Mourinho er ósáttur

Franski landsliðsmaðurinn Claude Makelele hjá Chelsea segir að Jose Mourinho sé ósáttur við leik liðsins í úrvalsdeildinni til þessa og segir liðið eiga langt í land með að ná því formi sem það var í undir lok síðustu leiktíðar.

Spennan eykst á Deutshe Bank

Gífurleg spenna er um sigurinn á Deutshe Bank mótinu í Bandarísku mótaröðinni í golfi. Fimm kylfingar eru efstir og jafnir á tíu höggum undir pari samtals eftir 54 holur. John Rollins, Jason Bohn,Billy Andrade, Olin Browne frá Bandaríkjunum og Carl Petterson frá Svíþjóð.

Garcia Evrópumeistari

Spánverjinn Sergio Garcia vann sigur á Evrópska meistaramótinu í golfi sem lauk í Sviss í gær. Sigur Spánverjans var naumur en hann lauk leik samtals á fjórtán höggum undir pari.

Campbell nálgast fyrra form

Varnarmaðurinn Sol Campell hjá Arsenal er nú í óðaönn að ná fyrra formi eftir erfið meiðsli og í kvöld spilar hann annan leikinn í röð með varaliði félagsins. Talið er að Arsene Wenger muni freistast til að velja hann í aðalliðið í framhaldinu, ef vel tekst til.

Keppni hafin í þýska handboltanum

Fyrsta umferðin í þýsku úrvalsdeildinni í handknattleik fór fram um helgina. Magdeburg tapaði fyrir Wetzlar, 35-34, Róbert Sighvatsson skoraði 2 mörk fyrir Wetzlar, Sigfús Sigurðsson skoraði eitt fyrir Magdeburg.

Kerr og Keane rifust ekki

Brian Kerr, landsliðsþjálfari Íra í knattspyrnu, hefur þvertekið fyrir að hafa lent í rifrildi við Roy Keane eða nokkurn annan af leikmönnum írska liðsins, en í gær spurðist út að ólga væri innan írska hópsins.

Stigameistarar Toyota

Heiðar Davíð Bragason GKJ og Ragnhildur Sigurðardóttir GR eru stigameistarar Toyota mótaraðarinnar í golfi en sjötta og síðasta stigamót sumarsins lauk í gær á Korpúlfstaðavelli.

Wenger fær peninga í janúar

Arsene Wenger, knattspyrnustjóri Arsenal, mun njóta góðs af góðri afkomu Arsenal þegar leikmannakaupaglugginn opnast á ný í janúar ef marka má orð Keith Edelman, stjórnarmanns Arsenal.

Óskar Alonso til hamingju

Heimsmeistarinn Michael Schumacher hjá Ferrari hefur óskað Spánverjanum Fernando Alonso til hamingju með titil ökumanna, þrátt fyrir að enn séu nokkrar keppnir eftir af tímabilinu.

Sundmaður féll á lyfjaprófi

Ari Gunnarsson, 21 árs gamall sundmaður úr Ármanni, hefur verið úrskurðaður í tveggja ára keppnisbann eftir að hafa fallið á lyfjaprófi sem hann fór í þegar hann keppti í bikarkeppni Sundsambandsins í júlí.

Þetta er ekki búið enn

Spænski ökuþórinn Fernando Alonso hjá Renault segist alls ekki vera farinn að fagna meistaratitli ökumanna í Formúlu eitt, þó hann hafi 27 stiga forystu á næsta mann þegar aðeins 40 stig eru eftir í pottinum.

Jónas æfur vegna slakrar dómgæslu

Jónas Sigursteinsson, þjálfari Þór/KA/KS í knattspyrnu kvenna, var afar ósáttur með Marínó Þorsteinsson, dómara í úrslitaleiknum við Fylki í 1.deild kvenna, en honum lauk með 3-2 sigri Fylkis og vann Árbæjarliðið sér með því sæti í efstu deild á næsta keppnistímabili.

Hættir við að kæra Guðjón

Stjórn knattspyrnudeildar Keflavíkur mun ekki kæra Guðjón Þórðarson fyrir samningsrof eins og talað var um að gera þegar Guðjón sagði starfi sínu lausu þrem dögum fyrir fyrsta leik í Landsbankadeildinni.

Fjölnismenn komnir með nýjan kana

Fjölnismenn eru búnir að ná sér í bandarískan leikmann fyrir komandi leiktíð í úrvalsdeildinni en sá heitir Jason Clark og spilaði með Virginia-háskólanum í 1. deild bandaríska háskólaboltans.

Gylfi í banni gegn Búlgörum

Gylfi Einarsson, leikmaður Leeds, verður ekki með íslenska landsliðinu í knattspyrnu gegn Búlgörum í Sofíu á miðvikudag en hann fékk sitt annað gula spjald gegn Króötum á Laugardalsvelli og verður í leikbanni. Bjarni Ólafur Eiríksson úr Val var í gær valinn í stað Gylfa.

Úkraínumenn á HM

Fjölmargir aðrir leikir fóru fram í undankeppni heimsmeistaramótsins gær. Úkraínumenn tryggðu sér sæti í lokakeppni heimsmeistaramótins í Þýskalandi eftir jafntefli gegn Georgíumönnum 1-1 á útivelli. Úkraínumenn eru með 24 stig á toppnum í öðrum riðli en Tyrkir, sem gerðu jafntefli við Dani 2-2, í öðru sæti með 17.

Bandaríkjamenn til Þýskalands

Bandaríkjamenn tryggðu sæti sitt í heimsmeistarakeppninni í knattspyrnu í Þýskalandi á næsta ári þegar þeir lögðu Mexikóa 2-0 í Columbus í Ohio. Mexíkóar þurfa eitt stig úr þremur leikjum til að fylgja Bandaríkjamönnum, en þetta var fyrsta tap Mexíkós í undankeppninni.

Tinna efst fyrir lokahring

Tinna Jóhanssdóttir úr Keili var í efsta sæti að loknum fyrsta hring á lokamóti Toyota-mótaraðarinnar sem lýkur í dag en Ragnhildur Sigurðarsdóttir úr GR hafði þegar tryggt sér titilinn og sigur í stigakeppninni. Heiðar Davíð Bragason, Íslandsmeistari úr GKJ, er í efsta sæti í karlaflokki ásamt Hlyni Geir Hjartarsyni frá Selfossi, en Heiðar Davíð og Sigurpáll Geir Sveinsson berjast um sigurinn í karlaflokki á mótaröðinni.

Margt jákvætt í okkar leik

Eiður Smári Guðjohnsen, fyrirliði íslenska landsliðsins, var vitanlega svekktur yfir úrslitum leiks Íslands og Króatíu á Laugardalsvellinum í gær, þar sem gestirnir höfðu sigur, 3-1, eftir að Eiður Smári hafði skorað fyrsta mark leiksins í fyrri hálfleik.

Ólöf María á þremur yfir pari

Ólöf María Jónsdóttir er í 38.-43.sæti fyrir lokahringinn á Nykredit-mótinu í golfi í Danmörku, en hún var á parinu í gær og er samtals á þremur höggum yfir pari eftir þrjá hringi.

Tiger gekk illa á öðrum degi

Tiger Woods fór illa að ráði sínu á öðrum keppnisdegi á Deutsche Bank mótinu í Boston, en hann lék annan hringinn á tveimur höggum yfir pari, en Tiger sem lék á 73 höggum var í efsta sæti á mótinu að loknum fyrsta keppnisdegi. Hann er fjórum höggum undir pari en Bandaríkjamennirnir Jeff Brehaut og Olin Brown eru efstir á níu höggum undir pari.

Göppingen lagði Hamborg

Tveir leikir voru í þýsku úrvalsdeildinni í handknattleik í gær. Göppingen vann Hamborg 33-26. Jaliecky Garcia gat ekki leikið með Göppingen vegna meiðsla. Nýliðar Melsungen lögðu Fullingen á heimavelli 23-20.

Stjarnan sigraði á Ragnarsmóti

Stjarnan sigraði á Ragnarsmótinu í handknattleik sem fram fór á Selfossi um helgina þegar liðið lagði Fylki í úrslitaleik 33-22.

Haukastúlkur mæta Salerno

Kvennalið Hauka leikur í kvöld gegn Salerno frá Ítalíu í EFH-bikarnum í handknattleik, en leikur liðanna hefst klukkan átta að Ásvöllum. Þetta er í fyrsta skipti sem kvennalið Hauka tekur þátt í Evrópukeppni en aðgangur að leiknum í kvöld er ókeypis.

Kvennalið FH á leið í 1. deild?

Nú er hálfleikur í leikjunum í lokaumferð Landsbankadeldar kvenna í fótbolta en Íslandsmeistarabikarinn verður afhentur Breiðabliksstúlkum á Kópavogsvelli eftir leikinn gegn FH. Staðan þar er 3-0 fyrir Breiðablik þannig að flest bendir til þess að FH þurfi að leika umspil til þess að halda sæti sínu í deildinni. ÍA er þegar fallið í 1. deild.

Línur að skýrast fyrir HM2006

Ný styttist í HM í fótbolta sem fer fram í Þýskalandi á næsta ári og eru línur aðeins farnar að skýrast með hvaða þjóðir munu mætast á stærsta sviði knattspyrnunnar í heiminum. Gestgjfarnir eru sjálfkrafa með í keppninni og eru 13 aðrar þjóðir úr Evrópu sem komast í lokakeppnina þar sem alls 32 landslið komast að.

Guðjón fagnar 8 daga hvíld

Guðjón Þórðarson þjálfari Notts County segir í viðtali við BBC í dag að hann fagni mjög svo hvíldinni sem leikmenn hans fái í kringum landsleikjakrinuna. Notts County fær 8 daga hvíld eftir talsverða keyrslu í fyrstu umferðunum í ensku 2.deildinni þar sem liðið er efst.

Blikastúlkur hampa titlinum

Keppni í Landsbankadeild kvenna í fótbolta lauk í dag með með heilli umferð. FH þarf að leika aukaleiki um sæti í Landsbankadeild kvenna á næsta ári, heima og heiman, við Þór/KA/KS sem hafnaði í 2. sæti í 1. deild. Íslandsmeistarar Breiðabliks unnu FH í lokaumferðinni í dag, 5-0 og fengu bikarinn afhentan á Kópavogselli nú síðdegis.

Tap fyrir Hollendingum

Ungmennalandsliðið í knattspyrnu skipað leikmönnum 19 ára og yngri tapaði fyrir Hollendingum 1-0 í vináttulandsleik í Hollandi í gær.

Leiknir og Stjarnan í 1. deild

Leiknir og Stjarnan tryggðu sér í gær sæti í 1. deild karla í knattspyrnu á næstu leiktíð. Leiknir vann Njarðvík 3-2 og trónir á toppnum í 2. deild með 37 stig og hefur tryggt sér deildarmeistaratitilinn. Stjarnan tryggði einnig sæti sitt í 1. deild með 5-0 sigri á Leiftri/ Dalvík. Stjarnan í öðru sæti deildarinnar með 33 stig.

Öruggur sigur Lemgo

Þýska úrvalsdeildin í handknattleik hófst í gær þegar Wilhelmshavener tók á móti Lemgo. Lemgo hafði yfirburði í leiknum og sigraði 34-25. Gylfi Gylfason skoraði eitt mark fyrir Wilhelmshavener og Ásgeir Örn Hallgrímsson sem lék í gær sinn fyrsta leik í þýsku úrvalsdeildinni skoraði eitt mark fyrir Lemgo.

Fylkir og Stjarnan í úrslit

Það verða Fylkir og Stjarnan sem leika til úrslita á Ragnarsmótinu í handknattleik sem fram fer á Selfossi. Stjarnan sigraði ÍBV í gær 29-23 og Selfoss og Fylkir gerðu jafntefli, 26-26. Fylkir vann sigur í B-riðli en Stjarnan varð í efsta sæti A-riðils.

Barist á Korpúlfsstaðavelli

Lokamótið á Toyota-mótaröðinni í golfi hófst í morgun við Korpúlfsstaði. Þar eru flestir bestu kylfingar landssins mættir til leiks. Heiðar Davíð Bragsson og Sigurpáll Geir Sveinsson, báðir úr GKJ, berjast um stigameistaratitilinn í karlaflokki en Ragnhildur Sigurðardóttir GR hefur þegar tryggt sér titilinn í kvennaflokki. Leiknar verða 36 holur, 18 í dag og 18 á morgun, sunnudag.

Tiger efstur í Boston

Tiger Woods hefur forytsu að loknum fyrsta keppnisdegi á Deutshe Bank meistaramótinu í golfi sem fram fer í Boston. Hann lék fyrsta hringinn á 65 höggum og er á sex höggum undir pari. Tiger hefur eins höggs forystu á Carlos Franco, Briny Baird, Steve Lowery og Billy Andrade. Vijay Singh, sem vann mótið í fyrra, hætti við þátttöku vegna bakmeiðsla.

Ísland-Danmörk að hefjast

Ísland og Danmörk mætast í Evrópukeppni landsliða í Keflavík nú kl. 14:00. Leikurinn er síðari leikur þjóðanna, en í fyrri leiknum í Árósum í fyrra voru það Danir sem sigruðu með 10 stiga mun. Ísland þarf því að vinna 11 stiga sigur í leiknum..

5000 miðar farnir á Króatíuleikinn

Forsölu aðgöngumiða á viðureign Íslands og Króatíu í undankeppni HM 2006 í fótbolta lauk í gærkvöldi og höfðu þá alls selst um 5.000 miðar á leikinn. Aðeins 7000 miðar eru í boði. Leikur Íslands og Króatíu á Laugardalsvelli í dag hefst kl. 18:05 og er miðasala nú opin við Laugardalsvöll. Byrjunarlið Íslands verður kynnt innan skamms

Líklegt byrjunarlið Íslands

Byrjunarlið Íslands gegn Króatíu verður tilkynnt kl. 16:00 en leikurinn hefst kl. 18:05. Eiður Smári Guðjohnsen fyrirliði Íslands segir í viðtali við Fréttablaðið í dag að hann sætti sig ekki við jafntefli gegn Króötum í dag og setji markið hátt. Vísir.is hefur teiknað upp líklegt byrjunarlið Íslands.

Fram ræðir við Helga Sigurðsson

Knattspyrnufélagið Fram í Landsbankadeildinni hefur sett sig í samband við Helga Sigurðsson hjá AGF Árósum í Danmörku og beðið hann að ganga til liðs við Safamýrarliðið fyrir næsta tímabil. Fleiri félög hafa sett sig í samband við Helga sem hefur verið í atvinnumennsku ytra nær samfellt í 11 ár.

Ísland yfir gegn Dönum

Ísland var 1 stigi yfir gegn Danmörku í Evrópukeppninni í körfubolta, 50-49 þegar tæpar 8 mínútur voru eftir að leik liðanna. Staðan var 48-47 fyrir Ísland að loknum 3. leikhluta en leikið er í Keflavík. Íslenska liðið þarf að vinna leikinn með 11 stiga mun eða meira til þess að eiga möguleika á að vinna riðilinn og komast í úrslitakeppnina um sæti í A-deildinni.

17 stiga tap fyrir Dönum

Danmörk sigraði Ísland, 77-60 í sveiflukenndum leik í Keflavík nú síðdegis í Evrópukeppni landsliða í körfubolta. Danir hafa þar með tryggt sér efsta sæti riðilsins en vonir Íslendinga um sæti í A-deild er nú úr sögunni. Ísland þurfti að vinna 11 stiga sigur í leiknum.

Naumur sigur Englendinga á Wales

Joe Cole leikmaður Chelsea tryggði Englendingum sigur á Wales, 0-1 í undankeppni HM 2006 í fótbolta í dag. Sigurmarkið kom á 54. mínútu en leikurinn fór fram í Cardiff. Með sigrinum komst England á topp riðilsins með 19 stig, einu stigi ofar en Pólverjar sem eru í 2. sæti þegar bæði liðin eiga þrjá leiki eftir.

Brynjar B. aftur í byrjunarliðið

Landsliðsþjálfararnir, Ásgeir Sigurvinsson og Logi Ólafsson, hafa tilkynnt byrjunarlið Íslands gegn Króatíu, en liðin mætast á Laugardalsvelli kl. 18:05 í dag í undankeppni HM 2006 í fótbolta. Nokkrar breytingar eru á byrjunarliðinu frá síðasta leik sem var gegn S.Afríku.

Ashley Cole í sögubækurnar?

Ashley Cole, varnarmaður Arsenal og enska landsliðsins í fótbolta ætlar að láta reyna á réttmæti knattspyrnulaganna og áfrýja til gerðardóms, dómi sem yfir hann var felldur á dögunum. Cole var fundinn sekur af aganefnd enska knattspyrnusambandsins um að eiga í ólöglegum viðræðum við Chelsea á meðan hann er samningsbundinn Arsenal.

Ísland-Króatía BEINT

Boltavakt Vísis er stödd á Laugardalsvelli þar sem Ísland mætir Króatíu í undankeppni HM 2006 í fótbolta. Lesendur Vísis geta fylgst með beinni lýsingu frá leiknum á <a href="/UserControls/infosport/ifis_leikurHP.aspx?LeikNr=1000204&st=NS&re=00060&sy=1" target="_blank">BOLTAVAKTINNI.</a>

Undanúrslit hafin í 3. deild karla

Fyrri viðureignir liðanna í undanúrslitum á Íslandsmótinu í 3. deild karla í fótbolta fóru fram í dag. Sindri Hornafirði og Leiknir Fáskrúðsfirði gerðu markalaust jafntefli á Sindravöllum og Grótta vann Reyni í 9 marka leik á Sandgerðisvelli, 4-5.