og vilja að allur heimurinn vissi hvernig henni liði.

Pitt vill leika Lennon

Hjartaknúsarinn Brad Pitt er í viðræðum við Yoko Ono um að hann leiki fyrrverandi eiginmann hennar John Lennon í nýrri mynd um ævi hans. Pitt hitti Ono á dögunum og reyndi að sannfæra hana um að hann væri rætti maðurinn í hlutverkið. „Það er maður að skrifa handrit myndarinnar fyrir Brad. Yoko hefur gefið verkefninu blessun sína svo lengi sem myndin verði trú ævi Johns,“ sagði heimildarmaður. Brad er sagður ætla að læra að syngja og tala eins og Bítillinn fyrrverandi, sem gæti reynst þrautin þyngri enda talaði Lennon gjarnan með miklum Liverpool-hreim. Talið er að Pitt ætli einnig að framleiða myndina. Enginn leikstjóri hefur enn verið orðaður við verkefnið. Stutt er síðan Aaron Johnson lék Lennon á hans yngri árum í myndinni Nowhere Boy sem kom út 2009.

Spagettí og drone í rokkgraut

Rokksveitin The Heavy Experience hefur gefið út tvö lög sem eru fáanleg á 10 tommu vinyl-plötu og í stafrænu formi. Sveitin hefur verið starfandi í tæpt ár og er þetta fyrsta útgáfa hennar.

Föstudagur: Best klædda kona ársins 2010

Árið er á enda og fólk keppist við að gera það upp á ýmsan hátt. Föstudagur Fréttablaðsins fékk til liðs við sig nokkra góða tískuspekúlanta til að aðstoða við valið á best klæddu konu ársins 2010.

Blautt myndband um Las Vegas-steggjun Vilhjálms prins

Nú þegar styttist í brúðkaup Vilhjálms prins og Kate Middleton fylgjast fjölmargir spenntir með því hvernig steggja- og gæsaveislur þeirra fara fram.

Loðfeldir áberandi á djamminu

Meðfylgjandi myndir tók Sveinbi ljósmyndari hjá Superman.is meðal annars á veitingahúsunum Hressó og Hvítu Perlunni á föstudag og laugardag. Eins og myndirnar sýna eru loðfeldir vinsælir hjá íslenskum konum sem hafa vit á því að klæða sig vel í kuldanum og vera glæsilegar á sama tíma.

30 kílóum léttari

Söng- og leikkonan Jennifer Hudson, 29 ára, hefur ekki bara tekið sig í gegn heldur er hún staðráðin í að halda sér við en hún ætlar aldrei aftur að leyfa sér að bæta þessum 30 kílóum sem hún hefur misst því í dag er Jennifer orkumeiri og líður vel á sál og líkama. Jennifer náði að létta sig með því að taka mataræðið í gegn, borða á 2-3 klukkustunda fresti eins og kjúkling, fisk, salat, ávexti, hnetur og hreina djúsa. Þá er söngkonan dugleg að hreyfa sig samhliða réttu mataræði. Hún æfir með einkaþjálfara sem aðstoðar hana við að lyfta lóðum og skokka fjórum sinnum í viku. Á meðfylgjandi myndum má sjá Jennifer Hudson áður en hún tók sig líkamlega í gegn. Þá má sjá hana klædda í svartan þröngan kjól með Neil Lane á GEM verðlaunahátíðinni sem fram fór í New York.

Vill grennast fyrir brúðkaupið

Bandaríska söngkonan Jessica Simpson vill gjarnan gerast sérlegur talsmaður samtaka sem aðstoða fólk við að grennast.

Ísland er alltaf heimalandið

„Mér finnst afmælisdagar barnanna minna stórkostlega merkilegir en mitt afmæli engin sérstök hátíð," segir Dóra Takefusa, sem er fertug í dag.

KLOVN gaurarnir eru ýkt NÆS

Félagana Casper Christiansen og Frank Hvam sem staddir eru hér á landi til að kynna nýju kvikmyndina þeirra KLOVN má skoða á meðfylgjandi myndum sem teknar voru á veitingahúsinu Austur á föstudagskvöldið þegar SAMfélagið hélt stórglæsilega veislu þeim til handa. Athygli vækti að bæði Frank og Casper gáfu öllum þeim sem vildu spjalla eða láta mynda sig með þeim góðan tíma. Félagarnir, sem gista á svítunni á Hótel Holti fljúga á Saga Class með Icelandair, sem þeir dásama í bak og fyrir, aftur heim til Kaupmannahafnar klukkan 08:00 á laugardagsmorgun. 66 gráður nordur færðu félögunum dúnúlpur að gjöf og eins og myndirnar sýna voru þeir í skýjunum. Í gær, fimmtudag, pöntuðu þeir heimsreisuréttina hjá Fiskfélaginu og djömmuðu síðan fram á nótt á barnum Dillon, sem er uppáhalds barinn þeirra.

Tímaritið Q segir Ólaf Ragnar fyrrum rótara Zeppelin

Eitt stærsta tónlistartímarit Bretlands, Q, heldur því fram í nýjasta tölublaði sínu að Ólafur Ragnar Grímsson, forseti Íslands, hafi verið rótari á tónleikum með rokkurunum í Led Zeppelin.

Barði semur fyrir franskt nýstirni

Barði Jóhannsson samdi tvö lög fyrir franska söngkonu sem spáð er glæstum frama. Hann undirbýr nýja plötu Bang Gang. „Ég var beðinn um að semja með þessari stelpu sem hafði fengið samning við Universal í Frakklandi,“ segir tónlistarmaðurinn Barði Jóhannsson.

Íslenskt tónlistarfólk fær meiri pening í kreppunni

Útón, útflutningsskrifstofa íslenskrar tónlistar, hefur fengið úthlutað átta milljónum króna í styrk frá fjárlaganefnd fyrir árið 2011. Styrkurinn hefur tvöfaldast síðan í fyrra þegar hann nam fjórum milljónum. „Ég er mjög ánægð með þetta,“ segir Anna Hildur Hildibrandsdóttir, framkvæmdastjóri Útón.

Heimsendir í nánd í nýju lagi frá Nýdanskri

Hljómsveitin Nýdönsk er komin í hljóðver og vinnur að upptökum á nýju lagi. Lagið heitir Í nánd og er gefið út í tilefni af sýningu hljómsveitarinnar í Borgarleikhúsinu í febrúar. „Ég myndi segja að lagið sé í hressari kantinum,“ segir Björn Jörundur Friðbjörnsson, söngvari Nýdanskrar, og fyrir aftan heyrist í Jóni Ólafssyni leggja orð í belg:

Kardashian fer sér hægt

Kim Kardashian er farin að slá sér upp með körfuboltamanninum Kris Humphries en samkvæmt stjúpföður stúlkunnar er sambandið ekki alvarlegt. „Hún fer á mörg stefnumót og vanalega hitti ég ekki strákana fyrr en sambandið er orðið alvarlegt.

De Niro á Cannes í vor

Tvöfaldi Óskarsverðlaunahafinn Robert De Niro verður formaður dómnefndar á kvikmyndahátíðinni í Cannes í maí. Hinn 67 ára leikari segir það mikinn heiður að vera formaður á einni elstu og bestu kvikmyndahátíð veraldar.

Bubbi kominn með heyrnartæki - heyrir aftur söng fuglanna

„Ég heyri aftur söng fuglanna,“ sagði rokkstjarnan Bubbi Morthens í auglýsingu sem finna má í Fréttatímanum í dag á blaðsíðu tólf. Þar auglýsir Bubbi heyrnartækin Agil frá Oticon undir slagorðinu: Betri heyrn. Bætt lífsgæði.

Nýtt útlit hjá The Charlies

Stúlknasveitin The Charlies hefur nýtt jólafríið sitt hér á Íslandi vel og hélt meðal annars tónleika á skemmtistaðnum Esju kvöldið fyrir gamlárskvöld. Stúlkurnar buðu vinum og vandamönnum á tónleikana og voru þeir vel sóttir líkt og sjá má á meðfylgjandi myndum.

Vægast sagt VILLT partý VÖLU Grand

Meðfylgjandi myndir tók ljósmyndarinn Sveinbi hjá Superman.is á skemmtistaðnum Re-Play á Grensásvegi á konukvöldi Völu Grand í gærkvöldi. Það er ekki annað að sjá en að konurnar skemmtu sér konunglega þegar karlmaður tók snúning á súlunni á staðnum og fækkaði fötum eins og myndirnar sýna greinilega.

Útbrunninn eftir Joey

Matt LeBlanc var útbrunninn eftir að hafa leikið hinn vitgranna Joey í gamanþáttunum Friends og síðar meir í þáttunum Joey. „Eftir að ég hætti að leika Joey langaði mig ekki að vinna. Ég á sex ára dóttur. Ég fór með hana í skólann, hitti vini mína og lék mér. Ég var líka útbrunninn eftir að hafa leikið sama náungann í tólf ár. Ég var orðinn þreyttur,“ sagði LeBlanc. „Flestir

Katy Perry er netsmellur ársins 2010

Þrátt fyrir að síðasta plata Katy Perry, Teenage Dream, hafi ekki farið vel ofan í gagnrýnendur virðast lesendur glamúrtímaritsins People vera sáttir við hana, því þeir völdu hana söngkonu ársins og netsmell ársins á árlegri

Gullkálfurinn Kiddi seldi þrjátíu þúsund

„Við vorum duglegir strákarnir,“ segir gítar­leikarinn og upptökustjórinn Guðmundur Kristinn Jónsson, eða Kiddi í Hjálmum. Plötur þar sem Kiddi og félagar hans héldu um stjórnartaumana seldust í yfir þrjátíu þúsund eintökum á síðasta ári. Mest seldust nýjar plötur með Hjálmum, Baggalút og Diskóeyjunni, ásamt jólaplötu Sigurðar Guðmundssonar.

Eminem með söluhæstu plötu 2010

Rapparinn Eminem átti söluhæstu plötu síðasta árs í Bandaríkjunum, Recovery, sem seldist í 3,42 milljónum eintaka. Eminem er þar með fyrsti flytjandinn sem kemst tvisvar á toppinn með söluhæstu plötuna síðan fyrirtækið Nielsen SoundScan hóf að taka saman sölulistann árið 1991.

Ellefu íslenskar myndir frumsýndar á þessu ári

Árið 2011 átti að vera eitt erfiðasta árið í íslenskri kvikmyndagerð og var jafnvel talað um kvikmyndavetur í bransanum. Hins vegar er nú allt útlit fyrir að veturinn verði ansi blíður.

Engar ballöður á plötu Foo Fighters

Upptökum á sjöundu hljóðvers­plötu Foo Fighters er lokið og að sögn forsprakkans, Daves Grohl, er útkoman verulega kraftmikil. Platan var tekin upp í bílskúrnum heima hjá Grohl og er væntanleg í vor. „Það eru ellefu lög á plötunni og þarna er ekki ein svefndrukkin ballaða,“ sagði Grohl.

Hvernig er það skiptist þið endalaust á mökum þarna í Hollywood?

Leikarinn Ryan Phillippe, 36 ára, og leikkonan Amanda Seyfried, 25 ára, eyddu rómantískum stundum í Mexikó á dögunum. Þau sáust saman á veitingastað þar sem þau kysstust yfir forréttinum, aðalréttinum og eftirréttinum ef marka má sjónarvotta. Árið 2008 tók Ryan sér tvo heila mánuði til að ná áttum eftir skilnaðinn við leikkonuna Reese Witherspoon sem hann á tvö börn með áður en hann byrjaði með leikkonunni Abbie Cornish sem lék á móti honum í kvikmyndinni Stop-Loss. Þá var Amanda á föstu með leikaranum, Dominic Cooper, sem lék á móti henni í ABBA kvikmyndinni Mamma Mia!

Nei hættu nú ALVEG

Því er haldið fram í nýjasta tölublaði tímaritsins OK! að leikkonan Sandra Bullock sem skildi við Jesse James á síðasta ári eftir að upp komst um framhjáhald hans og leikarinn Ryan Reynolds sem skildi við leikkonuna Scarlett Johansson í byrjun desember á síðasta ári eftir rúmlega tveggja ára hjónaband séu byrjuð saman. Reynolds var ófeiminn við að deila hjónabandsvandræðum hans og Scarlett með mótleikurum sínum en hann og Sandra fóru með aðalhlutverkin í myndinni The Proposal árið 2009. „Hann var mjög opinn um vandræði þeirra og sagði að hann og Scarlett væru að glíma við ýmis vandamál," er haft eftir heimildarmanni.

Rapprisar með plötu

Rapparinn Kanye West segir að ný plata með honum og Jay-Z, Watch The Throne, komi út eftir nokkra daga. West hélt þessu fram í partíi með Jay-Z á nætur­klúbbi í Las Vegas á gamlárskvöld. Í október síðastliðnum sagði West að það myndi ekki fara langur tími í gerð plötunnar. „Við ætlum til suðurhluta Frakklands í lok þessa mánaðar til að taka upp nokkrar hugmyndir. Við klárum plötuna örugglega á einum degi eða eitthvað svoleiðis,“ sagði hann.

Skinner kveður The Streets

Fimmta og síðasta plata The Streets, Computers and Blues, er væntanleg í næsta mánuði. Forsprakkinn Mike Skinner er orðinn þreyttur á bandinu og vill feta nýjar slóðir í lífinu.

Mila Kunis á lausu

Barnastjarnan fyrrverandi, Macaulay Culkin, og leikkonan Mila Kunis eru hætt saman eftir átta ára samband. Talsmaður parsins segir að sambandsslitin hafi þó átt sér stað fyrir nokkrum mánuðum en að þau hafi reynt að halda þeim leyndum á meðan Kunis kynnti nýjustu mynd sína, Black Swan, en myndin hefur hlotið mikið lof ytra. „Við hættum saman í góðu og ætlum að vera góðir vinir,“ hafði Kunis sjálf að segja um slitin.

Tvær íslenskar tilnefningar

Nýjustu plötur Jónsa og Ólafar Arnalds eru á meðal tólf platna sem hafa verið tilnefndar til Norrænu tónlistarverðlaunanna 2010. Go með Jónsa og Innundir skinni með Ólöfu Arnalds eru á meðal tólf platna sem hafa verið tilnefndar til Norrænu tónlistarverðlaunanna 2010.

Gerry Rafferty látinn

Skoski tónlistarmaðurinn Gerry Rafferty er látinn, 63 ára gamall, eftir langvarandi veikindi. Hann var þekktastur fyrir lögin Baker Street og Stuck in the Middle With You sem hljómaði í kvikmynd Quentins Tarantino, Reservoir Dogs, sem kom út 1992.