Hægt að afnema höftin á þremur mánuðum

Gjaldeyrishöftin á að afnema á þremur mánuðum, eða eins fljótt og unnt er, þar sem kostnaður vegna þeirra eykst dag frá degi. Þetta sagði Jón Daníelsson prófessor á Iðnþingi í dag.

Fangelsismálastofnun skoðar viðbrögð við gengjamyndum í fangelsum

Fangelsismálastofnun skoðar nú hvernig hægt er að bregðast við gengjamyndun innan veggja fangelsanna. Fangaverðir óttast margir um öryggi sitt en forsprakkar bæði vélhjólasamtakanna Outlaws og Hells Angels eru í fangelsi.

Komu allir að alvarlegum líkamsárásum vegna handrukkuna

Sex karlmenn voru úrskurðaðir í dag í vikulangt gæsluvarðhald vegna umfangsmikilar rannsóknar lögreglunnar á skipulagðri brotastarfsemi. Mennirnir koma að alvarlegum líkamsárásum vegna handrukkuna en eitt fórnarlambanna var fótbrotið á báðum fótum.

Lífsýni gegna lykilhlutverki í rannsókn sakamála

"Fleiri og fleiri sakamál leysast eingöngu á lífsýnum,“ sagði Björgvin Sigurðsson, sérfræðingur hjá tæknideild lögreglunnar, í útvarpsþættinum Reykjavík síðdegis á Bylgjunni í dag.

Ríkissjóður og Seðlabanki endurgreiða 116 milljarða af lánum AGS

Ríkissjóður Íslands og Seðlabanki Íslands endurgreiða 116 milljarða króna af lánum frá Alþjóðagjaldeyrissjóðnum og Norðurlöndum í þessum mánuði.

Sektaður fyrir brot gegn hvíldartíma ökumanna

Hæstiréttur Íslands staðfesti í dag dóm Héraðsdóms Reykjaness um að ökumaður vöruflutningabifreiðar hefði í þrígang brotið gegn reglum um aksturs- og hvíldartíma ökumanna. Ökumaðurinn bar fyrir sig að í öllum tilvikum hefði verið um að ræða akstur með fiskúrgang, sem honum hefði verið refsilaus.

Málflutningi Sigríðar lokið

Sigríður Friðjónsdóttir, saksóknari Alþingis, segir augljóst að á ríkisstjórnarfundum hafi ekkert verið fjallað um stöðu bankanna eða þann vanda sem steðjaði að í aðdraganda bankahrunsins. Hún gagnrýndi þetta harðlega í málflutningi fyrir Landsdómi í dag.

Sex í vikulangt gæsluvarðhald - grunaðir um alvarlegt ofbeldisbrot

Tveir karlmenn til viðbótar voru úrskurðaðir í gæsluvarðhald í Héraðsdómi Reykjaness í dag í tengslum við rannsókn á skipulagðri brotastarfsemi, en mennirnir voru handteknir í gær.

Óskað eftir vitnum að slysi í Kópavogi

Lögreglan á höfuðborgarsvæðinu óskar eftir vitnum að umferðarslysi sem varð á gatnamótum Kársnesbrautar og Hábrautar í Kópavogi um hálf sjö leytið í gærkvöld. Þar rákust saman Nissan Micra og Daihatsu Move en bæði ökutækin eru rauð að lit. Að sögn lögreglu var annar ökumannanna fluttur á slysadeild til aðhlynningar og hinn leitaði þangað síðar. Miklar skemmdir urðu á bílunum eins og sést á meðfylgjandi mynd.

Vilja sameina menningastofnanir á Akureyri - Magnús Geir kallaður til

Leikfélag Akureyrar hefur leitað til Magnúsar Geirs Þórðarsonar, leikhússtjóra Borgarleikhússins, í viðleitni við að sameina tímabundið samvinnu milli LA, Borgarleikhússins og Menningarfélagsins Hofs. Þetta kemur fram í yfirlýsingu frá Akureyrarstofu.

Stefnir í að skuldastaðan fari undir Maastricht skilyrðin

Oddný Harðardóttir iðnaðarráðherra segir ekkert standa í vegi fyrir því að skuldastaða hins opinbera verði komin undir Maastricht skilyrðin á næsta kjörtímabili, en skilyrðin segja til um hvort ríki geti tekið upp evru sem gjaldeyri. Þetta kom fram í ræðu ráðherrans á Iðnþingi í dag.

Bjóða upp á ókeypis aðstoð við skattframtalið

"Við erum bara rosalega spennt fyrir þessum degi og vonumst til að sjá sem flesta," segir Sigríður Marta Harðardóttir, framkvæmdastjóri Lögfræðiþjónustunnar Lögréttu í Háskólanum í Reykjavík.

Sigríður: Möguleiki á að selja eignir

Sigríður Friðjónsdóttir, saksóknari Alþingis, hafnar þeim skýringum að forsætisráðherra hafi ekki getað gert neitt til þess að beita sér fyrir því að bankarnir færu úr landi eða myndu minnka efnahagsreikning sinn á árinu 2008.

Landsdómsmálið: Álíka margir ánægðir og óánægðir

Álíka margir sögðust ánægðir og óánægðir með niðurstöðu Alþingis að vísa frá tillögu Bjarna Benediktssonar um að landsdómsákæra á hendur Geir H. Haarde yrði afturkölluð, í könnun sem Capacent Gallup gerði í byrjun mars.

Könnun Capacent: Flestir vilja Sigríði á biskupsstól

Flestir nefna séra Sigríði Guðmarsdóttur, frambjóðanda til embættis biskups, í könnun sem Capacent stóð fyrir og segir frá á heimasíðu sinni. 23 prósent þeirra sem þátt tóku nefndu Sigríði en skammt á eftir kemur Þórhallur Heimisson með 21 prósent atkvæða. Þar á eftir koma síðan Agnes M. Sigurðardóttir og Örn Bárður Jónsson en nær 12% nefndu hvort þeirra.

Pressustríðið heldur áfram: Kannast ekki við kröfu um afsökunarbeiðni

Steingrímur Sævarr Ólafsson segist ekki kannast við að nokkur hafi haft samband við Pressuna vegna fréttar um ritstjóra DV en Reynir Traustason sagði í viðtali við Vísi að lögmaður hans hefði farið fram á afsökunarbeiðni vegna málsins. Um er að ræða fyrirsögn sem birtist á Pressunni þar sem segir meðal annars að ritstjórarnir séu flæktir inn í meint kynferðisbrotamál. Fyrirsögnin sem um ræðir er eftirfarandi:

Hafði í hótunum við starfsfólk 365 - tveir til viðbótar í gæsluvarðhald

Lögreglan á höfuðborgarsvæðinu ætlar að leggja fram kröfu um gæsluvarðhald yfir tveimur mönnum til viðbótar í tengslum við rannsókn á skipulagðri brotastarfsemi, en mennirnir voru handteknir í gær. Fjórir menn hafa þegar verið úrskurðaðir í gæsluvarðhald, líkt og fram kom í tilkynningu lögreglunnar í morgun.

Ríkisstjórnin hamlar gegn endurreisn Íslands

Helgi Magnússon, fráfarandi formaður Samtaka Iðnaðarins sagði í ræðu sinni á Iðnþingi í dag að ríkisstjórn síðustu þriggja ára hefði hamlað gegn endurreisn Íslands með því að framfylgja rangri efnahagsstefnu sem einkennst hefði af úlfúð í garð atvinnulífsins og lamandi skattpíningarstefnu.

Pressustríð: Ritstjórar DV segja fyrirsögn Pressunnar ærumeiðandi

Ritstjórar DV hafa sent frá sér yfirlýsingu vegna fréttar sem birtist á Pressunni og er sögð vera ærumeiðandi. Vísir greindi frá málinu fyrr í dag en Reynir Traustason, annar ritstjóri DV, hefur krafið fréttavefinn um afsökunarbeiðni út af frétt sem vefurinn gerir upp úr grein Vilhjálms H. Vilhjálmssonar, lögmanns, þar sem hann gagnrýnir DV harðlega, en greinin birtist hér á Vísi í morgun. Fyrirsögnin sem um ræðir er:

Sigríður: Heill íslenska ríkisins var í hættu

Hættan sem vofði yfir Íslandi á árinu 2008 var fyrirfram sýnileg af manni í sporum forsætisráðherra, sagði Sigríður J. Friðjónsdóttir þegar hún hóf málflutning fyrir Landsdómi í dag.

Pressustríð: Reynir vill afsökunarbeiðni

"Lögmaður hefur haft samband við þá og búið er að fara fram á afsökunarbeiðni,“ segir Reynir Traustason, annar ritstjóri DV, en hann hefur krafið fréttavefinn Pressunni um afsökunarbeiðni út af frétt sem vefurinn gerir upp úr grein Vilhjálms H. Vilhjálmssonar, lögmanns, þar sem hann gagnrýnir DV harðlega en greinin birtist hér á Vísi.

Dæmdur fyrir að stela frá húsfélaginu sínu

Karlmaður var dæmdur í þriggja mánaða skilorðsbundið fangelsi fyrir fjárdrátt þegar hann sat sem gjaldkeri í fjölbýlishúsi í Breiðholti í Reykjavík. Maðurinn dró sér rúma milljón á tímabilinu 23. mars 2010 til 24. nóvember sama ár.

Saksóknari: Fráleitt að skýla sér á bakvið rit Seðlabankans

Það er fráleitt af Geir H. Haarde, fyrrverandi forsætisráðherra, að skýla sér á bakvið rit Seðlabankans um fjármálastöðugleika árið 2008. Þetta sagði Sigríður Friðjónsdóttir, saksóknari Alþingis, í málflutningi sínum fyrir Landsdómi í dag. Stjórnmálamenn hafa ítrekað visað í það, bæði fyrir Landsdómi og áður, að Seðlabankinn hafi ekki varað formlega við hættum í aðdraganda hrunsins. Í umræddu riti Seðlabankans hafi komið fram að staða bankanna væru að mestu leyti í lagi.

Býður til viðræðna um þjóðarsátt um nýjan gjaldmiðil

Jóhanna Sigurðardóttir forsætisráðherra býður öllum flokkum á Alþingi að setjast niður til viðræðna um þjóðarsátt um nýjan gjaldmiðil. Þetta kom fram á Alþingi nú laust fyrir hádegi. Ummæli forsætisráðherra á flokkstjórnarfundi Samfylkingarinnar um síðustu helgi, um að íslenskan krónan væri ónothæf, urðu framsóknarmönnum tilefni til umræðna en Birkir Jón Jónsson kvaðst fullyrða að hvergi kæmist forsætisráðherra upp með slík ummæli án þess að það hefði einhver eftirmál í för með sér.

Veitir heimildir til að tryggja dreift eignarhald á fjölmiðlum

Með nýju frumvarpi til breytinga á fjölmiðlalögum er Samkeppniseftirlitinu að undangenginni umsögn fjölmiðlanefndar veitt heimild til að breyta skipulagi fjölmiðla til að koma í veg fyrir aðstæður sem hafa skaðleg áhrif á fjölbreytni í fjölmiðlum og til að tryggja dreift eignarhald.

Fangaverðir óttast um öryggi sitt

Fangaverðir hafa miklar áhyggjur af öryggi sínu og annarra í fangelsunum, nú þegar stefnir í að meðlimum íslenskra glæpagengja fjölgi þar til muna.

Hjálpuðu smyrli

Lögreglan kom smyrli til hjálpar fyrr í vikunni en sá fannst skammt frá Elliðavatnsvegi í Garðabæ. Fuglinn gat ekki flogið og því var hann færður í Fjölskyldu- og húsdýragarðinn til aðhlynningar. Ekki er ljóst hvort um karl eða kvenfugl er að ræða enda sést það víst ekki svo glöggt. Óvíst er hvort smyrillinn sé vængbrotinn en reynist það raunin eru batahorfur litlar.

Braut glas á höfði manns og kýldi hann svo í magann

Karlmaður um tvítugt var dæmdur í fimm mánaða skilorðsbundið fangelsi í Héraðsdómi Reykjavíkur í morgun fyrir sérstaklega hættulega líkamsárás. Maðurinn játaði að hafa slegið annan mann með bjórglasi þannig það brotnaði og slegið hann svo nokkrum höggum með krepptum hnefa í maga á skemmtistað í miðborg Reykjavíkur í maí árið 2010. Hann var jafnframt dæmdur til að greiða fórnarlambinu 250 þúsund krónur í miskabætur.

Tveir til viðbótar hugsanlega í gæsluvarðhald - hrækti á myndatökumenn

Enn á eftir að ákveða hvort farið verður fram á gæsluvarðhald yfir tveimur mönnum sem voru handteknir vegna rannsóknar lögreglunnar á skipulagðri brotastarfsemi en rannsóknin snýr að líkamsmeiðingum, hótunum, innbrotum og þjófnuðum.

Störfum þurfi að fjölga

Birgir Ármannsson, þingmaður Sjálfstæðisflokksins, segir að ekkert bendi til þess að störfum sé að fjölga á Íslandi. Hann vísar tölur Hagstofunnar þess efnis og segir að þótt atvinnuleysi hafi minnkað eitthvað skýrist það ekki með nýjum störfum. Birgir spurði forsætisráðherra hvort hún hefði ekki áhyggjur af þessu.

Í hálfs árs fangelsi fyrir fíkniefni

Þrítugur karlmaður hefur verð dæmdur í hálfs árs fangelsi fyrir að hafa verið tekinn með fíkniefni í fórum sínum í janúar í fyrra og í ágúst sama ár. Um óverulegt magn af fíkniefnum var að ræða og játaði sakborningur brot sitt fyrir dómi. Hann á aftur á móti langan afbrotaferli að baki og var á skilorði þegar fíkniefnin fundust í fórum hans.

Tvær hópnauðganir af 18 kærðar í fyrra

Lögreglunni bárust tvær kærur vegna hópnauðgana á síðasta ári. Búið að dæma í öðru málinu. 18 leituðu til Stígamóta vegna hópnauðgana. Ein möguleg ástæða fjölgunar mála hjá Stígamótum er aukin gengjamyndun, segir talskona.

Slökkviliðið kallað út vegna reykbrælu í Hveragerði

Slökkviliðið í Hveragerði var kallað að húsi við Kambahraun þar í bæ um þrjú leitið í nótt, vegna reykjarbrælu í húsinu. Hún reyndist eiga upptök í sambyggðri þvottavél og þurrkara þar sem glóð var í rafbúnaðinum, en eldur hafði þó ekki kviknað. Drepið var í glóðinni og húsið reykræst, og sakaði engan.

Ótrúlegar tilviljanir við lífsbjörg í Laxá

Sigurður S. Garðarsson komst lífs af eftir að bíll hans valt og endaði á hvolfi ofan í Laxá á Ásum. Slökkviliðsmaður sá bílveltuna og kom honum til hjálpar. Faðir hans kom síðar að á sjúkrabíl. Rosalega gott að sjá pabba, segir Sigurður.

Talin hafa beitt konuna afar grófu ofbeldi

Fjórir einstaklingar tengdir Hells Angels voru úrskurðaðir í áframhaldandi gæsluvarðhald í Héraðsdómi Reykjaness í gær. Á meðal þeirra er Einar Marteinsson, foringi samtakanna á Íslandi. Gæsluvarðhald var framlengt í fjórar vikur. Mikill viðbúnaður var í Héraðsdómi þegar úrskurðurinn var kveðinn upp.

Sést hefur til álfta og anda

Fjölmargar álftir eru nú komnar til landsins og hefur sést til lítilla hópa víðs vegar um landið. Á vefsíðunni Fuglar.is er greint frá því að sést hafi til 25 dugganda á Þveit í Nesjum, þar sem þær voru ásamt lómapari á vatninu sem er orðið íslaust.

Vakt við brunarústirnar á Selfossi í nótt

Lögregla og björgunarsveitarmenn stóðu vakt við brunarústirnar á Selfossi í nótt, eftir stórbrunann í plaströraverksmiðjunni Seti í gær. Slökkvistarfi lauk á áttunda tímanum í gærkvöldi og var ekkert til tíðinda í nótt. Rannsókn lögreglu og tryggingamanna hefst með birtingu, en eldsupptök eru enn óþekkt.

Jarðskjálftahrina við Geirfuglasker

Jarðskjálftahrina varð þrjá til fimm kílómetra norðvestur af Geirfuglaskeri í gærkvöldi og mældust fimm skjálftar yfir 2 stig á Richter og sá snarpasti 2,7 stig.

Lögreglan krefst gæsluvarðhalds yfir fjórum mönnum

Lögreglan ætlar að krefjast gæsluvarðhaldsúrskurðar yfir fjórum karlmönnum, sem hún handtók í gærmorgun vegna rannsóknar, sem snýr að skipulagðri glæpastarfssemi, líkamsmeiðingum, hótunum, innbortum, peningaþvætti og þjófnuðum.

Átak vegna sumarstarfa ungra

Ráðist verður í sérstakt átak vegna sumarstarfa ungmenna í ár. Álíka verkefni var í gangi í fyrra þar sem velferðarráðuneytið og Vinnumálastofnun auglýstu 900 sumarstörf um allt land. Átakið á að fjölga störfum á vegum ríkisins og sveitarfélaga ætluðum námsmönnum og atvinnuleitendum. Vinnumálastofnun hefur nú þegar lagt inn umsókn til velferðarráðuneytisins vegna verkefnisins.

Fæðingum fækkar milli ára

Í fyrra fæddust 4.496 börn með lögheimili á Íslandi, að því er segir í frétt á vef Hagstofunnar.

Algjör eyðilegging á Selfossi

800 Bar á Selfossi brann til kaldra kola í gær. Tjónið hleypur á hundruðum milljóna króna. Eldurinn kom upp í röraverksmiðjunni Seti og barst í nærliggjandi byggingar. Talið er að kviknað hafi í út frá rafmagni.

Atvinnulausum fjölgaði lítillega

Alls 11.621 einstaklingur var atvinnulaus í febrúar að meðtali. Jafngildir það 7,3% fólks á vinnumarkaði. Þetta kemur fram í tölum Vinnumálastofnunar um ástand á vinnumarkaði í febrúar.

698 eignir Íbúðalánasjóðs auðar

Íbúðalánasjóður átti þann 20. febrúar síðastliðinn alls 1.751 íbúð. Af þeim voru 804 íbúðir áður í eigu einstaklinga en 947 áður í eigu lögaðila. Alls eru 707 af íbúðunum í útleigu en 698 standa auðar. Þá eru 255 eignir óíbúðarhæfar og 91 eign nýkomin í eigu sjóðsins og því enn flokkuð sem í vinnslu.

Úrskurðaðir í vikulangt gæsluvarðhald

Fjórir karlmenn hafa verið úrskurðaðir í gæsluvarðhald til 21. mars næstkomandi vegna rannsóknar, sem snýr að skipulagðri glæpastarfssemi, líkamsmeiðingum, hótunum, innbrotum, peningaþvætti og þjófnuðum.