Ákærður fyrir að klæðast lögreglufötum

Karlmaður á fertugsaldri hefur verið ákærður fyrir að hafa notað einkennisbúning lögreglu opinberlega. Maðurinn klæddist einkennisbol lögreglu við veitingastaðinn Kaffi Viktor að Hafnarstræti í Reykjavík þann 17. maí í fyrra.

Hlé gert á ísbjarnarflugi

Eftirlitsflugi vegna ísbjarna á Norðurlandi lauk um hádegisbil í dag, en þá fór TF - Sif, flugvél Landhelgisgæslunnar, í annað verkefni á Ísafirði. Enginn ísbjörn fannst í þetta skiptið.

Prestur iðrast prófkjörssynda

Séra Bjarni Karlsson, frambjóðandi í prófkjöri Samfylkingarinnar í Reykjavík, er fullur iðrunar og biður aðra frambjóðendur afsökunar á auglýsingu sem hann birtir í Fréttablaðinu í dag. Hann segir sig og stuðningsmenn hans hafa farið of geyst.

Fólk skilji bíla ekki eftir ólæsta og í gangi

Nokkuð er um að bílum sé stolið á höfuðborgarsvæðinu og því vill lögreglan ítreka að þeir séu ekki skildir eftir ólæstir og í gangi. Á þessu virðist vera misbrestur og það færa þjófar sér í nyt. Ætla megi að þjófar sitji fyrir foreldrum við leikskóla.

Jón Gnarr nýtt leikskáld Borgarleikhússins

Jón Gnarr leikari og skáld hefur verið valinn leikskáld Borgarleikhússins úr stórum hópi umsækjanda. Jón mun starfa í Borgarleikhúsinu næsta árið þar sem hann mun sinna ritstörfum fyrir leikhúsið.

Úttekt landlæknis á öryggi vegna mönnunar ekki gölluð

Landlæknisembættið hefur enga ástæðu til að efast um áreiðanleika eða réttmæti gagna úr sjúklingaflokkunarkerfi Landspítalands og stendur við þær upplýsingar sem fram koma í greinargerð til heilbrigðisráðherra um mat á stöðu öryggismála varðandi mönnun á spítalanum.

Allt of mikil áhersla lögð á frjálsa samninga

Stjórnvöld hafa lagt allt of mikla áherslu á að bankarnir eigi að leysa úr vanda heimilanna á grundvelli frjálsra samninga, segir Gylfi Arnbjörnsson, forseti ASÍ. Hann segir að afstaða ASÍ hafi verið sú að þó það geti í sjálfu sér verið hið besta mál að ýta undir slíka frjálsa samninga, þar sem það eigi við, sé rangt að ganga út frá því að bankarnir muni nálgast þetta verkefni eins og um félagslegar stofnanir sé að ræða.

Starfsmenn Keflavíkurflugvallar í verkfallshug

Starfsmenn Keflavíkurflugvallar ætla að undirbúa verkfallsboðun náist ekki viðunandi niðurstaða með viðsemjendum á næstunni. Þetta kemur fram í yfirlýsingu félagsfundar sem félagar í SFR, sem starfa á Keflavíkurflugvelli, stóð fyrir í gær.

Gefa leikskólum rösklega fjögur tonn af pappír

Leikskólar landsins fá á næstu dögum stóra gjöf, rösklega fjögur tonn að þyngd. Gjöfin er pappír, og það eru Oddi, Íslandspóstur og fyrirtækið Umslag sem gefa öllum leikskólum á landinu pappír undir listaverk leikskólabarna. Börnin á Skógarborg í Reykjavík fengu fyrsta skammtinn í morgun.

Ögmundur sakar seðlabankastjóra um að hóta þjóðinni

Ögmundur Jónasson, þingmaður Vinstri grænna, segir að með yfirlýsingum seðlabankastjóra um Icesavedeiluna sé Seðlabankinn að hafa í hótunum við þjóðina, að hún samþykki ekki þá Icesavesamninga sem liggja fyrir þá skuli hún hafa verra af.

Barnið hlaut 1. stigs brunasár á stóru svæði

Barn á öðru ári brenndist talsvert þegar það fékk yfir sig stíflueyði með ætandi efnum, í heimahúsi á Selfossi í gær.

Ekki sameiginlegt mat á umhverfisáhrifum við Suðvesturlínur

Umhverfisráðuneytið hefur staðfest ákvörðun Skipulagsstofnunar um að ekki skuli fara fram sameiginlegt mat á umhverfisáhrifum framkvæmda við Suðvesturlínur. Í viðhengi er stutt fréttatilkynning um úrskurðinn. Jafnframt fylgir afrit af úrskurðinum sjálfum, svo fjölmiðlar geti glöggvað sig á innihaldi hans og nánari röksemdum.

Niðurlægjandi líkamsárás í Keflavík tekin upp á myndband

Gróft og niðurlægjandi myndskeið má finna á vefsíðunni Youtube af íslenskum unglingum að misþyrma öðrum pilt. Í athugasemdakerfi fyrir neðan myndbandið stendur að piltarnir séu fæddir 1995 og eru þeir því fimmtán ára gamlir. Myndbandið var sett inn á vefinn fyrir mánuði síðan.

Þrír búnir að kjósa

Þrír eru búnir að kjósa hjá Sýslumanninum í Reykjavík í atkvæðagreiðslu um Icesave lögin. Utankjörfundaratkvæðagreiðslan hófst í morgun klukkan níu.

Guðni ráðinn til að sinna hagsmunagæslu í mjólkuriðnaði

Samtök afurðastöðva í mjólkuriðnaði hafa ráðið Guðna Ágústsson, fyrrverandi landbúnaðarráðherra og fyrrverandi formann Framsóknarflokksins til starfa. Frá þessu er greint á vef Bændablaðsins.

Upplýsingafulltrúi Steingríms aðstoðar Katrínu

Sigtryggur Magnason, aðstoðarmaður Katrínar Jakobsdóttur, mennta- og menningarmálaráðherra, lætur af störfum 1. febrúar. Við starfinu tekur Elías Jón Guðjónsson sem hefur að undanförnu gegnt stöðu upplýsingafulltrúa í fjármálaráðuneyti Steingríms J. Sigfússonar.

Samfylkingin blessar ekki auglýsingu prests

Auglýsing séra Bjarna Karlssonar sem tekur þátt í prófkjöri Samfylkingarinnar vegna komandi borgarstjórnarkosninga í Fréttablaðinu í dag hefur valdið taugatitringi á meðal annarra frambjóðenda flokksins.

Barn fékk stíflueyði á sig

Barn á öðru ári fékk yfir sig stíflueyði með ætandi efnum, í heimahúsi á Selfossi í gær.

Þyrla leitar fleiri bjarndýra

Þyrla frá Landhelgisgæslunni verður send strax í birtingu til að leita að ísbjörnum á norðaustanverðu landinu.

Síðustu forvöð að tilnefna

Tilnefningarfrestur til Samfélagsverðlauna Fréttablaðsins rennur út á miðnætti. Þegar hafa hátt á þriðja hundrað tilnefninga borist.

RÚV veitir ekki upplýsingar

Ríkisútvarpið getur ekki veitt upplýsingar um hversu mikið efni það hefur keypt frá sjálfstæðum, íslenskum framleiðendum á undanförnum árum.

Úttekt landlæknis á öryggi sögð gölluð

Ný úttekt landlæknisembættisins á stöðu öryggismála vegna mönnunar á Landspítalanum, sem unnin var að beiðni heilbrigðisráðherra, var að stórum hluta byggð á upplýsingum úr sjúklingaflokkunarkerfi sem hefur ekki verið uppfært í langan tíma og var aflagt í nóvember. Félag íslenskra hjúkrunarfræðinga (FÍH) gagnrýnir úttektina harðlega.

Mál Ásbjörns rætt í nefndinni

Formaður nefndar alþingismanna, sem ætlað er að bregðast við skýrslu rannsóknarnefndar Alþingis um bankahrunið, gerir ráð fyrir að mál Ásbjörns Óttarssonar, þingmanns Sjálfstæðisflokks, verði rætt í nefndinni.

Hafa skilning á nauðsyn samkeppni

Landsbankanum er fullkunnugt um þá viðkvæmu stöðu sem nú er uppi og hefur fullan skilning á nauðsyn samkeppninnar, segir í svari bankans við fyrirspurn Fréttablaðsins. Þar segir að samkeppnisstaðan sé best tryggð með því að tryggja lífvænlegum fyrirtækjum rekstrargrundvöll.

Andlegri sjálfsvörn frestað

Vegna leiks Íslands og Noregs á Evrópumeistaramótinu í handknattleik hefur verið ákveðið að fresta fyrirlestri Sigursteins Mássonar, formanns Geðhjálpar, um andlega sjálfsvörn sem halda átti í BSRB-húsinu klukkan fjögur í dag, fimmtudag.

Leiguverð á niðurleið frá áramótum

Leiguverð er á niðurleið núna, segir Berglind Eva Gísladóttir hjá Leigulistanum. Hún segir að leiguverð hafi hækkað lítillega á haustmánuðum miðað við mánuðina á undan en frá áramótum aftur lækkað lítillega. Mest er framboðið af leiguíbúðum í hverfum í póstnúmeri 101, 105 og 107. Að sögn Berglindar er ekki mikið framboð á leiguhúsnæði í nýbyggingarhverfum í Kópavogi og Hafnarfirði, minna en starfsmenn Leigulistans hafi búist við.

Álftanes er ógjaldfært

Stórfelldar skattahækkanir, 13,5 prósenta niðurskurður í rekstri og uppsagnir embættismanna duga hvergi nærri til þess að ná tökum á hallarekstri sveitarfélagsins Álftanes þannig að það geti risið undir skuldbindingum sínum á þessu ári.

Kosið í stjórn RÚV til eins árs

Alþingi verður sett á ný á föstudag klukkan 12. Fyrir þinginu liggur að kjósa fimm manna stjórn Ríkisútvarpsins ohf. til eins árs og fimm til vara.

Fjölþjóðlegt fjör í Háteigskirkju

Það hefur verið líf í tuskunum í Háteigskirkju þessa vikuna, þar hafa fjörutíu unglingar frá jafnmörgum löndum fræðst um föðurlönd hinna, menningu í breiðum skilningi og trúarbrögð. Unglingarnir, sem flestir eru um fimmtán ára gamlir, eru frá litlum bæ í Norður-Tyrklandi, smábæ á Sikiley, frá Vilníus í Litháen og svo frá Íslandi.

Helst til mikið gert úr alræðisvaldinu

„Mér líst vel á skýrsluna og er hjartanlega sammála mörgum tillögum sem þar koma fram um breytingar á umbúnaði og regluverki Ríkisútvarpsins,“ segir Páll Magnússon útvarpsstjóri.

Átta prósenta samdráttur milli ára

Alls flugu 101.504 flugvélar um íslenska flugstjórnarsvæðið á síðasta ári, að því er fram kemur í tilkynningu Flugmálastjórnar. Mun það vera í þriðja sinn á jafnmörgum árum sem fjöldi véla fer yfir 100 þúsunda markið.

Hvetja til fuglaskoðunar

Fuglavernd hvetur landsmenn til að skoða og skrá fjölda og tegundir fugla í görðum um næstu helgi, frá föstudegi til sunnudags, einn klukkutíma í senn. Þá er átt við þá fugla sem eru í garðinum en ekki þá sem fljúga yfir.

Fimm vilja í Selfosskirkju

Fimm sækja um embætti prests í Selfossprestakalli, en umsóknarfrestur um starfið rann út á mánudag. Skipað er í embættið frá og með 1. mars.

Iðnskólinn smíðar kirkjuna

Iðnskólinn í Hafnarfirði hefur boðist til þess að endurreisa Krýsuvíkurkirkju, sem brann til grunna í byrjun janúar. Vinafélag Krýsuvíkurkirkju mun standa straum af kostnaði við bygginguna, segir Jónatan Garðarsson, formaður bráðabirgðastjórnar hins nýstofnaða félags.

Ísland „umhverfisvænasta“ land í heimi

Ísland lendir í fyrsta sæti þegar frammistaða þjóðríkja í umhverfismálum er metin. Frá þessu var skýrt á Davos ráðstefnunni í dag þar sem valdamestu menn heimsins koma saman til þess að ræða efnahagsmál og önnur málefni sem hæst eru á baugi hverju sinni. Þetta kemur fram í skýrslu sem gefin er út annað hvert ár og kallast EPI, eða The Envrironmental Performance Index, sem útleggja mætti sem Umhverfis-frammistöðu vísitalan.

Gæslan spjallaði við skipstjóra gasflutningaskipsins

Gasflutningaskipið Arctic Princess var í dag á á siglingu suður af Dyrhólaey og hafði áhöfn eftirlitsflugvélarinnar Sifjar samband við skipið og spjölluðu við skipstjóra þess sem er Rússi.

Menntamálaráðherra ræðir málefni RÚV á opnum fundi

Vinstri hreyfingin - grænt framboð stendur fyrir opnum fundi um RÚV og fyrirhugaðan niðurskurð í menningarmálum. Katrín Jakobsdóttir mennta- og menningarmálaráðherra og Svanhildur Kaaber, formaður stjórnar RÚV hafa boðað komu sína á fundinn sem hefst klukkan 17:00 að Vesturgötu 7.

Íslendingar erlendis geta kosið frá og með morgundeginum

Utankjörfundaratkvæðagreiðsla erlendis vegna þjóðaratkvæðagreiðslunnar 6. mars 2010, hefst á morgun, 28. janúar. Í tilkynningu frá Utanríkisráðuneytinu segir að utankjörfundaratkvæðagreiðslan fari fram í öllum sendiráðum Íslands erlendis og aðalræðisskrifstofum Íslands í New York, Winnipeg, Shanghai og Þórshöfn í Færeyjum.

Mansalsmál: Sönnunargögnum ábótavant

Saksóknari í mansalsmálinu fór fram á frest eftir að í ljós kom að aðalsönnunargagninu í málinu var verulega ábótavant. Tveir hinna ákærðu voru yfirheyrðir aftur fyrir dómi, eftir að fórnarlambið hafði sakað þá um að hafa neytt sig til kynferðislegra athafna.

Fólk á níræðis- og tíræðisaldri staðið að hnupli

Hnuplmál komu til kasta lögreglunnar á höfuðborgarsvæðinu í gær en slíkt er nánast orðið daglegt brauð að því er fram kemur í tilkynningu. Að sögn lögreglu eru snyrtivörur og fatnaður á meðal þess sem þjófar ásælast en hinir óprúttnu aðilar eru á öllum aldri og af báðum kynjum.

Ólafur Ragnar í Davos: Engir Icesave fundir, en....

Ólafur Ragnar Grímsson forseti Íslands segir að uppsveifla hefjist á Íslandi fyrr en áætlanir gerðu ráð fyrir. Hann er nú staddur Í Davos í Sviss þar sem áhrifamestu menn heimsins í stjórnmálum og viðskiptum funda.

Gæslan fylgist með gasflutningaskipi

Landhelgisgæslan hefur síðastliðinn sólarhring fylgst með siglingu norska gasflutningaskipsins Arctic Princess. Skipið er 288 metrar að lengd og kom inn í eftirlitskerfi stjórnstöðvar Landhelgisgæslunnar um 100 sjómílur A-af landinu en skipið er á siglingu til Bandaríkjanna. Í tilkynningu frá Gæslunni segir að skipið hafi ekki siglt inn fyrir íslenska landhelgi en fór næst landi 12 sjómílur af eyjunni Hvalbak sem er austur af landinu.

Yfirheyrslum yfir Lýði lokið í bili

Yfirheyrslur á vegum embættis sérstaks saksóknara vegna rannsóknar á málefnum Exista yfir Lýði Guðmundssyni er lokið í bili. Hann var yfirheyrður í húsnæði Ríkislögreglustjóra við Skúlagötu. Gestur Jónsson, lögmaður Lýðs, vildi ekkert tjá sig um málið þegar fréttastofa hafði samband við hann.

Stóð tíu metrum frá Þistilfjarðarbirnunni - myndir

„Manni brá svolítið en ég var ekkert hrædd,“ segir Svanhvít Geirsdóttir, ábúandi á Sævarlandi í Þistilfirði, en hún tilkynnti til lögreglunnar um Ísbjörn sem nú hefur verið felldur. Í ljós kom að um birnu var að ræða en hún var ekki horuð og í góðu ásigkomulagi.

Upplýsingavefur um þjóðaratkvæðagreiðsluna

Upplýsingavefur dómsmála- og mannréttindaráðuneytisins um framkvæmd þjóðaratkvæðagreiðslunnar um Icesave lögin sem fer fram 6. mars næstkomandi hefur verið opnaður. Á vefnum, sem hefur slóðina www.kosning.is, er að finna fróðleik og hagnýtar upplýsingar er lúta að framkvæmd þjóðaratkvæðagreiðslunnar.