Hittast á leynilegum stefnumótum

Nicole Scherzinger og Lewis Hamilton hafa ákveðið að hittast á nokkrum leynilegum stefnumótum til að athuga hvort þau geti blásið lífi í fjögurra ára samband sitt. Parið hætti saman í október en þar sem Formúlu 1-tímabilinu fer senn að ljúka hjá Hamilton gera þau sér nú vonir um að geta eytt góðum tíma saman.

Syngur á Grammy

Adele hefur staðfest að hún muni syngja á Emmy-verðlaunahátíðinni í Bandaríkjunum. Breska söngkonan er tilnefnd til sex verðlauna og mun væntanlega ekki hafa mikinn tíma til að undirbúa sig þar sem hún er enn að jafna sig eftir aðgerð á hálsi. Adele er enn í Bandaríkjunum og bíður eftir því að læknar gefi henni grænt ljós. „Takk fyrir allar þær jákvæðu hugsanir sem þið hafið sent mér. Allt gengur vel og ég er mjög jákvæð,“ skrifaði Adele á heimasíðu sinni.

Hughreysti aðdáanda

Brad Pitt hughreysti aðdáanda sinn sem hafði íhugað sjálfsvíg áður en hann sá nýjustu mynd leikarans, Moneyball. Pitt var viðstaddur sýningu á myndinni þar sem hægt var að spyrja hann út í söguþráðinn að henni lokinni.

Sögðu Sheen látinn í Sviss

Eitt það skemmtilegasta sem prakkarar á Twitter stunda er að lýsa yfir dauða einhvers frægs leikara eða poppstjörnu. Charlie Sheen er nýjasta fórnarlamb slíks hrekks, en hann átti að hafa slasast alvarlega á snjóbretti í skíðaferðlagi með fjölskyldu sinni í Sviss. Fréttin fór fyrst af stað á vefsíðunni Mediafetcher, en þar kom fram að Sheen hefði klesst á tré á miklum hraða. Vefsíðan birti einnig ógreinilega mynd af sjúkraliðum að hjúkra sjúklingi en seinna kom í ljós að Sheen hefði ekki einu sinni verið í Sviss á þessum tíma.

Lifi litasjónvarpsbyltingin

Haukur Ingvarsson hefur vakið athygli fyrir sína fyrstu skáldsögu, Nóvember 1976, sem segir frá svaðilför Þórodds Ríkharðssonar þegar hann reynir að verða foreldrum sínum úti um litasjónvarp.

Kolb in the Wild á Faktorý

Fjölmargir mættu í útgáfufögnuð Flickmylife-bókarinnar sem útgáfufélögin Ókeibæ(!)kur og Forlagið héldu á skemmtistaðnum Faktorý á fimmtudagskvöldið. Bókin inniheldur rjómann af gríninu sem aðstandendur síðunnar hafa birt undanfarin þrjú ár, en tugþúsundir Íslendinga heimsækja hana á hverjum degi. Glatt var á hjalla þegar Hugleikur Dagsson, Dóri DNA og fleiri grínistar sýndu og spjölluðu um uppáhaldsmyndir sínar úr bókinni.

Tekur myndir af Íslandi

„Ísland er draumaland áhugaljósmyndarans og vonandi fæ ég tækifæri til að taka nokkrar myndir. Ég er því miður mjög tímabundinn en vonandi næ ég einhverjum myndum,“ segir óperusöngvarinn Paul Potts en hann þykir nokkuð liðtækur áhugaljósmyndari.

Harry prins hittir fyrrverandi

Harry Bretaprins, 27 ára, og fyrrverandi kærastan hans, Chelsy Davy, 26 ára, yfirgáfu næturklúbb í London í sitthvoru lagi eins og sjá má í myndasafni...

Vilja líka skúffuskáldin

Tveir áhugamenn um rafbækur og íslenska lestrarhefð hafa opnað nýja rafbókarveitu. Síðan heitir Emma.is og gefur öllum landsmönnum tækifæri til að gefa út sín eigin verk á rafrænu formi.

Rífast aldrei

Í meðfylgjandi myndaalbúmi má sjá Ryan Reynolds fyrrverandi eiginmann Scarlett Johansson, sem segir vinnuna hafa eyðilegt hjónaband þeirra eins og sjá má hér, og kærustuna hans, Gossip Girl leikkonuna Blake Lively, 24 ára. Blake og Ryan eru nánari sem aldrei fyrr en sagan segir að þau hafi aldrei rifist.

Vinnan eyðilagði allt

Scarlett Johansson hefur viðurkennt í viðtali við Cosmopolitan að vinnuálagið hafi eyðilagt samband hennar og Ryans Reynolds. Þar að auki hafi hún ekki verið reiðubúin til að færa þær fórnir sem hjónaband krefjist.

Sýnisbók um fornleifar

Bókin Mannvist – sýnisbók íslenskra fornleifa eftir Birnu Lárusdóttur fornleifafræðing er komin út hjá Opnu.

Winehouse spáð toppsætinu

Ný plata frá hinni sálugu Amy Winehouse, Lioness: Hidden Treasures, kemur út á mánudaginn. Talið er að hún fari beint í efsta sæti vinsældalista úti um allan heim. Platan hefur að geyma tólf lög með Winhouse sem hún hafði sum lokið við áður en hún lést. Það voru vinir hennar, upptökustjórarnir Mark Ronson og Salaam Remi, sem völdu lögin.

Árlegar Frostrósir í Færeyjum

Tónleikaferðalag Frostrósa hefur farið vel af stað. Níu jólatónleikum af 34 talsins er nú lokið og voru þeir síðustu í Reykjanesbæ í gærkvöldi.

Pippa labbar í vinnuna

Systir hertogaynjunnar af Cambridge, Pippa Middleton, lætur ljósmyndara sem elta hana á röndum hvert sem hún fer ekki slá sig út af laginu þegar kemur að því að ganga í vinnuna...

Þrír litlir tvífarar fara á kostum

Vísir frumsýnir hér glænýtt og stórskemmtilegt myndband við lagið Peter Pan með rapparanum Immo. Með honum í laginu eru söngvarinn Unnsteinn Manúel úr Retro Stefson og rapparinn Opee.

Borðar ís fyrir kraftlyftingamót

Það er ekki nema eitt ár síðan Hulda B. Waage byrjaði að æfa kraftlyftingar en hún varð bikarmeistari kvenna í greininni á Bikarmeistaramóti KRAFT 2011 sem haldið var um síðustu helgi á Akureyri. Þá sló hún fjögur Íslandsmet á mótinu. Hulda keppti fyrir Breiðablik sem var stigahæsta liðið á mótinu.

Heimsfrægur með hauspoka

Leikkonan Kate Hudson og eiginmaður hennar Matt Bellamy, söngvari Muse, reyndu að komast óséð...

Norskur kór í Langholtskirkju

Norski kórinn Bærum Bachkor heldur tónleika í Langholtskirkju á föstudaginn klukkan 20. Ásamt kórnum kemur hljóðfærahópurinn "Norwegian Cornett & Sackbuts“ sem leika á blásturshljóðfæri frá endurreisnartímanum, meðal annars zink og básúnur. Á efnisskránni eru verk eftir Michael Prätorius, Heinrich Schütz, Giovanni Gabrieli og fleiri.

Airwaves seinkað um tvær vikur

„Já, við eigum í raun þessa þriðju helgi í október sem hátíðin hefur alltaf verið haldin á, en við erum að þessu til að spara smá peninga,“ segir Kamilla Ingibergsdóttir, einn skipuleggjenda Iceland Airwaves-hátíðarinnar.

Landaði flottu hlutverki í Rose-leikhúsinu í London

„Æfingar byrja í lok janúar. Þetta er virkilega spennandi,“ segir Guðmundur Ingi Þorvaldsson, leikari. Hann hefur hreppt hlutverk Ókunnuga mannsins í uppfærslu Rose-leikhússins í Kingston-hverfinu í London á verki Henrik Ibsen, Konan við hafið.

Andri Freyr á leið til Ameríku

„Þetta er í farvatninu en ekki búið að negla endanlega niður,“ segir Andri Freyr Viðarsson útvarpsmaður. Andri sló rækilega í gegn með sjónvarpsþáttunum sínum Andri á flandri sem sýndir voru á RÚV og nú er gert ráð fyrir tveimur þáttaröðum á næsta ári.

Spila jólalög allan sólahring

Útvarpsstöðin Létt Bylgjan er formlega búin að breytast, líkt og hún gerir árlega á aðventunni, í Jólastöðina.

Byrjuð með bróður Cruz

Leikkonan Eva Longoria er byrjuð með litla bróður vinkonu sinnar Penelope Cruz, Eduardo Cruz. Longoria staðfestir þetta í viðtali við spænska Vanity Fair þar sem hún talar einnig opinskátt um skilnað sinn við körfuboltakappann Tony Parker í fyrra. Hún leggur áherslu á að hún sé ekki reið Parker þó að framhjáhald hans hafi verið ein af orsökunum skilnaðarins.

Lærir af mistökum Lindsay

Ali Lohan, litla systir Lindsay Lohan, segist vera heppin að eiga Lindsay sem stóru systur, en Ali er að gera það gott sem fyrirsæta þessa stundina. Hún viðurkennir að henni hafi verið boðið eiturlyf en vegna fortíðar stóru systur sinnar hafi hún afþakkað boðið. „Ég heppin að eiga systur sem ég get lært af.

Býður Íslendingum á tónleika

Mugison stal senunni á Degi íslenskrar tónlistar í gær þegar hann bauð öllum Íslendingum á tónleika sína í Eldborgarsal Hörpu 22. desember næstkomandi. Hátíðlegt andrúmsloft var á blaðamannafundi í Hljómskálanum þegar tónlistarmaðurinn sagðist vera svo mikil þökk í hjarta fyrir hlýjar viðtökur landsmanna við nýjustu plötu hans, Hagléli, að hann langaði að þakka fyrir sig í verki, með því að gera það sem hann gerir best – spila tónlist. Hann leigði því að eigin sögn glæsilegasta tónleikasal landsins, Eldborg, til að sem flestir kæmust að.

Michael á batavegi

Tónlistarmaðurinn George Michael er á hægum batavegi í baráttu sinni við lungnabólgu. Hann hefur verið fluttur af gjörgæsludeild í Austurríki, þar sem hann var lagður inn fyrir viku. Söngvarinn, sem er 48 ára, hafði verið í einangrun en fjölskylda hans hefur staðið þétt við bakið á honum í veikindunum. Talið er að á meðal þeirra sé Fadi Fawas, sem orðrómur er uppi um að sé nýr kærasti Michaels. Faðir söngvarans, hinn 75 ára gamli Kyriacos Panayiotou, er einnig á sjúkrahúsinu ásamt eldri systrum Michaels, Melanie og Yioda. Heyrst hefur að fyrrverandi kærasti söngvarans, Kenny Goss, sé einnig á leiðinni á sjúkrahúsið.

Fassbender líklegur sem Nói

Christian Bale hefur ákveðið að hafna aðalhlutverkinu í stórmyndinni Nóa sem Darren Aronofsky hefur í hyggju að taka að hluta til upp hér á landi, eins og Fréttablaðið hefur greint frá.

Dansaði á heimaslóðum

Hinn nýfráskildi Ashton Kutcher var með fjölskyldu sinni í Iowa City á þakkargjörðarhátíðinni. Blaðið US Weekly greinir frá því að Kutcher hafi farið út á lífið ásamt stórum hópi vina sinna og vakið mikla lukku í heimabæ sínum. „Kutcher drakk bjór og stúlkurnar flykktust að honum,“ er haft eftir heimildarmanni í blaðinu. Kutcher skildi nýverið við leikkonuna Demi Moore en hún sást sömu helgi á veitingastað í Los Angeles með vinum sínum.

Muggi eldar í Hörpu

„Þetta er það frábært framtak að það kallar á stuðning,“ segir Jakob Einar Jakobsson, rekstrarstjóri og eigandi veitingastaðarins Munnhörpunnar, sem er á fyrstu hæð Hörpu. Jakob er ættaður að vestan eins og Mugison og segist strax hafa fundist þau verða að taka á einhvern hátt þátt í viðburðinum frá því að hann frétti af ókeypis tónleikum tónlistarmannsins, sem haldnir verða í Hörpu hinn 22. desember.

Bæjarstjóri afhenti Blaz Roca gullplötu

Rapparinn Erpur Eyvindarson, eða Blaz Roca, fékk afhenta gullplötu fyrir að selja 5.000 eintök af plötu sinni, Kópacabana. Guðrún Pálsdóttir, bæjarstjóri Kópavogs, afhenti Erpi gullplötuna í Hamraborginni í gær. Á myndinni sjást Guðrún, Erpur, Hjálmar Hjálmarsson, forseti bæjarstjórnar, og Sigurður Valgeirsson, sem situr fyrir á umslagi plötunnar.

Fengu sér húðflúr

Hjónin Katy Perry og Russell Brand hafa verið í skotlínu fjölmiðla vestanhafs, sem telja að þau séu að skilja.

Adele getur ekki talað

Breska söngkonan Adele getur ekki mikið notað rödd sína um þessar mundir en hún er ennþá að jafna sig eftir aðgerð á raddböndum. Söngkonan styðst því við forrit í símanum sem hjálpar henni að tjá sig til dæmis á kaffihúsum og við leigubílstjóra. Adele skrifar það sem hún vill segja inn í símann, sem talar svo fyrir hana.

Ríkir ungir Bretar

Breska tímaritið Heat Magazine hefur tekið saman lista yfir þrjátíu ríkustu Bretana undir þrítugu.

Framleiðir og leikur

Julia Roberts verður framleiðandi og aðalleikkona gamanmyndarinnar Second Act. Myndin fjallar um konu sem hefur aldrei gert handtak á ævinni en neyðist á endanum til að fá sér vinnu, að því er kom fram í The Hollywood Reporter.

Skemmtileg dulúð

Dulúðin ræður ríkjum í tónsmíðum Önnu Þorvaldsdóttur, og Aeriality, sem frumflutt var á Sinfóníutónleikum í Hörpu á fimmtudagskvöldið undir stjórn Ilan Volkov, var engin undantekning. Verkið jaðrar við að vera sveimtónlist, en hún einkennist af mikilli kyrrstöðu, löngum hljómum og óljósum klið. Slík tónlist skapar stemningu en það er engin sérstök framvinda í henni, a.m.k. ekkert í líkingu við flest þekktu klassísku tónverkin.

Veglegt safnbox slapp við bruna

Veglegt safnbox með 88 af vinsælustu lögum Björgvins Halldórssonar er komið út. Umfangsmesta útgáfa Senu til þessa.

Jarðskjálfti í Nemendaleikhúsinu

Jarðskjálfti eftir London, sem Nemendaleikhúsið sýnir í Smiðjunni, er spánnýtt verk eftir breska leikskáldið Mike Bartlett. Það var frumsýnt í National Theater í London í fyrra við góðar undirtektir. Sögð er saga af snörpum hræringum í lífi þriggja systra sem reyna af öllum mætti að bjarga sér og sínum úr hamförum og framförum nútímans á meðan faðir þeirra, heimsfrægur vísindamaður, boðar heimsendi. Tónlist, dansi og myndbandsverkum er fléttað saman í sýningunni.

Heimasíða og sjónvarp hjá Flassi

Útvarpsstöðin Flass 104,5 heldur upp á sex ára afmæli sitt með pompi og prakt í dag. Ný og glæsileg heimasíða fer í loftið, Flass.is, ásamt sjónvarpsstöðinni Flass TV og í kvöld verður partí á skemmtistaðnum Esju í Austurstræti fyrir boðsgesti.

Viðurkenni oft að ég er fíflið

„Við erum öll að gera sitthvorn heimska hlutinn. Við borðum bara drasl og horfum bara á drasl,“ segir Róbert Örn Hjálmtýsson, forsprakki Hljómsveitarinnar Ég.

Íslendingarnir eru einstakir

Fyrir tuttugu og fimm árum kom kvikmyndagerðarmaðurinn Christopher Newman fyrst til Íslands vegna sjónvarpsþáttanna Nonna og Manna. Hann hefur hins vegar lítið fylgst með framgangi aðalstjörnu þáttarins, Garðars Thor, á óperusviðinu. Freyr Gígja Gunnarsson ræddi við Newman um Game of Thrones, velgengni þáttanna og framtíð þeirra hér á landi.

Þakklátar neðanjarðarrottur

„Þetta er rosalega mikill heiður. Við héldum að við værum bara einhverjar gamlar „retro underground“ rottur,“ segir Biggi Veira í GusGus.

Horfðu á þetta ef þú átt barn

Þau voru svo miklir fyrirburar og stelpunni var ekki hugað líf, segir Þórgunna Þórarinsdóttir í meðfylgjandi myndskeiði sem gefur út nýja barnanuddbók...

Þolir ekki eigin rödd

Bono, söngvari U2, á erfitt með að hlusta á gömul lög með hljómsveit sinni í útvarpinu. "Ég reyni að komast hjá því. Ef ég heyri lögin okkar í útvarpinu lækka ég oftast í tækinu. Ekki af því að ég fíla ekki lögin eða hafi ekki trú á þeim. Satt best að segja fer röddin mín í taugarnar á mér. Mér finnst alltaf eins og ég hefði átt að syngja betur á þessum árum,“ segir Bono. "Ég er mikill strákur í mér og er í ofanálag írskur og sérstaklega í þessum lögum frá níunda áratugnum þá hljóma ég eins og stelpa.“

Kanye með sjö tilnefningar

Kanye West hefur fengið sjö tilnefningar til bandarísku Grammy-verðlaunanna. Fjórar eru fyrir plötuna My Beautiful Dark Twisted Fantasy, sem kom út í fyrra, og þrjár fyrir Watch the Throne sem hann gerði með rapparanum Jay-Z.