Meðmælaganga leikskólastjórnenda á fund borgarstjóra

Meðmælaganga þar sem mælt er með því að Reykjavíkurborg endurskoði sameiningar- og niðurskurðartillögur á leikskólum verður haldin í dag. Fyrir göngunni standa leikskólastjórnendur og aðstoðarleikskólastjórnendur í borginni sem ganga á fund borgarstjóra í hádeginu.

Ætlar að þvera Ísland á snjódreka - á einum degi

Franski ofurhuginn Jerome Josserand ætlar sér að þvera Ísland á fimmtudaginn kemur á aðeins einum degi. Jerome er atvinnumaður í því að láta stóran flugdreka draga sig eftir mjöllinni, en fyrirbærið er kallað „snowkiting" upp á ensku. Hann á meðal annars heimsmetið í stökki á slíku tæki en hann fór um 450 metra í einu stökki.

Baráttudagur kvenna

Alþjóðlegur baráttudagur kvenna, 8. mars, er 100 ára í ár. Fjöldi viðburða er víða um land vegna þessa.

Vill endurskoða skilmála lána

„Nýja stjórnin mun reyna að endursemja um samkomulagið sem náðist við Evrópusambandið og Alþjóðagjaldeyrissjóðinn,“ sagði Enda Kenny, leiðtogi Fine Gael, sem verður næsti forsætisráðherra Írlands.

Enn hækkar bensínið

Stóru olíufélögin þrjú hafa hækkað verðið á eldsneytislítranum um fimm krónur og kostar lítrinn af 95 oktana bensíni nú yfirleitt það sama hjá þeim öllum, eða 231,90. Dísellítrinn kostar 236,80 hjá sömu aðilum. Hjá Orkunni er lítrinn af 95 oktana bensíni á 225.60 krónur og Atlantsolía rukkar 225.70. Sama gerir ÓB.

Steinþór með lægstu bankastjóralaunin

Steinþór Pálsson bankastjóri Landsbankans er launalægstur bankastjóra stóru viðskiptabankanna. Hann hefur tæplega 1,1 milljón króna á mánuði, að því er fram kemur í úrskurði kjararáðs frá því í febrúar á síðasta ári, og er ekki hálfdrættingur við Birnu Einarsdóttur, bankastjóra Íslandsbanka, sem er með 2,6 milljónir á mánuði. En hún er hinsvegar liðlega hálfdrættingur við Höskuld Ólafsson, bankastjóra Arion banka, sem er með 4,3 milljónir á mánuði, eða tæplega fjórfalt hærri laun en bankastjóri Landsbankans.

Slökkviliðið bjargaði innbrotsþjófi sem festist í glugga

Slökkviliðið í Osló var kallað út í morgun til þess að koma innbrotsþjófi til bjargar. Lögreglan kom að manninum þar sem hann var fastur í kjallaraglugga sem hann hafði reynt að skríða inn um. Ekkert gekk að losa hann og var gripið til þess ráðs að kalla út slökkviliðið með stórvirkari verkfæri. Eftir klukkutíma aðgerð var maðurinn enn pikkfastur en loks tókst að losa manninn, sem er svokallaður góðkunningi lögreglunnar í Osló. Hann var fluttur með hraði á sjúkrahús enda orðinn kaldur og þrekaður eftir prísundina.

Öflug sprenging í Pakistan - sautján látnir hið minnsta

Að minnsta kosti sautján létust í mikilli sprengingu á bensínstöð í Pakistan í morgun. Óljóst er hvað olli sprengingunni en að minnsta kosti 35 slösuðust til viðbótar við þá sem létust. Myndir frá svæðinu sýna að nærliggjandi hús hrundu við sprenginguna og bifreiðar brunnu til kaldra kola. Óstaðfestar heimildir BBC herma að um sjálfsmorðssprengjuárás hafi veið að ræða.

Charlie Sheen ætlar í mál

Hæst launaði sjónvarpsleikari Bandaríkjanna, Charlie Sheen ætlar að kæra fyrrverandi vinnuveitendur sína sem ráku hann í gærkvöldi. Warner Bros, sem framleiðir vinsælu gamanþættina Two and a Half Men, tilkynnti um brottreksturinn í gærkvöldi.

Barbie gefst upp á Kínverjum

Leikfangarisinn Mattel hefur lokað einni stærstu Barbie búð veraldar í Shanghai í Kína aðeins tveimur árum eftir að hún opnaði. Búðin tók til starfa á fimmtugsafmæli Barbie og var Búðin á sex hæðum. Ætlunin var að koma til móts við minnkandi sölu á á dúkkunni á Vesturlöndum með því að kynna hið víðfræga vörumerki í Kína. Salan náði hinsvegar aldrei flugi og segja sérfræðingar ástæðuna einfaldlega vera þá að Kínverjar viti ekkert hver þessi Barbie sé.

Lögreglan rakti spor þjófsins í snjónum

Þjófar brutust inn í raftækjaverslunina Max í Kauptúni í Garðabæ í morgun og voru á leið út úr versluninni með 32 tommu flatskjá, þegar styggð kom að þeim og þeir skildu fenginn eftir á flóttanum. Þeir komust undan og er nú leitað. Um svipað leiti var brotist inn í Bykó við Fiskislóð og þaðan stolið raftækjum og símbúnaði. Lögregla rakti spor þjófsins , sem fannst á heimili sínu ásamt þýfinu. Hann gistir nú fangageymslur.

Íbúar Breiðholts óánægðir með breytingar í skólakerfinu

Íbúafundur, sem haldinn var í var í Gerðubergi í Breiðholti í gærkvöldi skorar á borgarráð að falla frá fyrirhuguðum sameiningar- og breytingaáformum í leikskólum og grunnskólum hverfisins. Fundarmenn telja að hugmyndirnar séu byggðar á hæpnum og illa ígrunduðum og illa rökstuddum forsendum. Þá telja fundarmenn að skort hafi á samráð við foreldra og starfsmenn og stjórnendur viðkomandi stofnana, við gerð tillagnanna.

Átján féllu í bardaga í Mexíkó

Að minnsta kosti átján féllu í byssubardögum á milli eiturlyfjagengja í norðausturhluta Mexíkó í nótt að því er lögreglan segir. Fregnir hafa borist af því að í bænum Abasolo hafi byssumenn keyrt um á jeppum og skotið á hvern annan í gríð og erg. Ríkið Tamálípas hefur verið miðpunktur uppgjörs tveggja stórra klíka í landinu, Zetanna og „Flóabandalagsins“, sem berjast um yfirráðin yfir smyglleiðum til Bandaríkjanna. Í bænum Abasolo hefur vald þeirra verið svo mikið að lögreglustjóra hefur vantað í bæinn um margra mánaða skeið.

Stálprammi á reki út af Snæfellsnesi

Óþekktur prammi úr stáli er á reki út af Dritvík á Snæfellsnesi og stafar sjófarendum mikil hætta af honum þar sem hann marar nánast hálfur í kafi.

Bandaríkjamenn útiloka ekki afskipti

Bandaríkjastjórn og Atlantshafsbandalagið eru að skoða möguleika þess að grípa með hervaldi inn í atburðarásina í Líbíu, þar sem Múammar Gaddafí situr sem fastast en uppreisnarsveitir hafa náð stórum hluta landsins á sitt vald.

Forsetinn fjölgar utanlandsferðunum

Forseti Íslands var tæplega 80 daga á ferðalögum erlendis á síðasta ári og hefur verið 22 daga erlendis af 66 á þessu ári. Ferðadögunum fækkaði verulega í kjölfar bankahrunsins haustið 2008 en hefur nú fjölgað aftur.

Púðursnjór í borginni

Töluvert snjóaði á höfuðborgarsvæðinu í alla nótt og var djúpur jafnfallinn snjór yfir öllu snemma í morgun, en vindur fremur hægur þannig að lítið dró í skafla. Snjórinn er líklega að minnsta kosti 15 sentímetra djúpur, en veðurstofan mælir dýptina ekki fyrr en klukkan níu.

Samningi um dvöl á leikskólum sagt upp

Leikskólasvið Reykjavíkurborgar hefur sagt upp samningi um leikskóladvöl barna sem flytjast milli leikskóla á höfuðborgarsvæðinu.

407 milljónir fyrir svæfingar 2009

Sjúkratryggingar Íslands greiddu 407 milljónir fyrir svæfingar árið 2009. Alls voru framkvæmdar 17.242 svæfingar á Landspítalanum á síðasta ári, sem voru flestar tengdar við skurðaðgerðir, eða um 12.700.

Ráðherra vill fleiri og minni svínabú

Of fá og of stór svínabú eru í landinu að mati Jóns Bjarnasonar, sjávarútvegs- og landbúnaðarráðherra.

Úrræðum fyrir börnin ábótavant

Börn með ADHD verða oft á tíðum fyrir fordómum og dregið hefur úr stuðningsúrræðum innan skólanna fyrir börn með hegðunar- og þroskafrávik. Þetta er mat fimm barna- og unglingageðlækna á BUGL, sem Læknablaðið greinir frá.

Ekki skatta á almenningssamgöngur

Fyrirhugaður starfshópur ríkisstjórnarinnar um viðbrögð við verðhækkunum á eldsneyti mun meðal annars skoða eflingu almenningssamgangna í samstarfi við sveitarfélög landsins.

Leitað að bestu blaðaauglýsingunni

Sameinuðu þjóðirnar í Evrópu hleypa af stokkunum í dag, á Alþjóðlegum baráttudegi kvenna, samkeppni um bestu blaðaauglýsinguna til höfuðs ofbeldi gegn konum.

Virði eigna bankans jókst um 135 milljarða

Mat á verði eigna Kaupþings banka jókst um 135 milljarða króna á árinu 2010. Hækkunin nemur 17 prósentum. "Þá hefur verið leiðrétt fyrir áhrifum vegna 12 prósenta styrkingar á gengi krónunnar á tímabilinu,“ segir í tilkynningu skilanefndar bankans.

Charlie Sheen rekinn úr Two And A Half Men

Kvikmyndaframleiðandinn Warner Bros. hefur rekið leikarann Charlie Sheen úr sjónvarpsþáttunum Two And A Half Men.

Vilja ekki sameiningu skóla í Breiðholti

Ríflega 200 foreldrar leik- og grunnskólabarna í Breiðholti mættu á íbúafund í kvöld vegna tilagna um sameiningu skóla á svæðinu.

Listaverk úr snyrtivörum íslenskra kvenna á uppboði

Uppboð stendur yfir á verkum íslenskra listakvenna sem þær unnu úr snyrtivörum sem konur gáfu til gjörningsins Litróf íslenskra kvenna. Allur ágóði af uppboðinu rennur óskiptur til Stígamóta fyrir þolendur mansals og vændis.

Vantaði far heim - stal sjúkrabíl

Shane Hale, tuttugu og sex ára gamall maður frá Kentucky í Bandaríkjunum vantaði að komast heim til sín á dögunum. Hann fór heldur óhefðbundna leið heim, svo vægt sé tekið til orða.

Auglýsa þjóðaratkvæðagreiðsluna

Innanríkisráðuneytið hefur birt auglýsingu um þjóðaratkvæðagreiðsluna sem fer fram þann 9. apríl um Icesave-lögin, sem Alþingi samþykkti 16. febrúar síðastliðinn en forseti Íslands vísaði í þjóðaratkvæðagreiðslu. Atkvæðagreiðsla utan kjörfundar hefst þann 16. mars.

Krafinn um mánaðarlega greiðslu til að vera öruggur um dóttur sína

Ögmundur Jónasson, innanríkisráðherra, sagði í Kastljósi í kvöld að hann vissi um mann sem var krafinn um að borga greiðslu mánaðarlega til glæpahóps svo dóttir hans yrði ekki fyrir alvarlegum miska.

Fluttur á slysadeild eftir árekstur

Einn ökumaður var fluttur á slysadeild með minniháttar áverka eftir árekstur á Austurvegi á Selfossi, rétt hjá lögreglustöðinni, um klukkan sjö í kvöld.

Maðurinn fundinn

Maðurinn sem lögreglan á höfuðborgarsvæðinu lýsti eftir í dag er kominn í leitirnar. Í tilkynningu frá lögreglu var óskað eftir því að ná tali af manninum vegna máls sem hún hefur til rannsóknar.

Börnin í umsjá föður þrátt fyrir ásakanir um ofbeldi

Hæstiréttur hefur staðfest úrskurð Héraðsdóms Austurlands sem féllst um daginn á kröfu föður um að þrjár dætur hans verði færðar úr umsjá móður þeirra og til hans.

Afkoma bankanna úr takti við allt annað

Forsvarsmenn viðskiptabankanna þriggja munu mæta á fund viðskiptanefndar Alþingis í fyrramálið til að ræða ársreikninga og afkomu bankanna. Guðlaugur Þór Þórðarson, þingmaður Sjálfstæðisflokksins, óskaði eftir því að efnt yrði til fundarins.

Halda alþjóðadag hátíðlegan

Félag kvenna í atvinnurekstri (FKA) efnir til hátíðarhalda á morgun í tilefni alþjóðadags kvenna. Hátíðin fer fram á Grand hóteli frá klukkan 17 til 19. Allar konur eru velkomnar ásamt gesti.

Vill að ríkið sendi skýr skilaboð og afnemi ábyrgð á innistæðum

Forseti ASÍ vill að stjórnvöld sendi bönkunum skýr skilaboð vegna ofurlauna og afnemi ríkisábyrgð á innistæðum. Forsætisráðherra segir framferði bankastjóra Arion banka og Íslandsbanka óþolandi ögrun og beina ógn við stöðugleika og frið í samfélaginu.

Óskar eftir vitnum að umferðarslysi

Lögreglan á höfuðborgarsvæðinu óskar eftir vitnum að umferðarslysi sem varð á mótum Arnarhrauns og Smyrlahrauns í Hafnarfirði sl. föstudagsmorgun, 4. mars, rétt fyrir kl. ellefu, eða 10.48. Þar var ekið á gangandi vegfaranda en ökumaðurinn fór strax af vettvangi án þess að skeyta um hinn slasaða.

Keyrði á gangandi vegfaranda og stakk af

Lögreglan á höfuðborgarsvæðinu óskar eftir vitnum að umferðarslysi sem varð á mótum Arnarhrauns og Smyrlahrauns í Hafnarfirði síðastliðinn föstudagsmorgun klukkan tólf mínútur í ellefu.

Ekki senda afdankaða þingmenn

Varaforseti Evrópuþingsins, Diana Wallis, segir þingið stöðugt sækja í sig veðrið og fulltrúar þar hafi æ meiri pólitíska vikt. Áður loddi við þingið að þangað settust stjórnmálamenn í helgan stein.

Nafn drengsins sem lést

Drengurinn sem lést á sveitabæ á Mýrum í Borgarbyggð í fyrradag hét Kristófer Alexander Konráðsson. Hann var á sjötta aldursári, fæddur 6. júlí árið 2005. Foreldrar Kristófers Alexanders eru Ásrún Harðardóttir og Konráð Halldór Konráðsson. Þau búa að Flétturima 24 í Grafarvogi.

Einungis brot af fénu fundið

Enn hefur ekki tekist að finna nema brot af þeim fjármunum sem sviknir voru út úr virðisaukaskattskerfinu snemma á síðasta ári í einu umfangsmesta fjársvikamáli Íslandssögunnar. Lögreglan rannsakar enn málið, segir Jón HB Snorrason saksóknari hjá lögreglunni á höfuðborgarsvæðinu.

Le Pen yrði efst í fyrstu umferð

Marine Le Pen, leiðtogi Þjóðfylkingarinnar í Frakklandi, gæti sigrað í fyrstu umferð frönsku forsetakosninganna á næsta ári ef marka má skoðanakönnun dagblaðsins Le Parisien sem birt var í gær.

Jens Línus Gauti rekur stefnumótasíðu fyrir einhleypa kattaeigendur

Einhleypur íslenskur karlmaður sem býr í Grikklandi hefur sett upp stefnumótasíðu fyrir einhleypa kattareigendur. Hann hafði verið að þróa hugbúnað fyrir samskipti þegar flækingsköttur gerði sig heimankominn hjá honum þegar hann fékk hugmyndina.

Yngsta amma heims aðeins 23 ára gömul

Yngsta amma heims er hin 23 ára gamla Rifca Stanescu. Rifka var aðeins 12 ára gömul þegar hún eignaðist dótturina Maríu í Rúmeníu. Hún ól dóttur sína upp í góðum siðum og vonaði að hún fylgdi ekki í fótspor sín þegar kæmi að barneignum. Hún lagði hart að Maríu að halda áfram í skóla en hún fór þó að heiman til þess að giftast aðeins tíu ára gömul.

Framkvæmdir gætu hafist með haustinu

Vinna við deiliskipulag lóðar nýja Landspítalans við Hringbraut í Reykjavík er vel á veg komin. Unnið er á grundvelli tillögu Spital-hópsins sem varð hlutskörpust í samkeppni um hönnun spítalans.