Rumsfeld sagði upp áskriftinni að NY Times

Donald Rumsfeld, sem var varnarmálaráðherra Bandaríkjanna í forsetatíð George Bush yngri, sagði upp áskriftinni af New York Times. Ástæðan er sú að hann var ósáttur við grein sem hagfræðingurinn Paul Krugman skrifaði um George Bush í dálk í blaðið. Þar sagði hann að Bush væri fölsk hetja og hefði notað hryðjuverkaárásirnar þann 11. september til að réttlæta stríð. Rumsfeld útskýrði mál sitt á Twitter og sagði þar frá því að hann hefði sagt upp áskriftinni að NY Times.

Talíbanar bera ábyrgð á skotárásum í Kabúl

Talíbanar hafa lýst ábyrgð á hendur sér vegna sprengjuárása og skotbardaga í Kabúl, í höfuðborg Afganistan, í morgun. Lögreglumenn í Kabúl segja að skæruliðar skjóti nú skotflaugum að sendiráði Bandaríkjanna í Afganistan. Auk sendiráða er skotið á höfuðstöðvar Atlantshafsbandalagsins í borginni. Öryggisverðir hafa lokað vegum í kringum bandaríska sendiráðið og aðrar stofnanir í kring. Samkvæmt frásögn Sky liggur ekki fyrir hvort um sjálfsmorðssprengjuárás var að ræða.

„Hið sanna íslam“

Ayman al-Zawahiri, nýr leiðtogi al-Kaída, fagnaði í gær byltingu í arabaríkjunum. Þetta kom fram í ávarpi sem birt var á heimasíðum sem styðja hryðjuverkasamtökin. Þar sagðist hann vonast til að mótmælin í Egyptalandi, Túnis og Líbíu yrðu til þess að þeir sem steyptu einræðisherrum þessara landa af stóli myndu koma á fót því sem hann kallar "hið sanna íslam". Myndbandið var birt í tilefni af því að tíu ár eru liðin frá árásunum á Bandaríkin. Leiðtoginn minntist ekki á að nýjar árásir væru í undirbúningi á landiið.

Ungfrú heimur kemur frá Angóla

Hin angólska Leila Lopes var kjörin fegursta kona í heimi í Sao Paulo í Brasilíu í nótt en með sigrinum varð hún hún fyrsta konan frá Angóla til að hreppa titilinn, Ungfrú heimur. Áttatíu og átta stelpur tóku þátt í keppninni en keppnin fagnar 60 ára afmæli í ár. Lopes sagði eftir keppnina að nú gæti hún látið enn meira til sín taka í góðgerðarmálum en hún hefur starfað með fátækum börnum í heimalandi sínu. Olesa Stefanko frá Úkraínu varð í öðru sæti og Priscila Machado frá Brasilíu í því þriðja.

Kynhormón minna í feðrum

Þegar menn eignast barn minnkar framleiðsla líkama þeirra á kynhormónum um allt að helming. Þetta er niðurstaða nýrrar bandarískrar rannsóknar.

Ákærðir fyrir þrælahald

Fjórir menn voru ákærðir í Bretlandi í dag fyrir þrælahald og að neyða aðra menn í þrælkunarvinnu. Þetta kemur fram á vefmiðli CBS. Upphaflega var ólétt kona handtekin auk mannanna fjögurra. Henni var sleppt í dag.

Yfirvöld fullyrða að enginn leki hafi orðið

Yfirvöld í Frakklandi fullyrða að engin geislavirk efni hafi lekið út þegar sprenging varð í Marcoule kjarnorkuverinu í suðurhluta Frakklands í morgun. Einn maður fórst í sprengingunni og þrír særðust. Samkvæmt frásögn BBC framleiðir verksmiðjan MOX eldsneyti sem notað er til að endurvinna plutonium úr kjarnorkuvopnum en þar eru ekki kjarnaofnar. Sprengingin varð klukkan korter í tíu að íslenskum tíma. Yfirvöld í Frakklandi fylgjast með gangi mála.

Mikil flóð á Indlandi

Rúmlega milljón manns hafa þurft að yfirgefa heimili sín í indverska ríkinu Orissa og að minnsta kosti sextán hafa látið lífið í miklum vatnavöxtum á svæðinu. Tæpelga þrjú þúsund þorp hafa horfið undir vatnsflauminn en nú er rigningartímabilið í hámarki. Björgunarsveitir hafa þurft að koma sextíu þúsund manns til hjálpar síðustu daga en samgöngur á svæðinu eru í lamasessi þar sem vegir og brýr hafa skolast á brott.

Kjarnorkuslys í Frakklandi

Sprenging varð í franska kjarnorkuverinu Marcoule í morgun, samkvæmt frásögnum fjölmiðla þar. Kjarnorkuverskmiðjan er á Gardsvæðinu á suðurhluta Frakklands eftir því sem fram kemur á fréttavef BBC. Fram kemur á fréttavef Le Figaro að einn hafi farist í sprengingunni og þrír hafi slasast.

Herþotur á loft vegna ástaratlota í háloftunum

Undarleg hegðun tveggja flugfarþega í Bandaríkjunum í gær olli því að orrustuþotur voru sendar á loft og sérsveit ruddist um borð í flugvélina þegar hún var lent. Atvikið kom upp í gær þegar heimsbyggðin minntist þess að tíu ár voru liðin frá árásunum á tvíburaturnana í New York.

Al-Saadi fær hæli í Níger

Al-Saadi, einn þriggja sona Múammars Gaddafí, hefur fengið hæli í Níger. Amadou Mourou, dómsmálaráðherra í Níger, staðfesti að Al-Saadi væri kominn til landsins í gær og nú hefur hann staðfest að syninum hafi verið veitt hæli af mannúðarástæðum.

Þingmenn missa mánaðarlaun

Skuldaþjökuð stjórnvöld Grikklands ætla að leggja á nýjan eignaskatt auk þess sem allir kjörnir fulltrúar í landinu missa ein mánaðarlaun.

Sonur Gaddafís farinn til Niger

APAl-Saadi, einn þriggja sona Múammars Gaddafí, er farinn frá Líbíu til Níger. Amadou Mourou, dómsmálaráðherra í Níger, staðfesti þetta í gær.

Skyldleikinn þykir ótvíræður

Tveggja milljón ára gömul bein úr lífveru sem líkist bæði öpum og mönnum virðist hafa verið einn af „týndu“ liðunum í þróun tegundanna frá öpum til manna.

Sauðdrukkinn elgur með drykkjulæti í Svíþjóð

Svíinn Per Johansson, sem býr í smábænum Söru nærri Gautaborg, heyrði sérkennileg hljóð í vikunni. Hann fór út í garð og sá þá sauðdrukkinn elg sem hafði fest höfuðið á milli tveggja greina eplatrés.

Karlmaður myrtur og eiginkonunni rænt af vopnuðum mönnum

Bresk yfirvöld hafa varað þegna sína við að fara nærri landamærum Sómalíu og Kenía eftir að breskur karlmaður var myrtur nærri landamærunum og eiginkonu hans rænt af vopnuðum mönnum.

Þrælar frelsaðir í Englandi

Lögreglan í Englandi bjargaði 24 þrælum úr haldi í morgun. Yfir hundrað lögreglumenn tóku þátt í aðgerðunum sem snéru að þrælahaldi í Bedfordskíri í Englandi.

Obama las upp úr Biblíunni

Minningarathöfn vegna hryðjuverkanna þann 11. september 2001 í New York fer nú fram. Forseti Bandaríkjanna, Barack Obama, hélt ræðu fyrr í dag, þar sem hann las meðal annars upp úr biblíunni.

Tíu látnir eftir sprengjutilræði í Afganistan

Tíu eru látnir eftir tvö sprengjutilræði í Afganistan í gær. Fyrri sprengjunni var komið fyrir á vegi í þorpi sem kallast Barmal. Þegar bíl var ekið á sprengjuna sprakk hún með þeim afleiðingum að tvær konur og fjórir karlar fórust. Níu til viðbótar særðust.

Nepalskar mýs röskuðu millilandaflugi

Músagangur varð til þess að nepalskri flugvél var tvívegis bannað að taka á loft á alþjóðaflugvelli í Hong Kong.

Fjórir handteknir grunaðir um hryðjuverk í Svíþjóð

Fjórir hafa verið handteknir í Svíþjóð grunaðir um að skipuleggja hryðjuverk þar í landi. Samkvæmt fréttavef BBC þá var fólkið handtekið í Gautaborg í gærkvöldi. Áður hafði lögreglan meðal annars rýmt listamiðstöð í miðborg Gautaborgar þar sem meira en 400 manns voru samankomnir.

Faust fékk Gullna ljónið - Sigurður Skúlason lék aukahlutverk

Það var rússneski leikstjórinn Alexander Sokurov sem hlaut gullna ljónið á kvikmyndahátíðinni í Feneyjum í gær. Verðlaunin hreppti hann fyrir kvikmynd sína um Faust.

Gætu hafa bjargað diplómatískum samskiptum Egypta og Ísraela

Það voru líklega Bandaríkjamenn sem vörnuðu því að milliríkjasamskipti Egyptalands og Ísraels yrðu rofin eftir að mótmælendur réðust inn í sendiráð Ísraels aðfaranótt laugardags.

Bresk skólabörn koma vopnuð í skólann - sum lögð í einelti af foreldrum

Níu ára gömul börn koma vopnuð hnífum í verstu skólana í Bretlandi samkvæmt viðamikilli könnun sem hefur verið gerð á menntakerfinu í landinu. Niðurstaðan er sláandi og sýnir gríðarlegt agaleysi og getuleysi skólanna til þess að takast á við agavandamál.

Hefur áhyggjur af barnabarninu - hann drekkur eins og kálfur

Kambódískur afi á við heldur sérkennilegt vandamál að stríða en 20 mánaða gamalt barnabarn hans er farið að haga sér eins og kálfur.

Bloggaði um flugáætlun forseta Bandaríkjanna

Japanskur flugumferðastjóri hefur verið yfirheyrður vegna gruns um að hann hafi bloggað um flugáætlun flugvélar forseta Bandaríkjanna þegar hann kom í opinbera heimsókn til landsins í nóvember á síðasta ári.

Kallaði svæðið í kringum Fukushima-verið „bæ dauðans“

Efnahags- og viðskiptaráðherra Japans, Yoshio Hachiro, sagði af sér í dag, aðeins tveimur vikum eftir að hann var skipaður ráðherra. Ástæðan er sú að hann kallaði svæðið í kringum Fukushima kjarnorkuverið „bæ dauðans".

Kvíðalyf hugsanlega dánarorsökin

Faðir söngkonunnar Amy Winehouse sagði í gær að kvíðalyf hefðu greinst í blóði hennar þegar hún lést en krufning hefur leitt í ljós að söngkonan, sem lést skyndilega aðeins 27 ára í sumar, hafi ekki látist úr ofneyslu fíkniefna, eins og margir bjuggust við.

Á annað hundrað látnir eftir ferjuslys

Á annað hundrað eru látnir og fjölmargra er enn saknað eftir að ferja sökk utan við strendur tansanísku eyjunnar Zanzibar í gærkvöldi.

Mikill öryggisviðbúnaður í New York

Gríðarlegur öryggisviðbúnaður er í New York vegna þess að á morgun eru tíu ár liðin frá hryðjuverkunum þann 11. september árið 2001.

Ráðist á ísraelskt sendiráð í Egyptalandi

Hópur mótmælenda réðist að sendiráði Ísrael í Kaíró, höfuðborg Egyptalands, í gærkvöldi og hefur sendiherrann, fjölskylda hans og aðrir starfsmenn sendiráðsins flúið land.

„Vampíra“ handtekin fyrir líkamsárás

Kona í Flórída var handtekin á föstudaginn eftir að hún réðst á eldri borgara og beit hann í andlitið. Sjálfur lýsti fórnarlambið, sem er 69 ára gamall karlmaður, því þannig fyrir lögreglu að hann hefði sofnað í hjólastjól undir skyggni á veitingastað til þess að skýla sér fyrir úrhellisrigningu.

Náttúran fær sömu réttindi og mannfólkið

Yfirvöld í Bólivíu hafa lagt fram lagafrumvarp sem mun veita náttúrunni sömu réttindi og manneskju. Lögin bera heitið „Lögmál Móður jarðar“ og er þetta í fyrsta sinn sem svo róttækar breytingar eru lagðar fram í heiminum er varða náttúruvernd. Þetta kemur fram á vef Guardian.

Átök hafa harðnað á ný í Líbíu

Stuðningsmenn Múammars Gaddafí skutu í gær flugskeytum frá borginni Bani Walid að hersveitum uppreisnarmanna, sem hafa dögum saman hótað því að ráðast á borgina. Uppreisnarherinn, sem hefur að mestu náð völdum í landinu, hafði gefið stuðningsmönnum fyrri stjórnar frest til dagsins í dag til að gefast upp.

Tígur í ástarflækju drepinn

Kvenkyns tígrisdýr drap vin sinn í dýragarði í Texas í gær. Afbrýðissemi, sem svokallaður ástarþríhyrningur leiddi af sér, er kennt um að sögn Reuters. Það var þriggja ára malasíutígur sem heitir Seri sem drap sex ára gamlan tígur, sem kallaður var Wzui, um klukkan fjögurleytið í gær að staðartíma í El Paso dýragarðinum.

Biður Bandaríkjamenn um að vera vakandi

"Við biðjum milljónir New York búa og Bandaríkjamanna um að hafa augun og eyrun hjá sér,“ segir Hillary Clinton, utanríkisráðherra Bandaríkjanna. Hún segir að það séu al-Qaeda samtökin sem séu að baki hryðjuverkaógnum sem steðja að Bandaríkjunum nú þegar 10 ár eru liðin frá árásunum þann 11. september 2001.

Snarpur skjálfti í Kanada

Jarðskjálfti upp á 6,4 á Richter skók Vancouver eyjur í Kanada um tuttugu mínútur í átta í kvöld að íslenskum tími. Upptök skjálftans eru um 290 kílómetrum frá borginni Vancouver, segir á fréttavef BBC. Skjálftinn varð á 23 kílómetra dýpi.

Faðir tólf ára stúlku stefnir Facebook

Faðir frá Norður-Írlandi hefur höfðað mál gegn samskiptasíðunni Facebook. Ástæðan: Tólf ára dóttir hans neitar að hætta að birta myndir af sér í kynferðislegum stellingum.

Hafa áhyggjur af gervihnetti sem er á leið til jarðar

NASA, geimferðastofnun Bandaríkjanna segist hafa áhyggjur af stórum gervihnetti sem innan skamms mun falla til jarðar. Stofnunin segir þó litlar líkur á því að fólk verði fyrir braki úr hnettinum. Gervihnötturinn er tuttugu ára gamall og var honum ætlað að kanna efri hluta andrúmsloftsins sem umlykur jörðina.

Vinnuslys við Búðarhálsvirkjun

Vinnuslys varð í Búðarhálsvirkjun í dag. Að sögn lögreglunnar á Hvolsvelli skart starfsmaður þar við vinnu sína. Lögregla of sjúkralið fór á staðinn en maðurinn reyndist ekki alvarlega slasaður.

Svigrúm til aðgerða þrengra en þegar skuldavandinn kom upp

Framkvæmdastjóri Alþjóðagjaldeyrissjóðsins segir þörf á kraftmikillri samvinnu til að bæta stöðu skuldsettra þjóða. Hópur sjö helstu iðnríkja heims mun hittast í Frakklandi um helgina til að vinna að samstilltu átaki.

Alþjóðleg handtökuskipun gefin út á hendur Gaddafi

Alþjóðalögreglan, Interpol, hefur gefið út handtökuheimild fyrir Gaddafi, fyrrverandi leiðtoga Líbíu, Saif al-Islam, son hans, og aðaleinkaspæjara hans. Á vef BBC segir að Alþjóðaglæpadómstóllinn hafi nú þegar fengið handtökuskipunina. Ekki er vitað hvar mennirnir eru.

Óttast aðra hryðjuverkaárás um helgina

Bandarísk yfirvöld óttast hryðjuverkaárás á landið 11. september næstkomandi en þá verða tíu ár liðin frá árásunum á tvíburaturnana í New York.

Rafmagnslaust í Bandaríkjunum

Yfir tvær milljónir manna eru nú án rafmagns í ríkjunum Kaliforníu og Arizona í Bandaríkjunum og hluta af Mexíkó, eftir að rafmagn sló fyrirvaralaust út í morgun. Í Kaliforníu slökknaði á tveimur kjarnaofnum og miklar tafir eru á umferð víða.

Rannsókn hafin á leka á trúnaðargögnum

Lögregluyfirvöld í Danmörku hafa hafið rannsókn á því hvort Skatturinn eða skattamálaráðuneytið hafi brotið persónuverndarlög með því að leka trúnaðargögnum um skattamál Helle Thorning-Schmidt, formanns Sósíaldemókrata, og eiginmanns hennar. B.T. sagði fréttir af því í gær að Thorning-Schmidt hafi nýtt sér persónuafslátt eiginmanns síns, sem er skráður til heimilis í Danmörku, en greiðir þar ekki skatta. Þar af leiðandi hafi Thorning-Schmidt greitt minna en henni bar í skatta á sex ára tímabili.