Íslendingarnir eru einstakir 2. desember 2011 09:30 Reynslubolti Chris Newman er mikill reynslubolti í kvikmyndaheiminum og hefur unnið við Star Wars og Mamma Mia!. Hann segist vel geta hugsað sér að eyða ævidögunum hér á landi og bindur vonir við að fallist verði á fleiri tökudaga hér á landi fyrir Game of Thrones.Fréttablaðið/Vilhelm Fyrir tuttugu og fimm árum kom kvikmyndagerðarmaðurinn Christopher Newman fyrst til Íslands vegna sjónvarpsþáttanna Nonna og Manna. Hann hefur hins vegar lítið fylgst með framgangi aðalstjörnu þáttarins, Garðars Thor, á óperusviðinu. Freyr Gígja Gunnarsson ræddi við Newman um Game of Thrones, velgengni þáttanna og framtíð þeirra hér á landi. Eins og Fréttablaðið greindi frá fyrir skemmstu er áhugi fyrir hendi hjá tökuliði Game of Thrones að koma aftur hingað og gera hér fleiri þætti. „Ef okkur vantar snjó þá veit ég um besta staðinn. En ég hef líka léð máls á því að koma hingað að sumri, kannski bara með lítið tökulið og taka eitthvað upp við Skógarfoss,“ segir Newman en framleiðendur þáttanna, sem eru staddir hér á landi, hafa verið að skoða hentuga tökustaði. „Það er ekki hægt að leggja mat á landslag með ljósmyndum, maður verður að upplifa það. Þegar allt kemur til alls snýst þetta hins vegar auðvitað um fjárhagsáætlunina og það er alltaf dýrara að fara til annars lands og taka upp. Að endingu hef ég ekkert um málið að segja heldur verður þetta ákveðið af stjórnendum HBO.“ Atriðin sem nú er verið að taka upp hér á landi verða sýnd í seinni hluta annarrar þáttaraðarinnar. Newman er reynslubolti í kvikmyndaheiminum og hefur unnið við kvikmyndir á borð við Star Wars: The Phantom Menace, The Remains of the Day og Mamma Mia!. Hann þykir ákaflega snjall í að finna réttu tökustaðina og það kom sér vel þegar aðstandendur Game of Thrones vantaði alvöru snjó og kulda. Newman á nefnilega í miklu ástarsambandi við Ísland, hann er giftur búningahönnuðinum Önnu Ásgeirsdóttur en þau kynntust við gerð Nonna og Manna og saman eiga þau tvö börn. Þau koma hingað um hver jól og Newmann viðurkennir að hann gæti vel hugsað sér að eyða hér ævidögunum þegar hann sest í helgan stein. „En ég veit auðvitað ekkert hvernig það er að búa hérna allt árið,“ segir Newman. Fréttablaðið hitti á hann á lokadegi takanna við Svínafellsjökul. Þaðan var förinni heitið til Fjallslóns og svo Höfðabrekkuheiði við Vík í Mýrdal. Newman segist hins vegar lítið hafa fylgst með aðalstjörnu Nonna og Manna, Garðari Thor. Hann hafi þó komið í hádegismat til þeirra hjóna þegar Garðar söng eitt aðalhlutverkanna í Phantom of the Opera í London. „Frændi konunnar minnar er óperusöngvari og ég hef svona aðeins fylgst með Garðari í gegnum hann,“ segir Newman og hlær. Newman kynntist Snorra Þórissyni, eiganda Pegasus sem þjónustar tökulið Game of Thrones, við gerð íslensku kvikmyndarinnar Svo á jörðu eftir Kristínu Jóhannesdóttur. Og hann segist alltaf hafa haft mikla trú á íslenska tökuliðinu þegar ákveðið var að koma hingað. „Við hefðum ekki þurft að koma með svo mikið af starfsfólki hingað því íslensku starfsmennirnir eru alveg einstakir. En menn vildu ekki taka áhættuna. Fólkið sem er í aðstoðarstörfunum er alltof hæft til að sinna þeim en það vildi bara fá að vera með. Og það er virðingavert.“ segir Newman. Game of Thrones hafa notið feikilegra vinsælda en Newman segist ekkert hafa velt þeim fyrir sér þegar þættirnir byrjuðu. „Hins vegar eru það gömul sannindi og ný að ef maður er með flottar persónur og góða sögu þá gerist þetta nánast sjálfkrafa. Þættirnir eru líka svo fjölbreyttir og höfða til svo margra. Maður þarf ekki að vera áhugamaður um miðaldir eða ævintýri til að hafa gaman af þeim.“ Game of Thrones Lífið Mest lesið Skotin flakka milli Enoks og Birgittu: „Settu franskarnar í pokann“ Lífið Segja Freddie Mercury eiga laundóttur Lífið Gellur fjölmenntu í sumarpartý Ingu Lindar Lífið Sinnir sjúklingum í sama herbergi og hún fékk greiningu Lífið Ósérhlífinn starfsmaður bjargaði ómvölum frá endurvinnslu Lífið Frumsýning á Cannes og gullhamrar Bill Murray: „Nú er ég búin að toppa mig algjörlega“ Lífið Var hent í ljónagryfjuna þegar hann fór inn á Vog Lífið Nadía og Arnar selja fallegt hús í Hafnarfirði Lífið Eva Laufey og Haraldur selja húsið á Skaganum Lífið Gimbur borin með svart hjarta á bakinu Lífið Fleiri fréttir Segja Freddie Mercury eiga laundóttur Skotin flakka milli Enoks og Birgittu: „Settu franskarnar í pokann“ Sinnir sjúklingum í sama herbergi og hún fékk greiningu Fréttatía vikunnar: Evrópudeildin, kappakstur og sólmyrkvi Billy Joel greindist með heilasjúkdóm Gimbur borin með svart hjarta á bakinu Eva Laufey og Haraldur selja húsið á Skaganum Gellur fjölmenntu í sumarpartý Ingu Lindar Nadía og Arnar selja fallegt hús í Hafnarfirði „Hæ allir saman, kjósið New Day Will Rise“ „Erum við að reyna fá fólk til þess að vera svikara“ Á spítala eftir samfarir við 583 menn Hjálmar með upplyftandi morgunkveðju Níu ára toppaði Hvannadalshnjúk og renndi sér niður Ósérhlífinn starfsmaður bjargaði ómvölum frá endurvinnslu Kim „loksins“ útskrifuð Frumsýning á Cannes og gullhamrar Bill Murray: „Nú er ég búin að toppa mig algjörlega“ Sigurvegarinn vill banna Ísrael Tilkynna um 29 ný atriði á Iceland Airwaves Rúrik fellur í skuggann á kynþokkafullum Jóni Var hent í ljónagryfjuna þegar hann fór inn á Vog Color Run flytur úr Laugardal og í Kópavog Dunda dömurnar fögnuðu í bongó blíðu Baltasar Kormákur og Ólafur Jóhann saman í Þjóðleikhúsinu Dulúðug hvít andlit: „Nú horfi ég á þetta allt öðruvísi“ Keyptu glæsihús Atlanta-hjónanna á undirverði Eggert Gunnþór og Elsa selja einbýlið Eitt fallegasta hús Reykjavíkur komið á sölu Sagði að hún kæmist aldrei á forsíðu Vogue Bakslag í veikindi Valgeirs Sjá meira
Fyrir tuttugu og fimm árum kom kvikmyndagerðarmaðurinn Christopher Newman fyrst til Íslands vegna sjónvarpsþáttanna Nonna og Manna. Hann hefur hins vegar lítið fylgst með framgangi aðalstjörnu þáttarins, Garðars Thor, á óperusviðinu. Freyr Gígja Gunnarsson ræddi við Newman um Game of Thrones, velgengni þáttanna og framtíð þeirra hér á landi. Eins og Fréttablaðið greindi frá fyrir skemmstu er áhugi fyrir hendi hjá tökuliði Game of Thrones að koma aftur hingað og gera hér fleiri þætti. „Ef okkur vantar snjó þá veit ég um besta staðinn. En ég hef líka léð máls á því að koma hingað að sumri, kannski bara með lítið tökulið og taka eitthvað upp við Skógarfoss,“ segir Newman en framleiðendur þáttanna, sem eru staddir hér á landi, hafa verið að skoða hentuga tökustaði. „Það er ekki hægt að leggja mat á landslag með ljósmyndum, maður verður að upplifa það. Þegar allt kemur til alls snýst þetta hins vegar auðvitað um fjárhagsáætlunina og það er alltaf dýrara að fara til annars lands og taka upp. Að endingu hef ég ekkert um málið að segja heldur verður þetta ákveðið af stjórnendum HBO.“ Atriðin sem nú er verið að taka upp hér á landi verða sýnd í seinni hluta annarrar þáttaraðarinnar. Newman er reynslubolti í kvikmyndaheiminum og hefur unnið við kvikmyndir á borð við Star Wars: The Phantom Menace, The Remains of the Day og Mamma Mia!. Hann þykir ákaflega snjall í að finna réttu tökustaðina og það kom sér vel þegar aðstandendur Game of Thrones vantaði alvöru snjó og kulda. Newman á nefnilega í miklu ástarsambandi við Ísland, hann er giftur búningahönnuðinum Önnu Ásgeirsdóttur en þau kynntust við gerð Nonna og Manna og saman eiga þau tvö börn. Þau koma hingað um hver jól og Newmann viðurkennir að hann gæti vel hugsað sér að eyða hér ævidögunum þegar hann sest í helgan stein. „En ég veit auðvitað ekkert hvernig það er að búa hérna allt árið,“ segir Newman. Fréttablaðið hitti á hann á lokadegi takanna við Svínafellsjökul. Þaðan var förinni heitið til Fjallslóns og svo Höfðabrekkuheiði við Vík í Mýrdal. Newman segist hins vegar lítið hafa fylgst með aðalstjörnu Nonna og Manna, Garðari Thor. Hann hafi þó komið í hádegismat til þeirra hjóna þegar Garðar söng eitt aðalhlutverkanna í Phantom of the Opera í London. „Frændi konunnar minnar er óperusöngvari og ég hef svona aðeins fylgst með Garðari í gegnum hann,“ segir Newman og hlær. Newman kynntist Snorra Þórissyni, eiganda Pegasus sem þjónustar tökulið Game of Thrones, við gerð íslensku kvikmyndarinnar Svo á jörðu eftir Kristínu Jóhannesdóttur. Og hann segist alltaf hafa haft mikla trú á íslenska tökuliðinu þegar ákveðið var að koma hingað. „Við hefðum ekki þurft að koma með svo mikið af starfsfólki hingað því íslensku starfsmennirnir eru alveg einstakir. En menn vildu ekki taka áhættuna. Fólkið sem er í aðstoðarstörfunum er alltof hæft til að sinna þeim en það vildi bara fá að vera með. Og það er virðingavert.“ segir Newman. Game of Thrones hafa notið feikilegra vinsælda en Newman segist ekkert hafa velt þeim fyrir sér þegar þættirnir byrjuðu. „Hins vegar eru það gömul sannindi og ný að ef maður er með flottar persónur og góða sögu þá gerist þetta nánast sjálfkrafa. Þættirnir eru líka svo fjölbreyttir og höfða til svo margra. Maður þarf ekki að vera áhugamaður um miðaldir eða ævintýri til að hafa gaman af þeim.“
Game of Thrones Lífið Mest lesið Skotin flakka milli Enoks og Birgittu: „Settu franskarnar í pokann“ Lífið Segja Freddie Mercury eiga laundóttur Lífið Gellur fjölmenntu í sumarpartý Ingu Lindar Lífið Sinnir sjúklingum í sama herbergi og hún fékk greiningu Lífið Ósérhlífinn starfsmaður bjargaði ómvölum frá endurvinnslu Lífið Frumsýning á Cannes og gullhamrar Bill Murray: „Nú er ég búin að toppa mig algjörlega“ Lífið Var hent í ljónagryfjuna þegar hann fór inn á Vog Lífið Nadía og Arnar selja fallegt hús í Hafnarfirði Lífið Eva Laufey og Haraldur selja húsið á Skaganum Lífið Gimbur borin með svart hjarta á bakinu Lífið Fleiri fréttir Segja Freddie Mercury eiga laundóttur Skotin flakka milli Enoks og Birgittu: „Settu franskarnar í pokann“ Sinnir sjúklingum í sama herbergi og hún fékk greiningu Fréttatía vikunnar: Evrópudeildin, kappakstur og sólmyrkvi Billy Joel greindist með heilasjúkdóm Gimbur borin með svart hjarta á bakinu Eva Laufey og Haraldur selja húsið á Skaganum Gellur fjölmenntu í sumarpartý Ingu Lindar Nadía og Arnar selja fallegt hús í Hafnarfirði „Hæ allir saman, kjósið New Day Will Rise“ „Erum við að reyna fá fólk til þess að vera svikara“ Á spítala eftir samfarir við 583 menn Hjálmar með upplyftandi morgunkveðju Níu ára toppaði Hvannadalshnjúk og renndi sér niður Ósérhlífinn starfsmaður bjargaði ómvölum frá endurvinnslu Kim „loksins“ útskrifuð Frumsýning á Cannes og gullhamrar Bill Murray: „Nú er ég búin að toppa mig algjörlega“ Sigurvegarinn vill banna Ísrael Tilkynna um 29 ný atriði á Iceland Airwaves Rúrik fellur í skuggann á kynþokkafullum Jóni Var hent í ljónagryfjuna þegar hann fór inn á Vog Color Run flytur úr Laugardal og í Kópavog Dunda dömurnar fögnuðu í bongó blíðu Baltasar Kormákur og Ólafur Jóhann saman í Þjóðleikhúsinu Dulúðug hvít andlit: „Nú horfi ég á þetta allt öðruvísi“ Keyptu glæsihús Atlanta-hjónanna á undirverði Eggert Gunnþór og Elsa selja einbýlið Eitt fallegasta hús Reykjavíkur komið á sölu Sagði að hún kæmist aldrei á forsíðu Vogue Bakslag í veikindi Valgeirs Sjá meira