Sport

Dag­skráin í dag: Doc Zone, tíma­taka og slagur í Bestu deildinni

Sindri Sverrisson skrifar
Það er alltaf mikið fjör og læti í Doc Zone og í dag er svo sannarlega nóg af viðburðum til að fylgjast með.
Það er alltaf mikið fjör og læti í Doc Zone og í dag er svo sannarlega nóg af viðburðum til að fylgjast með. Sýn Sport

Gleðin verður við völd í Doc Zone í dag þegar fimm leikir fara fram á sama tíma í ensku úrvalsdeildinni í fótbolta. Tímatakan fyrir Formúlu 1 keppnina í Monza og spennandi leikur Keflavíkur og Vals í Bestu deildinni eru einnig á meðal þess sem er á dagskrá.

Helgin er sérstaklega lífleg á sportrásum Sýnar og á meðal þess sem er í boði eru heilir sjö leikir í ensku úrvalsdeildinni.

Newcastle og Bournemouth ríða á vaðið klukkan 11:30 á Sýn Sport og þar hefst svo Doc Zone strax í kjölfarið, klukkan 13:40, þar sem Hjörvar Hafliðason verður með valinkunna andans menn með sér. Fimm leikir verða í ensku úrvalsdeildinni á þeim tíma en einnig æsispennandi lokaumferð í Lengjudeildinni.

  • Leikirnir klukkan 14 í enska:
  • Man. City – Coventry
  • Nott. Forest – Tottenham
  • Brentford – Sunderland
  • Brighton – Leeds
  • Fulham – Crystal Palace

Lokaleikur dagsins í enska boltanum er svo á milli Hull og Aston Villa klukkan 16:30.

Tímatakan í Formúlu 1 er á Sýn Sport Viaplay klukkan 14, og klukkan 16:15 hefst bein útsending frá leik Keflavíkur og Vals í Bestu deild karla, í lokaumferðinni fyrir skiptingu deildarinnar. Keflavík getur fest sér sæti í efri hlutanum og Valsmenn eiga von um sæti þar ef þeir vinna.

Upplýsingar um allar beinar útsendingar á sportrásum Sýnar má finna hér.

Dagskráin í dag

Mest lesið


Fleiri fréttir

Sjá meira


×

Mest lesið