Vilja banna GPS í bílum

Sænsk yfirvöld íhuga að banna GPS leiðsögutæki í bílum. Sænska umferðarráðið villl raunar ganga lengra og setja allsherjarbann á allan rafeindabúnað sem ekki beinlínis þarf til þess að bíllinn fari í gang.

Gruna forsetann sjálfan um sprengjutilræði

Grunur leikur á að stjórnvöld í Hvíta Rússlandi beri sjálf ábyrgð á sprengjunni sem sprakk í neðanjarðarlestarstöð í Minsk á mánudag.

Leitað að líkum í grennd við kjarnorkuverið í Fukushima

Lögreglan í Japan leitar nú, í fyrsta skiptið frá jarðskjálftanum í mars, eftir líkum þeirra sem létust nærri kjarnorkuverinu í Fukushima.

Mexíkóskt fíkniefnagengi talið ábyrgt fyrir fjöldagröfum

Mexíkóskt glæpagengi er talið vera ábyrgt fyrir sjö fjöldagröfum sem hafa fundist undanfarna daga þar í landi. Alls hefur lögreglan fundið 122 lík sem eru fórnarlömb grimmilegra fíkniefnaátáka í landinu.

Berlusconi ætlar að hætta í stjórnmálum árið 2013

Forsætisráðherra Ítalíu, Silvio Berlusconi, tilkynnti í dag að hann ætli ekki að gefa kost á sér eftir að kjörtímabil hans rennur út árið 2013.

Vill að breskur konsúll kanni ástand Bradley Mannings

Móðir Bradley Mannings hefur beðið utanríkisráðherra Bretlands um að senda konsúl til sonar síns til þess að aðgæta sálrænt og líkamlegt ástand hans.

Játa að hafa staðið á bak við hryðjuverkin í Hvíta-Rússlandi

Tveir menn hafa játað að vera ábyrgir fyrir hryðjuverkaárásinni í Hvíta Rússlandi á mánudaginn.

Flugumferðastjóri sofnaði á vaktinni

Flugumferðastjóri í Nevada í Bandaríkjunum reyndist vera sofandi á sama tíma og sjúkraflugvél þurfti að lenda á flugvellinum með þrjá sjúklinga innanborðs.

Utanríkisráðherrar Nató-ríkjanna funda í Berlín

Utanríkisráðherra Nató-ríkjanna munu hittast í Berlín í dag en þar verður helst rætt um stöðuna í Líbíu. Þannig vilja Bretar, Bandaríkjamenn og Frakkar að fleiri komi að samþykkt öryggisráðsins um flugbann í Líbíu.

Forsætisráðherra Ísraels vildi ekki hitta Justin Bieber

Poppstjarnan Justin Bieber er umdeildur eftir að hann fór í heimsókn til Ísraels á dögunum.

Yfirvöld í Norður-Kóreu staðfesta að þeir hafa Bandaríkjamann í haldi

Yfirvöld í Norður-Kóreu hafa viðurkennt að þeir hafa bandarískan ríkisborgara í haldi. Maðurinn er af asískum uppruna en hann ekki er ljóst hvenær hann var handsamaður.

Kínverjar banna kvikmyndir og þætti sem fjalla um tímaflakk

Kínverjar hafa brugðist harkalega við lýðræðisbyltungunum í Mið-Austurlöndum. Meðal annars svelta þeir tíbetska munka auk þess sem þeir hafa bannað þætti og kvikmyndir um tímaflakk.

Gaddafí fari strax frá

Muammar Gaddafi Líbíuleiðtogi verður að víkja frá völdum, að mati nýstofnaðs alþjóðlegs samráðshóps um málefni Líbíu. Krónprinsinn í Katar las upp yfirlýsingu þess efnis á ráðstefnu um Líbíu sem nú fer fram í Doha, höfuðborg Katar.

Dýravændishús í Danmörku - hvatt til lagabreytingar á Íslandi

Kynlíf með dýrum er löglegt í Danmörku og hefur þar í landi skapast mikil umræða í kjölfar þess að sjónvarpsstöðin TV2 sýndi þátt um málið. Sjónvarpsmaðurinn Niels Christian Meyer, betur þekktur sem Bubber, vildi með þættinum vekja athygli á málinu í því skyni að þrýst á að lögunum yrði breytt. Hvergi í íslenskum lögum um dýravernd er nú fjallað um kynferðislega misnotkun þó vissulega sé óleyfilegt að fara illa með dýr. Sömu sögu er að segja um dýraverndarlög í Danmörku, Svíþjóð og Noregi. Dýraverndunarsamtök í þessum löndum berjast þó fyrir lagabreytingum og innan Norræna dýraverndarsambandsins er einhugur um að bann verði lögfest í öllum löndum. Ólafur R. Dýrmundsson, formaður Dýraverndarsambandsins, sagði í samtali við Vísi í janúar að trúverðugar upplýsingar liggi fyrir um að íslensk hross hafi verið notuð á dýravændishúsum í Danmörku á síðari árum. Íslenskir fjölmiðlar fjölluðu á sínum tíma um að rannsóknablaðamaður hjá danska blaðinu 24timer komst að því að dýravændishús væri starfrækt á Norður-Jótlandi. Þar er íslenski hesturinn Max seldur í vændi, ásamt fleiri dýrum. Skiptar skoðanir eru meðal danskra stjórnmálamanna um hvort þurfi að setja lög gegn kynlífi fólks með dýrum en margir hafa kallað eftir slíku í kjölfar umfjöllunar Bubber á TV2. Af þessu tilefni hefur dómsmálaráðherrann, Lars Barfoed, gefið út að hann sé vissulega á móti þessu athæfi en hann sé ekki sannfærður um nauðsyn löggjafar.

Tveir handteknir vegna árásarinnar í Minsk

Að minnsta kosti tveir menn hafa verið handteknir vegna gruns um að þeir hafi staðið á bak við hryðjuverkaárásina í neðanjarðarlestarstöð í Minsk í Hvíta Rússlandi í byrjun vikunnar.

Viðbúnaður í Kína vegna munks sem kveikti í sér

Tíbetskir munkar eru í nokkurskonar stofufangelsi í klaustrum sínum eftir að munkur kveikti í sér á almannafæri í Vestur-Kína á dögunum.

Japönsk flóðbylgja varð Bandaríkjamanni að bana

Líkama 25 ára karlmanns skolaði á land í Oregon í Bandaríkjunum í vikunni. Í ljós kom að maðurinn var ljósmyndari sem var að mynda flóðbylgjuna frá Japan, sem skall á ströndum Kaliforníu í Bandaríkjunum, þegar hún hrifsaði hann með sér á haf út.

Grunaður um að hafa orðið 200 manns að bana

Alls hafa 116 lík fundist í fjöldagröfum í Mexíkó, skammt frá landamærum Bandaríkjanna síðustu daga.

Mubarak og synir í gæsluvarðahald

Hosni Mubarak, fyrrverandi leiðtogi Egyptalands, hefur verið úrskurðaður í fimmtán daga gæsluvarðhald ásamt sonum sínum tveimur. Þetta kom fram á Facebook-síðu egypska ríkissaksóknarans og New York Times greinir frá.

Segist hafa fundið nagla sem Jesú var negldur upp á krossinn með

Kvikmyndagerðamaður segist hafa gert eina merkustu fornleifauppgötvun mannkynssögunnar. Við gerð heimildarkvikmyndar segist hann hafa fundið nagla sem Jesú var krossfestur með.

Handtekinn fyrir að áreita eldri borgara í umferðinni

Dani á fimmtugsaldri var handtekinn í fyrrakvöld eftir að hafa áreitt konu á sjötugsaldri í umferðinni.

Hryðjuverk reyndist rafmagnsbilun

Sprenging varð á strætisvagnastöð í Moskvu í gær. Óttast var í fyrstu að um hryðjuverkaárás hefði verið að ræða, en tólf létust í hryðjuverkaárás í Minsk í Hvíta Rússlandi á mánudaginn.

Vildu meina að brjóstakrabbameins-armbönd væru of klúr

Dómari í Pennsylvaníu úrskurðaði á dögunum að tveir grunnskólanemendur mættu ganga um skólann með gúmmíarmbönd á hendinni sem á standa: Ég elska brjós

Vongóðir um að finna svarta kassann

Stél frönsku flugvélarinnar, sem hrapaði í Atlantshafið árið 2009 þegar hún var á leið frá Brasilíu til Evrópu, er fundið að sögn ættingja þeirra sem fórust í slysinu.

Bandarískir ríkisborgarar fangar í Norður-Kóreu

Ótilgreindur fjöldi Bandarískra ríkisborgara er í haldi stjórnvalda í Norður-Kóreu samkvæmt breska ríkisútvarpinu.

Bloggarar Huffington Post vilja 12 milljarða

Hópur bloggara ætlar í mál við fyrrverandi eiganda vefritsins Huffington Post. Ástæðan er sú að þeim finnst þeir hafa verið arðrændir.

Fimmtugur þingmaður sagði af sér eftir að hafa skoðað klám í vinnunni

"Ég vona að Guð fyrirgefi mér fyrir mistök mín," sagði indónesíski þingmaðurinn Arifinto, þegar hann sagði af sér þingmennsku á dögunum.

Jarðgöng hrundu á Gaza

Fjórir féllu og fjórir eru særðir eftir að jarðgöng hrundu nálægt bænum Rafah á Gaza-ströndinni í dag.

Forsetinn fyrrverandi fékk hjartaáfall

Hosni Mubarak, fyrrverandi forseti Egyptalands, fékk hjartaáfall í dag og var fluttur á sjúkrahús í strandbænum Sharm el-Sheikh.

Mubarak fluttur á sjúkrahús

Hosni Mubarak, fyrrum forseti Egyptalands, var fluttur á sjúkrahús í bænum Sharm el-Sheikh seinni partinn í dag. Ástand hans er sagt vera alvarlegt en aðstoðarmenn hans hafa borið þær fréttir til baka. Von er á yfirlýsingu síðar í dag.

Frakkar og Bretar vilja harðari aðgerðir í Líbíu

NATO þarf að herða aðgerðir sínar í Líbíu og eyðileggja þungavopn Gaddafís einræðisherra, að mati utanríkisráðherra Breta og Frakka. Alain Juppe, utanríkisráðherra Frakka, segir að óbreyttir borgarar í Líbíu búi enn við ógn frá Gaddafí þrátt fyrir sprengjuárásir NATO undandfarna daga. William Hague, breski kollegi, Juppe, tók í svipaðan streng í dag og hvatti NATO til þess að herða róðurinn. Þá hvatti hann Múammar Gaddafí eindregið til þess að láta af völdum.

Lagaprófessorar til varnar Manning

Tvöhundruð og fimmtíu bandarískir lagaprófessorar hafa undirritað bréf þar sem er mótmælt meðferðinni á hermanninum Bradley Manning. Manning er grunaður um að hafa lekið milljónum leyniskjala til Wikileaks.

Fundu tíu milljónir dollara grafnar á landi hvítlauksbónda

Suður-kóreska lögreglan fann tíu milljónir dollara grafna á landi hvítlauksbónda sem býr nokkuð fyrir utan höfuðborg landsins, Seúl.

Danska lögreglan fann tonn af kannabisefnum

Karlmaður á fimmtugsaldri var handtekinn í gærkvöldi í aðgerðum lögreglunnar í Kaupmannahöfn gegn fíkniefnasölum í Kristjanínu.

Mitt Romney vill verða forseti Bandaríkjanna

Þingmaðurinn Mitt Romney hefur gefið kost á sér sem forsetaefni Repúblikana fyrir næstu forsetakosningar Bandaríkjanna.

Fyrsta Súperman blaðið endurheimt

Fyrsta tölublaðið um ofurhetjuna Súperman fannst á dögunum í læstum öryggisskáp í San Fernando dalnum í Bandaríkjunum. Blaðinu var stolið fyrir áratug síðan af kvikmyndastjörnunni Nicolas Cage.

Rændu ritstjórn dagblaðs

Fjórir vopnaðir menn ruddust inn á ritstjórn dagblaðs í mexíkóska bænum Villahermosa í Suður-Mexíkó.

Tólf létust í tilræði í Hvíta-Rússlandi

Heilbrigðisráðherra Hvíta-Rússlands segir að tólf hafi látist í sprengjuárásinni í neðanjarðarlestarstöð í Minsk í gær.

Bloggari dæmdur í þriggja ára fangelsi

Egypski herinn fékk 28 ára gamlan bloggara dæmdan í þriggja ára fangelsi í gær fyrir að gagnrýna störf hersins. Hann var að auki dæmdur án þess að hafa lögmann viðstaddan.

Fimmtíu ár síðan Gagarín fór út í geiminn

Fimmtíu ár eru liðin frá því geimfarinn Yuri Gagarín fór fyrstur manna út fyrir gufuhvolfið.

Rak vænginn í stélið á JFK flugvellinum

Tvær fullar farþegaþotur lentu í árekstri á flugbraut John F. Kennedy flugvallarins í Bandaríkjunum í gær. Önnur þotan var frá Air France-flugfélaginu en hin var að koma frá Boston.

Enn finnast fjöldagrafir í Mexíkó

Fjöldagröf fannst í Mexíkó síðustu helgi. Gröfin var fyrir utan smábæ nærri landamærum Bandaríkjanna og Mexíkó. Alls voru 16 lík í gröfinni.

Enn finnast bein á ströndinni

Lögregluyfirvöld í New York grunar að raðmorðinginn sem leitað er í borginni geti verið fyrrverandi lögregluþjónn. Bein fundust í gær en ekki er búið að staðfesta að um enn eitt fórnarlamb morðingjans sé að ræða. Eitt lík af átta, sem fundist hafa á strönd á Long Island, er talið vera að barn, ekki eldra en átján mánaða.

Varar við langvarandi borgarastríði í Líbíu

Fyrrverandi utanríkisráðherra Líbíu, Moussa Koussa, sem flýði landið stuttu eftir að ófriðurinn hófst þar í landi, varar við langvarandi borgarastríði í Líbíu.

Fukushima-kjarnorkuverið á sama hættustigi og Tsjernobyl-verið

Viðvörunarstig kjarnorkuversins í Fukushima í Japan hefur verið hækkað upp í sjöunda stig vegna leka úr verinu. Ekkert annað kjarnorkuver hefur hækkað viðvörunarstigið svo hátt nema verið í Tsjernobyl sem að lokum bræddi úr sér.