Áfall ef McClaren fer frá Middlesbrough

Colin Cooper, fyrrum leikmaður Middlesbrough segir að það yrði gríðarlegt áfall fyrir félagið ef Steve McClaren verður ráðinn til að taka við enska landsliðinu af Sven-Göran Eriksson, en reiknar fastlega með því að forráðamenn Boro séu með varaáætlun ef af því verður.

Meistaradeild VÍS staðan eftir fimm greinar af átta

Með góðum sigri í Gæðingafiminni á hestagullinu Ormi frá Dallandi hefur Alti Guðmundsson færst í hóp fremstu knapanna og ljóst að hann mun blanda sér í baráttu um meistaratitlinn. Í úrslitum Gæðingafiminnar fékk Sigurður Sigurðarson 7, 93 í einkunn en Þorvaldur Árni 7,92. Þetta brot 1/100 réð úrslitum um það hvor þeirra leiðir stigasöfnunina að lokinni Gæðingafiminni.

Tiger Woods er heimskur

Íþróttakonan Tanni Grey Thompson frá Wales vandar Tiger Woods ekki kveðjurnar í viðtali við BBC í dag, þar sem hún fordæmir orð sem Woods lét falla þegar hann lýsti lélegum púttum sínum á Masters um helgina og kallaði þau "spastísk." Thompson segir að Woods sé heimskingi að láta annað eins út úr sér og er ekkert á þeim buxunum að fyrirgefa kylfingnum knáa þó hann hafi strax beðist afsökunar á orðum sínum.

Meistararnir halda sínu striki

San Antonio Spurs lagði Seattle Supersonics 104-95 á heimavelli sínum í nótt og er í lykilstöðu með að ná efsta sætinu í Vesturdeildinni fyrir úrslitakeppnina. Á meðan Tim Duncan er enn að ná sér eftir flensu, var Tony Parker besti maður Spurs í nótt og skoraði 27 stig og átti 9 stoðsendingar þó hann segðist sjálfur vera búinn að smitast af þessari sömu flensu.

Brynjar hefur verið frábær

Yfirmaður knattspyrnumála hjá Reading, Nick Hammond, hrósar Brynjari Birni Gunnarssyni í hástert fyrir frammistöðu sína með liðinu í vetur. Reading er búið að vinna 1. deildina á Englandi og spilar því á meðal þeirra bestu á næsta tímabili.

Severino til Keflavíkur?

Keflvíkingar vonast til að ganga frá samningi við ástralska miðvallarleikmanninn Daniel Severino á næstu dögum. Hann heillaði Kristján Guðmundsson í æfingaferð liðsins úti á Spáni, ólíkt rúmenska varnarmanninum Nihad Kourea sem fær ekki samning hjá Suðurnesjaliðinu.

Gunnar lenti í kröppum dansi

Gunnar Þór Gunnarsson hefur vakið verðskuldaða athygli í Svíðþjóð eftir að hann gekk til liðs við Hammarby á dögunum. Gunnar fór beint í byrjunarliðið og spilaði á mánudaginn í stærsta leik Hammarby á tímabilinu, í Stokkhólmsslagnum gegn Djurgarden. "Leikurinn og allt í kringum hann var svakaleg upplifun sem verður mér lengi í minni. Umfangið í kringum leikinn er stórt og mikið, bæði hjá leikmönnum og stuðningsmönnunum," sagði Gunnar við Fréttablaðið í gær.

Ronaldo frá í þrjár vikur

Brasilíski markaskorarinn Ronaldo verður líklega frá keppni í að minnsta kosti þrjár vikur eftir að hann reif vöðva á hægra læri. Ronaldo haltraði af velli í leik gegn Zaragoza um helgina þar sem hann skoraði sitt 100. mark fyrir félagið. Það er því ljóst að Real þarf að vera án síns markahæsta manns í baráttunni um annað sætið í spænsku deildinni.

Opna ÁG æskulýðsmótið í tölti

Hið árlega opna ÁG æskulýðsmót í tölti fer fram að venju á sumardaginn fyrsta, fimmtudaginn 20. apríl nk. í reiðhöll Gusts í Glaðheimum í Kópavogi. Keppt er í hefðbundinni töltkeppni í barnaflokki, unglingaflokki og ungmennaflokki.

Fordæmir árásir á leikmenn Inter

Úkraínumaðurinn Andriy Shevchenko hjá AC Milan segir að stuðningsmenn liðanna í ítölsku deildinni verði að fara að hugsa sinn gang eftir að stuðningsmenn Inter Milan réðust að tveimur leikmönnum liðsins á dögunum eftir að þeim þótti gengi liðsins ekki viðunandi.

Engir samningar í höfn

Umboðsmaður miðjumannsins sterka Mahamadou Diarra hjá Lyon í Frakklandi vísar fregnum úr spænska blaðinu Marca alfarið á bug, en spænska blaðið heldur því fram að leikmaðurinn sé þegar búinn að samþykkja að ganga til liðs við Manchester United í sumar og bendir á að Real Madrid sé einnig á höttunum eftir honum.

Inter í úrslitin

Inter Milan komst í dag í úrslitaleikinn í ítalska bikarnum þegar liðið gerði 2-2 jafntefli við Udinese á útvielli og er því komið áfram samanlangt 3-2. Santiago Solari og David Pizarro skoruðu mörk Inter í leiknum, en liðið hefur titil að verja frá í fyrra. Inter mætir annað hvort Roma eða Palermo í úrslitunum, en þessi lið eigast við öðru sinni á morgun og þar hefur Palermo 2-1 forystu eftir fyrri leikinn.

Laun hafa hækkað um 65% síðan árið 2000

Nýleg bresk könnun sýnir að laun knattspyrnumanna í ensku úrvaldeildinni hafa hækkað um 65% síðan árið 2000 og hafa aldrei verið hærri en þau eru í dag. Meðallaun leikmanna í deildinni eru um 676.000 pund í grunnlaun á ári, eða tæpar 88 milljónir króna.

Koeman ekki á leið til Newcastle

Umboðsmaður Hollendingsins Ronald Koeman hefur neitað orðrómi sem verið hefur á kreiki um að Koeman verði næsti knattspyrnustjóri Newcastle. Koeman hefur verið gagnrýndur nokkuð fyrir störf sín með lið Benfica í portúgölsku deildinni, en hann náði engu að síður frábærum árangri með liðið í Meistaradeildinni. Koeman hefur fyrir vikið verið orðaður við nokkur lið á Spáni þar sem hann spilaði sjálfur með Barcelona á sínum tíma.

Ballack fer til Chelsea vegna peninganna

Uli Hoeness hjá Bayern Munchen segir að ef Michael Ballack kjósi að ganga til liðs við Chelsea í sumar eins og allt útlit er fyrir, sé það aðeins vegna þess að hann sé að eltast við peninga.

Glazer-feðgarnir hlusta á okkur

David Gill segir að nýju eigendur Manchester United, hinir bandarísku Glazer-feðgar, hafi farið að ráðum sínum og þeirra sem fyrir voru hjá félaginu og því ákveðið að breyta nokkuð fyrirætlunum sínum varðandi reksturinn.

Fowler þarf að bæta sig

Rafa Benitez hefur gefið ákveðnar vísbendingar um að hann muni ekki framlengja samninginn við framherjann Robbie Fowler þrátt fyrir að hann hafi skorað mark í þremur síðustu leikjunum sem hann hefur verið í byrjunarliði Liverpool.

Drogba gagnrýnir félaga sína

Framherjinn Didier Drogba segir að lið Chelsea í ár sé ekki eins hungrað í ár og það var í fyrra og segir að nýjustu leikmenn liðsins séu ekki jafn einbeittir og aðrir sem hafa farið frá félaginu. Drogba nefnir engin nöfn í þessu sambandi, en var til að mynda afar ósáttur við að liðið félli úr keppni í Meistaradeildinni.

Vill ljúka ferlinum í Bandaríkjunum

David Beckham segist vilja ljúka knattspyrnuferlinum í Bandaríkjunum þegar hann hættir að spila með spænska liðinu Real Madrid. Hann segist hafa heillast mikið af ástríðu Bandaríkjamanna og langar því að spila í bandarísku úrvalsdeildinni áður en hann leggur skóna á hilluna.

Yao Ming fótbrotinn

Óheppni NBA-liðs Houston Rockets hefur ekki riðið við einteyming í vetur og í nótt fótbrotnaði kínverski risinn Yao Ming í leik gegn Utah Jazz. Framherjinn Andrei Kirilenko steig ofan á fótinn á Ming með þeim afleiðingum að bein brákaðist í vinstri fæti hans og er hann því úr leik það sem eftir lifir tímabils. Þetta kórónar mikið meiðslatímabil hjá liðinu, því burðarásar liðsins Ming og Tracy McGrady hafa verið meiddir meira og minna í allan vetur og liðið fjarri því að komast í úrslitakeppnina.

Hrafnssýning Ölfushöll

Allir þeir sem unna íslenska gæðingnum og vilja fylgjast með íslenskri hrossarækt láta sig ekki vanta í Ölfushöllina þann 19. apríl, en þá verður haldin Hrafnssýning sem hefst klukkan 20.00. Þar verður hægt að njóta þess að sjá úrval gæðinga, vekringa, töltara, kynbótahrossa og fjölda stórknapa.

Denver vann Norðvesturriðilinn

Denver tryggði sér í nótt efsta sætið í Norðvesturriðlinum í NBA með 110-98 sigri á Portland og er þetta í fyrsta skipti í 18 ár sem liðið vinnur riðil sinn. Carmelo Anthony skoraði 28 stig fyrir Denver en Sebastian Telfair og Voshon Lenard skoruðu 21 stig fyrir Portland.

Skallagrímur jafnaði metin

Skallagrímur jafnaði í kvöld metin í úrslitaeinvíginu um Íslandsmeistaratitilinn í körfuknattleik karla þegar liði skellti Njarðvík á heimavelli sínum í Borgarnesi 87-77. Heimamenn voru skrefinu á undan allan leikinn og eru vel að sigrinum komnir. Næsti leikur fer fram í Njarðvík.

Gæti spilað gegn Sunderland

Argentínski varnarjaxlinn Gabriel Heinze verður mögulega í liði Manchester United á föstudaginn þegar liðið tekur á móti Sunderland í ensku úrvalsdeildinni. Þessi tíðindi ganga þvert á það sem leikmaðurinn og stjóri hans hafa sagt undanfarnar vikur, því varnarmaðurinn lenti í alvarlegum hnémeiðslum í haust og ekki þótti ráðlegt að taka áhættu á að láta hann spila of snemma.

Skallagrímur yfir í hálfleik

Skallagrímur hefur yfir 42-38 gegn Njarðvík þegar flautað hefur verið til leikhlés í öðrum úrslitaleik liðanna um Íslandsmeistaratitilinn, en leikurinn fer fram í Borgarnesi. Heimamenn náðu mest 17 stiga forystu í fyrri hálfleiknum og hittu mjög vel úr langskotum sínum. Gestirnir hafa síðan vaknað til lífsins og náð að minnka mun heimamanna niður í aðeins 4 stig. Leikurinn er sýndur í beinni útsendingu á Sýn.

Hiddink tekur við Rússum

Hollenski þjálfarinn Guus Hiddink hefur nú bundið enda á allar vangaveltur sem hafa tengt hann við enska landsliðið, því í dag tilkynnti hann í sjónvarpsviðtali í heimalandinu að hann tæki við landsliði Rússa eftir að HM lýkur í sumar. Hiddink stýrir liði PSV Eindhoven í dag, en stýrir svo liði Ástrala á HM í sumar.

Úrslit í Skagfirsku mótaröðinni

Stefán Friðgeirsson vann fimmgang fjórða árið í röð á Degi frá Strandarhöfða og Baldvin Ari vann bæði tölt og fjórgang á Erni frá Grímshúsum. Magnús Bragi vann tvöfalt í skeiði á bræðrunum Fjölni og Gjafari frá Sjávarborg.

Það er engin pressa á mér eða liðinu

Jose Mourinho segist ekki hafa nokkrar áhyggjur af því þó Manchester United sé á mikilli siglingu í ensku úrvalsdeildinni, því leikmenn Chelsea hafi titilvörnina algerlega í höndum sér og því eigi sprettur United ekki eftir að skila neinu þegar upp verði staðið.

Dymbilvikusýning Gusts 12. apríl

Hin árlega Dymbilvikusýning Gusts verður haldin í reiðhöll Gusts í Kópavog nk. miðvikudagskvöld, 12. apríl, kvöldið fyrir skírdag. Miðasala hefst kl. 19, en sýningin byrjar kl. 20:30 og er miðaverð kr. 1.500.

Baunar enn á Souness

Craig Bellamy vísar því alfarið á bug að hann sé maður sem hafi slæm áhrif á þau lið sem hann hefur spilað fyrir á ferlinum eins og fyrrum knattspyrnustjóri hans Graeme Souness gaf til kynna þegar hann setti hann í skammarkrókinn hjá Newcastle á sínum tíma. Bellamy hefur verið lykilmaður spútnikliði Blackburn í vetur og segist ekki skilja orð fyrrum knattspyrnustjóra síns.

Missir líklega af HM

Varnarmaðurinn Luke Young hjá Charlton á að öllum líkindum litla möguleika á að komast í HM-hóp Englendinga í sumar eftir að hann meiddist illa á ökkla í leik með liði sínu á dögunum. Young hlaut svipuð meiðsli snemma á leiktíðinni og var þá frá í einar fimm vikur, en nú segist hann líklega þurfa enn lengri tíma til að jafna sig. Young leysti Gary Neville af í stöðu hægri bakvarðar með landsliðinu í vetur og stóð sig þá ágætlega.

Fréttirnar af Rooney eru kjaftæði

Sir Alex Ferguson, stjóri Manchester United, segir að fréttir af himinháum spilaskuldum ungstirnisins Wayne Rooney séu rakalaus þvættingur en séu því miður fylgifiskur þess að vera stórstjarna í knattspyrnu og líkir því sem Rooney gengur í gegn um nú við það sem menn á borð við George Best, Paul Gascoigne og David Beckham þurftu að þola á sínum ferli.

Hrifinn af Fowler

Sam Allardyce hefur látið í veðri vaka að Bolton reyni að lokka til sín framherjann Robbie Fowler ef hann fær ekki framlengingu á samningi sínum við Liverpool. Fowler hélt upp á afmælið sitt í gær með því að skora sigurmark Liverpool gegn Bolton.

Púttin klikkuðu hjá mér

Bandaríski kylfingnum Tiger Woods þótti ansi blóðugt að það hefðu verið sérgrein hans púttin sem hefðu orðið honum að falli á nýafstöðnu Masters-mótinu í Bandaríkjunum. Það var landi hans Phil Mickelson sem sigraði á mótinu og klæddist græna jakkanum sem hann einmitt afhenti Woods eftir mótið í fyrra.

Búist er við um 12 til 15 þúsund manns á Landsmót hestamanna

Landsmót hestamanna verður haldið á Vindheimamelum í Skagafirði dagana 26. júní - 2. júlí næstkomandi. Undirbúningur og framkæmdir fyrir þennan stórviðburð eru langt á veg komnar og miðar vel. Búist er við um 12 til 15 þúsund manns á Landsmót og er áætlað að 5 – 7 þúsund af þeim séu erlendir gestir.

Opna Reykjavíkurmeistaramótið í hestaíþróttum

Opna Reykjavíkurmeistaramótið verður haldið á félagssvæði Fáks í Víðidal dagana 10.-14. maí. Mótið er World Ranking mót og er keppt skv FIPO reglum.

Hiddink í fýlu út í enska knattspyrnusambandið

Knattspyrnustjórinn Guus Hiddink sem gerði lið sitt PSV Eindhoven að Hollandsmeisturum í gær, er sármóðgaður út í enska knattspyrnusambandið og hefur nú fullyrt að hann muni alls ekki taka við lið Englendingum eftir að Sven-Göran Eriksson hættir störfum þar eftir HM í sumar.

Miðaverð hækkar mikið á næsa tímabili

Gera má ráð fyrir að stuðningsmenn Manchester United verði sumir hverjir óhressir með nýjustu fréttir af félaginu, því forráðamenn félagsins hafa nú tilkynnt að miðaverð muni hækka verulega á næstu leiktíð. Þegar allt er talið hækkar miðaverð á leiki á Old Trafford að meðaltali um rúm 12%. Einhverjir stuðningsmanna liðsins geta þó sætt sig við það að það verða dýrustu sætin sem hækka hlutfallslega mest. Hækkunin þýðir að dýrasta sætið mun kosta um 38 pund, en það ódýrasta um 23 pund.

Þeir allra sterkustu

Ein magnaðasta stóðhestasýning ársins verður haldin í Skautahöllinni í Laugardal, laugardaginn 15. apríl næstkomandi. "Þeir allra sterkustu" er heitið á sýningunni og eins og nafnið gefur til kynna verða glæsilegustu stóðhestar landsins sýndir á ísnum. Keppt verður í annarsvegar í tölti og er knöpum sem skarað hafa fram úr boðið í þann flokk.

Lakers vann grannaslaginn

Los Angeles Lakers sigraði í nótt granna sína Clippers 100-83 í NBA deildinni og kom þar með í veg fyrir að Clippers hefði betur í innbyrðisviðureignum liðanna í fyrsta sinn síðan árið 1993. Kobe Bryant skoraði 17 af 38 stigum sínum í fjórða leikhlutanum, en Elton Brand og Sam Cassell skoruðu 24 stig hvor fyrir Clippers - sem þó er enn ofar í töflunni.

Phil Mickelson sigraði

Bandaríski kylfingurinn Phil Mickelson vann í gær sinn annan sigur á þremur árum á Masters-mótinu í golfi sem fram fór á Augusta-vellinum. Mickelson lék lokahringinn á 69 höggum og endaði á 7 höggum undir pari - tveimur höggum á undan Suður-Afríkumanninum Tim Clark.

Kidd með áttundu þrennuna í sigri Nets

Fimm leikjum er þegar lokið í NBA deildinni í kvöld. New Jersey Nets komst aftur á sigurbraut og lagði Milwaukee Bucks 95-83. Jason Kidd náði áttundu þrennu sinni í vetur og þeirri 75. á ferlinum þegar hann skoraði 11 stig, hirti 12 fráköst og gaf 10 stoðsendingar hjá Nets. Vince Carter var stigahæstur með 25 stig, en hjá Milwaukee skoraði TJ Ford mest, 19 stig. Leikur Seattle og Phoenix verður sýndur í beinni útsendingu á NBA TV klukkan eitt í nótt.

Haukar burstuðu Víking/Fjölni

Íslandsmeistarar Hauka skutust í kvöld upp að hlið Fram á toppi DHL-deildarinnar í handbolta þegar liðið burstaði Víking/Fjölni á heimavelli sínum 33-19. Haukar hafa hlotið 39 stig eins og Fram, en Víkingur/Fjölnir er sem fyrr í næstneðsta sæti deildarinnar með aðeins 11 stig.

Mikilvægur sigur FH á HK

FH-ingar unnu í kvöld gríðarlega mikilvægan 30-27 sigur á HK í DHL-deild karla í handbolta í Kaplakrika. HK hefði geta tryggt veru sína á meðal þeirra bestu með sigri, en þarf nú að bíða eitthvað lengur eftir því. HK er í 6.sæti deildarinnar með 28 stig, en FH er í því 7. með 23. Fyrr í dag lögðu Eyjamenn svo Stjörnuna 32-27 í leik sem skipti í raun litlu máli þar sem bæði lið sigla lygnan sjó í efri- og neðrihluta deildarinnar. Leik Hauka og Víkings/Fjölnis er enn ólokið.

Ánægður með Fowler

Rafa Benitez var ánægður með sigurmark afmælisbarnsins Robbie Fowler gegn Bolton í ensku úrvalsdeildinni í dag og gaf til kynna að frammistaða eins og þessi yrði ekki til að skemma fyrir honum þegar kæmi að því að endurskoða samning hans í sumar.