Ármann Smári skaut Brann áfram

Ármann Smári Björnsson var hetja Brann í dag þegar hann skaut liðinu í þriðju umferð forkeppni Meistaradeildar Evrópu. Brann tapaði fyrir Ventspils frá Lettlandi 2-1 en komst áfram á útivallarmarki.

Roma staðfestir áhuga á Benayoun

Luciano Spalletti, þjálfari Roma, hefur staðfest að Yossi Benayoun sé á óskalista sínum. Ísraelski landsliðsmaðurinn hefur sjálfur sagt að hann vilji vera áfram hjá Liverpool og berjast fyrir sæti sínu.

Bandaríkin unnu Ástralíu

Bandaríska Ólympíuliðið lék í dag sinn síðasta æfingaleik áður en það heldur til Peking. Liðið mætti Ástralíu og þrátt fyrir að hafa ekki sýnt sannfærandi frammistöðu vann það 87-76.

Fjölnisstrákar náðu í brons í Noregi

4. flokkur drengja hjá Fjölni náði virkilega góðum árangri á Norway-Cup í Noregi á dögunum. Strákarnir náðu í bronsverðlaun á mótinu í flokki drengja sem fæddir eru 1994.

Rooney veiktist í Nígeríu

Wayne Rooney mun missa af byrjun tímabilsins vegna veikinda sem hann fékk í Nígeríu. Hann fékk vírus í æfingaferð Manchester United í Afríku.

Ferguson: Útrætt mál að Ronaldo fer ekki

Sir Alex Ferguson sagði við Sky fréttastofuna að fólk geti nú hætt að spá í framtíð Cristiano Ronaldo. Það væri ljóst að hann yrði áfram hjá Manchester United.

Van der Vaart einu kaup Real Madrid í sumar

Real Madrid virðist hafa gefist upp á því að næla í Cristiano Ronaldo miðað við það sem Ramon Calderon sagði þegar Rafael van der Vaart var kynntur sem nýr leikmaður félagsins í dag.

Var einni stjörnumáltíð frá sykursýki

Fyrrum körfuboltastjarnan og sjónvarpsmaðurinn Charles Barkley er nú farinn að stunda hnefaleika til að koma sér í betra form. Barkley þótti oft heldur þéttur á ferlinum sem leikmaður, en hefur blásið hressilega út eftir að hann lagði skóna á hilluna.

Saha orðaður við Sunderland

Í enskum blöðum í morgun er sagt að Sunderland hafi komið með tilboð í Louis Saha, sóknarmann Manchester United. Roy Keane, stjóri Sunderland, hyggst gera hann að launahæsta leikmanni í sögu Sunderland.

Galliani fundar með Ancelotti

Chelsea vann 5-0 sigur á AC Milan á æfingamóti sem fram fór um helgina. Adriano Galliani, varaforseti AC Milan, hefur boðað þjálfarann Carlo Ancelotti á fund í dag þar sem ræða á leikinn.

Sir Alex hrósar brasilísku tvíburabræðrunum

Manchester United vann 2-0 sigur á Peterborough í æfingaleik í gær. Fyrra mark leiksins var sjálfsmark en það síðara skoraði Darron Gibson.

Leto lánaður til Grikklands

Sebastian Leto hefur verið lánaður frá Liverpool til grísku meistarana í Olympiakos. Lánssamningurinn er til tveggja ára.

Corluka til Tottenham?

Tottenham hefur lagt fram tilboð í króatíska varnarmanninn Vedran Corluka hjá Manchester City. Corluka er talinn meðal betri hægri bakvarða ensku úrvalsdeildarinnar.

Bellamy missti stjórn á skapi sínu

Breska lögreglan mun yfirheyra Craig Bellamy hjá West Ham vegna atviks sem átti sér stað í æfingaleik gegn Ipswich í gær. Bellamy missti stjórn á skapi sínu eftir að hafa farið af velli vegna meiðsla.

Skoskir dómarar í verkfall?

Óttast er að skoska úrvalsdeildin geti ekki hafist á réttum tíma vegna hugsanlegs verkfalls dómara. Skoska knattspyrnusambandið á enn eftir að ná samningum varðandi laun dómara.

Nistelrooy hættur með landsliðinu

Tilkynnt var í gær að sóknarmaðurinn Ruud van Nistelrooy hefur ákveðið að leggja landsliðsskóna á hilluna og hætta að leika með Hollandi. Hann ætlar að einbeita sér að félagsliði sínu, Real Madrid á Spáni.

Ari Freyr skoraði í tapleik Sundsvall

Fótbolti var leikinn í nágrannalöndum okkar í gær og Íslendingar eins og oft áður í eldlínunni.

Paul Pierce var færður í handjárn

Paul Pierce, leikmaður Boston og verðmætasti leikmaður lokaúrslitanna í NBA í sumar, var færður í handjárn af vegalögreglu í Las Vegas á sunnudaginn eftir að hafa verið með dólgslæti.

Wenger vill fá meira frá Walcott í vetur

Arsene Wenger, stjóri Arsenal, segist reikna með því að Theo Walcott muni spila stærra hlutverk í liði Arsenal á komandi leiktíð en hann gerði í fyrra.

Mourinho: Ranieri er gamall og hefur ekki unnið neitt

Jose Mourinho er ekki lengi að stela sviðsljósinu hvar sem hann kemur og í dag baunaði Inter-þjálfarinn skotum á Claudio Ranieri, þjálfara Juventus.

Beckham gerir það gott í Bandaríkjunum

Ameríkuævintýri knattspyrnumannsins David Beckham virðist ætla að lukkast fullkomlega. Hann var á dögunum kjörinn íþróttamaður ársins á Teen Choice verðlaunaafhendingunni í Bandaríkjunum.

Simpson lánaður til Blackburn

Blackburn gekk í dag frá lánssamningi við bakvörðinn unga Danny Simpson frá Manchester United út leiktíðina. Simpson hefur verið í láni hjá Antwerpen, Sunderland og nú síðast Ipswich, en hann hafði verið orðaður við Aston Villa undanfarið.

Ég skal spila í Rússlandi fyrir 3 milljarða á ári

Nokkuð hefur borið á því að undanförnu að leikmenn sem spilað hafa í NBA deildinni í körfubolta hafi flutt sig um set og samið við félög í Evrópu. Kobe Bryant hjá LA Lakers segist ekki útiloka að spila í Evrópu - fyrir rétt verð.

Kirilenko verður fánaberi Rússa

Framherjinn Andrei Kirilenko hjá Utah Jazz og rússneska landsliðinu, verður fánaberi þjóðar sinnar á Ólympíuleikunum í Peking sem settir verða á föstudag. Kirilenko var í Ólympíuliði Rússa árið 2004 en liðið er ríkjandi Evrópumeistari í körfubolta.

Eduardo klár fyrir jól?

Enska dagblaðið Daily telegraph greindi frá því í morgun að Króatinn Eduardo Da Silva hjá Arsenal gæti verið orðinn leikfær á ný fyrir jól.

Bobby Moore heiðraður hjá West Ham

Enska knattspyrnufélagið West Ham ætlar að taka treyju númer sex formlega úr umferð til minningar um goðsögnina Bobby Moore sem var fyrirliði enska landsliðsins þegar það varð heimsmeistari árið 1966.

Olsson og Lindgren taka við sænska landsliðinu

Sænska handknattleikssambandið gekk um helgina frá samningi við þá Staffan Olson og Ola Lindgren sem taka munu við þjálfun sænska landsliðsins af Ingemar Linnéll.

Sneijder úr leik í þrjá mánuði

Hollenski landsliðsmaðurinn Wesley Sneijder mun ekki geta leikið með liði sínu Real Madrid næstu þrjá mánuðina svo. Þetta kom í ljós þegar kappinn fór í myndatöku í dag eftir að hafa orðið fyrir tæklingu frá Arsenal-manninum Abou Diaby í leik liðanna í gær.

Singh sigraði á heimsmótinu

Vijay Singh tryggði sér sigur á átjándu holu eftir æsispennandi lokabaráttu við þrjá aðra kylfinga á heimsmótinu í golfi í gærkvöldi.

Van der Vaart segist vera á leið til Real

Hollenski landsliðsmaðurinn Rafael van der Vaart hjá Hamburg í Þýskalandi segist á heimasíðu sinni vera búinn að samþykkja að ganga í raðir Real Madrid á Spáni.

Landsliðskonurnar þekkja vel til þjálfarans

Ágúst Björgvinsson mun stýra íslenska kvennalandsliðinuí körfubolta í fyrsta sinn á miðvikudaginn þegar það hefur leik á Norðurlandamótinu sem fram fer í Danmörku.

Wenger útilokar tilboð í Barry

Arsene Wenger, stjóri Arsenal, segir ekki koma til greina að félagið geri tilboð í miðjumanninn Gareth Barry eins og haldið hefur verið fram í enskum fjölmiðlum.

West Ham fær markvörð

Enska úrvalsdeildarfélagið West Ham hefur fengið markvörðinn Jan Lastuvka frá Shakhtar Donetsk að láni út leiktíðina með möguleika á því að kaupa hann að samningstímanum loknum.

Drogba missir af fyrsta leik Chelsea

Luiz Felipe Scolari, stjóri Chelsea, segir að framherjinn Didier Drogba muni líklega missa af fyrsta leik liðsins í ensku úrvalsdeildinni þann 17. ágúst og mögulega öðrum leik liðsins gegn Wigan.

Leto fékk ekki atvinnuleyfi

Argentínumaðurinn Sebastian Leto verður að öllum líkindum lánaður frá enska úrvalsdeildarfélaginu Liverpool eftir að honum var synjað um atvinnuleyfi á Englandi. Leto er 21 árs og gekk í raðir Liverpool á síðustu leiktíð.

Kovalainen þriðji fljótastur til að ná í sigur

Finnski ökuþórinn Heikki Kovalainen vann sinn fyrsta sigur á ferlinum í Formúlu 1 þegar hann kom fyrstur í mark í Ungverjalandi. Þetta er í þriðja sinn á sex árum sem ökumaður vinnur sinn fyrsta kappakstur á brautinni.

Bröndby steinlá

Fjórir leikir fóru fram í dönsku úrvalsdeildinni í knattspyrnu í dag. Stefán Gíslason var að venju í liði Bröndby sem steinlá 3-0 heima fyrir Randers.

Adebayor tryggði Arsenal sigur á Real Madrid

Emirates mótinu í knattspyrnu lauk í Lundúnum í dag. Þýska liðið Hamburg stóð uppi sem sigurvegari mótsins eftir 3-0 sigur á Juventus í dag en Arsenal vann 1-0 sigur á Real Madrid þar sem Emmanuel Adebayor stakk upp í áhorfendur sem bauluðu á hann í gær og skoraði sigurmarkið úr víti.

Kovalainen vann sinn fyrsta sigur í Ungverjalandi

Það voru finnskir dagar í ungverska kappakstrinum í Formúlu 1 í dag þegar Heikki Kovalainen kom fyrstur í mark á McLaren bíl sínum og vann um leið sína fyrstu keppni á ferlinum.

Kvennalandsliðið hefur leik á NM á þriðjudag

Íslenska kvennalandsliðið í körfubolta er nú á leið út til Danmerkur þar sem það mun leika fjóra leiki á jafnmörgum dögum á Norðurlandamótinu eftir helgi.

Chelsea burstaði Milan

Nicolas Anelka skoraði fjögur mörk í dag þegar enska liðið Chelsea burstaði AC Milan frá Ítalíu á æfingamóti í Moskvu í Rússlandi. Frank Lampard kom enska liðinu á bragðið á þriðju mínútu en Anelka setti svo tvö mörk í sitt hvorum hálfleiknum.

Pavlyuchenko afhuga Tottenham

Nú virðist sem ekkert verði af fyrirhuguðum kaupum Tottenham á rússneska framherjanum Roman Pavlyuchenko eins og komið hefur fram í breskum fjölmiðlum undanfarna daga.

Nýr samningur í smíðum fyrir Drogba

Framherjinn Didier Drogba mun væntanlega skrifa undir nýjan fjögurra ára samning við Chelsea sem mun binda enda á vangaveltur um framtíð hans hjá félaginu.

Rússarnir stóðu í Bandaríkjamönnum

Bandaríska landsliðið í körfubolta fékk nokkuð meiri samkeppni en í síðustu leikjum þegar það mætti Evrópumeisturum Rússa í æfingaleik í Kína í morgun. Bandaríska liðið vann þó nokkuð öruggan sigur 89-68 þegar upp var staðið.

Jankovic á toppinn

Serbneska tenniskonan Jelena Jankovic verður stigahæsta tenniskona heims í fyrsta sinn á ferlinum þegar næsti heimslisti verður gefinn út þann 11. þessa mánaðar og veltur löndu sinni Ana Ivanovic þar með af stalli.