Blóðið rennur eftir því sem stundin nálgast

Ísraelar hafa samþykkt að fara að vopnahléstilmælum Öryggisráðs Sameinuðu þjóðanna en áskilja sér rétt til að ráðast á hisbolla-skæruliða í sjálfsvörn. Flugskeytum hisbolla hefur rignt yfir Ísrael í dag og loftárásir Ísraela hafa orðið tugum manna að bana í Líbanon. Blóðugar orrustur áttu sér stað víðs vegar um suðurhluta Líbanons í dag.

Ástarvikan sett í þriðja sinn

Ástareldurinn mun loga í hjónaherbergjum Bolvíkinga næstu dagana en ástarvikan var sett í þriðja sinn í dag. Eins og áður er markmið bæjarhátíðarinnar meðal annars að hvetja bæjarbúa til frekari barneigna til að fjölga íbúum Bolungavíkur.

Lagði árar í bát

Sjósundkappinn og listamaðurinn Benedikt Lafleur lagði árar í bát í sjósundi sínu í gærkvöldi þegar myrkur og skyggni var farið að hamla för. Að sögn Benedikts sögðust björgunarsveitarmenn ekki lengur geta tryggt öryggi hans í myrkrinu.

Vegleg gjöf

Forsætisráðherra afhenti Hóladómkirkju á Hólahátíð í dag rita- og bókasafn sr. Ragnars Fjalars Lárussonar prófasts til varðveislu og sýningar. Þetta er gjöf íslenska ríkisins í tilefni af 900 ára afmæli biskupsstóls og skóla að Hólum í Hjaltadal. Í safninu eru 486 guðfræðirit auk ýmissa annarra merkra rita og bóka, margar hverjar prentaðar í Hólaprentsmiðju við upphaf prentlistar á Íslandi.

Halda áfram að sprengja

Ísraelsstjórn segist geta haldið áfram að varpa sprengjum á hisbolla skæruliða í suðurhluta Líbanons, þrátt fyrir vopnahléð sem Öryggisráð Sameinuðu þjóðanna hefur samþykkt og stjórnin sjálf féllst á í hádeginu í dag.

Stríðinu ekki lokið

Bretar munu líklega búa við langvarandi og alvarlega hryðjuverkaógn að sögn innanríkisráðherranum. Hann segir að þó orrustan hafi líklega unnist þá sé stríðið ekki á enda.

Fundnir hraktir í morgun

Tveir menn sem björgunarsveitir leituðu í gærkvöldi og í nótt fundust kaldir og hraktir, en heilir á húfi, um klukkan half fimm í morgun. Nokkkur viðbúnaður var við leitina en sex björgunarsveitir tóku þátt auk þess sem leitarhundar voru á leið á svæðið sem og þyrla Landhelgisgæslunnar þegar mennirnir fundust.

Fluttur á slysadeild með lausar framtennur

Flytja þurfti mann á slysadeild eftir að nokkrar framtennur hans losnuðu í slagsmálum á skemmtistað í miðborginni í nótt. Nokkur ölvun var í miðbænum og þurfti lögreglan að hafa afskipti nokkrum.

Grunaður um að vera undir áhrifum lyfja

Tveir fólksbílar lentu saman á Bústaðarveginum í gærkvöldi. Ökumaður annars fólksbílsins er grunaður um að hafa verið undir áhrifum lyfja. Bílstjórarnir voru einir í bílunum og þurfti annar þeirra að leita á slysadeild vegna eymsla.

Eltu ökumann og farþega á hlaupum

Lögrelgan í Reykjavík reyndist sneggri í gær en ökumenn og farþegar bíls sem reyndu að stinga hana af. Eltingaleikurinn hófst í miðbænum nótt þar sem lögreglan mældi bíl fólksins á nítíu og níu kílómetra hraða, þar er hámarkshraði 60 kílómetrar.

Ísraelsstjórn segist geta haldið áfram að varpa sprengjum á hisbolla skæruliða í suðurhluta Líbanons, þrátt fyrir vopnahléð sem Öryggisráð Sameinuðu þjóðanna hefur samþykkt og stjórnin sjálf féllst á í hádeginu í dag.

Ísraelar samþykkja vopnahlé

Ríkisstjórn Ísraels samþykkti á fundi sínum í morgun að fara að tilmælum öryggisráðs Sameinuðu þjóðanna um vopnahlé. Það mun taka gildi klukkan 5 í nótt að íslenskum tíma. Ísraelar krefjast þess ennfremur að tveimur hermönnum sem rænt var fyrir rúmum mánuði síðan verði skilað. Tzipi Livni, utanríkisráðherra Ísraels, tilkynnti þetta á blaðamannafundi.

Hætti sjósundinu í myrkri og lélegu skyggni

Sjósundkappinn og listamaðurinn Benedikt Lafleur lagði árar í bát í sjósundi sínu í gærkvöldi þegar myrkur og skyggni var farið að hamla för. Að sögn Benedikts sögðust björgunarsveitarmenn ekki lengur geta tryggt öryggi hans í myrkrinu. Hann segist þó sáttur við sundið og mjög dýrmæta reynslu að nú hafi hann náð tökum á að nærast á sundi án óþæginda.

Kastró allur að koma til á áttræðisafmælinu

Dagblað á Kúbu segir að Fídel Kastró sé allur að skríða saman en í dag er áttræðisafmæli einræðisherrans. Hátíðarhöldum vegna afmælis hans hefur hins vegar verið frestað þar til í desemberbyrjun þegar einnig verður haldið upp á 50 ára afmæli byltingar kommúnista á Kúbu.

Búast við samþykki Ísraelsstjórnar

Fastlega er gert ráð fyrir því að ísraelska stjórnin fallist formlega á ályktun Öryggisráðs Sameinuðu þjóðanna um vopnahlé í Líbanon á reglubundnum ráðherrafundi í dag. Búist er við að Ísraelar hætti hernaðaraðgerðum í Líbanon klukkan fimm í nótt, að íslenskum tíma.

Telja sig hafa náð höfuðpaur Al Kaída í Bretlandi

Breska blaðið The Times hefur eftir háttsettum mönnum í bresku leyniþjónustunni að meðal þeirra sem handteknir voru í Bretlandi í síðustu viku vegna gruns um að ætla að fremja hryðjuverk sé höfuðpaur Al Kaída í Bretlandi.

Slökkvilið kallað að Alþingishúsinu

Sjúkrabílar, slökkvilið og lögregla voru kölluð að Alþingishúsinu á níunda tímanum í morgun. Ástæðan var tilkynningu um reyk sem barst frá Alþingi og kom í ljós að rafmagnsspennar höfðu brunnið yfir.

Tafir á breskum flugvöllum

Flugfélög í Bretlandi segja að umferð um breska flugvelli sé í uppnámi vegna nýrra öryggisreglna. Flugfélögin segja að fyrirtækið sem rekur flugvellina - BAA - hafi ekki fjárfest nægilega í öryggisbúnaði og því einkenni hægagangur og tafir alla starfsemi flughafna.

Öryggisráð SÞ samþykkir ályktun um vopnahlé

Öryggisráð Sameinuðu þjóðanna hefur samþykkt vopnahlésályktun um átökin í Líbanon. Leiðtogi Hizbollah segist ætla að virða vopnahléið fari Ísraelar frá Líbanon. Ísraelar sækja fram af auknum krafti í S-Líbanon.

Herþoturnar farnar fyrir fullt og allt

Ísland varð frá og með gærdeginum án sýnilegra loftvarna, í fyrsta sinn í rúma hálfa öld. Síðustu þrjár herþotur varnarliðsins flugu af landi brott í gær.

Lula ánægður með efnahaginn

Efnahagur Brasilíu stendur nú styrkum fótum og er óháður erlendri aðstoð. Þetta segir forseti Brasilíu sem hóf í gær baráttu sína fyrir endurkjöri.

Ísraelar hætta að sprengja í Líbanon á mánudag

Ísraelar segjast ætla að hætta hernaðaraðgerðum í Líbanon á mánudag. Þeir sækja nú fram með mikinn liðsafla að Litani-ánni, sem skilur að norður- og suðurhluta landsins, þrátt fyrir ályktun Öryggisráðs Sameinuðu þjóðanna í gærkvöldi um vopnahlé. Að minnsta kosti tuttugu Líbanar létu lífið í árásum Ísraela í dag og sjö ísraelskir hermenn féllu í átökum við Hizbolla-skæruliða.

Mikil stemming í Gleðigöngunni

Yfir þrjátíu þúsund manns flykktust niður í miðbæ Reykjavíkur í dag til að fylgjast með Gleðigöngu samkynhneigðra. Litadýrðin, tónlistin og dansarnir mynduðu sannkallaða karnivalstemningu.

Ísraelar sækja fram í Líbanon

Ísraelar hafa þrefaldað liðsstyrk sinn í Suður-Líbanon, þrátt fyrir að öryggisráð Sameinuðu þjóðanna hafi á fundi sínum í nótt samþykkt áætlun um vopnahlé.

Sjósundgarpur býr sig undir Ermarsundið

Sjósundkappinn og listamaðurinn Benedikt Lafleur lauk fyrsta hluta af þreksundi sínu í kringum Reykjavík í dag. Hann synti frá Bryggjuhverfinu í morgun og kom í land í Örfirisey um hádegisbil.

Fanginn fundinn

Lögreglan í Reykjavík fann fyrr í dag strokufangann af Litla Hrauni sem leitað hefur verið. Hann strauk með því að smeygja sér útum glugga á meðan hann var í læknisheimsókn í Reykjavík. Samkvæmt upplýsingum frá lögreglu hafði hann aflitað hár sitt og klippt það stutt. Maðurinn fannst í heimahúsi í Hlíðahverfi og veitti ekki mótþróa þegar lögrögla kom á staðinn.

Hræfnykur í grasagarðinum í Brooklyn

Mikinn fnyk leggur nú um grasagarðinn í Brooklyn í New York vegna hræblóms sem blómstraði þar í gærkvöldi. Nafnið á blóminu er verðskuldað því lyktin af því þykir helst minna á rotnandi hræ og er plantan almennt viðurkennd sem verst lyktandi blómplanta í heimi. En þó mannfólkið fúlsi við lyktinni sækja skordýr mjög í hana.

Hátt í 200 fallnir í átökum á Sri Lanka í dag

Stjórnarherinn á Sri Lanka ræðst nú gegn Tamíltígrum á Sri Lanka með auknu afli. Heryfirvöld áætla að yfir 150 tígrar hafi látið lífið í átökum hersins og skæruliða á Jaffna-skaganum í norðurhluta landsins í morgun. Átök halda einnig áfram á austurströndinni, meðal annars í Batticaloa og fyrir ströndum Trincomalee.

Leitað að tengslum hryðjuverkamanna við Bandaríkin

Bandarískir leyniþjónustumenn eru nú að fara yfir bresk njósnagögn til að athuga hvort Bretarnir sem hugðu á hryðjuverk höfðu einhver tengsl í Bandaríkjunum. Engar vísbendingar hafa þó enn fundist um að svo sé.

Kveikt í tveimur strætóskýlum

Kveikt var í tveimur strætóskýlum í nótt og eru þau mikið skemmd. Slökkviliðsmenn fá reglulega útköll þar sem kveikt hefur verið í strætóskýlum.

Strokufanga leitað

Lögregla leitar enn fanga sem strauk úr læknisheimsókn á þriðjudag. Fanginn, sem var vistaður á Litla Hrauni, heitir Hilmar Ragnarsson og er 43 ára. Hann komst undan lögreglu með því að smeygja sér út um glugga á salerni. Hilmar er dökkhærður og grannvaxinn og var klæddur í dökka úlpu, dökkar buxur og ljósa skó. Þeir sem verða varir við hann eru beðnir að hringja í lögregluna í Reykjavík.

Verðbólga mælist 8,1%

Vísitala neysluverðs nú í ágúst er 264 stig og hækkaði um 0,34 prósent frá því í júlí.

Með bitsár á hálsinum

Tvítug stúlka varð fyrir óhugnanlegri líkamsárás á illa upplýstum göngustíg í Breiðholtinu. Árásar­maðurinn réðst aftan að stúlkunni, reyndi að nauðga henni og beit hana í hálsinn.

Barist um sætin á þingi Framsóknar

Fleiri en eitt framboð hefur borist til allra þriggja æðstu embætta Framsóknarflokksins, sem kosið verður í á flokksþinginu 19. ágúst. Barátta var um sæti á þinginu að sögn formanns framsóknarfélagsins í syðra Reykjavíkurkjördæmi.

Það á enginn neitt í pólitík

Jónína Bjartmarz umhverfisráðherra segist leggja áherslu á mikla varfærni í umgengni við náttúruna og vill ná víðtækri sátt um hvaða landsvæði verði friðlýst og hvaða auðlindir eigi að nýta. Hún útilokar ekki að tekið verði upp annað skattþrep til að sporna við vaxandi misskiptingu tekna í samfélaginu. Jónína býður sig fram til embættis varaformanns Framsóknar­flokksins á flokksþinginu um aðra helgi.

Ofurlaun

Það er staðreynd, sem stundum er vanmetin, að sumir hafa meiri áhuga á peningum en aðrir. Margt fólk leitar annars í lífinu en að eiga ofsalega mikið fé, þótt flestir vilji jú eiga nóg að bíta og brenna. Sumir telja veraldlegan auð mikinn hégóma. Aðrir eru kapítalistar. Kapítalisti er samkvæmt minni skilgreiningu manneskja sem á nóga peninga, en vill samt alltaf meira. Þannig eru sumir kapítalistar, en aðrir ekki. Nákvæmlega eins og sumir eru alkóhólistar, en aðrir ekki. Alkóhólisti drekkur alltaf meira en hann þarf.

Hýrir skrýðast

Opnunarhátíð Hinsegin daga fór fram í gærkvöldi. Hátíðin er haldin hér á landi í áttunda sinn. Hátíðin, sem nefnist Gay Pride á ensku, er ein af stærstu útihátíðum borgarinnar á hverju ári.

Eimskip hafði fengið viðvörun

Meðal efnis í kæru Samskipa til samkeppnisyfirvalda í ágúst 2002 var að Eimskip stundaði undirboð og að verðskrár fyrir­tækisins væru óskýrar. Nú hillir undir lok rannsóknar yfirvalda og greindi Fréttablaðið frá því í gær að fyrstu niðurstöður gerðu ráð fyrir að Eimskip greiddi einn milljarð króna í sekt. Félagið hefur niðurstöðurnar til skoðunar og á eftir að koma að athugasemdum.

Útilokar ekki hátekjuskatt

Jónína Bjartmarz umhverfisráðherra útilokar ekki að taka verði upp hátekjuskatt að nýju til að sporna gegn vaxandi misskiptingu tekna í samfélaginu, auk þess sem endurskoða verði skattlagningu á fyrirtæki og fjármagnstekjur.

Engan vökva í handfarangri

Á Keflavíkurflugvelli er enn strangt eftirlit með farþegum á leið til Bandaríkjanna. Leitað er í handfarangri allra farþega, en blátt bann við handfarangri er ekki í gildi. Stranglega bannað er að ferðast með vökva í handfarangri á leið til Bandaríkjanna, en enn er heimilt að ferðast með rafeindabúnað til dægrastyttingar.

Tónlistarmenn ferðast með lest

Nýjar reglur um handfarangur í flugvélum neyða tónlistarmenn eins frægasta balletts Rússlands, Bolshoi-ballettsins, til að ferðast með lest frá Rússlandi til Bretlands vegna fyrirhugaðrar sýningar á Svanavatninu í Konunglega óperuhúsinu í London næstkomandi laugardag.

Seinustu F-15 þoturnar farnar

Síðustu þrjár F-15 þotur varnarliðsins í Keflavík fóru af landi brott í gærmorgun.

745 öryrkjar fá engan lífeyri

Öryrkjabandalag Íslands fer fram á að fallið verði frá þeirri ákvörðun lífeyrissjóða að skerða eða fella niður lífeyrisgreiðslur til öryrkja 1. nóvember.

Til skoðunar að heimila hvalveiðar

Sjávarútvegsráðuneytið kannar möguleika á því að hefja hvalveiðar í atvinnuskyni. Íslendingar eru ekki lengur skuldbundnir til þess að banna hvalveiðar. Málið verður líklega rætt innan ríkisstjórnarinnar á næstunni.

Fleiri eru grunaðir um aðild

Par um tvítugt var handtekið í Flugstöð Leifs Eiríkssonar, rétt fyrir miðnætti á miðvikudagskvöldið, með um tvö kíló af kókaíni í fórum sínum.