Fleiri fréttir

Mark Arons dugði ekki til

Aron Jóhannsson var enn og aftur á skotskónum er lið hans, AGF, gerði jafntefli, 3-3, í bráðfjörugum leik gegn botnliði Silkeborg. Þetta var fjórtánda mark Arons fyrir AGF á tímabilinu.

Fulham skellti Newcastle

Newcastle sótti ekki gull í greipar Fulham í ensku úrvalsdeildinni í kvöld. Heimamenn sterkari í kuldanum og unnu 2-1 sigur.

Rory McIlroy kylfingur ársins hjá golfíþróttafréttamönnum

Rory McIlroy heldur áfram að safna viðurkenningum á þessu tímabili en Norður-Írinn var valinn kylfingur ársins af golfíþróttafréttamönnum. McIlroy er efstur á heimslistanum og hann átti frábært tímabil þar sem hann vann m.a. PGA meistaramótið og lokamót Evrópumótaraðarinnar sem fram fór í Dubai.

Tinna komst ekki áfram á lokaúrtökumótið

Tinna Jóhannsdóttir, atvinnukylfingur úr GK, komst ekki í gegnum fyrsta stigið á úrtökumótinu fyrir Evrópumótaröðina. Tinna var aðeins tveimur höggum frá því að komast á lokaúrtökumótið en hún lék hringina fjóra á keppnisvellinum í Marokkó á samtals átta höggum yfir pari vallar. Og endaði hún í 49. sæti af alls 75 keppendum. Alls komust 45 kylfingar áfram á lokaúrtökumótið af þessum velli.

Sunnudagsmessan: Umræða um Chelsea og Fernando Torres

Fernando Torres skoraði tvívegis í 3-1 sigri Chelsea á útivelli gegn Sunderland á laugardaginn í ensku úrvalsdeildinni í knattspyrnu. Spænski framherjinn virðist vera að finna sitt gamla form undir stjórn Rafael Benítez. Nigel Quashie, sem var gestur í Sunnudagsmessunni á Stöð 2 sport 2 í gær, ræddi um Torres og Chelsea við þá Guðmund Benediktsson og Hjörvar Hafliðason.

Stuðningsmaður Man City bað Ferdinand afsökunar - níu aðilar kærðir

Níu aðilar hafa verið kærðir fyrir ýmis atvik sem áttu sér stað á leik Manchester City og Manchester United í ensku úrvalsdeildinni sem fram fór í gær. Tveir þeirra fóru inn á leikvöllinn og ógnuðu þar leikmönnum Man Utd en alls hafa fjórir verið handteknir. Rio Ferdinand leikmaður Man Utd fékk skurð á augabrún eftir að smápening var kastað í andlit hans og það er ljóst að fjölmörg atvik sem komu þarna upp verða rannsökuð enn frekar hjá enska knattspyrnusambandinu.

Sunnudagsmessan: Umræða um Arsenal og Ray Wilkins

Ray Wilkins er sá leikmaður sem Nigel Quashie lítur hvað mest upp til en Quashie var gestur í Sunnudagsmessunni á Stöð 2 sport 2 í gær. Quashie ,Guðmundur Benediktsson og Hjörvar Hafliðason ræddu m.a. Jack Wilshere og Arsenal í þessu innslagi úr Sunnudagsmessunni.

Staðan í NBA deildinni – San Antonio og Oklahoma eru hnífjöfn

Tímabilið í NBA körfuboltanum í Bandaríkjunum fer vel af stað og hafa mörg lið komið á óvart. Gengi New York Knicks í Austurdeildinni hefur vakið athygli en liðið er í efsta sæti með 75% vinningshlutfall en meistaralið Miami Heat fylgir þar fast á eftir. Í Vesturdeildinni hefur slakt gengi LA Lakers komið á óvart en liðið er í 12. sæti af alls 15 liðum í Vesturdeildinni. Hið þaulreynda lið San Antonio Spurs er í efsta sæti ásamt Oklahoma City Thunder í Vesturdeildinni en bæði lið eru með 81% vinningshlutfall.

Stefán Rafn til liðs við RN - Löwen í Þýskalandi

Stefán Rafn Sigurmannsson, leikmaður Hauka, hefur samið við þýska handknattleiksliðið Rhein-Neckar Löwen sem Guðmundur Guðmundsson þjálfar. Stefán á að fylla það skarð sem Uwe Gensheimer skilur eftir sig en hann sleit hásin á dögunum. Stefán Rafn er 22 ára gamall, 1.96 m. á hæð, og hann getur leikið bæði í vinstra horni og sem rétthent skytta.

Tómt skothylki gæti skilað góðri veiði

Skotveiðifélag Íslands minnir nú félagsmenn sína á að skila inn tómum skothylkjum svo þeir eigi möguleika á að vinna 150 þúsund króna eldsneytisúttekt.

Sunnudagsmessan: Quashie ræðir um Joe Allen og Liverpool

Nigel Quashie var gestur í Sunnudagsmessunni á Stöð 2 sport 2 í gær og þar tjáði hann sig m.a. um gengi Liverpool. Quashie hefur ákveðnar skoðanir á Joe Allen, landsliðsmanni frá Wales. Hinn 22 ára gamli miðjumaður kom til Liverpool s.l. sumar frá Swansea þar sem að Brendan Rodgers, núverandi knattspyrnustjór Liverpool, var áður knattspyrnustjóri. Guðmundur Benediktsson og Hjörvar Hafliðason ræddu við Quashie um Liverpool í Sunnudagsmessunni á Stöð 2 sport 2 í gær.

Sunnudagsmessan: Quashie ræðir um veru sína hjá West Ham

Nigel Quashie var gestur í Sunnudagsmessunni á Stöð 2 sport 2 í gær þar sem stórkostleg helgi í enska boltanum var gerð upp. Englendingurinn hefur mikla reynslu úr ensku knattspyrnunni en hann hefur leikið með QPR, Nottingham Forest, Portsmouth, Southampton , WBA, West Ham, Birmingham, Wolves og Milton Keynes Dons. Quashie er spilandi þjálfari hjá ÍR en hann ræði hér um veru sína hjá West Ham þegar liðið var í eigu Björgólfs Guðmundssonar og Eggerts Magnússonar.

Roberto Mancini gagnrýndi Samir Nasri harkalega

Samir Nasri er ekki í miklu uppáhaldi hjá stuðningsmönnum né liðsfélögum sínum í Manchester City en franski leikmaðurinn gerði afdrifarík mistök á lokamínútunum gegn Manchester United í gær. Robin van Persie skoraði sigurmark Man Utd með skoti úr aukaspyrnu en Nasri "faldi“ sig á bak við liðsfélaga sína í varnarveggnum og í stað þess að reyna verjast.

Messi ætlar að bæta metið enn frekar

Lionel Messi bætti í gærkvöld markametið sem var áður í eigu Þjóðverjans Gerd Müllers. Messi skoraði bæði mörk Barcelona í gær þegar liðið lagði Real Betis á útivelli í spænsku deildinni og þar með hefur hann skorað 86 mörk á þessu ári en Müller skoraði 85 á sama árinu.

Thierry Henry gæti leikið með Arsenal í janúar

Allar líkur eru á því að Thierry Henry muni leika með enska úrvalsdeildarliðinu Arsenal sem lánsmaður en franski framherjinn er samningsbundinn New York í MLS deildinni í Bandaríkjunum.

Tom Watson gæti hugsað sér að vera fyrirliði Ryderliðsins

Hinn þaulreyndi kylfingur, Tom Watson, segir að hann myndi íhuga það alvarlega að taka að sér fyrirliðastöðuna fyrir bandaríska úrvalsliðið í næstu Ryderkeppni sem fram fer á Gleneagles vellinum í Skotlandi árið 2014. Watson, sem er 63 ára gamall. var fyrirliði bandaríska liðsins fyrir tveimur áratugum þar sem hann landaði sigri gegn Evrópuúrvalinu sem fyrirliði.

Veigar Páll í "floppliði" ársins hjá Aftenposten

Veigar Páll Gunnarsson, sem nýverið samdi við Stjörnuna í Garðabæ, er í "flopp“ -liði ársins hjá norska dagblaðinu Aftenposten. Veigar átti frábær tímabili í herbúðum Stabæk þar sem hann varð m.a. norskur meistari en hann átti erfitt uppdráttar hjá Vålerenga í Osló.

Misstir þú af enska boltanum? - öll mörkin og tilþrifin eru á Vísi

Það var mikil dramatík í gangi í leikjum helgarinnar í ensku knattspyrnunni. Stórleikur Manchester City og Manchester United bar þar hæst þar sem að Robin Van Persie tryggði Man Utd sigurinn á elleftu stundu í stórkostlegum leik. Sextándu umferðinni lýkur í kvöld með leik Fulham og Newcastle sem sýndur verður á Stöð 2 sport 2. Að venju eru öll mörk helgarinnar aðgengileg á Vísi.

NBA í nótt: Taphrina Lakers heldur áfram - New York ósigrandi

Taphrina Los Angeles Lakers í NBA deildinni í körfubolta heldur áfram en í nótt tapaði liðið gegn Utah 110 – 117 þrátt fyrir að Kobe Bryant hafi skorað 34 stig fyrir heimamenn. Sigurganga New York Knicks heldur áfram á heimavelli en liðið hefur enn ekki tapað leik í vetur á heimavelli.

Rektorinn rekur veiðisögu sína

"Glettni veiðigyðjunnar - ekki nema það þó!" er titill nýrrar veiðibókar sem kom út fyrir skömmu. Þetta er saga Bjarna Kristjánssonar, sem er mörgum kunnur sem "Rektorinn" bæði vegna þess að hann var lengi rektor Tækniskóla Íslands en ekki síst af því að vinsæl straumfluga var nefnd eftir honum. Það var Kolbeinn Grímsson sem hnýtti fluguna á sínum tíma þegar þeir félagar voru við veiðar í Laxá í Mývatnssveit.

Peningakastið í Manchester verður rannsakað

Það varð allt vitlaust á Manchester-vellinum í dag þegar Robin van Persie, leikmaður Manchester United, tryggði liði sínu sigurinn á lokamínútum leiksins gegn grönnum sínum í Man. City.

Austurríki gæti verið viðkomustaður Formúlu 1 2013

Það gæti allt eins farið svo að aukamótið á dagatali Formúlu 1 á næsta ári verið í Austurríki en ekki í Tyrklandi. Framtíð kappakstursins í Tyrklandi er nú í höndum ríkisstjórnar Tyrklands sem mun taka ákvörðun um fjárframlög til mótshaldsins fyrir áramót.

FCK vann toppslaginn í Danmörku

FC København bar sigur úr býtum gegn Nordsjælland, 4-1, á Parken, heimavelli FCK, í dönsku úrvalsdeildinni í knattspyrnu.

KR vann frábæran sigur á Haukum

KR-ingar unnu sterkan sigur á Haukum í Dominos-deild kvenna í körfubolta í dag en leiknum lauk með öruggum sigri KR, 83-67.

Kiel tapaði í fyrsta skipti í þrjú ár á heimavelli

Ótrúlegur atburður átti sér stað í þýska handboltanum í dag þegar Kiel tapaði á heimavelli, 29-25, fyrir Melsungen en liðið hefur ekki tapað leik í deildinni í eitt og hálft ár og töpuðu síðast á heimavelli í deildinni í september árið 2009.

Ferguson: Framkoma stuðningsmanna City til skammar

„Ég hef ekki upplifað mikið meiri dramatík í leikjum þessara liða á mínum ferli," sagði Sir Alex Ferguson, knattspyrnustjóri Manchester United, eftir sigurinn á Manchester City í dag.

Ólafur heitur í liði Flensburg

Ólafur Gústafsson heldur áfram að standa sig frábærlega með Flensburg í þýsku úrvalsdeildinni. Hann skoraði í dag fimm mörk í sigri liðsins, 29-30, gegn Minden.

Jón Arnór hafði betur í Íslendingaslagnum

Íslendingarnir Jón Arnór Stefánsson, leikmaður CAI Zaragoza, og Haukur Helgi Pálsson, leikmaður Assignia Manresa, mættust í spænsku úrvalsdeildinni í körfuknattleik í dag en gestirnir frá Zaragoza og unnu leikinn 82-75.

Benitez skrifaði bréf til stuðningsmanna Chelsea

Rafa Benitez, stjóri Chelsea, ætlar sér ekki að gefast upp á því að vinna stuðningsmenn Chelsea á sitt band. Þeir hafa baulað látlaust á hann síðan hann tók við liðinu af Roberto di Matteo.

NBA: Bulls stöðvaði sigurgöngu Knicks

Liðsheildin var gríðarlega sterk hjá Chicago Bulls í nótt er liðið lagði NY Knicks af velli. Marco Belinelli og Luol Deng skoruðu báðir 22 stig og þrír aðrir leikmenn skoruðu yfir tíu stig.

Everton með ótrúlegan sigur á Tottenham

Everton vann ótrúlegan sigur á Tottenham Hotspurs, 2-1, á Goodison-Park, heimavelli Everton. Everton skoraði tvö mörk undir lok leiksins og tryggðu sér stigin þrjú.

Robin van Persie hetja United gegn City

Manchester United vann ótrúlegan sigur, 3-2, á Manchester City á heimavelli City. Rooney skoraði fyrstu tvö mörk leiksins en Man. City neitaði að gefast upp og náðu að jafna metin í síðari hálfleik.

Aldrei verið skrifuð dýrari bók um lax

Bókin Salmon – Salmon: With a Chapter on Iceland er nú til sölu á eBay fyrir 400 þúsund krónur. Bókin var gefin út í 100 eintökum árið 1979. Kristján Eldjárn fekk fyrsta eintakið og Karl Bretaprins annað. Bókin er prentuð á 100 prósenta bómullarpappír, sem er afar sjaldgæft.

Crouch: Það er eins gott að ég er giftur

Peter Crouch, leikmaður Stoke, fékk heldur betur að kenna á því í leik gegn Newcastle á dögunum. Þá fékk hann högg frá Fabricio Coloccini sem leiddi til þess að hann missti tvær tennur. Síðasta vika hefur síðan verið ansi erfið fyrir Crouch.

Kylfusveinar slógust í Ástralíu

Kylfusveinar eru venjulega lítillátir og kurteisir á vellinum. Sjá um að halda kylfingum rólegum og eru til fyrirmyndar með sinni hegðun. Á því varð undantekning á opna ástralska mótinu.

Eiður skoraði sitt sjötta mark í vetur

Eiður Smári Guðjohnsen var eina ferðina enn á skotskónum fyrir Cercle Brugge í kvöld. Hann skoraði þá mark liðsins í 1-1 jafntefli gegn OH Leuven.

Sjá næstu 50 fréttir

Mest lesið