Angóla

Angólamenn hafa aldrei áður leikið á HM og vanalega eru þeir mjög ánægðir með að komast í Afríkukeppnina. Þeir ætla að leika varnarbolta og koma á óvart með skyndisóknum.

Ekvador

Ekvadorar lögðu bæði Brasilíumenn og Argentínumenn í undakeppninni og lentu í þriðja sæti riðilsins. Hins vegar unnust sjö sigar af átta á heimavelli. Vegna þess hve fáir leikmenn leika í Evrópu er ekki hægt að búast við miklu af þeim.

Sádí Arabía

Sádí-Arabar eru komnir á HM, fjóða skiptið í röð. Árið 1994 komust þeir í 16 liða úrslit en féllu út í riðlakeppninni árin 1998 og 2002. Það er fátt sem bendir til þess að þeir geri eitthvað annað nú.

2 marka sigur FH í Laugardalnum

Íslandsmeistarar FH unnu tveggja marka útisigur á Val, 0-2 á Laugardalsvelli í kvöld í lokaleik 2. umferðar Landsbankadeildar karla í knattspyrnu. Valsmenn voru síst lakari aðilinn í leiknum en máttu sætta sig við að fá bæði mörkin á sig eftir aukaspyrnur Tryggva Guðmundssonar. Ármann Smári Björnsson og Freyr Bjarnason skoruðu mörk Íslandsmeistaranna sem eru með fullt hús stiga eftir tvær umferðir.

Laudrup hættir hjá Bröndby

Danska knattspyrnugoðsögnin Michael Laudrup tilkynnti í dag að hann muni ekki framlengja samning sinn sem knattspyrnustjóri danska liðsins Bröndby. Þessi tíðindi hafa nú kynt undir þrálátan orðróm sem uppi hefur verið í Danmörku undanfarna mánuði þess efnis að Laudrup sé að fara að taka við spænska stórliðinu Real Madrid.

Ármann Smári kemur FH yfir gegn Val

FH hefur náð forystu gegn Val á Laugardalsvelli, 0-1 í lokaleik 2. umferðar Landsbankadeildar karla í knattspyrnu. Það var fyrrverandi Valsmaðurinn Ármann Smári Björnsson sem skoraði markið með skalla í þverslána og inn eftir aukaspyrnu Tryggva Guðmundssonar af vinstri kanti. Leiknum er lýst beint hér á Vísi.

Spangsberg byrjar inni á í stað Garðars

Willum Þór Þórsson þjálfari Vals hefur tekið Garðar Gunnlaugsson og Baldur Aðalsteinsson úr byrjunarliði Vals sem tekur á móti FH í stórleik 2. umferðar Landsbankadeildar karla í knattspyrnu. Leikurinn hófst kl. 20 og er í beinni útsendingu á Sýn. Við bendum á að Vísir er einnig með beina útsendingu frá leiknum...

Svíar heimsmeistarar í íshokkí

Ólympíumeistarar Svía urðu í kvöld heimsmeistarar í íshokkí þegar þeir lögðu ríkjandi titilhafa Tékka í úrslitaleik heimsmeistaramótsins í Lettlandi, 4-0. Þetta er í fyrsta sinn sem sömu þjóð tekst að landa bæði ólympíu og heimsmeistaratitli á sama ári en Svíar unnu ólympíugullið á Ítalíu í febrúar sl.

Veigar Páll markahæstur í Noregi

Veigar Páll Gunnarsson lagði upp mark og skoraði svo jöfnunarmark Stabæk þegar 5 mínútur voru komnar fram yfir venjulegan leiktíma í 2-2 jafnteflisleik gegn toppliði Lillestrøm í norsku úrvalsdeildinni í kvöld. Jöfnunarmarkið skoraði Veigar úr vítaspyrnu og er hann nú markahæsti leikmaður úrvalsdeildarinnar með 6 mörk eftir níu leiki.

Þróttur eitt á toppnum

Þróttur Reykjavík er eitt á toppnum í 1. deild karla í knattspyrnu þegar tveimur umferðum er lokið en annarri umferð lauk með þremur leikjum nú undir kvöldið. Þróttarar lögðu Víking Ólafsvík á útivelli, 2-3, HK vann 4-1 sigur á KA á meðan Þór Akureyri gerði 1-1 jafntefli við Stjörnuna fyrir norðan.

Markús Máni með eitt mark i sigri Düsseldorf

Markús Máni Michaelsson skoraði eitt mark fyrir Düsseldorf sem lagði Großwallstadt, 26-18 í þýsku Bundesligunni í handbolta í dag. Einar Hólmgeirsson skoraði 5 mörk fyrir Großwallstadt og Alexander Petersson tvö. Á Spáni skoraði Einar Örn Jónson 5 mörk fyrir Torrevieja sem vann 29-33 útisigur á Cantabria.

Fyrsti titill Hingis í 4 ár

Svissneska tenniskonan Martina Hingis vann sinn fyrsta titil í rúm fjögur ár í dag þegar hún lagði hina rússnesku Dinara Safina á opna ítalska mótinu í Róm. Hingis vann úrslitaleikinn 6-2 og 7-5 sem búist er við að komi henni inn á topp 15 á heimslistanum sem gefinn verður út á morgun.

Finnar unnu bronsið á HM

Finnar tryggðu sér í dag bronsverðlaunin á heimsmeistaramótinu í íshokkí sem fram fer í Ríga í Lettlandi með því að vinna Kanada, 5-0. Það var varamarkvörður Finna sem var hetja sinna manna en hann varði 37 skot í leiknum.

Ég á meiri virðingu skilið en að komið sé fram við mig eins og skít

Frönsku knattspyrnumennirnir Ludovic Giuly og Nicolas Anelka eru afar óhressir með framkomu franska landsliðsþjálfarans Raymond Domenech í sinn garð en hann valdi hvorugan þeirra í landsliðshópinn fyrir HM sem fer fram í Þýskalandi í næsta mánuði.

Watford í ensku úrvalsdeildina

Watford tryggði sér í dag sæti í ensku úrvalsdeildinni í knattspyrnu á næsta tímabili þegar liðið lagði Leeds í úrslitaleik í umspili 1. deildar, 3-0. Sigur liðsins var fullkomlega verðskuldaður en Watford yfirspilaði Leeds meirihluta leiksins.Gylfi Einarsson var ekki í leikmannahópi Leeds.

Dawson inn fyrir Young

Sven Göran Eriksson, landsliðsþjálfari Englendinga í knattspyrnu hefur kallað á Michael Dawson, varnarmann Tottenham til að vera til taks fyrir HM í Þýskalandi í næsta mánuði. Hinn 22 ára Dawson tekur sæti Luke Young, leikmanns Charlton sem meiddist á ökkla á æfingu.

Watford yfir í háfleik gegn Leeds

Watford er yfir gegn Leeds, 1-0 þegar flautað hefur verið til hálfleiks í viðureign liðanna um laust sæti í ensku úrvalsdeildinni í knattspyrnu. Jay DeMerit skoraði eina mark leiksins á 25. mínútu en leikið er á Þúsaldarvellinum í Cardiff undir lokuðu þaki.

Etoo markakóngur á Spáni

Kamerúninn Samúel Etoo varð markakóngurinn í spænska fótboltanum. Evrópu og Spánarmeistarar Barcelona máttu þola ósigur, 3-1 fyrir Athletic Bilbao í síðasta leiknum í spænsku úrvalsdeildinni.

Nýr golfvöllur tekinn í notkun

Golfklúbbur Kópavogs og Garðabæjar tók í dag formlega í notkun nýjan golfvöll í Leirdal sem er 9 holu viðbót við golfvöll klúbbsins við Vífilsstaði. Bæjarstjórar Kópavogs og Garðabæjar afhentu Golfklúbbi GKG völlinn til afnota og undirrituðu í leiðinni viljayfirlýsingu um áframhaldandi stuðning við golfklúbbinn.

Watford eða Leeds í úrvalsdeildina

Leeds og Watford keppa í dag um réttinn til þess að spila í ensku úrvalsdeildinni á næstu leiktíð en úrslitaleikur liðanna hófst nú kl 14. Leikurinn fer fram á Þúsaldarvellinum í Cardiff og er sýndur beint á Sýn. Gylfi Einarsson er ekki í leikmannahópi Leeds.

Eiður Smári í skiptum fyrir Nistelrooy?

Enska dagblaðið News of the World greinir frá því í dag að fótboltaliðin Chelsea og Manchester United skipti hugsanlega á leikmönnum. Samkvæmt blaðinu er Eiður Smári Guðjohnsen á leið til Manchester United en hollenski sóknarmaðurinn hjá United, Ruud van Nistelrooy fer í staðinn til Chelsea.

Jafnt á Skaganum

Nú stendur yfir leikur Skagamanna og KR-inga á Akranesi. Leikurinn hófst klukkan 16. Staðan er 1-1.. Guðmundur Gunnarsson kom KR yfir skömmu fyrir miðjan hálfleikinn en skömmu síðar jafnaði Arnar Gunnlaugsson metin úr vítaspyrnu. Leikurinn er sýndur beint á Sýn.

Blikar burstuðu Eyjamenn

Breiðablik vann ÍBV 4-1 í Landsbankadeild karla í knattspyrnu í Kópavoginum í dag. Eyjamenn náðu forystu á 21. mínútu þegar Johan Long skoraði beint úr hornspyrnu.

Glæsimark Grétars tryggði KR sigur

Grétar Hjartarson skoraði sigurmark KR í 1-2 útisigri Vesturbæjarliðsins á ÍA í Landsbankadeild karla í knattspyrnu.

Samkomulag um framtíð F1 í höfn

Bernie Ecclestone skrifaði í dag undir samkomulag við lið Renault, BMW, Mercedes, Honda og Toyota um að halda áfram keppni í heimsmeistaramótinu á næstu árum, en þessi lið höfðu hótað að draga sig úr keppni og stofna nýtt mót vegna almennrar óánægju með fyrirkomulag mótsins í núverandi mynd og vildu stærri hluta af innkomunni.

Dagskrá gæðingamóts og úrtöku Fáks 2006

Glæsilegir gæðingar eru skráðir til leiks og má þar nefna Þórodd frá Þóroddsstöðum, Orm frá Dalland, Töfra frá Kjartansstöðum, List frá Vakurstöðum og Rökkva frá Hárlaugsstöðum. Leiknir frá Vakurstöðum, sigurvegar B flokksins í fyrra er skráður í unglingaflokk ásamt ótal fleiri glæsilegum gæðingum.

Keflvíkingar stálu sigrinum í lokin

Keflvíkingar lögðu nýliða Víkings 2-1 á heimavelli sínum í Keflavík í kvöld og það var Stefán Örn Arnarson sem skoraði sigurmark liðsins í blálokin. Hólmar Örn Rúnarsson skoraði fyrsta mark leiksins á 40. mínútu, en Davíð Þór Rúnarsson jafnaði fyrir Víking á þeirri 69. Víkingur hefur því tapað tveimur fyrstu leikjum sínum í deildinni.

Christiansen tryggði Fylki öll stigin

Það var mikil dramatík í Árbænum í kvöld þegar Fylkir lagði Grindavík 2-1 í Landsbankadeild karla í knattspyrnu. Grindvíkingar voru yfir í leikhléi, en Sævar Þór Gíslason jafnaði metin fyrir heimamenn úr víti á 86. mínútu og lagði svo upp sigurmarkið fyrir Christian Christiansen þegar þrjár mínútur voru komnar fram yfir venjulegan leiktíma. Grindvíkingar léku manni færri frá 65. mínútu.

Grindavík hefur yfir í Árbænum

Nú er kominn hálfleikur í leikjunum tveimur sem standa yfir í annari umferð Landsbankadeildar karla í knattspyrnu. Grindvíkingar hafa yfir 1-0 gegn Fylki í Árbænum, þar sem Jóhann Þórhallsson skoraði mark gestanna á 32. mínútu og þar með sitt þriðja mark í sumar. Keflvíkingar hafa náð 1-0 forystu gegn nýliðum Víkings með marki frá Hólmari Erni Rúnarssyni á 40. mínútu.

Tveir leikir í kvöld

Nú klukkan 19:15 hefjast fyrstu tveir leikirnir í annari umferð Landsbankadeildar karla í knattspyrnu og hægt er að fylgjast náið með gangi mála á Boltavaktinni hér á Vísi þar sem nýjustu tíðindi af leikjunum eru uppfærð um leið og þau gerast. Fylkir tekur á móti Grindavík í Árbænum og Keflvíkingar mæta nýliðum Víkings suður með sjó.

Kahn stendur með Lehmann

Oliver Kahn, markvörður Bayern Munchen og einn af markvörðum þýska landsliðsins stendur 100% með Jens Lehmann og er hann ekki í vafa að Lehmann verðu búinn að jafna sig eftir leikinn á miðvikudaginn þar sem honum var vísað af velli á 18 mínútu.

Ernir í Val

Handknattleiksmaðurinn efnilegi Ernir Hrafn Arnarsson úr Aftureldingu í Mosfellsbæ er genginn til liðs við Valsmenn. Ernir skrifaði í dag undir þriggja ára samning við Reykjavíkurliðið, sem ætlar sér stóra hluti næsta vetur og lofuðu forráðamenn liðsins frekari liðsstyrk á næstunni á blaðamannafundi sem haldinn var af þessu tilefni í dag.

Eiður Smári er til sölu

Jose Mouriho gaf það út í samtali við Sky-sjónvarpsstöðina í dag að Chelsea væri tilbúið að taka við kauptilboðum í landsliðsfyrirliðann Eið Smára Guðjohnsen. Mourinho segir Chelsea áfram hafa not fyrir hann, en segir að félagið muni þó athuga málið ef gott tilboð fæst í hann.

Birgir Leifur á pari í Belgíu

Birgir Leifur Hafþórsson úr GKG er að leika samtals á pari á áskorendamótinu í Belgíu eftir að hann lauk keppni í dag á einu höggi undir pari í dag, 71 höggi og er kominn í gegn um niðurskurðin á mótinu. Birgir kláraði á 73 höggum í gær eða einu höggi yfir pari.

Ólöf náði sér ekki á strik

Ólöf María Jónsdóttir náði sér ekki á strik á öðrum degi opna svissneska meistaramótsins í golfi í dag, en eftir að hafa leikið á tveimur höggum undir pari í gær, lauk hún keppni á sjö höggum yfir pari í dag. Ólöf komst fyrir vikið ekki í gegn um niðurskurðinn á mótinu.

Spænski hópurinn fyrir HM

Búið er að velja Spænska landsliðshópinn sem spilar fyrir hönd Spánar á HM í næsta mánuði. Fernando Morientes, sóknarmaður Liverpool er ekki í hópnum hjá Spánverjum. Cesc Fabregas, leikmaður Arsenal er það ásamt félaga sínum Jose Anntonio Reyes.

Grönholm í forystu

Finnski ökuþórinn Marcus Grönholm á Ford hefur forystu eftir fyrstu 6 sérleiðirnar í Sardínurallinu á Ítalíu sem hófst í dag. Grönholm hefur rúmrar hálfrar mínútu forskot á heimsmeistarann Sebastien Loeb á Citroen eftir að hafa unnið fjórar af sex fyrstu leiðunum á fyrsta keppnisdeginum.

Dudek ekki í hópnum hjá Pólverjum

Jerzy Dudek, markvörður hjá Liverpool er ekki í HM hópi Pólverja sem mætir til leiks á HM í sumar. Dudek hefur ekki leikið mikið á þessari leiktíð og valdi landsliðþjálfari Póllands frekar þá Artur Boruc hjá Celtic og Tomasz Kuszczak hjá West Brom sem markverði liðsins.

Danny Williams kemur inn fyrir Harrison

Þungavigtarhnefaleikarinn Danny Williams hefur samþykkt að koma í stað Scott Harrison á hnefaleikakvöldinu í Belfast á annað kvöld, en Harrison hætti við að keppa til að fara í áfengismeðferð. Williams mun hita upp fyrir annan bardaga sinn við Matt Skelton með því að berjast við lítt þekktan Þjóðverja.

Slegist um Andy Johnson

Nú er útlit fyrir að nokkur úrvalsdeildarfélög muni há harða baráttu um að landa framherjanum Andy Johnson frá Crystal Palace í sumar eftir að liði hans tókst ekki að vinna sér sæti í úrvalsdeildinni á næstu leiktíð eins og til stóð. Everton hefur nú bæst í hóp Bolton og Wigan, sem talin eru ætla að bjóða allt að 7 milljónir punda í Johnson.

Stórleikir í beinni á Sýn og NBA TV

Tveir leikir fara fram í úrslitakeppni NBA í kvöld og gefst íslenskum körfuboltaáhugamönnum tækifæri til að sjá þá báða í beinni útsendingu. Sjötti leikur Detroit og Cleveland verður í beinni á NBATV um miðnættið og sjötti leikur San Antonio og Dallas á Sýn klukkan 1:30.

Ákvörðun Henry lykillinn að framtíðinni

Arsene Wenger segist hafa sett sér tvö markmið í vikunni og í dag náði hann öðru þeirra. Arsenal tókst ekki að vinna Barcelona í úrslitum meistaradeildarinnar, en Wenger segir að ákvörðun Thierry Henry um að framlengja samning sinn í dag hafi verið mikilvægari en að vinna meistaradeildina.

Drogba verður ekki seldur

Jose Mourinho segir að ekki komi til greina að selja Fílabeinsstrandarmanninn Didier Drogba frá Chelsea, en framherjinn hefur látið það í ljós að undanförnu að hann vilji fara frá félaginu.

Bruce verður áfram stjóri

Steve Bruce verður áfram knattspyrnustjóri Birmingham, þrátt fyrir að liðið hafi fallið í fyrstu deildina í vor. Þetta var staðfest á blaðamannafundi í Birmingham í dag og þar á bæ eru menn staðráðnir í að dvelja ekki nema eitt tímabil í næstefstu deild.

Sigur hjá Napoli

Napoli, lið Jóns Arnórs Stefánssonar í ítölsku A-deildinni í körfuknattleik, vann í gær auðveldan sigur á Udine 107-87 í fyrsta leik liðanna í úrslitakeppninni þar í landi. Jón Arnór skoraði 8 stig í leiknum, en það lið sem fyrr vinnur þrjá leiki í einvíginu kemst áfram í næstu umferð.