Guðjón fer sínar eigin leiðir

Mark Stallard, leikmaður Notts County sem var lánaður til Barnsley á þeim tíma sem Guðjóns Þórðarsonar var við stjórnvölinn hjá félaginu hefur varað samherja sína við starfsaðferðum Guðjóns. Stallard segir Guðjón vera sannkallaðan harðstjóra en að hann sé jafnframt sanngjarn.

Þórður neyðist til að hætta

Markmaður ÍA í Landsbankadeildinni í fótbolta, Þórður Þórðarson, hefur neyðst til að leggja skóna á hilluna vegna veikinda.</font /> </b />

Baldvin áfram hjá Val

Baldvin Þorsteinsson handknattleiksmaður hefur ákveðið að vera áfram hjá Val. Baldur var í viðræðum við Hafnarfjarðarliðin FH og Hauka en hann hefur nú tekið þá ákvörðun að halda áfram með Völsurum.

Detroit 4 - Indiana 2

Það var tilfinningaþrungin stund í Indianapolis í gærkvöldi þegar Detroit Pistons sigruðu Indiana Pacers með 88 stigum gegn 79 og tryggðu sér sæti í úrslitum austurdeildarinnar. Leikurinn var síðasti leikur Reggie Miller á átján ára ferli í deildinni og hann lauk honum eins og honum einum er lagið.

San Antonio 4 - Seattle 2

Eftir að hafa hitt skelfilega allan leikinn, hristi Tim Duncan af sér slenið í fjórða leikhlutanum og tryggði San Antonio sigur í sjötta leiknum við Seattle, 98-96 og farseðilinn í úrslit vesturdeildarinnar, þar sem þeir munu mæta sigurvegaranum úr einvígi Phoenix og Dallas.

28 landsliðskonur á ferðinni

Það verður nóg að gera hjá íslensku kvennalandsliðunum í handbolta um helgina en tvö landslið spila þá fimm landsleiki, A-liðið mætir Hollendingum í þremur leikjum og 20 ára liðið fer til Færeyja og spilar tvo leiki við heimamenn. Allir leikirnir koma til með að telja sem A-landsleikir.

Ásthildur aftur í landsliðið

Jörundur Áki Sveinsson, þjálfari A-andsliðs kvenna, hefur valið leikmannahóp Íslands fyrir vináttulandsleikinn gegn Skotum, sem fram fer á McDiarmid Park í Perth 25. maí næstkomandi.

Tvær frá Everton til ÍBV

Kvennalið ÍBV í Landsbankadeildinni sem vann 12-2 sigur á ÍA í fyrstu umferð hefur fengið til sín tvær 17 ára stelpur frá enska liðinu Everton. Þetta eru markvörðurinn Danielle Hill og miðjuleikmaðurinn Chantell Parry en kvennalið Everton er mjög sterkt og með því leika m.a. Sammy Britton og Rachel Brown, landsliðsmarkvörður Englands, sem báðar hafa leikið með ÍBV.

Grótta og KR slíta samstarfinu

Það munaði litlu að samstarfinu hefði verið slitið fyrir ári síðan og aðalstjórn Gróttu gekk alla leið í gær og rifti samningum. Seltirningar hyggjast senda lið til keppni í meistaraflokki karla og kvenna næsta vetur en KR mun eingöngu halda úti unglingastarfi þó aldrei sé að vita nema þeir sendi meistaraflokka til keppni eftir eitt til tvö ár.

Björgvin og Ólafur til Eyja

Þessa stundina vinna menn í Vestmannaeyjum á fullu í leit að liðsstyrk fyrir karlalið ÍBV í handknattleik. Í gær skrifaði leikstjórnandinn Ólafur Víðir Ólafsson undir eins árs samning við félagið og þá bendir allt til þess að markvörðurinn Björgvin Gústavsson fylgi sömu leið, en báðir léku þeir í vetur með HK.

Stuðningsmenn United svartklæddir

Stuðningsmenn Manchester United ætla að mæta svartklæddir á bikarúrslitaleikinn gegn Arsenal á morgun. Með því ætla þeir að lýsa sorg sinni með yfirtöku auðkýfingsins Malcolms Glazers á félaginu.

Jóhannes hættur með landsliðinu

Jóhannes Karl Guðjónsson, leikmaður Leicester City, hefur ákveðið að gefa ekki kost á sér í íslenska landsliðið í knattspyrnu. Jóhannes Karl sagði í samtali við íþróttadeildina í morgun að þetta geri hann af persónulegum ástæðum, hann telji sig ekki geta sinnt verkefnum á vegum landsliðsins af fullum krafti og því telji hann rétt að stíga til hliðar.

Vilhjálmur til Skjern

Vilhjálmur Halldórsson, stórskytta Valsmanna, hefur skrifað undir tveggja ára samning við danska úrvalsdeildarliðið Skjern. Þetta kemur fram í dönskum fjölmiðlum í morgun.

Sir Alex stjórnar til 2008

Sir Alex Ferguson ætlar sér að vera knattspyrnustjóri Manchester Utd til ársins 2008. Þetta segir Ryan Giggs, leikmaður félagsins, sem skrifaði undir nýjan samning fyrir skömmu. Giggs upplýsir að Ferguson hefði sagt sér þetta í aðdraganda samningsgerðarinnar.

Ljungberg fór í alnæmispróf

Sænski landsliðsmaðurinn Fredrik Ljungberg hefur lengi fundið fyrir verkjum í mjöðminni. Í fyrstu hélt hann að gömul meiðsli hefðu tekið sig upp. Þá óttaðist hann í tvær vikur að hann hefði krabbamein og fór einnig í alnæmispróf.

Ísland mætir Englendingum

Kvennalandslið Íslands og Englands í körfubolta mætast í vináttulandsleik í DHL-höll KR-inga í dag kl. 18. Á morgun leika liðin í Smáranum og í Njarðvík á sunnudaginn.

Simon Davies til Everton

Enska úrvaldsdeildarliðið Everton er við það að kaupa simon Davies frá Tottenham eftir að liðin náðu samkomulagi um 4 milljón punda kaupverð.

Del Horno staðfestir áhuga Chelsea

Vinstri bakvörður Athletic Bilbao, Asier del Horno, hefur staðfest að Chelsea vilji fá hann og segir tilboðið vera of gott til að hafna.

Neville með á morgun?

Nú er allt útlit fyrir að Gary Neville nái að hrista af sér meiðslin og spila með Manchester United gegn Arsenal í úrslitaleik ensku bikarkeppninnar sem fram fer á morgun.

Mutu aftur í landsliðið

Fyrrum framherji Chelsea, Rúmeninn Adrian Mutu, hefur verið kallaður í landsliðshópinn á ný fyrir leikina gegn Hollandi og Armeníu í undankeppni heimsmeistaramótsins í næsta mánuði.

Liverpool til Japans í sumar

Liverpool tilkynnti í dag að félagið myndi ferðast til Asíu, nánar tiltekið til Japans, og spila þar tvo leiki í sumar. Liðið mun spila gegn Shimizu S Pulse 27. júlí og gegn Kashima Antlers þremur dögum síðar.

Stelpurnar sigruðu þær ensku

Íslenska kvennalandsliðið í körfuknattleik sigraði stöllur sínar frá Englandi með átta stiga mun, 71-63, í vináttuleik í kvöld. Helena Sverrisdóttir var lang atkvæðamest í íslenska liðinu og gerði 22 stig.

Juventus ítalskur meistari

Juventus varð í kvöld ítalskur meistari í knattspyrnu, án þess þó að stíga fæti inná leikvöll. Ástæða þess er 3-3 jafntefli AC Milan gegn Palermo á heimavelli sínum San Siro.

Capello slær met

Fabio Capello, stjóri Juventus, varð í kvöld fyrsti stjórinn í sögu ítalska boltanns til að vinna ítalska meistaratitilinn með liðum úr þrem borgum. Hann hafði áður unnið fjóra titla í Mílan og einn í Róm, og í kvöld bættist Tórínó við, en þaðan kemur einmitt Juventus.

Palace neitar tilboði í Johnson

Crystal Palace neitaði í dag tilboði WBA í Andy Johnson. Tilboðið hljómaði uppá tvær milljónir punda plús Robert Earnshaw.

Dallas-Phoenix á Sýn í kvöld

Þeir sem hafa gaman að skemmtilegum körfubolta ættu ekki að missa af sjötta leik <strong>Dallas Mavericks og Phoenix Suns</strong> í undanúrslitum vesturdeildar um klukkan eitt eftir miðnætti í kvöld, en leikurinn verður <strong>í beinni útsendingu á Sýn.</strong>

Phoenix 3 - Dallas 2

Dallas hélt uppi svipaðri leikaðferð í nótt og reyndist þeim svo vel í sigurleiknum í Dallas, en nú voru þeir að leika í Phoenix og Steve Nash fékk næga hjálp í að leiða lið sitt til sigurs 114-108 og nú hafa Suns tekið forystuna 3-2 í einvíginu.

Ásthildur með gegn Skotum

Ásthildur Helgadóttir leikur með íslenska landsliðinu í vináttuleik gegn Skotum í Perth í næstu viku. Ásthildur meiddist í mars í fyrra þegar Íslendingar mættu Skotum í Egilshöllinni og hefur ekki spilað með liðinu síðan. Jörundur Áki Sveinsson landsliðsþjálfari er búinn að velja 16 leikmenn sem halda til Skotlands.

Pétur á skotskónum fyrir Hammarby

Pétur Marteinsson skoraði annað marka Hammarby sem sigraði Djurgården 2-1 í sænsku úrvalsdeildinni í knattspyrnu í gærkvöldi. Pétur lék allan leikinn fyrir Hammarby og fékk hæstu einkunn eða 8 í <em>Dagens Nyheter</em>. Kári Árnason byrjaði inná í liði Djurgården en var skipt út af stundarfjórðungi fyrir leikslok. Kári fékk 4 í einkunn hjá <em>Dagens Nyheter</em>.

Grétar skoraði fyrir Young Boys

<font face="Times New Roman"> Grétar Rafn Steinsson skoraði fyrir Young Boys í 3-2 sigri á Grashoppers í svissneska fótboltanum í gærkvöldi. Young Boys hafði sætaskipti við Grashoppers og er í þriðja sæti deildarinnar. </font>

Inter í úrslit bikarkeppninnar

Internazionale sigraði Cagliari 3-1 og 4-2 samtals í tveimur leikjum í undanúrslitum um ítalska bikarinn í knattspyrnu í gærkvöldi. Í úrslitum mætir Internazionale annaðhvort Roma eða Udinese.

Magdeburg lagði Göppingen

Arnór Atlason skoraði þrjú mörk og Sigfús Sigurðsson tvö þegar Magdeburg sigraði Göppingen 35-28 í þýska handboltanum í gær. Andreas Stelmokas, fyrrverandi leikmaður KA, skoraði þrjú mörk fyrir Göppingen.

Aukið fé í rússneska boltanum

Einhvern tíma hefði það þótt saga til næsta bæjar að rússnesk fótboltalið myndu borga háar fjárhæðir fyrir fótboltamenn. En heimsmyndin er greinilega að breytast. CSKA sem varð Evrópumeistari félagsliða í gærkvöldi eftir 3-1 sigur á Sporting í úrslitum gerði nýlega 54 milljóna dollara, 3,5 milljarða króna, samning við rússneska olíufyrirtækið Sibnefnt.

Viðræður í NBA sigldar í strand

Viðræður stjórnar NBA-deildarinnar í körfuknattleik og leikmannasamtaka virðast sigldar í strand og svo gæti farið að keppni á næstu leiktíð hefjist ekki á sama tíma. Helsta deilumálið er lengd samningstíma leikmanna. Stjórn NBA-deildarinnar vill stytta hámarkslengd samninga úr 7 árum í 5 en á það vilja leikmannasamtökin ekki fallast.

Everton á höttunum eftir Traore

Everton vill kaupa varnarmanninn Djimi Traore frá Liverpool sem metinn er á tvær milljónir punda. Þá er Paul Konchesky hjá Charlton einnig orðaður við Everton en hann er sagður kosta tvær milljónir. Skoska blaðið <em>Daily Record</em> greinir frá því í morgun að Everton vilji kaupa búlgarska miðvallarleikmanninn Stilian Petrov frá Celtic.

Miklar breytingar hjá Watford

Miklar breytingar verða á leikmannahópi Watford á næstu leiktíð. Níu leikmenn fara frá félaginu í sumar en samningur við þá verður ekki endurnýjaður. Tveir leikmennn gætu bæst í hópinn, Heiðar Helguson og Gavin Mahon. Adrian Boothroyd, knattspyrnustjóri liðsins, er að leita að leikmönnum í Rúmeníu en hann segist vera að leita að leikmönnum sem spili skemmtilega knattspyrnu og þeir sem keyptir verða til félagsins eigi að skemmta áhorfendum.

Mourinho stefnir á fimm titla

Jose Mourinho, knattspyrnustjóri Chelsea, segist vilja vinna fimm titla á næstu leiktíð og tekur skýrt fram að hann sé ekki hrokafullur. Mourinho ætlar Chelsea því að vinna Meistaradeild Evrópu, úrvalsdeildina, enska bikarinn og deildabikarinn og góðgerðarskjöldinn að auki.

Riise tilbúinn að urra í Istanbul

John Arne Riise, leikmaður Liverpool, hefur sent AC Milan aðvörun um að leikmenn Liverpool séu tilbúnir ,,vinna eins og ljón og berjast eins og tígrar" í úrslitaleik Meistaradeildar Evrópu á miðvikudaginn kemur.

Koller orðrómnum neitað

Umboðsmaður Jan Koller, Tékkans stóra hjá Borussia Dortmund, hefur neitað þeim orðrómi að skjólstæðingur hans sé á leið í ensku úrvaldsdeildina og eru þá Sunderland eða WBA helst nefnd.

Elsti FA bikarinn seldur

Elsta útgáfa af verðlaunagrip ensku bikarkeppninnar er orðinn dýrasti verðlaunagripurinn í sögu fótboltans eftir að hafa verið seldur á uppboði í London fyrir 420 þúsund pund. Spilað var um verðlaunagripinn frá árunum 1896 til 1910.

Etoo ekki til sölu

Forseti Barcelona, Joan Laporta, sagði í dag að hann myndi aldrei selja Samuel Etoo þrátt fyrir orðróm um áhuga Chelsea.

Beckham viðrar óánægju sína

Enski landsliðsfyrirliðinn hefur viðrað óánægju sína með að fara í gegnum annað tímabilið án bikars hjá Real Madrid. Þessi fyrrum leikmaður Manchester United hefur ekki unnið til verðlauna síðan hann flutti sig til Spánar fyrir tveimur árum.

Preston í úrslitin

Preston North End mun leika gegn West Ham um laust sæti í ensku úrvaldsdeildinni að ári. Preston gerði í kvöld markalaust jafntefli gegn Derby í seinni leik liðanna og eftir 2-0 sigur í fyrri leiknum leika þeir til útslita gegn Hömrunum.

Jose Mari vill fá Abbiati

Spænski framherjinn hjá Villarreal, Jose Mari, hefur skorað á félagið að fá varamarkvörð AC Milan, Cristiano Abbiati, til liðs við félagið. Villarreal er á höttunum eftir nýjum markverði þar sem Jose Reina, núverandi markvörður þeirra, mun að öllum líkindum skrifa undir hjá Liverpool í sumar.

San Antonio 3 - Seattle 2

Nate McMillan, þjálfari Seattle brýndi fyrir sínum mönnum að byrja fyrsta og þriðja fjórðung af krafti í leiknum í nótt, en leikmenn hans brugðust við með því að gera hið andstæða. San Antonio náði fljótt forystu í leiknum og vann nokkuð auðveldan sigur 103-90.