Leyfa rúss­nesku íþróttafólki að keppa á ný

Framkvæmdastjórn Alþjóða ólympíunefndarinnar hefur ákveðið að aflétta með fyrirvara banni sem hefur verið í gildi síðan 2023. 

Engin ákvörðun hefur þó verið tekin um hvort Rússland megi nota fána sinn, fánaliti og þjóðsöng á Ólympíuleikunum.

Nokkrir rússneskir íþróttamenn kepptu sem hlutlausir aðilar á Ólympíuleikunum í París 2024 og á Vetrarólympíuleikunum í Mílanó og Cortina fyrr á þessu ári.

Alþjóða ólympíunefndin setti Rússland í bann í október 2023 vegna innrásarinnar í Úkraínu og fyrir vikið hefur rússneskt íþróttafólk ekki getað keppt á alþjóðlegum mótum síðustu árin.

Þótt Alþjóða ólympíunefndin sé búin að aflétta banninu á Rússland mun IOC ekki halda neina viðburði þar í landi né bjóða rússneskum embættismönnum á viðburði á vegum nefndarinnar.

Þá verður rússneskt íþróttafólk sem sækist eftir því að keppa á alþjóðlegum mótum að standast nokkur lyfjapróf og sýna sannan íþróttaanda, eins og kveðið er á um í Ólympíusáttmálanum, líkt og segir í yfirlýsingu IOC.