Enn einn Skotinn til Grindavíkur - ekki séð hann spila

Skoski miðjumaðurinn Derek Young hefur gengið til liðs við Grindavík. Þorsteinn Gunnarsson formaður knattspyrnudeildar segir að Grindvíkingar renni að vissu leyti blint í sjóinn hvað Young varðar. Robbie Winters, framherji þeirra, gefi honum þó topp meðmæli.

Owen Coyle nær í hægri bakvörð til Bolton - staða Grétars í hættu?

Owen Coyle, stjóri Bolton, er búinn að kaupa tvo leikmenn frá Burnley, þá Chris Eagles og Tyrone Mears, sem báðir spiluðu undir stjórn Coyle þegar hann réði ríkjum hjá Burnley.

Diaby missir af fyrstu leikjum Arsenal á tímabilinu

Abou Diaby, miðjumaður Arsenal, þurfti að fara í aðgerð á ökkla og mun af þeim sökum missa af byrjuninni á tímabilinu. Diaby missir af þremur deildarleikjum og tveimur leikjum í forkeppni Meistaradeildarinnar.

Pétur Markan lánaður til BÍ/Bolungarvíkur

Knattspyrnumaðurinn Pétur Georg Markan hefur verið lánaður til BÍ/Bolungarvíkur frá Víkingi. Pétur Georg er kominn vestur og mun mæta á sína fyrstu æfingu klukkan 10 í fyrramálið á Ísafirði.

Jurgen Klinsmann ráðinn þjálfari bandaríska landsliðsins

Þjóðverjinn Jurgen Klinsmann var í dag ráðinn þjálfari bandaríska landsliðsins í fótbolta og mun taka við stöðu Bob Bradley sem var rekinn í gær. Klinsmann hefur verið orðaður við bandaríska landsliðið frá árinu 2006 en skrifaði undir samning í dag.

Domenech fær milljón evrur frá franska sambandinu

Raymond Domenech, fyrrum þjálfari franska landsliðsins, og franska knattspyrnusambandið hafa sæst á það að leysa skaðabótamál Domenech, utan réttarsalsins.

Haukur Ingi til Grindavíkur - vantar karaktera í liðið

Knattspyrnumaðurinn Haukur Ingi Guðnason er genginn til liðs við Grindavík. Þorsteinn Gunnarsson formaður knattspyrnudeildar segir vanta karaktera í Grindavíkurliðið og vonar að Haukur geti ekki síður styrkt liðið á því sviði.

Heiðar fær samkeppni - QPR að kaupa DJ Campbell frá Blackpool

Heiðar Helguson fær meiri samkeppni í framlínu Queens Park Rangers á komandi tímabili því Neil Warnock, stjóri QPR, er við það að kaupa DJ Campbell frá Blackpool. Blackpool er búið að samþykkja tilboð QPR sem er líklega í kringum 1.25 milljónir punda.

Sam Hewson skrifar undir tveggja ára samning við Fram

Framarar hafa gengið frá samningi við Sam Hewson fyrrum fyrirliða varaliðs Manchester United. Hewson hefur æft með Safamýrarpiltum að undanförnu og hefur þótt standa sig vel.

Semjum aldrei aftur við Íslendinga

Forráðamenn sænska knattspyrnufélagsins Jitex eru allt annað en sáttir við markvörðinn Söndru Sigurðardóttur. Varaformaður félagsins hefur lokað dyrunum á íslenskt knattspyrnufólk og segir að brennt barn forðist eldinn og á þar við sænska félagið.

Pétur Georg hættur hjá Víkingum - spilar hugsanlega með BÍ/Bolungarvík

Knattspyrnumaðurinn Pétur Georg Markan hefur leikið sinn síðasta leik fyrir Víking í bili. Pétur hefur tekið við kennslustöðu við grunnskólann í Súðavík og komist að samkomulagi við knattspyrnudeild Víkings um að hann spili ekki meira fyrir Fossvogsliðið í sumar.

Alejandro Sabella tekur við Messi og félögum

Alejandro Sabella tekur við þjálfun landslið Argentínu en Sergio Batista var rekinn eftir að liðið náði sér ekki á strik í Copa America. José Luis Meiszner formaður knattspyrnusambands Argentínu hefur staðfest við fjölmiðla þar í landi að Sabella verði næsti þjálfari liðsins.

Knattspyrnusamband Malasíu biðst afsökunar en þó með fyrirvara

Knattspyrnusamband Malasíu hefur beðið enska úrvalsdeildarfélagið Chelsea afsökunar eftir að hrópað var að Ísraelsmanninum Yossi Benayoun í vináttuleik í síðustu viku. Leikurinn fór fram á þjóðarleikvanginum í Kuala Lumpur í Malasíu og voru forsvarsmenn Chelsea ósáttir við hegðun heimamanna.

Lögfræðingur vill Pato á bak við lás og slá

Brasilíski fótboltamaðurinn Pato, sem hefur leikið með AC Milan á Ítalíu undanfarin misseri, stendur í ströngu utan vallar. Lögfræðingur fyrrum eiginkonu hans hefur nú farið fram á að Pato verði dæmdur í fangelsi.

Fylkir og Haugesund í viðræðum um Andrés Má

Fylkismaðurinn Andrés Már Jóhannesson gæti verið á förum til norska knattspyrnufélagsins Haugesund. Norska félagið hefur gert tilboð í miðjumanninn og viðræður standa yfir milli félaganna. Kjartan Daníelsson formaður knattspyrnudeildar Fylkis staðfesti þetta við Vísi í dag.

ÍBV og Örebro komast að samkomulagi um kaupverð á Eiði Aroni

ÍBV og sænska knattspyrnufélagið Örebro hafa komist að samkomulagi um kaupverðið á varnarmanninum Eiði Aroni Sigurbjörnssyni. ÍBV hafnaði tveimur tilboðum frá sænska liðinu og sendu Örebro gagntilboð sem Svíarnir samþykktu. Rúv greindi frá þessu í gærkvöldi.

Arsenal að missa þolinmæðina gagnvart Barcelona

Peter Hill-Wood stjórnarformaður enska úrvalsdeildarliðsins Arsenal segir að forráðamenn Barcelona þurfi að ákveða sig mjög fljótlega hvað þeir ætli sér að gera varðandi Cesc Fabregas. Sagan endalausa um væntanleg vistaskipti spænska miðjumannsins hefur staðið yfir í nokkur misseri og segir Hill-Wood að spænska meistaraliðið þurfi að gera upp hug sinn áður en tækifærið rennur þeim úr greipum.

Draumabyrjun KR-inga breyttist í martröð - myndir

KR-ingar eru svo gott sem úr leik í undankeppni Evrópudeildarinnar eftir 1-4 tap á móti georgíska liðinu Dinamo Tbilisi á KR-vellinum í gærkvöldi.

Stelpurnar fóru bara á taugum í leiknum

Íslenska 17 ára landsliðið spilar um bronsið á Evrópumótinu í Nyon í Sviss eftir 0-4 tap á móti Spáni í undanúrslitaleiknum í gær.

Goodwillie gæti fetað í fótspor Butt og Dicks

David Goodwillie framherji Dundee United í skosku knattspyrnunni er líklega á leið í ensku úrvalsdeildina í knattspyrnu. Eftirnafnið Goodwillie mun fylla í skarðið á skorti á skemmtilegum eftirnöfnum sem leikmenn á borð við Julian Dicks og Nicky Butt hafa skilið eftir sig.

Glæsimark Neymar dugði ekki til gegn þrennu Ronaldinho

Brasilíumaðurinn Neymar skoraði glæsilegt mark og kom Santos í 3-0 gegn Ronaldinho og félögum í Flamengo í gærkvöldi. Tæknitröllið Ronaldinho tók hins vegar til sinna ráða, skoraði þrennu og tryggði Flamengo 4-5 útisigur.

Rúnar: Förum ekki áfram í þessari keppni

Rúnar Kristinsson þjálfari KR var skiljanlega svekktur eftir 4-1 tap á heimavelli gegn Dinamo Tbilisi í undankeppni Evrópudeildar í kvöld. KR-ingar fengu fín færi í leiknum sem nýttust ekki.

Bandaríkjamenn ráku Bob Bradley í dag

Bob Bradley, þjálfari bandaríska landsliðsins, var rekinn í dag en hann hefur þjálfað liðið frá janúar 2007. Síðasti leikur bandaríska landsliðsins undir stjórn Bradley var 2-4 tap fyrir Mexíkí í úrslitaleik Gullbikarsins 25. júní síðastliðinn.

Grétar Sigfinnur: Þetta er alls ekki vonlaust

Grétar Sigfinnur Sigurðarson var fyrirliði KR í kvöld í fjarveru Bjarna Guðjónssonar. Það er orðinn sjaldgæfur viðburður að taka viðtöl við KR-inga eftir tapleiki.

FH-banarnir unnu 3-0 sigur á Häcken

Portúgalska liðið CD Nacional Madeira vann 3-0 sigur á sænska liðinu Häcken í Evrópudeildinni í kvöld og er í góðum málum fyrir seinni leikinn.

Bendtner á leiðinni til Sporting Lissabon

Danski framherjinn Nicklas Bendtner er á leiðinni til Sporting í Lissabon ef marka má breska fjölmiðla. Talið er að kaupverðið sé í kringum níu milljónir punda eða sem nemur rúmum 1.7 milljörðum íslenskra króna.

Annar skellur Liverpool-manna í röð

Það gengur ekki vel hjá enska félaginu Liverpool á undirbúningstímabilinu því liðið tapaði 0-3 fyrir tyrkneska liðinu Galatasaray í æfingaleik í Istanbul í kvöld. Liverpool steinlá 0-3 á móti Hull um síðustu helgi og það er ljóst að stjórinn Kenny Dalglish á mikið starf fyrir höndum næstu daga.

Jóhann Berg skoraði í sigri AZ Alkmaar

Jóhann Berg Guðmundsson skoraði seinna mark AZ Alkmaar í 2-0 sigri á tékkneska liðinu Jablonec í 3. umferð Evrópudeildarinnar í dag. Þetta var fyrri leikur liðanna en seinni leikurinn fer fram í Tékklandi í næstu viku.

Sölvi Geir: Menn urðu stressaðir

Sölvi Geir Ottesen var hetja FC Kaupmannahafnar í 3. umferð í undankeppni Meistaradeildar Evrópu í gærkvöldi. Sölvi skoraði eina mark leiksins í 1-0 sigri á Shamrock Rovers en reiknað var með því að Kaupmannahafnarliðið færi létt með írsku meistarana.

Veigar Páll: Vill frekar spila áfram með Stabæk en fara til Vålerenga

Mál íslenska knattspyrnumannsins Veigars Páls Gunnarssonar eru enn óleyst þó að Veigar Páll sjálfur hafi gert upp hug sinn og vilji frekar fara til Rosenborg en til Vålerenga.

Ísland mætir Þýskalandi í bronsleiknum - vítakeppni í hinum leiknum

Íslensku stelpurnar í 17 ára landsliðinu mæta Þýskalandi í leiknum um þriðja sætið á Evrópumótinu í Nyon í Sviss eftir að þýska liðið tapaði í vítakeppni á móti Frakklandi í seinni undanúrslitaleiknum í kvöld. Leikurinn fer fram á sunnudaginn. Spánn og Frakkland spila til úrslita um Evrópumeistaratitilinn.

Aguero gerir fimm ára samning við Manchester City

Argentínumaðurinn Sergio Aguero hefur skrifað undir fimm ára samning við Manchester City í ensku úrvalsdeildinni. Aguero hefur verið á mála hjá spænska félaginu Atletico Madrid á Spáni frá árinu 2006.

Eiður Smári fékk fína dóma fyrir fyrsta leikinn með AEK

Eiður Smári Guðjohnsen fékk fína dóma fyrir fyrsta leik sinn fyrir AEK Aþenu í gær en hann spilaði þá fyrri hálfleikinn í markalausu jafntefli á móti tyrkneska liðinu Karabükspor.

Umfjöllun: KR-ingar teknir í kennslustund á heimavelli

KR-ingar steinlágu 1-4 gegn Dinamo Tbilisi frá Georgíu í fyrri leik liðanna í 3. umferð undankeppni Evrópudeildar í kvöld. Eftir að hafa fengið óskabyrjun og komist yfir sneru gestirnir leiknum sér í hag og unnu að lokum þægilegan sigur.

Telma: Við ætlum ekki að standa okkur svona illa aftur

Telma Þrastardóttir var einn besti leikmaður 17 ára landsliðs kvenna sem tapaði 0-4 á móti Spáni í undanúrslitum Evrópumótsins í dag. Íslenska liðið spilar um bronsið á mótinu og Telma og félagar ætla að gera þar miklu betur en í dag.

Dregið í riðla í undankeppni HM 2014 á laugardag

Á laugardaginn verður dregið í riðla í undankeppni heimsmeistaramótsins í Brasilíu árið 2014. Ísland er í neðsta styrkleikaflokknum af sex.

Áfrýjun Real Madrid á leikbanni Mourinho tekið fyrir af UEFA á morgun

Evrópska knattspyrnusambandið tekur á morgun fyrir áfrýjun Real Madrid á fimm leikja banninu sem Jose Mourinho knattspyrnustjóri Real Madrid hlaut í Meistaradeild Evrópu á síðustu leiktíð. Reiknað er með því að Mourinho mæti á fundinn og standi fyrir máli sínu.

Diouf í fimm ára bann frá landsliðinu

El Hadji Diouf, hinn umdeildi leikmaður Blackburn Rovers, hefur verið settur í fimm ára bann frá knattspyrnu í heimalandi sínu Senegal. Diouf var afar gagnrýninn á knattspyrnusamband Senegal eftir að hann var ekki valinn í landsliðið í undankeppni Afríkukeppninnar.

Chelsea sendi inn kvörtun vegna áhorfenda í Malasíu

Chelsea hefur sent inn formlega kvörtun til knattspyrnusambands Malasíu vegna hegðunar áhorfenda á leik liðsins gegn úrvalsliði frá Malasíu. Yossi Benayoun, landsliðsmaður frá Ísrael, fékk að heyra það frá áhorfendum í leiknum og telja forsvarsmenn Chelsea að um kynþáttahatur hafi verið að ræða.

Ísland tapaði 4-0 gegn Evrópumeistaraliði Spánverja

Íslenska U17 ára kvennalandsliðið í fótbolta tapaði 4-0 gegn ríkjandi Evrópumeistaraliði Spánverja í undanúrslitum Evrópumótsins í Nyon í Sviss í dag. Spánverjar voru með mikla yfirburði í leiknum en mörkin sem Ísland fékk á sig voru afar slysaleg svo ekki sé meira sagt. Frakkar og Þjóðverjar eigast við kl. 16 í dag í hinum undanúrslitaleiknum og mætir Íslandi tapliðinu úr þeirri viðureign í leiknum um bronsverðlaunin.

Rúnar Kristins: Vonandi getum við strítt þeim

Rúnar Kristinsson þjálfari KR leiðir lið sitt í 3. umferð undankeppni Evrópudeildar í kvöld. Andstæðingurinn er Dinamo Tbilisi frá Georgíu sem fyrirfram er talið töluvert sterkara liðið.

Veigar Páll er enn leikmaður Stabæk segir talsmaður liðsins

Inge André Olsen, yfirmaður íþróttamála hjá norska fótboltaliðinu Stabæk, segir í viðtali við NRK að ekki sé búið að ganga frá sölunni á Veigari Páli Gunnarssyni til meistaraliðs Rosenborg í Þrándheimi. Olsen segir ennfremur að töluvert beri í milli í viðræðunum og það sé alls ekki búið að ganga frá samningum við Veigar Pál hjá Rosenborg.

Guðmunda Brynja: Erum töluvert stærri og þyngri

Guðmunda Brynja Óladóttir frá Selfossi er lykilmaður í íslenska U17 ára landsliðinu sem mætir Spáni í undanúrslitum í Evrópukeppninni í dag. Hún segir mikla samheldni í hópnum þar sem enginn er skilinn út undan.

Árás markvarðar í leik rannsökuð sem morðtilraun - myndband

Markvörður u19 ára landsliðs Brasilíu í fótbolta gæti átt yfir höfði sér ákæru um morðtilraun eftir að hann sparkaði með fólskulegum hætti í hálsinn á Elivelton leikmanni Vasco da Gama. Markvörðurinn, Gustavo, var leikmaður Sport Recife, en forráðamenn liðsins ráku hann úr liðinu eftir að myndband af atvikinu fór eins og eldur í sinu á veraldarvefnum.

Man Utd átti ekki í vandræðum með stjörnulið MLS deildarinnar

Manchester United átti ekki í erfiðleikum með að vinna úrvalslið bandarísku MLS deildarinnar í fótbolta í gær í New Jersey. Ensku meistararnir unnu 4-0 sigur en David Beckham var einn af leikmönnum úrvalsliðsins. Anderson og Park Ji-sung skoruðu fyrir Man Utd í fyrri hálfleik en Dimitar Berbatov og Danny Welbeck bættu við mörkum í síðari hálfleik.